المساعد الشخصي الرقمي

مشاهدة النسخة كاملة : انا واولاد حلتنا وسهير ( الرجاء التعليق)


الصفحات : 1 [2] 3

abdella
06-04-2009, 05:42 PM
السلام عليكم ورحمة الله وبركاته
واخيرا بركه اني ان اقلقى دورسنقى
عبد الله اوع تقول بحبك خلى احاسيك براها توريها حبك
لكن فى حاجه ام البت اتخلعت ليه وبتسال عنك ليه
واصل بدون فواصل
حبيبنا كمال
الله يبارك فيك
لكن لسه المنقه ماجات

abdella
06-04-2009, 11:17 PM
صباح الخير
الرائع عبدالله
من أين أبداء لك
فأنت لم تترك لنا مجالا نتحدث فيه من حسن صياغتك لهذه القصة الجميلة التي اخذتنى إلى ذلك الزمان الجميل أيام الدراسة والأيام التي لا تنسى أبدا تلك هي احلي أيام الحياة بداية المعرفة وبداية تكوين الشخصية وبداية الحب يا لها من أيام وذكريات ليتها تعود يوما ونعود معها من عالمنا هذا الذي انشغلنا فيه بهموم الحياة التي يصعب علينا تحملها00 يا لها من قصة رائعة كروعة صاحبها تبدءا من الصباح الباكر بالذهاب إلى المدرسة والرجوع منها والشكل الذي يدور بين الطلاب وهم في طريقهم إلى منازلهم وخوف بعض الطلاب من البعض الآخر مثل خوفكم من (عباس)00 وسبحان الله يوجد في كل قرية (سبيل) على الطريق المؤدى إلى المدرسة مثل الذي ذكرته وتدور فيه أحداث وأحداث00 والذهاب إلى البحر بعد الرجوع من المدرسة مباشره والعوم واللعب داخل المياه وتظل الذكريات لمثل هذه الأمور لاتفارقك أبدا وهذه هي حياتنا في الريف لها طعم خاص 0 وكانت قصتك التي تدور أحداثها في الريف تزين سماءه بزينة المحبوبة سهير (ثهير) كما قال الحودة( البريد الممتاز) الذي نقل لك الخبر الجميل بعد أن تملكك الخوف واليأس من الظفر بسهير فكان وجه سعد عليك 0 وأنا أقراء في هذه القصة وكنت أتنقل معك بفكري وجسدي من شارع إلى شارع حتى في المدرسة كنت أتصور الحصص والأستاذ الذي يدرس الحصة والرجوع والذهاب إلى البحر وما أروع لحظة التلاقي مع سهير تحت أشجار النخيل وفي وقت الأصيل الشمس تميل إلى الغروب هذه أحلى أوقات تلاقى الاحبه وما أجمل هذه النظرات وما أروع أصحابكم اللذان انصرفا عنكم وتركوكم في أروع لحظات السعادة وانتم تتنقلون داخل هذه الحديقة الغناء 0 تركتني متلهفا جدا لهذه القصة الرائعة وسوف أظل متابعا 0000 (بس اعمل حسابك من معاوية لو عرف حا تكون حالتك حاله وكمان اعمل حسابك من صاحبك دا انا خايف تأخذه الغيرة وتبقى مشكلتك مشكلتين)
تحياتي لك وإلى حبيبتك (ثهير)
وإلى الطفل الرائع (حودة)
وإلى صاحبك وصاحبت (سهير)
في انتظار المتبقي

عزيزنا الرائع ود الخليفه
اشكرك من صميم اعماقى على كلمتك الرائعات فى حقى والتى اعتقد صادقا انى لا استحقها
اعجبتنى قراءتك للنص ايما اعجاب والتى ان دلت انما تدل على حسك المرهف وقديما قيل اننا نرى جمال الاشياء بمقدار الجمال الذى فينا ... فما اجملك
ختاما سانتظر مرورك كل يوم
مؤؤنه عام من الود

abdella
06-04-2009, 11:25 PM
دى الحروف فى وصفك انت
بتبقى ماياها الحروف
بتبقى زى عرس النجوم
ضوايه فى احلك ظروف

تحياتى
الصديقه الرائعه قوت
اهيك هذا المقطع الذى هو من تاليفى
لقيتك خطيره
بتعرفى ترسمى ترسمى شامه وضفيره
وتعرفى تبقى بدايه الكلام
وتعرفى جدا تبقى الاخبره
و.......
و................
مودتى اليك اظنها لاتحتاج الى قول

abdella
06-04-2009, 11:31 PM
مساء الخير

الممتع عبدالله

يا يوم بكره ما تسرع

والله الواحد بقى مهتم بيوم بكره اكتر منك

لكن الصاحبه ياتكون زي (عبير) دي يا ما تكون

لكن صاحبك دا معاك طوال وحتى هذه اللحظه لم تذكر اسمه ما السبب

لم تقل لها احبك لفظا وقد تتعطل لغة الكلام فى حضرة من تحب و تبداء لغة العيون

كما قال امير الشعراء (احمد شوقى ) وتعطلت لغة الكلام وخاطبت عيني فى لغة الهوى عيناك

وهى تعتبر أجمل واروع اللغات للمخاطبه فى هذه اللحظات وان كنت قلتها لفظا كنت سوف اقول لك انك

لم تحبها ابدا 000000 وسوف ننتظر ونرى فى الحلقة القادمه كيف تنام هذه الليله وكيف تلتقى بها غدا

تحياتى لك عبدالله ومعشوقتك (سهير )

والتحيه الى صاحبك والرائعه (عبير)

وبكره احلــــــــــــــــــــى

مره اخرى التحيه لك ياصاحب الحرف الانيق
والقراءه الرائعه
مرورك من هنا انقشه على دفتر الذاكره فى باب الرائعين
شكرا لانك تشد عصب الحروف
مودتى لك

abdella
06-04-2009, 11:33 PM
افتقد
جدا
جدا
جدا
جدا
صديقى الرائع
عادل الاسد

وعد دنقلا
07-04-2009, 01:15 AM
الرائع حد الدهشة ـــ عبد الله ـــ


حاولت أن ازاوج بين الحرو ف
لتاتي صياغتها بما يليق وجمال رسمك هنا
لكنها استعصت علي فلم اجد ما اقوله امام ابداعك سوى

من يقذف الحرف الجميل على الجميل
سواك..يلقي بالجنون على الجنون

بانتظار ...الابداع الآتي...
وعد دنقلا

abdella
07-04-2009, 01:57 AM
[QUOTE=وعد دنقلا;152537][color=#660066][size=5][align=center]الرائع حد الدهشة ـــ عبد الله ـــ


حاولت أن ازاوج بين الحرو ف
لتاتي صياغتها بما يليق وجمال رسمك هنا
لكنها استعصت علي فلم اجد ما اقوله امام ابداعك سوى

من يقذف الحرف الجميل على الجميل
سواك..يلقي بالجنون على الجنون

بانتظار ...الابداع الآتي...
وعد اولا ...
وثانيا
و
و
بكل حروف لغات الدنيا اسعدنى مروركم الاول
صدقا ... اجمل من كتاباتى حضوركم الانيق
شكرا ...
لكونكم اتيتم
شكرا
لانكم جملتم المكان باحرفكم
وشكرا
وشكرا
والف شكر
فى البدء مودتى وفى الختام ومابينهما برازخ من الموده

kamal ali
07-04-2009, 06:29 AM
السلام عليكم ورحمة الله وبركاته
وييييين يا عبد الله اليوم
نمشى ونجى سا كت فى الصفحه ونزيد عدد المشاهدين
واصل بدون فواصل

قوت القلوب
07-04-2009, 02:01 PM
تقول شنو ياكمال ياخوى
الحكايه بقت زي بير المويه مره فاضى ومره مليان
تكون خاتى احتمال كبير تجى ماتلقى مويه
وكان اتاخرنا لومونا
نعمل شنووووو؟
تحياتى

abdella
07-04-2009, 07:49 PM
السلام عليكم ورحمة الله وبركاته
وييييين يا عبد الله اليوم
نمشى ونجى سا كت فى الصفحه ونزيد عدد المشاهدين
واصل بدون فواصل
الجميل كمال
نعمل ايه حبه ظروف
مودتى

abdella
07-04-2009, 07:51 PM
تقول شنو ياكمال ياخوى
الحكايه بقت زي بير المويه مره فاضى ومره مليان
تكون خاتى احتمال كبير تجى ماتلقى مويه
وكان اتاخرنا لومونا
نعمل شنووووو؟
تحياتى
هاك شويه مويه
عشان ماتزعلى

abdella
07-04-2009, 07:55 PM
قلت ... يازول بكره الله كريم
قال صاحبى وقد بدت عليه علامات الغيظ
وفى زول قال ليك الله ماكريم ثم اردف قائلا .. ماخلاص ضمنت وحتقعد تعمل لى حركاتك دى لكن والله تلقاها عند الغافل اوعى تحاول تستعرض على والله امشى ادى معاويه طرف الشمار بكره ماتلم فى سهير ولا فى صحبته حواء الطقطاقه ديك (كان يعنى عبير )
ضحكت وانا اضع ساعدى على كتفه واقول
يااخى انت زعلت ولا شنو ياااخ انا قصرت معاك مااديتك صاحبته
قال مقاطعا ... خد ... والله محن يازول انت لا اديتنى ولا حاجه انت كلن داير شيل الاتنين حلال عليك والله انا ابارى البت الجنريتر دى تودينى احمد قاسم
يازول احمد قاسم ده منو ... قلت
اجاب ... يااخ انا عارف ليك يمكن مستشفى المجانين
ضحكت بشده وانا اقول
يااخ ماتزعل يمين انت عندى اهم من اى زول وانا ممكن اديك عيونى زاتا
قال مبتسما
يازول الحنك بتاع لسان العرب ده مابشيل فوقى خلينا من عيونك زح من سهير
قلت بسرعه
يااخ انت كمان ماتبالغ عيونى ممكن لكن سهير مستحيل
قال
يازول حلال عليك الاتنين كان على سهير بعد الليله مافى فيها طريقه وكان على عيونك مادايرن .. اوديهم وين اذا انت سيدم ماشايف بيهم ...
قالها وهو يركض امامى متوفعا رده فعلى فلاكضت خلفه شاتما اياه بلفظه نابيه حتى مشارف الحله
حيث ذهب كل منا الى داره
لم تمر على تلك الليله بسرعه حيث ظللت مورقا الى الفجر خائفا من النوم حتى لاتضيع صوره سهير من ناظرى
عجيب امر هذا الكائن الخرافى المسمى حبا
وعجيب سلطانه
كيف يكون لمن نحب سلطان علينا فى الصحو
وفى المنام
نخاف حينما نحب
ان ننام
فتيضع منا صوره الصحو
ونخاف حينما ننام
ان نصحو فتيضع علينا
احلامنا
كم هو عجيب هذا الحب
كم هو متناقض هذا الحب
وحدها شجره الحب قادره على ان تطرح الثمر حينما تشاء
ووحدها قادره على ان تطرح لهبا حينما تشاء
وبين هذا الطرح وذاك نكون نحن رهط المحبين
نستطلى باللهب
ونقطف الثمر
ولانبالى الابمن نحب
كم هو رائع هذا الحب
وكم هو حارق هذا الحب
ومابين الروعه والحرقه تمتد اوديتنا نحن قبيله المحبين
شيخ قبيلتنا عيون من نحب
تامر
فنطيع
تنهى
فننتهى
توصل
فنشكر
وتقطع
فنعذر
كم هو عجيب هذا الحب
وكم هى عجيبه عينى حبيبتى
فمذ رحلت عنى
لم ترتحل !!!!!!!!!!!!!!!!!!!!!!
ومذ غابت عنى
لم تغب !!!!!!!!!!!!!!!!!!!!!
ابى ليلى الا ان يستقبلنى استقبال المحبين
فطال
وانا فى عجله من امرى فى انتظار الغد
ظللت استجدى الليل غفوه فابى على وهو يقول انى لك النوم وكيف وانت قد فارقت شاطئه مذ ان ملكت فوادك لخيول جيش العشق فاستباحتك سنابكها
اطل الفجر وشرقت الشمس وانا احسب انا عينيى حبيبتى تغيب ولكنها كانت فى خيوط شمس الصباح اول خيطين فحملتها معى الى المدرسه فما غابت وانا اعد اللحظات وطرفات عيون اساتذتى وارجو جرس النصراف الذى حينما اطل لم اكن قد فهمت من كل اليوم الدراسى اى حرف
انطلقت صوب الحله بسرعه وصاحبى يحاول ان يجرنى الى عالمه فلما ماافلح اطلق عقيرته بالغناء بلحن رطيب اهاج فى نفسى اشواقها
ياروحى حااااااااااااولى وفتشى
شوفى عاااااااااااااد كان تلقى شى
واناعندى زوووووووول بقى كل شى
ينصر دينك يافرده
ونواصل .................................................. ...............

قوت القلوب
07-04-2009, 11:54 PM
كتبت بواسطه abdella
هاك شويه مويه
عشان ماتزعلى
~~~~~~~~~~~~~~~~~~~~~~~~



شكرا دايمه انشاء الله
اي شربه كانت تلك
هل كانت شربة من معين ام رحيق مختوم ؟

ا ل ح ب ؟!

الح ب؟
الحب! نعم هكذا تلفظ اليس كذلك ؟
اجد نفسي كالبلهاء عندما انطقها دون شعور !

ولكن كيف نشعره ؟ كيف نعرف اننا وقعنا فيه
ولا حدش سمَا علينا ؟!!

جينا نرتوى رجعتنا ريقنا ناشف !
ومافهمنا شي ؟
ياروحى حاولى وفتشى
شوفى عاد كان تلقى شى
واناعندى زول بقى .......





قوت القلوب

abdella
08-04-2009, 12:13 AM
كتبت بواسطه abdella
هاك شويه مويه
عشان ماتزعلى
~~~~~~~~~~~~~~~~~~~~~~~~



شكرا دايمه انشاء الله
اي شربه كانت تلك
هل كانت شربة من معين ام رحيق مختوم ؟

ا ل ح ب ؟!

الح ب؟
الحب! نعم هكذا تلفظ اليس كذلك ؟
اجد نفسي كالبلهاء عندما انطقها دون شعور !

ولكن كيف نشعره ؟ كيف نعرف اننا وقعنا فيه
ولا حدش سمَا علينا ؟!!

جينا نرتوى رجعتنا ريقنا ناشف !
ومافهمنا شي ؟
ياروحى حاولى وفتشى
شوفى عاد كان تلقى شى
واناعندى زول بقى .......





قوت القلوب

الحب ياسيدتى
هو ؟
هو
هو...
عفوا ابت كل الحروف ان تعرف الحب
فالحب هو ذلك الكائن الخرافى
الملامح
الهلامى الحدود
الذى هو اكبر من كل حروف لغات الدنيا
سلامتك من نشاف الريق ...فلا هطلت على ولا بارضى
سحائب ليس (( تروى قوت )))
واخر تخريمه
انشاء الله تقعى فى الحب وتضوقيهو عشان تعرفى طعمو وريحتو ولونو
فاللحب
رائحه
وطعم
ولون
ورئه

وعد دنقلا
08-04-2009, 01:16 AM
عجيب امر هذا الكائن الخرافى المسمى حبا
وعجيب سلطانه
كيف يكون لمن نحب سلطان علينا فى الصحو
وفى المنام
نخاف حينما نحب
ان ننام
فتيضع منا صوره الصحو
ونخاف حينما ننام
ان نصحو فتيضع علينا
احلامنا
كم هو عجيب هذا الحب
كم هو متناقض هذا الحب
وحدها شجره الحب قادره على ان تطرح الثمر حينما تشاء
ووحدها قادره على ان تطرح لهبا حينما تشاء
وبين هذا الطرح وذاك نكون نحن رهط المحبين
نستطلى باللهب
ونقطف الثمر
ولانبالى الابمن نحب
كم هو رائع هذا الحب
وكم هو حارق هذا الحب
ومابين الروعه والحرقه تمتد اوديتنا نحن قبيله المحبين
شيخ قبيلتنا عيون من نحب
تامر
فنطيع
تنهى
فننتهى
توصل
فنشكر
وتقطع
فنعذر
كم هو عجيب هذا الحب
وكم هى عجيبه عينى حبيبتى
فمذ رحلت عنى
لم ترتحل !!!!!!!!!!!!!!!!!!!!!!
ومذ غابت عنى
لم تغب !!!!!!!!!!!!!!!!!!!!!.

قرأت كثيرا عن ذلك المخلوق(الحب)الذي
ربما كان من مشاعر
ومن شي آخر لا ادرك كنهه.!!!

لكنني لم اقرأقبل الأن تعابيرا بجمال كلماتك
ادهشتني بحق....
ربما مر بك كيوبيدا يوما فمنحك بعضاً من اسراره؟؟!!
هنيئاً...لنا بك ننهل من رحيق حرفك العذب

كل الود
وعد دنقلا

شجرةالدر
08-04-2009, 02:05 AM
الحب ياسيدتى
هو ؟
هو
هو...
عفوا ابت كل الحروف ان تعرف الحب
فالحب هو ذلك الكائن الخرافى
الملامح
الهلامى الحدود
الذى هو اكبر من كل حروف لغات الدنيا
سلامتك من نشاف الريق ...فلا هطلت على ولا بارضى
سحائب ليس (( تروى قوت )))
واخر تخريمه
انشاء الله تقعى فى الحب وتضوقيهو عشان تعرفى طعمو وريحتو ولونو
فاللحب
رائحه
وطعم
ولون
ورئه

كم أنت رائع ياصاحب المشاعر الرقيقه عبدالله
الحب عطاء لايعرف التجزئة..الحب دمعة في الفرح والحزن..
الحب احتلال مشروع بين اثنين من دون اتفاقيات وتوقيع أوراق..
الحب هو لحظة سكون نشعر فيها بالامتلاء..
تقيل مرورى..

abdella
08-04-2009, 02:42 AM
قرأت كثيرا عن ذلك المخلوق(الحب)الذي
ربما كان من مشاعر
ومن شي آخر لا ادرك كنهه.!!!

لكنني لم اقرأقبل الأن تعابيرا بجمال كلماتك
ادهشتني بحق....
ربما مر بك كيوبيدا يوما فمنحك بعضاً من اسراره؟؟!!
هنيئاً...لنا بك ننهل من رحيق حرفك العذب

كل الود
وعد دنقلا
مره اخرى
ومرات اخر
شكرا لاطرائكم على احرفى المتواضعه التى مااكتسبت القا الا بمروركم
بل هنيئا لى انا بكم حين تعطرون المدى (( بالطله )))
مودتى لكم
اليوم
وبكره
وفى كل حين

abdella
08-04-2009, 02:49 AM
كم أنت رائع ياصاحب المشاعر الرقيقه عبدالله
الحب عطاء لايعرف التجزئة..الحب دمعة في الفرح والحزن..
الحب احتلال مشروع بين اثنين من دون اتفاقيات وتوقيع أوراق..
الحب هو لحظة سكون نشعر فيها بالامتلاء..
تقيل مرورى..
الرائعه شجره الدر
تصير الشجره غابه حين اقترانكم بها
شكرا لانكم تتواضعون بالمرور نت هنا
فمنكم يستمد الحرف سحره
والغابات فصوله
وانا استمد تاريخى
قوافل من الود
خارج النص
انا
زعلان منك

حفيرتون
08-04-2009, 03:14 AM
يا ســــــــــــــــــــــلام

اليوم من احمل الايام التي عشتها

منذ ان اصبحت

اول حاجة قالو لي (يلا قوم جهز للسفر انت نايم لي هسي)

اسافر وين؟؟ تسافر السودان(قمت ناطي)

يا سلام السودان, يا الله انا ماشي البلد.

تاني حاجة يوم مليء بمباريات كرة القدم(معشوقتي) وانتصار الفرق التي اشجعها وخسارة التي اكرهها

اما آخرها وما احلاها

ان اختتم هذا اليوم بمقال الجميل والرائع دوماً abdella

صحيح وختامه مسك

ما اجمل هذا اليوم

سوف احتفل سنويا بهذا اليوم

عيد سنوي

وكفى,,

kamal ali
08-04-2009, 06:39 AM
السلام عليكم ورحمة الله وبركاته
يا عبد الله نحن قبيل شن قنا قلنا الطير بياكلنا
شنو صحبك نوا على سهير
طيب ده اول لقاء وهى للان لم تصرح عديل بالحب وانت مساهر وتغنى طيب بعد شويه حتعمل ايه بتحت فى النيم ولا تغنى فى الفصل
مبدعنا واصل بدون فواصل ما تنشف ريق الناس الراجنك

بكري عبد اللطيف
08-04-2009, 09:12 AM
عبد الله والله قمة في الروعة واي واحد فينا عاش اللحظات دي وانا اول واحد بحترف وسبيل (( حسن شمد)) يشهد كل ابناء ارتدي الخناق شيخ شريف مروا بهذا التاريخ الجميل وكل منا كانت هنالك سهير في حياته



ودمت ياغلي وماعدمناك

ود الخليفه
08-04-2009, 05:13 PM
صباح الخير
الرائع عبد الله
لم تسهر الليلة وحدك
ولكننا قد سهرناها معك ومن المؤكد
أن سهير قد سهرت هي أيضا وهذا حال المحبين
وما أجمل شروق شمس يوم تترقب فيه لقاء من تحب
وما أسوء اليوم الدراسي لهذا اليوم قد يشتت الأفكار وما تدرى
بأي موقع أنت مع الحصة أم الحبيبة التي سوف تكون في نفس الحال
التي أنت فيها وما أطول الحصة وما أطول اليوم الدراسي في مثل هذه اللحظات
(أما صاحبك دا)
الله يعينك عليه أنا عارفو ما هو مقدم
لأنك لم تذكر اسمه حتى هذه اللحظة وقد سبق
وان حذرتك منه بس أنت امسك في (عبير) قوى هي
الوحيدة الممكن تقدر توطد العلاقة بينكم بس الخوف تكون
خاتى عينها على صاحبك دا ودي أنا بعتبرها فرصتك حاول أن تستثمرها
بسرعة قبل أن تكتشف انو صاحبك ما بحبها وتقوم تشتغل ضدك وتبدأ الدسائس
(بعد الرجوع من المدرسة)
ماذا نتوقع أن يكون عصر هذا اليوم
أنني أتوقع انه سوف يكون نقطة تحول في
حياة وبداية نهاية علاقة مع صاحبك هذا الذي
بدأ من الآن في التصريحات والتهديدات ومعاوية وماادراك
(بعدين ما تنسانا من اللقيمات العملاهو (عبير) وشاي اللبن المقنن)
يلا يا ولد
نشوفك بعدين
تحياتي لك الراوى البارع
ولـى الحبيبـة الرقيقـة (سهيـر)

الاسد
08-04-2009, 05:47 PM
عجيب امر هذا الكائن الخرافى المسمى حبا
وعجيب سلطانه
كيف يكون لمن نحب سلطان علينا فى الصحو
وفى المنام
نخاف حينما نحب
ان ننام
فتيضع منا صوره الصحو
ونخاف حينما ننام
ان نصحو فتيضع علينا
احلامنا
تمام و
مافى كلام

فاطمة الزهراء
08-04-2009, 10:06 PM
الاخ عبدالله
حقيقي قمة في الروعة والسردعليك الله اقيف شوية خليني اجي احصل الجماعة ديل

abdella
08-04-2009, 11:57 PM
يا ســــــــــــــــــــــلام

اليوم من احمل الايام التي عشتها

منذ ان اصبحت

اول حاجة قالو لي (يلا قوم جهز للسفر انت نايم لي هسي)

اسافر وين؟؟ تسافر السودان(قمت ناطي)

يا سلام السودان, يا الله انا ماشي البلد.

تاني حاجة يوم مليء بمباريات كرة القدم(معشوقتي) وانتصار الفرق التي اشجعها وخسارة التي اكرهها

اما آخرها وما احلاها

ان اختتم هذا اليوم بمقال الجميل والرائع دوماً abdella

صحيح وختامه مسك

ما اجمل هذا اليوم

سوف احتفل سنويا بهذا اليوم

عيد سنوي

وكفى,,
صديقى الذى اوده من غيرما زؤيه...
الجميل حفيرتون
كدى اولا سودان شنو يازول
ماشى وخالينا وين
يااخ بالغت عديل
عموما سفره موفقه
رجاء سلم لى على كل زره تراب فى الوطن وقول ليها
يمه الحبيبه الشوق غلب
ضرورى تدينى تلفونك فى السودان للتواصل
مودتى التى ستتنظر رجوعك كما وانها ستصحببك

abdella
09-04-2009, 12:00 AM
تمام و
مافى كلام
والله مافى تمام غيرك

abdella
09-04-2009, 12:02 AM
السلام عليكم ورحمة الله وبركاته
يا عبد الله نحن قبيل شن قنا قلنا الطير بياكلنا
شنو صحبك نوا على سهير
طيب ده اول لقاء وهى للان لم تصرح عديل بالحب وانت مساهر وتغنى طيب بعد شويه حتعمل ايه بتحت فى النيم ولا تغنى فى الفصل
مبدعنا واصل بدون فواصل ما تنشف ريق الناس الراجنك
حيبنا كمال
كل مره بكتشف انك زول حريف
مودتى التى تعلم

abdella
09-04-2009, 12:05 AM
عبد الله والله قمة في الروعة واي واحد فينا عاش اللحظات دي وانا اول واحد بحترف وسبيل (( حسن شمد)) يشهد كل ابناء ارتدي الخناق شيخ شريف مروا بهذا التاريخ الجميل وكل منا كانت هنالك سهير في حياته



ودمت ياغلي وماعدمناك
بكرى العريس
شكرا اخونا بكرى
مرورك الاول اضافه حقيقيه لما اكتب
انتظر منى رساله على الخاص
مودتى التى تعلم

abdella
09-04-2009, 12:09 AM
صباح الخير
الرائع عبد الله
لم تسهر الليلة وحدك
ولكننا قد سهرناها معك ومن المؤكد
أن سهير قد سهرت هي أيضا وهذا حال المحبين
وما أجمل شروق شمس يوم تترقب فيه لقاء من تحب
وما أسوء اليوم الدراسي لهذا اليوم قد يشتت الأفكار وما تدرى
بأي موقع أنت مع الحصة أم الحبيبة التي سوف تكون في نفس الحال
التي أنت فيها وما أطول الحصة وما أطول اليوم الدراسي في مثل هذه اللحظات
(أما صاحبك دا)
الله يعينك عليه أنا عارفو ما هو مقدم
لأنك لم تذكر اسمه حتى هذه اللحظة وقد سبق
وان حذرتك منه بس أنت امسك في (عبير) قوى هي
الوحيدة الممكن تقدر توطد العلاقة بينكم بس الخوف تكون
خاتى عينها على صاحبك دا ودي أنا بعتبرها فرصتك حاول أن تستثمرها
بسرعة قبل أن تكتشف انو صاحبك ما بحبها وتقوم تشتغل ضدك وتبدأ الدسائس
(بعد الرجوع من المدرسة)
ماذا نتوقع أن يكون عصر هذا اليوم
أنني أتوقع انه سوف يكون نقطة تحول في
حياة وبداية نهاية علاقة مع صاحبك هذا الذي
بدأ من الآن في التصريحات والتهديدات ومعاوية وماادراك
(بعدين ما تنسانا من اللقيمات العملاهو (عبير) وشاي اللبن المقنن)
يلا يا ولد
نشوفك بعدين
تحياتي لك الراوى البارع
ولـى الحبيبـة الرقيقـة (سهيـر)
صديقى ود الخليفه
بالجد وبدون مجامله انت كتاب (بتشديد التاء ) اكتر منى
انا اسعد كل مره بمرورك من هنا
وبرضو اكيد فى واحد قال ليك قبل منى
انت فنان حتى فى القرايه
مؤؤنه عام من الود

abdella
09-04-2009, 12:12 AM
الاخ عبدالله
حقيقي قمة في الروعة والسردعليك الله اقيف شوية خليني اجي احصل الجماعة ديل
الجميله الزهراء
مرورك الاول اسعدنى فوق ما تتصورين
تامرى وانا اطيع
قمه الروعه فقط اكتسبها بمروركم من هنا
مؤؤنه عام من الود

قوت القلوب
09-04-2009, 01:19 AM
الاخ عبدالله
حقيقي قمة في الروعة والسردعليك الله اقيف شوية خليني اجي احصل الجماعة ديل

فاطنه الزهرا..... من فضلك بنرحب بيك وكل شي لكن كدا غلط ياماما ......
احنا ماشين بال
تاتا حبه حبه
تاتا نطي العتبه !.....
مع استاذ عبد الله

والله بنحمس فيهو بجاى وبجاى شان نتم القصه
ياداااااااااااابك بقى يتحمس ماتجى تهبطى لينا حماسو دا ...
ياخى ساهرى يومين تلاته وانا ح اوعدك حتصلينا
كلها كم يوم شدي حيلك بس .....
شايفه الاستاذ زاااتو ماصدق
بقول ليكى اتي تامرى
شان ياخدك سبب ......
ماااااافي اي كلام بالشكل دا
استمر استمر
خلينا ننتهي من الحكايه دى شان تبدا فى البعدها :read:

شجرةالدر
09-04-2009, 01:31 AM
الرائعه شجره الدر
تصير الشجره غابه حين اقترانكم بها
شكرا لانكم تتواضعون بالمرور نت هنا
فمنكم يستمد الحرف سحره
والغابات فصوله
وانا استمد تاريخى
قوافل من الود
خارج النص
انا
زعلان منك

اولا : تسلم على اطراءك الذى جعلني أحلق فى العلالي
خارج النص ليه زعلان ماعاش ولا كان اللى يزعلك
اتمنى ان اعرف اسباب الزعل ..وربنا مايجيب زعل

بكري عبد اللطيف
09-04-2009, 11:06 AM
ونحنا مازلنا في انتظار اولاد الحله وسوسو


اسرع الشوق غلب

abdella
09-04-2009, 03:16 PM
فاطنه الزهرا..... من فضلك بنرحب بيك وكل شي لكن كدا غلط ياماما ......
احنا ماشين بال
تاتا حبه حبه
تاتا نطي العتبه !.....
مع استاذ عبد الله

والله بنحمس فيهو بجاى وبجاى شان نتم القصه
ياداااااااااااابك بقى يتحمس ماتجى تهبطى لينا حماسو دا ...
ياخى ساهرى يومين تلاته وانا ح اوعدك حتصلينا
كلها كم يوم شدي حيلك بس .....
شايفه الاستاذ زاااتو ماصدق
بقول ليكى اتي تامرى
شان ياخدك سبب ......
ماااااافي اي كلام بالشكل دا
استمر استمر
خلينا ننتهي من الحكايه دى شان تبدا فى البعدها :read:
صديقتى التى اعشق مرورها
شنو يا براحه على البت شويه
ماتزعلى انت برضو تامرى
اليوم انشاء الله حلقه جديده
مودتى لك

abdella
09-04-2009, 03:19 PM
اولا : تسلم على اطراءك الذى جعلني أحلق فى العلالي
خارج النص ليه زعلان ماعاش ولا كان اللى يزعلك
اتمنى ان اعرف اسباب الزعل ..وربنا مايجيب زعل
الصديقه شجره الدر
مافى زعل
لكن عتب موده
لانك مابتمرى من هنا
او بالاصح مابتسجلى مرور
حاشيه
لم اقل فيك سواءاقل مما تستحقين
مودتى

abdella
09-04-2009, 03:20 PM
ونحنا مازلنا في انتظار اولاد الحله وسوسو


اسرع الشوق غلب
حبيبنا بكرى
حاااااااااااااااااااااااااااااااااااااااااااضر

abdella
09-04-2009, 10:29 PM
كانت اغنيه صاحبى تاخذنى الى سفر
سفر الشوق
الى الا قاصى حيث تتوحد الاشياء كلها وتصير عينى حبيبتى
فهى مذ غادرتنى بالامس تركتنى حائرا
ضائعا بين الاماكن
استرجع اللحظات واعيشها الف الف مره
وانتظر اللحظات القادمات ملاييين المرات
تتمحور كل الاشياء حول حبيبتى
فالتاريخ يبدا حين التقينا

يوم اللقاء
وسنه قبل القاء
وبعد اللقاء بشهرين
تصبح علاقتى بالواقع شكليه
يتداخل شريط اليوم
مع ما حدث بالامس
فتتبعثر الذاكره وتبقى انت
ولا ادرى لماذ تنشاء مابين كل المحبين ولقائهم الاول بمن احبو علاقه حب تكاد ان تماثل حبهم للمحبوب نفسه
وصلت وصديقى الى دورنا فافترقنا على ان نلتقى اول العصر
دلفت الى الدار فالتقتنى امى عند مدخلها وهى قادمه من بعض شانها فقالت
الحمد لله انك جيت بدرى الليله خش اكل ليك لقمه بى سرعه عشان انا دايراك
قلت بسرعه
دايرانى فى شنو
قالت
قول بسم الله مالك اتخلعت كده .. مافى حاجه انا عايزه ارسلك عند ناس خالتك
قلت هلعا ..شنو ثم اردفت ... يمه والله الليله مافى اى طريقه انا عندى مشوار مهم خالص خالص
قالت ساخره
يعنى ماشى تطلع غرقان من البحر ... ثم واصلت قائله بحزم
ياولد انا ماقلت انا ماسالت انت حتمشى ولا ماحتمشى .... وذلك فى كنايه عن انعدام الخيارات
كنت اعلم ان المشوار الى بيت خالتى يعنى ضياع العصريه بل وضياع قسط من المساء وذلك لان منزل خالتى المعنيه كان يقع فى حى غير حينا ويبعد مسافه ابعد من مسافه المدرسه نفسها ولما كان مااعلم من اهميه لقاء محبوبتى كان لزاما على ان اقاتل بضراوه
فقلت ... والله ياامى الليله مافى اى طريقه لانو انا زاتى فترااااااااااااااااااااااااااان ...(كنت اعتمد على حنان الامومه )
قالت .. انت هسى ماقلت عندك مشوار
قلت ... لا ده مشوار جوه الحله ثم واصلت مقدما عرضى .. بعدين ناس خالتى ديل انا بكره بدل مااجى من المدرسه وارجع بمشى ليهم بهناك طوالى
قالت وقد غلبها حنان الامومه ومنطقى
شوف انا حاجل المشوار لى بكره لكن رجلك مابتعتب بره البيت ... مش قلت فتران اتكسر اقعد هنا فى البيت
وضعت ساعدى على كتفها وانا اضحك واقول
اعصابك ياحجه
قالت وهى تتصنع الحزم
ياولد سيب استهبالك ده
ضحكت ثم دخلت الى غرفتى وقبل ان انزع عنى زيى المدرسى شرعت فى البحث عما سوف ارتديه حتى اهتديت الى قميص ابيض بخطوط حمراء رفيعه مع سروال اسود ونفس حذا الامس الرياضى
كان فكرى مشغولا بااللقاء فلم استطيع انا ااكل سوى لقيمات ما كانت لى رغبه فى اكلهن ولكنى لم اشاء ان اثير على امى ثم بعدها مباشره سمعت صوت صاحبى وهو يصيح
......
.....
اجبته من داخل الدار
خش يا
لم يكن صاحبى ينتظردعوتى كان قد دخل الى غرفتىبالفعل
دخلت اليه فوجدته فى كامل اناقته
فقلت معلقا
والله اليشوفك كده يقول المشوار حقك
قال باسما ... شوف يازول سيب ال .... عايزنى ماامشى هسى قول لى والله طوالى برجع اصلو (الحاج ) الليله قافله معاو وقفله لينا مع حناننا ... ماتجى انت كمان تتم لينا الباقى
قلت ضاحكا
انت زعلت ولا شنو يافرده
يازول بلا زعلت بلا حركات البس خلينا نمشى
سالت .... الوكت مابدرى
قال ... مابدرى ولا حاجه ماتنسى انو نحن حنمشى بالشوبلى (الطريق الغير مباشره )
لم اشاء ان اجادله كثيرا فلبثت ثيابى ووضعت من العطر مقدار نصف زجاجه وعطرت صاحبى ثم تسللنا من المنزل خوفا من ان ترانى امى
... كان منزل خاله عبير يبعد من دارنا حوالى مائتى متر اذا سلكنا اقصر الطرق ولكننا لم نشاء ان نسلك الطريق القصيره لانها تمر بالشارع الرئيس والشارع الرئيس يعنى مجموعه من البشر المنتظرين للمواصلات ومجموعه من الدكاكين بزبائنها ومجموعه من الصبيه الذين جعلو من الشارع ملعبهم
سلكنا عده طرق ملتويه جعلت المسافه حوالى الفى متر قبل ان نصل الى الدار المنشوده التى دخلناها بسرعه بعد تاكدنا من خلو انحائها من الماره
لم نطرق الباب فى دخولنا ليقيننا ان لااحد فيها غير صاحبتينا والعجوز
والدار التى دخلنها احدى دور حلتنا القديمه والتى شانها شان اغلب الدور التى هى فى الشمال النوبى ذات طابع كالفصول معمارى واحد ... اربع اوثلاث غرف مشيده من الطين . ممتده فى خط مستقيم واحد اشبه بالصفوق المدرسيهواغلبها مسقوف بجريد النخل وسيقانه التى تمتد من تحت الجريد مرفوعه من على الجران ببعض الاحجار السوداء الصلده جاعله مابين السقف والجار فراغا للتهويه كما ولهذه الحجار فوائد اخرى اهمها انها تمنع حشره ( الارضه ) وهى حشره ذات مقدره فائقه على قرض كلما يتيسر لمامها من اخشاب واقمشه وخلافه .
اول دخولنا الى الدار وفى ( الحوش كانت الاسره متناثره فى ظل المبانى وفى اكبر هذه الاسره واعتفها كانت العجوز جالسه وفى يدها بعض سعف النخيل تنسج منه على مايبدو وانه غطاء للاكل درج الناس على تغطيه الاكل به وسموه ( الطبق )
قال صاحبى بصوت عال مخاطبا العجوز
ازيك ياحبوبه
اجابت العجوز
بنفس الصوت العالى
اهلا ياولدى
فضل
سلمنا على العجوز التى لم تحفل بنا كثيرا ثم جلسنا فى احدى الاسره ..
ثوان وخرجت علينا عبير التى يبدو وانها سمعت صوت قدومنا وتحيتنا للعجوز من احدى الغرف الداخليه وهى تقول ضاحكه
انتو جايين تتغدو ولا شنو مالكم جايين بدرى كده
اطرقت حياء من لسان الصبيه اللاذع فقال صاحبى الذى يبدو انه قدتعود عليه من اللقاء السابق
يااخ ماتسكتى انتو لو عندكم غداء اديهو لى حبوبتك العامله زى ناس المجاعه ديل
قالت عبير وهى تضحك
مالله مااحسن من جدك الماسكه الحيطه وحايم طول النهار تقول بناء
ضحكت بشده وانا اسمع جال الصبيه وصاحبى قبل ان اقول
سيبك من جدو وحبوبتك وين الزوله دى
قالت باسمه سيب الشفقه هسى بتجى
ليتها تجئ
يالتها تجى
فلو جاءت
لقلت لها
لقلت لها ...
ماذا اقول
وهى القول كله
ماذا اقول
وهى عبق القول
وشذاه
وخلاصته
ماذا اقول
نعم سااقول
سااقول لها
بانها
سيدتى
وسيده العصور الحاضره
والاولى
ساقول لها
انها رائعه
كما السماء
رقيقه
كسيمفونيه موسيقيه فى مسرح ايطالى
عذبه
كابتسامه الاطفال فى فجر عيد
ساقول لها
بانها
موشومه فى خاطرى
كوشم فرعونى قديم لايزول
ساقول لها
بان وجهه الطيب جواز سفرى الى مدن الشمس
والندى
ساقول لها
ان عيناها
بوابه الحلم الجميل الذى انا فيه طائر اخضر اللون على حقل قمح
سااقول لها
اننى
واننى
نواصل

حفيرتون
09-04-2009, 10:59 PM
حيـــــــــــــــــــــاك

والله عليكم جنس شفقه

مشيتوا قبل سهير!!!

الخوف بعد الالف متر ما تقوم تجي,,

لكين لقيت صاحبك شِفت

ومفتح اكتر منك,,

انت بالمناسبة صاحبك ده اسمو منو؟؟؟


ولي عوده بعد نهاية الكورة,,,

شجرةالدر
09-04-2009, 11:32 PM
الصديقه شجره الدر
مافى زعل
لكن عتب موده
لانك مابتمرى من هنا
او بالاصح مابتسجلى مرور
حاشيه
لم اقل فيك سواءاقل مما تستحقين
مودتى

الرائع عبدالله
وانا مابهون علي زعلك وادى قعدة وح اعمل ليك وجع وش
ومانى متحركة من هنى..ومتابعة بشدة

abdella
09-04-2009, 11:55 PM
حيـــــــــــــــــــــاك

والله عليكم جنس شفقه

مشيتوا قبل سهير!!!

الخوف بعد الالف متر ما تقوم تجي,,

لكين لقيت صاحبك شِفت

ومفتح اكتر منك,,

انت بالمناسبة صاحبك ده اسمو منو؟؟؟


ولي عوده بعد نهاية الكورة,,,
شنو يا
انت هسى امبارح ماقلت مسافر السودان
وخليتنا ( نبكى ونذرف الدمعات )
انا مفتح اكتر من صاحبى بدليل انا طلعت بال (السمحه )
اسمو :nono:

abdella
09-04-2009, 11:57 PM
الرائع عبدالله
وانا مابهون علي زعلك وادى قعدة وح اعمل ليك وجع وش
ومانى متحركة من هنى..ومتابعة بشدة
اااااااى يااخ
خلينا تعرف نكتب

abdella
10-04-2009, 03:30 AM
عشان مافى زول يحتج
الساعه 2.30 صباحا

kamal ali
10-04-2009, 07:52 AM
عشان مافى زول يحتج
الساعه 2.30 صباحا

السلام عليكم ورحمة الله وبركاته
انت اولا مساهر علشان سهير ما جات وتانى حاجه يا اخى ما معقول الحلقه كلها بس مشوار لبيت اللقاء زيد الجرعه شويه خلينا نفرح معاك بعدين انا متوقع الشافع المرسال بتاعكم بيجى البيت ليه
واصل يا مبدع

خالد طمبل
10-04-2009, 10:49 AM
وبعدين الحصل شنو

abdella
10-04-2009, 11:16 AM
السلام عليكم ورحمة الله وبركاته
انت اولا مساهر علشان سهير ما جات وتانى حاجه يا اخى ما معقول الحلقه كلها بس مشوار لبيت اللقاء زيد الجرعه شويه خلينا نفرح معاك بعدين انا متوقع الشافع المرسال بتاعكم بيجى البيت ليه
واصل يا مبدع
كمال
يااخ ماقلنا ليك مافى داع تشيل حالنا
قلت لى متوقع حوووووووووووووووووده ... ؟؟؟؟؟؟؟؟؟
مودتى

abdella
10-04-2009, 11:18 AM
وبعدين الحصل شنو

اخونا خالد
اولا مرحب بيك فى مرورك الاول
مرورك شكل اضافه حقيقيه لما اكتب
بالنسبه لسؤالك ...
؟؟؟؟؟؟؟؟؟؟؟؟؟؟
مودتى لك

بكري عبد اللطيف
10-04-2009, 09:28 PM
سلام ياعسل امنيتي سهير ماتجي عشان ترجع بمسافة الالف متر


شنو يعني حلقة كاملة مشوار


في انظار المزيد ...........


للاعلان داخل مسلسل (( سهير واولاد حلتنا)) الرجاء الاتصال علي الرقم 0912300000

تخفيض بنسنة 50% لاصحاب المرور الحضور الاكثر لاحداث المسلسل

abdella
10-04-2009, 09:51 PM
سلام ياعسل امنيتي سهير ماتجي عشان ترجع بمسافة الالف متر


شنو يعني حلقة كاملة مشوار


في انظار المزيد ...........


للاعلان داخل مسلسل (( سهير واولاد حلتنا)) الرجاء الاتصال علي الرقم 0912300000

تخفيض بنسنة 50% لاصحاب المرور الحضور الاكثر لاحداث المسلسل
بكرى كيفك
مالك على داير سهير ماتجى
بالمناسبه
رسل لى رقم تلفونك على 5506257
مودتى

حفيرتون
11-04-2009, 01:18 AM
شنو يا
انت هسى امبارح ماقلت مسافر السودان
وخليتنا ( نبكى ونذرف الدمعات )
:nono:

اي والله انا مسافر السودان

لكن عندي مشكلة في الجواز

و راجين منكم الدعوات الصالحة,,

abdella
11-04-2009, 05:02 AM
اي والله انا مسافر السودان

لكن عندي مشكلة في الجواز

و راجين منكم الدعوات الصالحة,,
حساده كده
انشالله ............:sm215:

الاسد
11-04-2009, 05:01 PM
ارحل واجئ
وعندما اعود
اجدك
تذداد روعة بعد روعة
انا هنا
أجئ
كى اعبر عن حضورى
واستمتع
دمت لنا يارجل
مليئا بلابداع

ود الخليفه
11-04-2009, 05:33 PM
صباح الخير
الرائع عبد الله
الحب وما أدراك ما الحب
الذي يزيح كل شئ من أمامه ليستمر
وها هو يزيح حتى ألوالده التي ليمكن أن تزاح
عن ابنها ويقول (عندي مشوار مهم خالص خالص) أي
مشوار أهم من طلب تطلبه الأم التي لم ترفض لابنها طلبا قط
حتى كبر وصار يعرف الحب 00وحتى هذا ألحظه لم ترفض طلبه أيضا
وهى تعفيه عن المشوار الطويل علشان يرتاح من التعب00(وضعت ساعدي على
كتفها وأنا اضحك وأقول أعصابك ياحجه قالت وهى تتصنع الحزم ياولد سيب استهبالك ده(
ما أجمل هذا الموقف الذي يعبر عن الرضا بعد أن دخل بينكم هذا الشيطان الذي يسمى الحب (أمره عجيب)
(منزل حبوبه عبير)
سلكت الطريق الآمن لتصل
لكن دخولكم إلى هذا الدار كانت
طريقة خطا كان لازم تتأكد أنها تخلوا من البشر
وانتو ذاتيو جايين من بدري كده ليه تصرف خاطئ أيضا
لأنو البنية (سهير) ولو جات قبلكم كان حا تحبك اكتر ودائما
خليك تقيل عليها عشان ما تندلع عليك 00 لكن يظهر عليك من شدة
التفكير قد حسبت كم عدد جريد النخل الذي سقف به هذا البيت وكم عدد الاسره
(ماذا تقول)
قل لها كل الكلام الذي قلته
كلام جميل جدا بس أوعك اللعثمة
تكلم معها بقوه وتركيز لكي تستمع لك وتستمتع بك
يلا يا ولد
نشوفك بعدين
تحياتي لك يامبدع
وتحيه إلى (سهير) أن وصلت
والتحية لهذه العجوز صاحبة الدار
ولا ننسى صاحبك وأتمنى أن تجد له اسم
في الحلقة القادمة وتحياتي لبطلة هذا اليوم (عبير)

abdella
11-04-2009, 10:48 PM
ارحل واجئ
وعندما اعود
اجدك
تذداد روعة بعد روعة
انا هنا
أجئ
كى اعبر عن حضورى
واستمتع
دمت لنا يارجل
مليئا بلابداع
يااخ والله انت الرايع
مودتى

abdella
11-04-2009, 10:52 PM
صباح الخير
الرائع عبد الله
الحب وما أدراك ما الحب
الذي يزيح كل شئ من أمامه ليستمر
وها هو يزيح حتى ألوالده التي ليمكن أن تزاح
عن ابنها ويقول (عندي مشوار مهم خالص خالص) أي
مشوار أهم من طلب تطلبه الأم التي لم ترفض لابنها طلبا قط
حتى كبر وصار يعرف الحب 00وحتى هذا ألحظه لم ترفض طلبه أيضا
وهى تعفيه عن المشوار الطويل علشان يرتاح من التعب00(وضعت ساعدي على
كتفها وأنا اضحك وأقول أعصابك ياحجه قالت وهى تتصنع الحزم ياولد سيب استهبالك ده(
ما أجمل هذا الموقف الذي يعبر عن الرضا بعد أن دخل بينكم هذا الشيطان الذي يسمى الحب (أمره عجيب)
(منزل حبوبه عبير)
سلكت الطريق الآمن لتصل
لكن دخولكم إلى هذا الدار كانت
طريقة خطا كان لازم تتأكد أنها تخلوا من البشر
وانتو ذاتيو جايين من بدري كده ليه تصرف خاطئ أيضا
لأنو البنية (سهير) ولو جات قبلكم كان حا تحبك اكتر ودائما
خليك تقيل عليها عشان ما تندلع عليك 00 لكن يظهر عليك من شدة
التفكير قد حسبت كم عدد جريد النخل الذي سقف به هذا البيت وكم عدد الاسره


[
(ماذا تقول)
قل لها كل الكلام الذي قلته
كلام جميل جدا بس أوعك اللعثمة
تكلم معها بقوه وتركيز لكي تستمع لك وتستمتع بك
يلا يا ولد
نشوفك بعدين
تحياتي لك يامبدع
وتحيه إلى (سهير) أن وصلت
والتحية لهذه العجوز صاحبة الدار
ولا ننسى صاحبك وأتمنى أن تجد له اسم
في الحلقة القادمة وتحياتي لبطلة هذا اليوم (عبير)

مره
ورا مره
ويوم وراء
يوم
ازداد اقتناعا بانك زول
فنان
مودتى

قوت القلوب
12-04-2009, 10:11 AM
مذ غادرتنى بالامس تركتنى حائرا
ضائعا بين الاماكن
استرجع اللحظات واعيشها الف الف مره
وانتظر اللحظات القادمات ملاييين المرات
تتمحور كل الاشياء حول حبيبتى
فالتاريخ يبدا حين التقينا

يوم اللقاء
.................................
مذ غادرتكم وانا طريحه الفراش
اسال الله ان لايريكم اى مكروه مما اصابنى من انف العنزه !
لاتزال مبدعا عبد الله
وستظل كذلك.... لا اطفأ الله لك نورا وابداعا .
تحياتى

الاسد
12-04-2009, 04:59 PM
جوبنا؟
اساير ار نقى
ستى تارى

abdella
12-04-2009, 06:37 PM
مذ غادرتنى بالامس تركتنى حائرا
ضائعا بين الاماكن
استرجع اللحظات واعيشها الف الف مره
وانتظر اللحظات القادمات ملاييين المرات
تتمحور كل الاشياء حول حبيبتى
فالتاريخ يبدا حين التقينا

يوم اللقاء
.................................
مذ غادرتكم وانا طريحه الفراش
اسال الله ان لايريكم اى مكروه مما اصابنى من انف العنزه !
لاتزال مبدعا عبد الله
وستظل كذلك.... لا اطفأ الله لك نورا وابداعا .
تحياتى
العزيزه قوت
سلامتك
وانا
وكل حروف الكتابه
كرامتك
مودتى التى تعلمين

abdella
12-04-2009, 06:37 PM
جوبنا؟
اساير ار نقى
ستى تارى
حاااااااااااااااااضر
اليوم حلقه جديده
مودتى

abdella
12-04-2009, 06:40 PM
حينما تاتى حبيبتى
....
كنت غائبا فى افكارى ارى صاحبى ورفيقته ولكنى لا اسمع لهم قولا وان سمعت لا افقه كاننى فى عالم اخر او كانهم يتحدثون بلغه غير التى افهم ويبدو ان صاحبى قد احس بما اعانيه فتحدث معى ولما لم يجد منى تجاوبا وضع راحه يده على كتفى هازا اياى قائلا
شنو ياعمك نحن هنا
فلت ساخرا
وانا اوديكم وين هنا ولا هناك الزول المهم ماجاء
صاحت عبير متصنعه الغضب
ياسمك يااخ الزول بيواسى فيك وانت تقول ليهو انا اوديك وين
قاطعها صاحبى قائلا
خليهو هو ماغلطان غلطان انا المباريهو
تلقفت عبير الحديث قائله لصاحبى
انت هسى من الصباح ما شابكنى انا جاى عشان خاطرك ثم واصلت وهى تمصمص بشفتيها
مسسسسسسسسسسسسسسسسسسسسسسسسسسسسسسسسسسسسسسسسسيم ..والله الاولاد ديل !!!!!!!
قال صاحبى
خخلاص انت قمت فى لخبطه الكيمان نحن ما كنا كويسين
قاطعت جدالهم الدائر قائلا
لا بالجد ياعبير الزوله دى مااتاخرت
قالت عبير
اتاخرت شنو ياشاب انتو الجاييين بدرى
اعترانى الصمت من هذا التفسير فنقلت عينى صوب العجوز الجالسه فى سريرها غير معنيه بما يدور حوليها . تاملت وجهها الذى فعل فيه الزمن افاعيله فترك علاماته على بشرتها اللامعه رغم مابها من تجاعيد
خطرت لى فكره وانا اتامل العجوز
تخيلتها فى مثل سن حبيبتى
كيف كانت ؟
هل كانت تحس مانحس به الان
هل كانت تعرف الحب
هل كان لها فتى تعشقه
تخيلتها قادمه من بين طريق زراعى وتخيلته فتى ممتلئ صحه ووسامه ينتظرها على حافه الجدول تبتسم لمراه فيغدو وجهه الاسمر الملفوح بالشمس مثل قطعه من الشمس فتلقى اليه بالسلام وتمضى فتفور فيه الصبينه فيضرب بفاسه الارض ويغنى بصوت شجى اغنيه نوبيه قديمه
وفجاه وانا فى اعماق ما انا فيه
صاحت عبير
شنو يااخ ماكرهتينا ..
رفعت راسى لارى المخاطب بالحديث
كانت حبيبتى
يالاااااااااه
مااجمل حبيبتى
ومااجمل عينيها
فعينا حبيبتى
قول شاعر
عينا حبيبتى اغنيه الميلاد
عينا حبيبتى
حقل من الندى
عينا حبيبتى
اسطوره الكلمات
فى كل كتب العشق القديمه
عينا حبيبتى نهر من القصائد
.......
عيناك ياحبيبتى ساعه السحر
او شرفتان راح يناء عنهما القمر
عيناك ياحبيبتى حين تبسمان
يورق الكروم
ويضحك القمر
.................

كانت ترتدى فستنانا ازرق جعلها اشبه بحقل من الطهر
مااجمل اللون الازرق حين ترتديه حبيبتى
نهضت من على مجلسى وسرت انحيتها وانا اقول وصوتى يقطر فرحا
يااخ شنو يااخ مابوظتى اعصابنا
ضحكت وهى تقول
ليه انتو هنا من بدرى ولا شنو
بدرى شنو انحنا من المدرسه طوالى جينا هنا
ضحك صاحبى
وهو يقول ...
مدرسه شنو والله الزول ده كان لقى طريقه كان حيدك المرسه ويجى يقعد ينتظرك هنا
ضحكت حبيبتى ناثره الفرح الطفولى حول المكان وهى تضع كفها فى يمينى وترنو الى بعينيها وتقول
حقكم على المره الجايه بجى من الساعه اتنين
سلمت على صاحبى ثم على رفيقته
ثم جلست فجلست بجانبها وانا اكاد من زهوى اطير قلت لها
مشتاقين
قالت ... بالجد ولا ساكت كلام
قلت ... ساكت كلام شنو يااخ والله انا من امبارح ماعندى شغله غير انو منتظر يوم الليله والله مامرت على لحظه واحده مافكرت فيها فيك
ابتسمت بحياء وهى تقول
والله انا زاتى ماكنت متخيله انو الموضوع حيشغلنى قدر كده لكن الحصل عكس كده
قلت وقد اشجانى صوتها حال حديثها
سكتى لى ماتواصلى
قالت ...
اواصل اقول شنو
قلت ... مامهم تقولى شنو المهم تتكلمى والله ماتتخيلى انت لما تتكلمى انا بحصل لى شنو
اطرقت حياء وهى تقول
ماف داعى تخجلنى انا ماعاعرف اتكلم عماك كده
قلت خلاص انا ماحاقول اى حاجه
قالت ... بالعكس انا الليله جايه اسمع بس ماجايه اتكلم
ماذا اقول حبيبتى
وانت القول الذى لاينضب
وانت كل حروف الكلام
انت اذدهاء الامكنه بالحضور الانيق
حين تاتين
وانت الذكرى التى لاتعرف الافول
حين ترحلين
اعترانى الصمت برهه قبل ان اقول
والله انا اول حاجه عايز اقول ليك كلام كتييييييير لكن والله من ما شفتك طار الكلام كلووالغريبه انو اساسا انا مازول كبكابه لكن تقولى شنو سلطانك غلاب
ابتسمت وهى تقول .. خلاص مافى مشكله المره الجايه اكتب الكلام الدار تقولو ولامن انا اجى اقراهو لى
قلت... واللها انا خايف اكتب الكلام اول مانت تجى القى الورقه فاضيه
ضحكت
فهبطت على سطح اليبت الحمائم
ضحكت
فاحتشدت فى حقول القمح السنابل
ضحكت
فتفجرت فى مخيله الحروف القصائد
قلت ...
بتعرفى بدون مجامله انت عندك ضحكه حلو ه
اطرقت للارض خجلا
عليك الله ماتخجلنى
قلت ... اخجلك كيف وانت الكلام كلو بيخجل منك
ابتسمت
فواصلت الحديث
تحدثت عن كل شى وفى كل شى
لا ادرى ماذا قلت
ومن قال انى احتاج الى ان ادرى
فروعه الحب تكمن فى اننا حينما نتحدث فيما يراه الناس عاديا يكون بمقياس المحبين غير عادى
تحدثت عن اغنياتى
وتحدثت عن الطعام الذى احب
وتحدثت عن السلوك الذى احب
وتحدثت حبيبتى فقالت
انها
تحب
وتحب
وتحب
لم ارى فى قاموسها شيئا اسمه الكره
فكيف يستقيم الكره
وحبيبتى الحب كله
انحنيت ناحيتها ناظرا فى عينيها لاقول .....
قبل ان اقول سمعت صوت الباب الخارجى يفتح بعنف
رفعت راسى وكذلك فعل صاحبى ورفيقته بهلع ناحيه الصوت فاذا بالشقى عباس وعيناه تقدحان بالشرر وهو يقول
.........
نواصل

بكري عبد اللطيف
12-04-2009, 07:34 PM
مالك ومال حبوبة عبير ابكي همك...........

منتظر تقول ليك ريحتك المتريح بيها حلوة لكن ماقالت معناتو البت دي مفتحه شديد ..........


وعندها كلام كتير حنسمعو ..............

وحنتعلم منها كلام الحب .........

لكن عباس صحبك دهـ شكلو حيفتك بكره في المدرسة


منتظرينك يامبدع



ولك مني مؤنة عام من الود

abdella
12-04-2009, 09:36 PM
مالك ومال حبوبة عبير ابكي همك...........

منتظر تقول ليك ريحتك المتريح بيها حلوة لكن ماقالت معناتو البت دي مفتحه شديد ..........


وعندها كلام كتير حنسمعو ..............

وحنتعلم منها كلام الحب .........

لكن عباس صحبك دهـ شكلو حيفتك بكره في المدرسة


منتظرينك يامبدع



ولك مني مؤنة عام من الود

حبيبنا بكرى
سلامات
هو هم واحد ياصحبى
هى ماهموم كتيره
مودتى التى تعلم

وعد دنقلا
12-04-2009, 10:10 PM
ضحكت
فهبطت على سطح اليبت الحمائم
ضحكت
فاحتشدت فى حقول القمح السنابل
ضحكت
فتفجرت فى مخيله الحروف القصائد




اتعبتني قواميس اللغة واتعبتها
وانا ابحث عن وصف يليق بجمال
رسمك هنا...
لكني لم اجد ربما لان روعتك اكبر من ان توصف

.....
طبعا حتى انا كاد قلبي ان يتوقف
عن النبض خوفا من الطارق القادم عليكم...

وكاني كنت هناك تماما


(عاد شيلو ا شيلتكم)

وعد دنقلا

مصعب كويه
12-04-2009, 11:12 PM
اتعبتني قواميس اللغة واتعبتها
وانا ابحث عن وصف يليق بجمال
رسمك هنا...
لكني لم اجد ربما لان روعتك اكبر من ان توصف

.....
طبعا حتى انا كاد قلبي ان يتوقف
عن النبض خوفا من الطارق القادم عليكم...

وكاني كنت هناك تماما


(عاد شيلو ا شيلتكم)

وعد دنقلا

أني قادم اليك من هذا الزمان
أني تعبت من الترحال وتغيير المكان
حياتي هنا مليئة بالخوف والرجفان
أني ابحث عنك وعن دفئك وحنان
عن حياة تملاء القلوب إطمئنان
حتى نعيش في حب وصمت وأمان
مالحب في صمت أحلي
ولكــــــــــــــــــــــنه حرمان

abdella
12-04-2009, 11:25 PM
اتعبتني قواميس اللغة واتعبتها
وانا ابحث عن وصف يليق بجمال
رسمك هنا...
لكني لم اجد ربما لان روعتك اكبر من ان توصف

.....
طبعا حتى انا كاد قلبي ان يتوقف
عن النبض خوفا من الطارق القادم عليكم...

وكاني كنت هناك تماما


(عاد شيلو ا شيلتكم)

وعد دنقلا
الله ياوهج القصائد مرتين
المره الاولى
لانك هاهنا
والمره الاخرى لاحرفك اللجين
بيت متواضع لوعد دنفلا
اودك بكل المساحات الممتده مابين الممكن ومشارف المستحيل

abdella
12-04-2009, 11:27 PM
أني قادم اليك من هذا الزمان
أني تعبت من الترحال وتغيير المكان
حياتي هنا مليئة بالخوف والرجفان
أني ابحث عنك وعن دفئك وحنان
عن حياة تملاء القلوب إطمئنان
حتى نعيش في حب وصمت وأمان
مالحب في صمت أحلي
ولكــــــــــــــــــــــنه حرمان
الله عليك ياود كويا
وانت تعطر المكان باحرفك الانيقه
مودتى لك فى كل حين

قوت القلوب
13-04-2009, 01:18 AM
يووووووووووووووومك ياعباس !
حضووووور
تحياتى

abdella
13-04-2009, 02:16 AM
يووووووووووووووومك ياعباس !
حضووووور
تحياتى
شفتى الفقر ده بوظ علينا القعده
مودتى على حضورك

ود الخليفه
13-04-2009, 05:19 PM
مساء الخير
المبدع عبد الله
أصعب اللحظات هي لحظات
الانتظار حتى وان كنت تنتظر لمدة
بسيط سوف يراودك القلق والتوتر والتفكير
في ما تنتظر وما بالك وأنت تنتظر من تحب والكل يعرف
الحب وتأثيره 0ومن تأثيره عليك قد تسببت في فضيحة صاحبك قدام
عبير بدون ما يشعر وقال (خليو هو ما غلطان غلطان أنا المباريهو) وعزلت عبير
وقالت (أنت هسى من الصباح ما شابكنى أنا جاى عشان خاطرك) صاحبك شغال يحنك في بنيت
الناس المسكينة دي ساكت وأحسن تبعدوه منها قبل ما يسوي ليك 0000 وتبقى مشكله
لحظة اللقاء(رفعت راسى لارى المخاطب بالحديث كانت حبيبتى )
قد تخيلت منظرك وانت جالس على احد الاسره وترفع راسك وانت
غير راضى لهذه التصرفات وتحاول رفع يدك مستنكرا هذا التصرف وتجد
أمامك من تحب وتبدأ الكبكبه وانت في سرك تقول 000
يالاااااااااه
مااجمل حبيبتى
ومااجمل عينيها
فعينا حبيبتى
قول شاعر
عينا حبيبتى اغنيه الميلاد
عينا حبيبتى
حقل من الندى
عينا حبيبتى
أسطوره الكلمات
في كل كتب العشق القديمة
عينا حبيبتى نهر من القصائد
.......
عيناك ياحبيبتى ساعه السحر
او شرفتان راح يناء عنهما القمر
عيناك ياحبيبتى حين تبسمان
يورق الكروم
ويضحك القمر
000ما أروع هذا الوصف أنت حقا بارعا جدا
يقف القلم حائرا ماذا يكتب لشخص قد كتب كل ما يدور
بخاطرك وزاد عليه كثيرا كثيرا عندما كتب هذه الكلمات الرقيقات
0000
ماذا اقول حبيبتى
وانت القول الذى لاينضب
وانت كل حروف الكلام
انت اذدهاء الامكنه بالحضور الانيق
حين تاتين
وانت الذكرى التى لاتعرف الافول
حين ترحلين
اعترانى الصمت برهه قبل ان اقول
0000ماذا سوف تقول أكثر من ذلك
وقد قلت 0000
ضحكت
فهبطت على سطح اليبت الحمائم
ضحكت
فاحتشدت فى حقول القمح السنابل
ضحكت
فتفجرت فى مخيله الحروف القصائد
0000عبدالله اسماعيل
قد يستمتع القارى لقصتك هذه
ولكن كونه يتعلم منها صياغة الكلام
هذا شئ عجيب حقا فأنت مدرسه قائمه لحالها
00000
من أين هذا الشوم الذي يدعى (عباس)
ليقطع علينا نشوة هذا اللقاء ويعكر صفاه
يلا يا ولد
ورينا الشكله حا
تكون كيف ومن المنتصر
وانت أمام حبيبتك سهير يعنى ما في خوف من عباس
تحياتي لك يامبدع
وتحيه خاصة إلى (سهير) وهي ترتدي فستانها الأزرق
والتحية إلى صاحبك وأتمنى أن تجد له اسم في الحلقة القادمة
وتحياتي إلى(عبير) ومليون ألف سبه إلى الشوم الشقي المجرم (عباس)

ود أقجة
13-04-2009, 06:58 PM
قالوا تعال متأخر أخير من ما تجي كلو كلو كنت لا أؤمن بهذه المقولة الإ بعد أن صغتها من الفصحى الى الدراجية العامية لعلني أستوعب المضمون جيداً فقد أستوعبته عندما دخلت هذه الروضة وتنقلت عبر بساتينها الخضراء قطفت ثمارها وإستنشقت رحيق أزهارها لك التحية أخي عبدالله إسماعيل أيها القادم من تلك البقعة التي تشكل النصف الآخر فينا جعلتنا في حالة إنجذاب لما يدور من أحداث فقد كنا معك في هذا السبيل وكنا معك إيضاً عند الجرف وبين النخيل حيث الخضرة والماء والوجه الحسن صغت الأحداث في قالب لا يطلب الرجاء للتعليق وأنما تأتي كلماتنا صادقة طائعة تتحدث عن هذه الروعة فقد حباك الله بخيال خصب جعلك تسترسل الماضي البعيد ليكون الحاضر القريب .
والكل أتي هنا لكي يستظل في هذه الدوحة فأرى أن قوت القلوب قد نفذ قوتها وقد جلست القرفصاء تنتظر القادم عسى ولعلها تعوض ما نفذ من قوت وهناك ود الخليفه أسرته حروفك الندية وظل متواجد في محرابك وأمثاله كثر فقد أسرتنا هنا وما أحلاه هذا الأسر واصل ذلك الأبداع وتأكد بأننا حضور ومتابعين بشغف وخوف من هذا العباس تمنياتي أن تكون على ما يرام.
ولك مني كل الود والتقدير...

الاسد
13-04-2009, 07:38 PM
خطرت لى فكره وانا اتامل العجوز
تخيلتها فى مثل سن حبيبتى
كيف كانت ؟
خياالك واسع شديد




عينا حبيبتى
اسطوره الكلمات
فى كل كتب العشق القديمه
عينا حبيبتى نهر من القصائد
ويضحك القمر
يااااسلاااااام


انت اذدهاء الامكنه بالحضور الانيق
حين تاتين
وانت الذكرى التى لاتعرف الافول
حين ترحلين
ابداااااااع

فهبطت على سطح اليبت الحمائم
ضحكت
فاحتشدت فى حقول القمح السنابل
ضحكت
فتفجرت فى مخيله الحروف القصائد
رووووووووووووووووعة


ومن قال انى احتاج الى ان ادرى
والله ماعارف اقول ليك شنو انت الكلام دة قاعد تجيبو من وين؟
وصفك وكلامك غريب حيرنى عديل
ماتتطول
ارجع اتحفنا يارايع

abdella
13-04-2009, 08:02 PM
مساء الخير
المبدع عبد الله
أصعب اللحظات هي لحظات
الانتظار حتى وان كنت تنتظر لمدة
بسيط سوف يراودك القلق والتوتر والتفكير
في ما تنتظر وما بالك وأنت تنتظر من تحب والكل يعرف
الحب وتأثيره 0ومن تأثيره عليك قد تسببت في فضيحة صاحبك قدام
عبير بدون ما يشعر وقال (خليو هو ما غلطان غلطان أنا المباريهو) وعزلت عبير
وقالت (أنت هسى من الصباح ما شابكنى أنا جاى عشان خاطرك) صاحبك شغال يحنك في بنيت
الناس المسكينة دي ساكت وأحسن تبعدوه منها قبل ما يسوي ليك 0000 وتبقى مشكله
لحظة اللقاء(رفعت راسى لارى المخاطب بالحديث كانت حبيبتى )
قد تخيلت منظرك وانت جالس على احد الاسره وترفع راسك وانت
غير راضى لهذه التصرفات وتحاول رفع يدك مستنكرا هذا التصرف وتجد
أمامك من تحب وتبدأ الكبكبه وانت في سرك تقول 000
يالاااااااااه
مااجمل حبيبتى
ومااجمل عينيها
فعينا حبيبتى
قول شاعر
عينا حبيبتى اغنيه الميلاد
عينا حبيبتى
حقل من الندى
عينا حبيبتى
أسطوره الكلمات
في كل كتب العشق القديمة
عينا حبيبتى نهر من القصائد
.......
عيناك ياحبيبتى ساعه السحر
او شرفتان راح يناء عنهما القمر
عيناك ياحبيبتى حين تبسمان
يورق الكروم
ويضحك القمر
000ما أروع هذا الوصف أنت حقا بارعا جدا
يقف القلم حائرا ماذا يكتب لشخص قد كتب كل ما يدور
بخاطرك وزاد عليه كثيرا كثيرا عندما كتب هذه الكلمات الرقيقات
0000
ماذا اقول حبيبتى
وانت القول الذى لاينضب
وانت كل حروف الكلام
انت اذدهاء الامكنه بالحضور الانيق
حين تاتين
وانت الذكرى التى لاتعرف الافول
حين ترحلين
اعترانى الصمت برهه قبل ان اقول
0000ماذا سوف تقول أكثر من ذلك
وقد قلت 0000
ضحكت
فهبطت على سطح اليبت الحمائم
ضحكت
فاحتشدت فى حقول القمح السنابل
ضحكت
فتفجرت فى مخيله الحروف القصائد
0000عبدالله اسماعيل
قد يستمتع القارى لقصتك هذه
ولكن كونه يتعلم منها صياغة الكلام
هذا شئ عجيب حقا فأنت مدرسه قائمه لحالها
00000
من أين هذا الشوم الذي يدعى (عباس)
ليقطع علينا نشوة هذا اللقاء ويعكر صفاه
يلا يا ولد
ورينا الشكله حا
تكون كيف ومن المنتصر
وانت أمام حبيبتك سهير يعنى ما في خوف من عباس
تحياتي لك يامبدع
وتحيه خاصة إلى (سهير) وهي ترتدي فستانها الأزرق
والتحية إلى صاحبك وأتمنى أن تجد له اسم في الحلقة القادمة
وتحياتي إلى(عبير) ومليون ألف سبه إلى الشوم الشقي المجرم (عباس)

صديقى الفنان ود الخليفه
لوتدرى كم انا معجب بما تكتب
فالكتابه عندك حقل بنفسج
ونهر من الندى
مره اخرى
شموس لاتعرف الافول من الود

abdella
13-04-2009, 08:07 PM
قالوا تعال متأخر أخير من ما تجي كلو كلو كنت لا أؤمن بهذه المقولة الإ بعد أن صغتها من الفصحى الى الدراجية العامية لعلني أستوعب المضمون جيداً فقد أستوعبته عندما دخلت هذه الروضة وتنقلت عبر بساتينها الخضراء قطفت ثمارها وإستنشقت رحيق أزهارها لك التحية أخي عبدالله إسماعيل أيها القادم من تلك البقعة التي تشكل النصف الآخر فينا جعلتنا في حالة إنجذاب لما يدور من أحداث فقد كنا معك في هذا السبيل وكنا معك إيضاً عند الجرف وبين النخيل حيث الخضرة والماء والوجه الحسن صغت الأحداث في قالب لا يطلب الرجاء للتعليق وأنما تأتي كلماتنا صادقة طائعة تتحدث عن هذه الروعة فقد حباك الله بخيال خصب جعلك تسترسل الماضي البعيد ليكون الحاضر القريب .
والكل أتي هنا لكي يستظل في هذه الدوحة فأرى أن قوت القلوب قد نفذ قوتها وقد جلست القرفصاء تنتظر القادم عسى ولعلها تعوض ما نفذ من قوت وهناك ود الخليفه أسرته حروفك الندية وظل متواجد في محرابك وأمثاله كثر فقد أسرتنا هنا وما أحلاه هذا الأسر واصل ذلك الأبداع وتأكد بأننا حضور ومتابعين بشغف وخوف من هذا العباس تمنياتي أن تكون على ما يرام.
ولك مني كل الود والتقدير...
الجميل ود اقجه
دعنى احتفى بمرورك الاول من هنا
بالف حرف
والف بيت من الشعر
وارتدى احرفك الاولى فى كلماتى المتواضعه عباءه من نجوم ازدهى بها وتزدهى بها ازمنتى
لوتدرى كم اسعدنى انك تواضعت بالمرور من هنا
وتواضعت بالقول فى احرفى بما لااستحق
شكرا
وشكرا الف الف مره
رجائى ان لا تغيب
مؤؤنه عام من الود

abdella
13-04-2009, 08:10 PM
خياالك واسع شديد





يااااسلاااااام


ابداااااااع


رووووووووووووووووعة



والله ماعارف اقول ليك شنو انت الكلام دة قاعد تجيبو من وين؟
وصفك وكلامك غريب حيرنى عديل
ماتتطول
ارجع اتحفنا يارايع

صديقى الذى اعشق مروره من هنا
ماغادر الشعراء من متردم حروف الشكر لاعبر بها عن شكرى لك
انا اودك فوق ماتعلم

abdella
14-04-2009, 08:52 PM
بعض الظروف الخارجه عن الاراده
اعتذر عن حلقه اليوم

عادل الأسد
15-04-2009, 04:00 AM
اوع تقول لي جهازك علق

يا اخ معقوله يا

kamal ali
15-04-2009, 06:36 AM
السلام عليكم ورحمة الله وبركاته
مبدعنا عبد اله والله انا قايل نفسى علقت على الحلقه الاخيره لكن انا جيت راجع افتش على الجديد ولقيت نفسى كنت بعيد خلاص لانى ما علقت على السابق يا مبدع
لا بالجد ياعبير الزوله دى مااتاخرت
قالت عبير
اتاخرت شنو ياشاب انتو الجاييين بدرى
الغريبه الساعه جنبك تبدو زى دقيقه والديقه وانت مافى تمو يا اخوانا مابقدر لانو زمن عبد الله كان دهر
بعدين عباس ده الجابو شنو حسع ده وقتو والله فضيحتكم بجلاجل

abdella
15-04-2009, 06:36 PM
اوع تقول لي جهازك علق

يا اخ معقوله يا
لالا المره دى انا المعلق ماجهازى
تسلم ياصديقى

abdella
15-04-2009, 06:38 PM
السلام عليكم ورحمة الله وبركاته
مبدعنا عبد اله والله انا قايل نفسى علقت على الحلقه الاخيره لكن انا جيت راجع افتش على الجديد ولقيت نفسى كنت بعيد خلاص لانى ما علقت على السابق يا مبدع
لا بالجد ياعبير الزوله دى مااتاخرت
قالت عبير
اتاخرت شنو ياشاب انتو الجاييين بدرى
الغريبه الساعه جنبك تبدو زى دقيقه والديقه وانت مافى تمو يا اخوانا مابقدر لانو زمن عبد الله كان دهر
بعدين عباس ده الجابو شنو حسع ده وقتو والله فضيحتكم بجلاجل
صديقى كمال
تعرف ياصديقى انو فى ناس الواحد فعلا بفتقد مرورم وانت واحد من الناس ديل
لكن مابالغت عديل الاداك الاحساس انو القصه انتهت شنو والقصه ياداب ولعت
قلت لى نحن خفاف ... نعمل شنو مع التكسر الحاصل لينا ده
مودتى وتانى ماتنقطع

abdella
15-04-2009, 06:41 PM
ياحسان ماتجى تتاق وتمشى
سمعنا صوت كيبوردك
لااسكت الله لك كيبوردا

abdella
15-04-2009, 09:18 PM
كانت عيون الصبى تقدح بالشرر وكانت دواخلنا تئز بالرعب وما اصعب المعادله
صبييين
مع صبيتين
فى دار شبه خاليه
فى مجتمع ريفى
معادله لايمكن لاعتى المعادلات الرياضيه حلها وعباس قد ضاقت حدقتا عينيه وظهرت على جبينه الاسود الاف الخطوط الممتده من الاذن الى الاذن والزبد يبدو كزبد البحر فى يوم خريفى عنيف الطقس ودواخلى التي قد اعتراهها الخوف الهائل اشبه بقط ابتل وبره وترك فى عراء الشمال فى شتاءه القارس
قال عباس والشرر يكاد يتساقط من عينيه من فرط الغضب بلهجه لاتخلو رغم ظاهرها الغاضب من التشفى والسخريه
والله ماشاء الله قلبتوها شارع الهرم
قلت والخوف المستكين يملا صوتى
اهلا ياعبس
قاطعنى ناهرا
يازول بعرفك ؟ لاقيتك قبل كده ... عبس بتاع شنو
اعترانى صمت الخائفين وهو اشد انواع الصمت بؤسا
فقال عباس المنشى بتشفيه
والله بعد الحركه الانتو عملتوها دى ياانتو ياانا فى البلد دى
كل هذا الحوار ولم يفتح الله على بمجرد التفاته ناحيه سهير وبقيه رفاقى الاحينما زكر عباس هذه العباره . استدرت تلقائيا ناحيه سهير ربما لاتباط ( البلد دى ) التى زكرها عباس فى جوارحى بحبيبتى فكيف يمكن لى ان اتنفس بعيدا عن مكان لايجمعنى بحبيبتى
يالارتباط المحبين بالامكنه التى يرتبط بها من يحبون
ففى كل قصص الغرام التى نشات فى كتب كل العشق القديمه كان اطراف هذا العشق ثلاث
المحبوب
والحبيب
والارض التى تجمعهما
وليس ببعيد عن الذهن اشعار المحبين الاوائل فى كل كتب العشق وما تحتويه من ارتباط بالمكان اقرب للارتباط بالمحبوب نفسه
لم تختلف هذه الارتباطات
فى المدن
فى الحضر
فى القرى
وفى البوادى
وقديما قال الشاعر
وحلتنا التي تجمعنى بمن احب
هى ( سقط اللوى بين الدخول وحومل ) التى فى الشعر الجاهلى
وعباس قد هدد
التفت الى سهير ورفيقتها التلان كانتا من فرط الرعب كزغب الحمام حينما يهاجمها قط قد كشر عن انيابه فكان لزاما على ان اتناسى خوفى واجتهد لاضع حدا لخوف الصبيتين
فقلت محاولا استدراج عباس فى حديث لين قد يسفر عن عقد صفقه تضمن خروج الفتاتين من هذه الورطه
فى شنو ياعباس
انت قايل فى شنو ... نحن قاعدين فى نص الحوش والبيت فاتح
قال عباس بحنق
يعنى ماخايفين ؟ ثم اردف فى تهديد ... كويييييييييييييييييييس
قلت بضعف واضح
يااخ خوف شنو ... كل الحكايه وما فيها انو نحنا مستغربين ليه انت بتعمل معانا كده
قال بعنف
برضو انا البعمل ... والله صحى الاختشو ماتو
لم يكن صاحبى يشارك فى الحديث بل اكتفى ببعض الهمهمه حتى جاء اتهام عباس لنا بقله الحياء فقال بصوت اقرب لللين ...
شنو ياعباس انت تفلق فينا بالكلام انت شايفنا قعد نعمل شنو
قال عباس ساخرا
لا عليك الله اعملو ... اعملو عليك الله
تدخلت عبير مقاطعه اياه ووفد اغرورغت عيناها بدموع الخوف
يااخوانا ... عليكم الله وطو صوتكم
قال عباس وهو يتعمد رفع صوته
ماقلتو ماقعد تعملو حاجه غلط خايفين من الصوت العالى ليه
قاطعته بسرعه
يااخوى والله القصه ماقصه غلط القصه قصه ناس ممكن تفهم غلط
التفت الى مغضبا
انت خلاص حتقعد تتفلسف لى ... القصه وما القصه .... يازول شوف كان فى غلط ولا مافى غلط انا برسل زول ينادى لى عبير اهلها ... والمعاكم دى ( واشار لسهير ) بنشوف ليها والى يلمها ( فى اساءه واضحه )
حانت منى التفاته الى سهير حال ذكرها فاذا بعينيها تفيضان بالدموع التى ماان رايتها فى عينيها حتى تحول خوفى الى حنق من نوع عجيب
عجيب امر الدموع فى عين من نحب
كيف هى قادره على تغيير كيمياء المخ
كيف تحول بضع قطرات من ماء
الضعف الى قوه
الخوف الى حنق
الذله الى طاقه
لم اكن اعلم انى احبها كل هذا الحب حتى رايت الدمع فى عينيها
فكانا صبت قطرات دمعها اللؤلؤى فى صدرى
كنت اظن ان حرقه الدمع نحسها حينما نبكى
لكنى علمت الان ان حرقه الدمع الحقيقيه
نحسها عندما يبكى من نحب
تفر الدمعه من عينيه حاره
الى دواخلنا
تحرقنا فوق مانتصور
تكوينا
بطعم الجمر
ونكه الالم
ورحيق الدخان
يااااااااااااااااااااااه
ليتنى ياحبيبتى استطيع ان اعيد الزمان بعض لحيظات لكى لاارى فى عينيك هذا الدمع
ليتنى ياحبيبتى استطيع ان اغزل من خيوط قبه السماء منديلا اكفكف به دمعك الغالى
ليتنى ياحبيبتى املك مصباح علاء الدين
لاخبر الجنى الصاعد من بين دخان المصباح ان
ان يمنع هدبى عينيك من ان يطبقاء فلا تبكين
ليتنى ياحبيبتى ا
املك مقدار الف
الف نهر من الدموع فى عينى اسكبهما حلالا على قدميك ولا ارى فى عينيك قطره دمع
لم اكن املك
لم اكن املك
لم اكن املك
لكنى كنت املك حبى اليك
وهو اقوى من كل الجن التى فى المصابيح
واكبر من ان يتسع له مكان ولازمان
كنت املك حبى لك الذى هو وحده مقياس رسم العشق
نعم ياسيدتى
حبى لك مقياس رسم العشق
فحسبى ان اقول انى احبك كما احبك
وليقس الناس بعدها حبهم بمقياسى
فليقل من احب
انه يحب محبوبته
كما احببتك انا
عفوا
فليقل
كاد حبى لمحبوبتى ان يصير مثل حب ..... لسهير
فحبى لك وحده مقياس رسم الحب
تحولت ببصرى ناحيه عباس وقد تغير صوتى الذى استمد غضبه من دموع حبيبتى
شوف يازول انت داير شنو
..... نواصل

ود الخليفه
15-04-2009, 09:22 PM
الرايق

عبدالله

تانى اعتذار مافى

ياخى شنو الحكايه

عاوزين نشوف الشكله

وشراد صاحبك من المعركه

طبعا حا يقول انا مالى ومالها لا ناقة لى ولا جمل

ويكب الذوقه ويخليك لعباس يعمل فيك عمايلو طبعا انت ما بتقدر تذوق

تحياتى بلاحدود

مصعب كويه
15-04-2009, 10:25 PM
( القصة ما قصة غلظ القصة قصة الناس تفهم غلط )
انا لو محل عباس كنت عتقتكم
والله شغلك نضيف ..
((( بديت أصدق ودالبشرى))) هاهاهاهاها
بس ما تكون سلمتو رقبتك ؟؟
بس خايف نهايتك ما تكون زى نهاية ناس كده ......
لك مني كل الود الاحتراااااااااااام

abdella
16-04-2009, 12:35 AM
الرايق

عبدالله

تانى اعتذار مافى

ياخى شنو الحكايه

عاوزين نشوف الشكله

وشراد صاحبك من المعركه

طبعا حا يقول انا مالى ومالها لا ناقة لى ولا جمل

ويكب الذوقه ويخليك لعباس يعمل فيك عمايلو طبعا انت ما بتقدر تذوق

تحياتى بلاحدود
حبيبنا ود الخليفه
بالله شفت الزنقه دى كيف
مودتى على المرور الجميل

abdella
16-04-2009, 12:38 AM
( القصة ما قصة غلظ القصة قصة الناس تفهم غلط )
انا لو محل عباس كنت عتقتكم
والله شغلك نضيف ..
((( بديت أصدق ودالبشرى))) هاهاهاهاها
بس ما تكون سلمتو رقبتك ؟؟
بس خايف نهايتك ما تكون زى نهاية ناس كده ......
لك مني كل الود الاحتراااااااااااام
قلت لى حنك سنين
ماتصدق ود البشرى وتباريهو
بوديك الخور
مودتى ليك وليهو

شجرةالدر
16-04-2009, 01:23 AM
قمة الوفاء مع صدق الكلمات تفوح رايْحتها من هذاالقصة الجميلة ابحرنا عبرها مع العشاق والرعب من عباس
عشت اروع اللحظات مع الحلقة ولكن وانا مرعوبة من هذا العباس ياساتر !!!
تعبير جميل وجمل ملئية بقوة الإرادة تتنفس عشقا ،،
لك التحية بامتداد حروفك

عادل الأسد
16-04-2009, 04:46 AM
عادي يا عبدالله اخد العلقه بس برهن لي حبيبتك حبك

ما سميته بارض المحبوبه الذي دائما ما يكون العنصر التالت في قصة الحب

سمي في الشعر الجاهلي (بالوقوف علي الاطلال) وكان يبدون بهم قصائدهم


روايتك تذداد ابهارا

kamal ali
16-04-2009, 07:14 AM
السلام عليكم ورحمة الله وبركاته
عبد الله المبدع يا اخى كمل الكلام مع عباس دايرين نشوفك كيف تبهدلو علشان دموع حبيبتك
لكن عبير وسهير بيخليكم ترفعوا اصواتكم علشان الناس ما بتسمع اقولك صجو كف واحد بعد داك اليحصل يحصل

بكري عبد اللطيف
16-04-2009, 09:44 AM
داير مشاكل لكن لقيتك قلبك حار شديد والله يستر من لمة ناس الحلة

عبد الرحمن سمل
16-04-2009, 12:26 PM
كاد حبى لمحبوبتى ان يصير مثل حب ..... لسهير
فحبى لك وحده مقياس رسم الحب
تحولت ببصرى ناحيه عباس وقد تغير صوتى الذى استمد غضبه من دموع حبيبتى
شوف يازول انت داير شنو
..... نواصل

الناس بالحظوظ يتهنو وانتو حظكم عاثري شوووم
والزول ما بيفوتو قسمتو ولازم ترضو بالمقسوووم
عبد الله اسماعيل
حليلة حليله حليلة حليله
حليلة حليله حليلة
حليلة حليله
حليلة

abdella
16-04-2009, 05:14 PM
قمة الوفاء مع صدق الكلمات تفوح رايْحتها من هذاالقصة الجميلة ابحرنا عبرها مع العشاق والرعب من عباس
عشت اروع اللحظات مع الحلقة ولكن وانا مرعوبة من هذا العباس ياساتر !!!
تعبير جميل وجمل ملئية بقوة الإرادة تتنفس عشقا ،،
لك التحية بامتداد حروفك
الجميله شجره الدر
تحياتى على مرورك الذى اخترت ان يكون الان
ومابين الان وكل حين يكون امتنانى بوسامته
مودتى التى لاتنقطع
وشكرا لانك كنت هنا

abdella
16-04-2009, 05:16 PM
عادي يا عبدالله اخد العلقه بس برهن لي حبيبتك حبك

ما سميته بارض المحبوبه الذي دائما ما يكون العنصر التالت في قصة الحب

سمي في الشعر الجاهلي (بالوقوف علي الاطلال) وكان يبدون بهم قصائدهم


روايتك تذداد ابهارا
الجميل عادل اولا شكرا على المعلومه
وحدك انت المبهر فى كل حين
قيساب موده

abdella
16-04-2009, 05:17 PM
السلام عليكم ورحمة الله وبركاته
عبد الله المبدع يا اخى كمل الكلام مع عباس دايرين نشوفك كيف تبهدلو علشان دموع حبيبتك
لكن عبير وسهير بيخليكم ترفعوا اصواتكم علشان الناس ما بتسمع اقولك صجو كف واحد بعد داك اليحصل يحصل
كمال صاحبى الذى اود
سخنت ....؟ صح
غابات موده

abdella
16-04-2009, 05:18 PM
داير مشاكل لكن لقيتك قلبك حار شديد والله يستر من لمة ناس الحلة
بكرى ود حلتنا
مشكور على المرور
ملتقانا اليوم انشاء الله

قوت القلوب
17-04-2009, 12:00 AM
الاستاذ عبد الله اسماعييييييييل ود حلتنا
ثهييييييييييير الثجمممم بت الحله البي غادى
مشيتو وين؟:read:

محمد قيقم
17-04-2009, 01:05 AM
هههههههههه
ما قصدي شماته والله يا عبد الله بس حسي انا متخيل منظرك بس ههههههههههههههههه

abdella
17-04-2009, 02:57 AM
الاستاذ عبد الله اسماعييييييييل ود حلتنا
ثهييييييييييير الثجمممم بت الحله البي غادى
مشيتو وين؟:read:
قوت يا
وينك يا صحبتى
شكلكك ماقريتى الحلقه الاخيره
!!!!!!!!!!!!!:read:

مصعب كويه
18-04-2009, 12:23 AM
اتخيلت منظركم .ههههههههههههه .... لكن زى عباس كسرو سااااااااااااااهل اذا طلعتوا تفاتيييييييييييييح
ما تطول عليناااااااااااااااااااااااااااااا

سعيد كويا
18-04-2009, 12:27 AM
حبيبنا عبد الله
اولا اعتزر عن المرور المتاخروذلك عمدا
حتى لااخلط بين سهير وود عزيزة والذي
اتابعه بشغف ولكني ندمت لتاخري فهنالك
مواضع كثيرة كنت اتمنى ان اعلق عليها
ولكن عموما اكثر من رائعه والذي شدني
اكثر هو ان هذه القصة هي قصتي مع
اختلاف بسيط في التفاصيل وبعض الشخصيات
مرة وانا في الثانوي قبضني المدير بتاع المدرسة
في السبيل واخدت علقة ساخنة وبرضو ماخليت
السبيل والله زكرتنا بايام جميلة اتمنى انها تعود
ومانيل المطايا بالتمني .... ولكن تؤخذ الدنيا غلابه

لك كل الحب

حفيرتون
18-04-2009, 12:58 AM
سلاااااااااااااااااااااااااااااااااااااااااااااااا ااااام

وين يا حبيبنا!!!

معليش يا اخي ما علقت على حلقتين

والله ما قريتهم إلا هسي وما عارف ليه ما شفتو !!!

لكن والله في قمة الروعة والاجمل انك في خلال يومين قدرت

تحصل على ابتسامة ودمعة في نفس الوقت

(وأمطرت لؤلؤاً من نرجسٍ وسقت ورداً وعضت على العناب بالبردِِ)

ولي عودة,,,

abdella
18-04-2009, 10:41 AM
هههههههههه
ما قصدي شماته والله يا عبد الله بس حسي انا متخيل منظرك بس ههههههههههههههههه
حبيبنا ود قيقم
قلت لى شمتان
ليك الحق
مودتى

مصعب كويه
18-04-2009, 11:49 AM
حبيبنا عبد الله
اولا اعتزر عن المرور المتاخروذلك عمدا
حتى لااخلط بين سهير وود عزيزة والذي
اتابعه بشغف ولكني ندمت لتاخري فهنالك
مواضع كثيرة كنت اتمنى ان اعلق عليها
ولكن عموما اكثر من رائعه والذي شدني
اكثر هو ان هذه القصة هي قصتي مع
اختلاف بسيط في التفاصيل وبعض الشخصيات
مرة وانا في الثانوي قبضني المدير بتاع المدرسة
في السبيل واخدت علقة ساخنة وبرضو ماخليت
السبيل والله زكرتنا بايام جميلة اتمنى انها تعود
ومانيل المطايا بالتمني .... ولكن تؤخذ الدنيا غلابه

لك كل الحب

ههههههههه هي كانت علقة بس ابقي راجل وتم الباقي ... المنتدى طلع نصو مجانيين وبتاعين فت تقيل ... الله يكون في عونكم أخير منكم انا اللسه بفتش في بت الحلال والكاشاااااااااااااااااات

الاسد
18-04-2009, 06:05 PM
ولما السمحة تجدع ايد وتغل جيد
تكون شايلاهو هاشمية
مش كان فى كلام ذى دة؟
هسة بعد الكلام دة
العلقة كانت فى ولا مافى؟
رائع جدا
جدا جدا

abdella
18-04-2009, 07:46 PM
اتخيلت منظركم .ههههههههههههه .... لكن زى عباس كسرو سااااااااااااااهل اذا طلعتوا تفاتيييييييييييييح
ما تطول عليناااااااااااااااااااااااااااااا
ساهل وين ياعمك
انت ماشفت الزول ده ماتنظر
مودتى

abdella
18-04-2009, 07:51 PM
حبيبنا عبد الله
اولا اعتزر عن المرور المتاخروذلك عمدا
حتى لااخلط بين سهير وود عزيزة والذي
اتابعه بشغف ولكني ندمت لتاخري فهنالك
مواضع كثيرة كنت اتمنى ان اعلق عليها
ولكن عموما اكثر من رائعه والذي شدني
اكثر هو ان هذه القصة هي قصتي مع
اختلاف بسيط في التفاصيل وبعض الشخصيات
مرة وانا في الثانوي قبضني المدير بتاع المدرسة
في السبيل واخدت علقة ساخنة وبرضو ماخليت
السبيل والله زكرتنا بايام جميلة اتمنى انها تعود
ومانيل المطايا بالتمني .... ولكن تؤخذ الدنيا غلابه

لك كل الحب
مرورك فى اى وكت جميل
مودتى

abdella
18-04-2009, 07:52 PM
سلاااااااااااااااااااااااااااااااااااااااااااااااا ااااام

وين يا حبيبنا!!!

معليش يا اخي ما علقت على حلقتين

والله ما قريتهم إلا هسي وما عارف ليه ما شفتو !!!

لكن والله في قمة الروعة والاجمل انك في خلال يومين قدرت

تحصل على ابتسامة ودمعة في نفس الوقت

(وأمطرت لؤلؤاً من نرجسٍ وسقت ورداً وعضت على العناب بالبردِِ)

ولي عودة,,,
ماتحنكنا ياهندسه انا7898$$8&

abdella
18-04-2009, 07:55 PM
ولما السمحة تجدع ايد وتغل جيد
تكون شايلاهو هاشمية
مش كان فى كلام ذى دة؟
هسة بعد الكلام دة
العلقة كانت فى ولا مافى؟
رائع جدا
جدا جدا
الاسد حبيبنا
الرد فى حلقه الليله
مودتى

abdella
18-04-2009, 08:05 PM
لم اكد اكمل عبارتى حتى هوت قبضه الصبى كالمطرقه على صدرى او بالاحرى على المسافه الفاصله بين القفص الصدرى والمعده حيث الحجاب الحاجز ولا يبدو ان الصدفه وحدها هى التى جعلت الصبى يتخير المكان الذى استهدفه ولكنها يبدو لنها خبرته وسوء حظى فالمكان المستهدف من اكثر مناطق الجسم حساسيه للاصابه لارتباطه بعمليه التنفس عند الانسان حيث يتحرك الحجاب الحاجز الى اعلى ولاسفل مفرغا الرئتين من الهواء او فاسحا المجال لدخول الهواء طيقا لعمليتى الشهيق والزفير ولااعتقد ان عباس كان يملك المعلومه بشقها العلمى ولكن ولا شك ان خبرته الطويله فى العراك والمعارك التى خاضها قد جعلته اكثر خبره فى الناطق التى يجب استهدافها من حسم الانسان فى حاله العراك
لم تكد قيضته تهوى على جسدى حتى احسست وللفور بانقطاع التنفس مما تسبب لى بالم وهلع هائلين جعل الحشرجه الصادره منى اشبه بعواء جرو واهن لم تكمل امه ارضاعه وتركته فى العراء
ترنحت خطوتين الى الخلف وساقاى من الرعب لاتقويان على حملى مماجعل سهير تصرخ وهى تفتح زراعيها للتلقانى من الخلف محاوله منعى من السقوط وصوت صراخها يئز فى اذنى ولو اننى كنت كنت اسمعه كانه صادر من اعماق جب قويط الا اننى احسست بذراعى الصبيه ومها تحتضنانى من الخلف وكان هذا اخر مااحسست به
حكى لى صاحبى فيما بعد بقيه ماحدث قائلا
شفت ياصاحبى المعلم ده قشطك بنيه (لكمه ) لقيناك اترتحت (ترنحت ) زى الشارب ليك برميل عرقى (خمر محلى يصنع من التمر ) وكتر خير سهير لو مالمت فيك من وراء كان دقيت الدلجه زى السبيطه الرامينها من فوق
ثم واصل مكملا بقيه الحكايه التى لم يتسنى لى متابعتها
اها ياصحبى .. صحبك عباس اول ماشاف البنات صرخو طوالى اتلفت لى وراء واتخارج قايلك شتت (مت ) بعداك انحنا سهير قالت لى انفخ فى خشمك عشان الهواء يدخل جوه شان تفوق وعلى حسب كلامه اخوك طوالى مااتردد لصق خشمو فى خشمك واشتغل زى الكمبرسون ( ماكينه لضخ الهواء ) لحدى مافتحت عيونك انا طوالى قلت للبنات يتخارجو والشهاده لله سهير اصلو ماكانت دايره تشى لكن انا قلت ليها ممكن زول يكون سمع صراخم ويجى تبقى قصه وبعد داك الباقى انت عارفو
تمثل باقى الحكايه فى اننى ماان عادت لى الروح كنت مهموما بالصبيتين او بالاحرى بسهير فسالت صاحبى وصوتى لايكاد يخرج من بين شفتى عنها فاخبرنى بذهابها فاستراحت نفسى قليلا ونهضت من اغمائتى مترنحا متكاء على صديقى الذى قام بايصالى الى المنزل وهو يحثنى على تمالك نفسى حتى لا ينفضح ماكان من امرنا وما ان وصلنا الى عتبه دارنا حتى وجدنا سهير وصاحبتها فى اول الشارع تراقباننا من بعيد وما ان راتنى سهير حتى لوحت لى بكفها محركه ايهاها فى شكل دائره جالبه ضاهر الكف وباطنها فى علامه داله على الاستفسار فلوحت لها بكفى مطمئنا اياها فلوحت لى باصبعها الى مكان على جدار كانت تقفان بجانبه وانصرفت
قلت لصاحبى
البت دى اشرت على حاجه فى الحيطه ارح نشوفه
همهم صاحبى مغتاظا
... يازول حاجه شنو انحنا هسى فى شنو عليك الله
لم اعباء بقوله كثير وتوجهت الى المكان المعنى فى الجدار فوجدتها قد نقشت عليه كلمات ثلاث ( بكره العصر تحت ) قراء صاحبى اللكلمات المنقوشه كما قراتها وقال
والله انتو التنين فايقين ورايقين
لم اجبه فلم يكن بى ادنى رغبه فى الكلام الا اننى قلت له
يلا ياعمك مع السلامه
نظر لى بتعجب وهو يقول
يازول مع السلامه شنو انحنا هسى حنعمل شنو ؟
قلت
نعمل شنو فى شنو
قال
يازول انت لسع غمران ولا شنو ؟ فى شنو كيف يعنى ؟ .. ثم واصل شارحا مايعنى
فى ابن (.......) الاسمو عباس ده الجاء داخل علينا وخلى يومنا سليقه ( فى كنايه عن اختراب الموعد )
بكره .. بكره انشاء الله
لم يعجبه اختصارى للحديث حسبما رايت فى تعابير وجهه لكنه استسلم لرغبتى ربما لاحساسه باننى مصاب بالارهاق والخزى من جراء ماحدث
اصر صاحبى على اصطحابى الى عتبه الدار فى عودتنا من مكان كتابه سهير على الحائط ظانن اننى لم اتماك نفسى من اثر الاصابه بعد فودعته على عتبه الدار قايلا
يلا ياباشا لى بكره انشاء الله
استدار مغادرا وهو يقول
انشاء الله ... فدلفت الى الدار متجاوزا عتبه الباب التى كان فى مدخلها بضع جوالات من محصول الفول الذى يبدو ان الحمال جلببها من الحقل تمهيدا لخزنها قد القى بها فى المدخل مما جعلنى اتعثر بها منكفئا على وجهى
نهضت من سقطتى وانا اسب والعن ( الفول والحمال وابويوم الحمال ) نافضا من على غبار السقطه متوجها مباشره الى الحمام
نزعت من على ملابسى فانساب الماء باردا على جسدى وماان ارتعشت الارتعاشه الاولى التى تنتاب الجسد حال ملامسه الماء له حتى عاد شريط كل ماحدث امام ناظرى فطافت براسى الاف عشرت الاسئله
كيف حدث ماحدث ؟
من اين جاء هذا الملعون عباس ؟
من الذى اخبره بمكاننا ؟
هل كان يتبع تحركاتنا ؟
من غيره من (الحله ) يعلم مابينى وسهير
سهييييييييييييييييييييييييييييييييييييييييييييييير
كيف ساجروء على مواجهتها بعد الذى حدث
ما الذى يمكن ان تقوله عنى وانا اتهاوى عند قدميها كجذع نخل خاو ؟
احال وصولى الى هذا السؤال اعترانى خجل هائل تحول وبسرعه الى جبال من الحقد ناحيه عباس جسمت على صدرى جاعله جسدى المبتل يلتهب من فرط سخونتها فللحقد مقدره عجيبه على تحويل كيمياء الجسد من البرد الى السخونه كانما قد قد من جمر
لازم اعمل حاجه ... قلت بصوت عال تردد صداه فى الحمام فى الوقت الذى صدف مرور والدتى بجواره فسمعت ماقلت بوضوح فطرقت الباب جزعه وهى تكرر اسمى مرتيين قبل ان تقول
ياولد فى شنو
اااااه .... اجبت من الداخل
وصوت الماء المنسكب من الصنبور يطغى على صوتها حارما اياى من سماع ماتقول
كررت سوالها الذى سمعت اخره بعد ان اغلقت الصنبور
قلت مجيبا السؤال بنفس السؤال
... فى شنو..
قالت
... تسألنى .. انت القعد تتكلم جوه الحمام ولاانا ؟
قلت كاذبا
الواحد مايغنى يعنى ؟
قالت
ياولد انا ماعارفه الغناء من الكلام .. غناء شنو انت قعد تتكلم عديل
..............................................نواص ل

ود أقجة
18-04-2009, 08:32 PM
أيها الرائع فينا ود إسماعيل
لك التحية أخي على هذا الأبداع الذي يجعلنا في حالة ترقب وإنتظار لأحداث هذا العشق السرمدي نطوف فيه معك كل الدروب الواسعة ديك والرواكيب الصغيرة واصل أيها المبدع وتأكد أننا حضور.
ولك مني كل الود والتقدير...

kamal ali
18-04-2009, 08:58 PM
السلام عليكم ورحمة الله وبركاته
اخونا المبدع عبد الله انا اقول الزول ده طول مالو وانت ماخد بنيتك وعيان لكن حلاتها البنيه الرمتك فى احضان سهير
انت عارف صحبك عباس متابعك ومتابع سهير اظن سهير ادته شاكوش حااااار وداير يبرد جوفه فيك
اهن اوع الوالده تكون عرفت من كلامك انك واقع على شوشتك وماخد كمان علقه قدام حبيبتك
واصل الابداع ونحن متابعين بس ما تتاخر كتير

ارساوي
18-04-2009, 09:29 PM
يارب يا بسه في كم زي سهير ولا دي بس الانت بديت بيها واصل روائعك وشكلها الغربه بتطلع الابداعات وصدق المثل البقول المعاناه تولد الابداع شكلك عانيت من الغربة وبعد الاهل ومشتاااااااااااااااااااااااااااااااااااقين

سعيد كويا
18-04-2009, 10:43 PM
بنية عباس كييييف ؟؟؟fgddsfg


لك مودتي

abdella
19-04-2009, 12:52 AM
أيها الرائع فينا ود إسماعيل
لك التحية أخي على هذا الأبداع الذي يجعلنا في حالة ترقب وإنتظار لأحداث هذا العشق السرمدي نطوف فيه معك كل الدروب الواسعة ديك والرواكيب الصغيرة واصل أيها المبدع وتأكد أننا حضور.
ولك مني كل الود والتقدير...
حبيبنا ود اقجه
ممنون انا لكلماتك الرائعات
مودتى

abdella
19-04-2009, 12:54 AM
السلام عليكم ورحمة الله وبركاته
اخونا المبدع عبد الله انا اقول الزول ده طول مالو وانت ماخد بنيتك وعيان لكن حلاتها البنيه الرمتك فى احضان سهير
انت عارف صحبك عباس متابعك ومتابع سهير اظن سهير ادته شاكوش حااااار وداير يبرد جوفه فيك
اهن اوع الوالده تكون عرفت من كلامك انك واقع على شوشتك وماخد كمان علقه قدام حبيبتك
واصل الابداع ونحن متابعين بس ما تتاخر كتير
حبيبنا كمال
مشكور على المرور الجميل
مودتنا لك لاتحتاج الى قول

abdella
19-04-2009, 12:56 AM
يارب يا بسه في كم زي سهير ولا دي بس الانت بديت بيها واصل روائعك وشكلها الغربه بتطلع الابداعات وصدق المثل البقول المعاناه تولد الابداع شكلك عانيت من الغربة وبعد الاهل ومشتاااااااااااااااااااااااااااااااااااقين

مشكور للمرور الاول
باقى الكلام
!!!!!!!!!!!!!!!!!!!!!!
!!!!!!!!!!!!!!

abdella
19-04-2009, 12:57 AM
بنية عباس كييييف ؟؟؟fgddsfg


لك مودتي
حبيبنا
ابااااااااااااااااس هنا
مودتى

عادل الأسد
19-04-2009, 01:13 AM
كلما توقلت في الرواية اذدت انا اندهاشا كيف تمسك بناصية اللغه والتعبير بهاكذا اقتدار كيف تمسك بحروف الكلمه لتنسجها عطرا نستنشقه كيف تمسك بالقلم وتخط كلمه فتخرج لوحه
انت لابد كاتب راوئ بالفطره او شخص موغل في الكتابة ومحترف في صنع الدهشه

عبدالله يا اخوي انته ما ساهل

حفيرتون
19-04-2009, 01:23 AM
لم اكد اكمل عبارتى حتى هوت قبضه الصبى كالمطرقه على صدرى او بالاحرى على المسافه الفاصله بين القفص الصدرى والمعده حيث الحجاب الحاجز

يــــــا خســـــــــــــارة

وعد دنقلا
19-04-2009, 02:33 AM
الرائع دوما ...عبدالله

يقال ان للدهشه وميض
يخفو مع كثرة المساس او التعود

ولكن هنا ...معك الامر مختلف تماما
فالدهشة تزداد مع كل حرف
وندمنك اكثر مع نهاية كل سطر

نحن هنا ننتظر
حتى آخر نزف لقلمك
دمت مبدعا

وعد دنقلا

قوت القلوب
19-04-2009, 01:18 PM
ياولد انا ماعارفه الغناء من الكلام .. غناء شنو انت قعد تتكلم عديل
..............................................هههه هههههههههههههههههههه هههههههههه

والله انا حبيت المره دي



(بكره العصر فوق !) تجيب لينا الحصل كللو ....
نشوف مواعيدنا ولامواعيد سهير !!!!!!!


تحياتى ايها المبدع

ودالبشري
19-04-2009, 03:59 PM
شنو يا عبدالله الابداعات الكانت مدسوسة دي ولحد متين ح تجافينا كده وشنو جبت فكيت آخرك كدة الما يشتري يتفرج

abdella
19-04-2009, 05:28 PM
كلما توقلت في الرواية اذدت انا اندهاشا كيف تمسك بناصية اللغه والتعبير بهاكذا اقتدار كيف تمسك بحروف الكلمه لتنسجها عطرا نستنشقه كيف تمسك بالقلم وتخط كلمه فتخرج لوحه
انت لابد كاتب راوئ بالفطره او شخص موغل في الكتابة ومحترف في صنع الدهشه

عبدالله يا اخوي انته ما ساهل
حبيبنا عادل
يظل لحضورك الق خاص
تتقاصر عنه حروفى
ويفوق احرفى وسامه
مودتى

abdella
19-04-2009, 05:30 PM
يــــــا خســـــــــــــارة

الخساره الحقيقيه
هى السنوات التى مرت ولم اكن اعرفكم فيها
مودتى ياصاحب

abdella
19-04-2009, 05:34 PM
الرائع دوما ...عبدالله

يقال ان للدهشه وميض
يخفو مع كثرة المساس او التعود

ولكن هنا ...معك الامر مختلف تماما
فالدهشة تزداد مع كل حرف
وندمنك اكثر مع نهاية كل سطر

نحن هنا ننتظر
حتى آخر نزف لقلمك
دمت مبدعا

وعد دنقلا
وعد دنقلا
اولا مشتاقين
طال غيابكم عن المرور من هنا
شكرا الف مره بكل حرف قلتموه فى حقنا
مودتى
من عشمى لن اقبل الغياب مره اخرى

abdella
19-04-2009, 05:38 PM
ياولد انا ماعارفه الغناء من الكلام .. غناء شنو انت قعد تتكلم عديل
..............................................هههه هههههههههههههههههههه هههههههههه

والله انا حبيت المره دي



(بكره العصر فوق !) تجيب لينا الحصل كللو ....
نشوف مواعيدنا ولامواعيد سهير !!!!!!!


تحياتى ايها المبدع
الصديقه قوت
ازدهى المكان وازداد القا
تظلين دوما احد الذين اشتاق اليهم فى كل حين
مودتى لك
تخريمه
تانى ماتغيبى

abdella
19-04-2009, 05:39 PM
شنو يا عبدالله الابداعات الكانت مدسوسة دي ولحد متين ح تجافينا كده وشنو جبت فكيت آخرك كدة الما يشتري يتفرج
ياود البشرى
اولا انا اتحيرت معاك عديل
انت عندك ملفين
واسمين
ولا انت واحد تانى
انت شكلك ماقريت بدايه القصه
عارفنى بودك قدر شنو

بكري عبد اللطيف
19-04-2009, 05:52 PM
معليش يافردة شكلو عباس ده كان عنتر الدفعة انتو اتنين ومعاك حبيبتك خجلتني والله وهسه حتمشي ليه بياتو وش احرجتنا معاك ياراجل لكن مامشكلة دي حال المحبين

ودالبشري
19-04-2009, 06:19 PM
يا عبدالله انا ود البشري (ساتنتود) لكن ودبشري دي عضو تاني اخبارك عامل شنو مع الغربة لو ما ابالغ في يوم حتنافس الطيب صالح واصل وربنا يوسع ليك في خيالك كمان وكمان

abdella
19-04-2009, 07:41 PM
معليش يافردة شكلو عباس ده كان عنتر الدفعة انتو اتنين ومعاك حبيبتك خجلتني والله وهسه حتمشي ليه بياتو وش احرجتنا معاك ياراجل لكن مامشكلة دي حال المحبين
اخونا ورفيق غربتنا بكرى
ماتشوف خجا انشاالله ( دى بالقطرى )
معليش
ام اشاء ان اكذب واتجمل
مودتى

abdella
19-04-2009, 07:46 PM
يا عبدالله انا ود البشري (ساتنتود) لكن ودبشري دي عضو تاني اخبارك عامل شنو مع الغربة لو ما ابالغ في يوم حتنافس الطيب صالح واصل وربنا يوسع ليك في خيالك كمان وكمان
صديقى بالامس
واليوم
وغدا
ورفيق الزمن الوسيم
محمد بشرى
لو تدرى كم اشتاقك ياصاح
لو تدرى كم افتقدكم
لو تدرى كم اننى تحايلت على الزمان ان يعود
فابى واستعصى
لكنه ماستطتع ان ينتزعكم من الدواخل
رفاق الايام الوسيمه والزمن الجميل
مودتى لك قد يفسدها القول
تحياتى لصاحبى ورفيق كل الاحرف التى فى كتاب العمر ساتنتود
وتانى سلام

ود الخليفه
20-04-2009, 10:30 AM
صباح الخير
المبدع عبد الله
السبب في ذلك هو عدم
سماعك لكلام الوالدة وذهبت إلى
سهير وهي غير راضيه عنك وجاء
عباس ليأخذ بحق أمك منك وحصل الحصل
أين صاحبك
من المعركة كان
متفرجا فقط ولو تشجع
شويه كان سلختوه سلخ لكن
لا ينفع النفخ في قربه مقدوده بس لو
صرخ مثل سهير دي كان نقول عمل حاجه
لكن نقول خيرها في غيرها ويتعلم من الأيام 00
اعمل حسابك
عباس لو جاء مارى
بجوار الحيطة دي وقراء
(بكره العصر تحت) بجيكم نازل
طوالى 0وعشان كده أنت لازم ترجع
وتمسح الكتابة بتاعت سهير دي وتضمن
مافى زول حا يجيكم تانى وتبعدوا من شر عباس
نرى في الحلقة
القادمة كيف طلعت
من الحمام وبي أي فكره سوف
ترد الثار وتنتصر على المجرم (عباس)

تحيــــــاتي
يا مبدع

عبدالحى سعيد
20-04-2009, 03:11 PM
حليل الكان بهدوا الغير صبح محتار يكوس هداى

بكور
20-04-2009, 05:00 PM
لك التحية / اخونا عبد الله علي هذا الطرح والسرد الجميل للقصة
والله ذكرتنا بايام الطفولة والحب البرئ فيا ليت ايام سهير تعود
تحياتي 0 ابوبكر 0 دمباوي

عبد الرحمن سمل
20-04-2009, 07:12 PM
لم تكد قيضته تهوى على جسدى حتى احسست وللفور بانقطاع التنفس مما تسبب لى بالم وهلع هائلين جعل الحشرجه الصادره منى اشبه بعواء جرو واهن لم تكمل امه ارضاعه وتركته فى العراء
..............................................نواص ل


في الحقة القبل ده قلت الكلام المقتبس ده مافي زول صدقني ولافي زول اشتغل بي

الناس بالحظوظ يتهنو وانتو حظكم عاثري شوووم
والزول ما بيفوتو قسمتو ولازم ترضو بالمقسوووم
عبد الله اسماعيل
حليلة حليله حليلة حليله
حليلة حليله حليلة
حليلة حليله
حليلة 98uyutyu[0

abdella
21-04-2009, 11:13 PM
برضو للذين مرو من هنا شاشه اللابتوب مكسوره ولا اراكم الله مكروها فى لابتوباتكم

محمد قيقم
22-04-2009, 06:56 AM
هههههههههههههه والله محير انت يا عبدالله بتتكلم عربي بطلاقه وتتكلم دارجي بصوره اروع بس بالغت لمن ترجمت الكلام عجبتنى الفكره هههههههههه بسيا زوال والله منظرك عاضي شديد كيف تقع كدا زي النخل الخاوى وين التمر الكنت بتاكل فيهوا طول عمرك يا زوول هههههه
بلمناسبه حجج السودانين الواهيه دي شيلا الاب وقع اللاب اتسرق اللاب طار دا ما موضوعنا باي طريقه تجيب لينا الحلقه الجايه يا اما والله وتلاته بلاهي ما تخليني اقولا قلت شنوا اقولا؟ اوكي اقولا حننتظرك لامن تصلح اللاب

تقبل مروري

abdella
22-04-2009, 04:22 PM
حليل الكان بهدوا الغير صبح محتار يكوس هداى
مش كده عليك الله

abdella
22-04-2009, 04:26 PM
لك التحية / اخونا عبد الله علي هذا الطرح والسرد الجميل للقصة
والله ذكرتنا بايام الطفولة والحب البرئ فيا ليت ايام سهير تعود
تحياتي 0 ابوبكر 0 دمباوي
دمبو
احى مرورك من هنا
مودتى
وماتغيب

abdella
22-04-2009, 04:28 PM
في الحقة القبل ده قلت الكلام المقتبس ده مافي زول صدقني ولافي زول اشتغل بي

98uyutyu[0
طلعت انت اكتر واحد كاشف النومه
مودتى

abdella
22-04-2009, 04:31 PM
هههههههههههههه والله محير انت يا عبدالله بتتكلم عربي بطلاقه وتتكلم دارجي بصوره اروع بس بالغت لمن ترجمت الكلام عجبتنى الفكره هههههههههه بسيا زوال والله منظرك عاضي شديد كيف تقع كدا زي النخل الخاوى وين التمر الكنت بتاكل فيهوا طول عمرك يا زوول هههههه
بلمناسبه حجج السودانين الواهيه دي شيلا الاب وقع اللاب اتسرق اللاب طار دا ما موضوعنا باي طريقه تجيب لينا الحلقه الجايه يا اما والله وتلاته بلاهي ما تخليني اقولا قلت شنوا اقولا؟ اوكي اقولا حننتظرك لامن تصلح اللاب

تقبل مروري
يااخ اقول ليك الزول ده يدو قدر الكوريق
الكورييييييييييييييييييييييييييييييق
تقول لى كيف
والله مااعتذار لكن بالجد اللابتوب مكسو ر ولنل زلتى مضليق لامن انزل الحلقتين ديل لانو من وجهه نظرى حلوااااااااااااااااااااات
مودتى

ودالبشري
22-04-2009, 09:40 PM
الف سلامه والجاتك في شاشتك ضرتك لانك ما ح تاخد راحتك في المقاهي بس اتصرف الحلقات دي بقت زي سجارة الب.............. وو المهم اتصرف حتي لو اضطرينا نعمل ليك شرينق ونحولو ليك رصيد بالمناسبه في قطر في تحويل رصيد ؟؟؟؟؟؟؟؟؟؟؟
هههههههههههههههه

عبد الرحمن سمل
23-04-2009, 12:00 PM
يا اخوانا ده صور فريدة من نوعها استعت الحصول عليها بعن طريق المخابرات الدوليه للقط الصور


http://up2.m5zn.com/photo/2009/4/23/12/kiq5ovfs5.jpg/jpg (http://up2.m5zn.com)


الزول اللابس البدلة ده الفنان عثمان حميدة والزول البعدو اللابس جلبية بيضة ابوزبدة بالملفحة ده العضوء الشهير بكري عبد اللطيف،،والزول اللابس جلابية سوده مكوية الكاتب العملاق عبد الله إسماعيل صاحب هذا البوست،،والباقين بكري يجي يعرفهم شباب دناقلة من الدوحة

ود الخليفه
23-04-2009, 05:18 PM
الرجل

القامه سمل

مساء الخير

شكرا على هذه

الصوره الجميله يعنى لو

قابلونا تانى حا نعرفهم ونقدر نكرمهم

لك التحيه يا رائع


يا عبدالله اسماعيل
عشان ما تقول ماشاركنا
فى الحلقه الااخيره افتح الصفحه 38
آخر مشاركه فى الصفحه

ودالبشري
23-04-2009, 05:41 PM
ياودسمل الماخبرات الدوليه زاتها كايسه الصوره دي مالقياها انت لقيته وين

abdella
23-04-2009, 05:51 PM
الف سلامه والجاتك في شاشتك ضرتك لانك ما ح تاخد راحتك في المقاهي بس اتصرف الحلقات دي بقت زي سجارة الب.............. وو المهم اتصرف حتي لو اضطرينا نعمل ليك شرينق ونحولو ليك رصيد بالمناسبه في قطر في تحويل رصيد ؟؟؟؟؟؟؟؟؟؟؟
هههههههههههههههه
تضحك ياود البشرى
شمتان صح
هسى لو كنت جمبنا الواحد كان اداك اللابتوب وقال ليك اتصرف جيبو لينا بى شاشه لكن تقول شنو
دنيا بت كلب
مودتى ولااراك الله مكروها فى لابتوباتكم

abdella
23-04-2009, 05:53 PM
الرجل

القامه سمل

مساء الخير

شكرا على هذه

الصوره الجميله يعنى لو

قابلونا تانى حا نعرفهم ونقدر نكرمهم

لك التحيه يا رائع


يا عبدالله اسماعيل
عشان ما تقول ماشاركنا
فى الحلقه الااخيره افتح الصفحه 38
آخر مشاركه فى الصفحه
حبيبنا ود الخليفه
مشكور على الطلتين
انتو اكرمتونا بمجرد تواضعكم بالمرور من هنا
مودتى

بكري عبد اللطيف
23-04-2009, 05:56 PM
ده شنو الحنك البيش ده يافردة تقول اللابتوب مكسور وانت يومي خاشي النت لو داير تدلع علينا مامشكلة

abdella
23-04-2009, 05:57 PM
يا اخوانا ده صور فريدة من نوعها استعت الحصول عليها بعن طريق المخابرات الدوليه للقط الصور


http://up2.m5zn.com/photo/2009/4/23/12/kiq5ovfs5.jpg/jpg (http://up2.m5zn.com)


الزول اللابس البدلة ده الفنان عثمان حميدة والزول البعدو اللابس جلبية بيضة ابوزبدة بالملفحة ده العضوء الشهير بكري عبد اللطيف،،والزول اللابس جلابية سوده مكوية الكاتب العملاق عبد الله إسماعيل صاحب هذا البوست،،والباقين بكري يجي يعرفهم شباب دناقلة من الدوحة
والله ياود سمل بالغت معانا عدييييييييييييييييييييييييييييل
يااخ تسعين فى الميه من الناس البقرو لى قايلنى زول عجوز لامن مكركب البرسل لى فى الخاص وبقول لى ياعمو والبقول ليك ماعارف شنو
وانا الحقيقه كنت مبسوط وابيت انزال اى صوره فى الملف بتاعى تجى انت تكشف النومه
عموما انا حسابى مع بكرى
مودتى ...ههههههههههههههههههههه

abdella
23-04-2009, 06:00 PM
ده شنو الحنك البيش ده يافردة تقول اللابتوب مكسور وانت يومي خاشي النت لو داير تدلع علينا مامشكلة
والله يابكرى قعد ادخل من المكتب او الشارع
وحاجاتى كلها محفوظه فى اللبتوب
سيب الحنك وادينا شاشه
مودتى

kamal ali
23-04-2009, 06:39 PM
السلام عليكم ورحمة الله وبركاته
اخونا عبد الله سلامتك والجاتك فى كومبيوترك سامحتك انت الظاهر اتذكرت بنية صحبك ورميت اللب توب
والله مشتاقين والله لسهير ياخى امش لفنى وشيل القصه من الكومبيوتر بفلاش ونزل الموضوع من حته تانيه
انت خليت الناس فى المشرع والمركب بالصايد التانى والهواء نو

مصعب كويه
23-04-2009, 07:01 PM
ود اسماعيل حكاية الشاشة اتكسرت و.......
دى كان بيعملوها زمان في المدرسة
لمن الواحد ما يكون عمل الواجب
نسيت مفتاح الدرج
وكراسي سرقوه
وما عارف شنو كده كده
لك العتبي ...
تخريمة :: جلابيتك عجيبة

abdella
23-04-2009, 07:11 PM
تغنى شنو ياولد انا سامعاك بتتكلم
ثم اضافت لما علمت انى لااملك ردا
اطلع ياولد امشى شوف ليك قرايه تنفعك
جففت جسدى من الياه مستخدما الجزء العلوى من ملابسى ثم ارتديت الجزء السفلى منها على مهل وانا استرق السمع لخطوات امي وهى تبتعدثم خرجت الى غرفتي وانا الف نفس الملابس التى استخدمتها فى التجفيف كعمامه
القيت بجسدى المنهك بالاحداث التى مر بها على السريرو وطفقت احدق فى سقف الرفه وصوره ماحدث تابى بعناد شديد ان تفارقنى مثيره فى نفسى كل احقاد الارض
والحقد كما الحب
كائن حى
يتنفس
وياكل
ويشرب
يتنفس زفير الشياطين
ياكل المشاعر الرقيقه التى فى دواخلنا
ويمشى فى اوردتنا ملوثا اياها بالاثن من التفكير
اعيانى التفكير فنهضت من سريرى لاقف امام المرأه التى تتوسط خزانه ملابسى كما كان رائجا فى تلك الايام
تاملت فى المراه فلم استطيع ان ارى صوره نفسى التى اعرفها رغم انها ذات المراه التى رايت صورتى عليها يوم ان جاتنى رساله سهير اول مره فكانت فى صفاءها كورده طافيه على سطح نهر هادى الجريان فى ربيع معتدل
لكن صورتى اليوم كانت لزجه وبارده كثعبان يزحف على سطح زجاجى
ان صورتنا فى المراه ماهى الا انعكاس لدواخلنا
ان تجملنا من الخارج
ان اضفنا على وجوهنا كل المساحيق
تظل الصوره التى نراها لانفسنا فى المراه هى هى صوره ذواتنا التى فى الدواخل
عدت الى السرير وانا اكثر تصميما على الانتقام من عباس فقدحت تفكيرى عن كيفيه اتمام هذا الانتقام وكان فى معيتى الثنائى الازلى الملازم للحقد فى كل زمان ومكان
شر النفس
ومرده الشياطين
والذين ما فتئا يمداننى بكل ماهو شرير من الافكار لتنفيذ انتقامى حتى تخيرت من بين الافكار تلك التى اعتقدت انها تحقق لى درجه معقوله من الامان والتى ماان وتوصلت الها حتى القيت راسى على وسادتى محاولا النوم الذى غاب خلف ستار كثيف من الكوابس والاحلام المزعجه فكنت عندما اطلت خيوط الفجر الاولى لم ازل لااعرف ان كنت نمت اولم انم
ارتديت ملابسى المدرسيه على عجل وخرجت دون ان القى على من فى المنزل تحيه الصباح ومباشره الى المدرسه التى وجدتها تمور وتغلى بقصتنا وعباس المنتشى بانتصاره يتنقل من حلقه الى اخرى شارحا طبيعه النصر الذى حققه واسباب هزيمتنا
طوال اليوم الدراسى الطويل الذى زاده طولا تغامز الرفاق من حولنا لم اشارك الا صاحبى الحديث وماان رن جرس الانصراف حتى كنت اول الخارجين من المدرسه يتبعنى صاحبي وحصادنا فيها من العلم صفر
فى الطريق سالنى صاحبى
اها الليله كيف ؟
قلت
كيف فى شنو
قال
فى شنو ؟؟؟؟؟ فى مقابله الجماعه ديل (يعنى سهير ورفيقتها )
قلت بحسم
لا الليله ماحنلاقيهم

قال مندهشا
لييييييييييييييييييييه
قلت يازول نقابلم بى ياتو وش قبل ماناخد حقنا من ابن ..... الاسمو عباس
اعجبته الفكره فصمت وكنا قد وصلنا الى السبيل
فقلت
حننتظر الجماعه ديل هنا عشان نعتذر ليهم
لم يمض على وقوفنا سواء دقائق حتى جاءت سهير وفى معيتها عبير
سلمت علينا وهى تبتسم ابتسامه حانيه وتقول
الليله كيف
قلت باختصار وانا اتحاشى النظر اليها
كويسين الحمد لله لكن انحنا جايين نعتذر عن مواعيد الليله
امتلات عينيها الجميلتين دهشه فصارت كبحيره من الحليب وقالت
لييييييييييه .. خير
قلت باختصار
خير بس انا عندى موضوع
صمتت فاسترقت النظر الى وجهها فلمحت فيه استياء الانثى
وللانثى استياء عميق اذا الغيت مواعيدها
يختلف الامر اذا كانت هى الطرف الذى يلغى
غالبت نفسها لتقول
بالمناسبه .. بكره المساء انا براى فى البيت ولابكره برضو ماحتقدر
اجبت بسرعه
لا بكره انشاء الله بنجى
مدت يدها وصافحتنى ومضت
نظرت اليها وهى ترحل فما اثار رحيلها ماكان يثيره عاده
لم تتغير الحبيبه فسهير هى نفسها سهير
لم يتغير المكان فالمكان هو نفسه المكان
لم يتغير الرحيل فالرحيل هو نفسه الرحيل
الذى تغير هو انا
تبينت ساعتها وانا اراقب رحيلها اننى كسائر الرجال
فالرجال جميعهم بلا استثناء يعشقون كبريائهم اكثر من اى عشق اخر
وصوره الرجل ماهى الا انعكاس لصوره كبريائه فى مراته الداخليه
الرجل راض ان كانت كبرياؤه راضيه
حانق ان كانت كبرياؤه حانقه
يلون ليس حياته فحسب بل حتى حياه من حوله طبقا لصوره دواخله
وصوره دواخله ما هى الا صوره كبرياؤه
وكبرياؤه معنيه بارضاء الانا التى فيه
قال صاحبى الصامت طوال مجئ سهير وانصرافها
بوظتها الله يبوظ ......
قلت بجديه
ابوظ شنو يازول
قال
يااخ على الاقل بعد العركه بتاعت امبارح ديك الواحد كان مشى اخد ليهو جرعه حنان
قلت ساخرا
شوف ياابو حنان انت .. نحن ماعندنا طريقه ناخد جرعه حنان النيل ولاشمه حنان بلوبلو لوماشفنا موضوعنا مع عباس
وماتتخيل ياصاحبى انو الحكايه حكايه انتقام وبس لا ابدا لانو النتقام ممكن يتاجل لامن يجى وكت مناسب لكن عباس ده كان ماوقفناهو فى حدو حيجى ناطى لينا زى شيطان الضره ( الذره ) فلا حنعرف نحب ولاحنعرف نتنيل
قال صاحبى وقد بدا عليه الاقتناع بما اقول
اها انت رتبت ليهو شنو
قلت
شوف ياصاحبى انا عندى ليهو ترتيب ابن كلب وانت كان داير معاى ولو ماداير مابلومك
قال معاتبا
يازول ده كلام شنو والله انا معاك فى اى حاجه .. ولو قلت نكتفو ونديهو البحر على الحرام زول غيرى يجيب الحبل مافى
قلت وقد اعجبنى موقفه
شوف ياحبه طبعا انت عارف انو عباس بمشى العصر ................
نواصل

بت الملوك
24-04-2009, 03:37 AM
واصل يا رائع

abdella
24-04-2009, 02:15 PM
واصل يا رائع
الرائعه بت الملوك
تظل طلتك اروع ممانكتب
مودتى
ماتنقطعى

قوت القلوب
24-04-2009, 06:14 PM
حضرنا ولم نجدكم ............



قوت

سعيد كويا
24-04-2009, 06:39 PM
مسكين عباس من الراجيهو
ولا مسكين عبد الله وصحبو
من الراجيهم ؟؟؟؟!!!!!!!
على احر من الجمر في الانتظار

لك مودتي

abdella
24-04-2009, 09:19 PM
حضرنا ولم نجدكم ............



قوت
انت الظاهر عليك بقيتى مامركزه
حلقه كامله وتقولى لى لم نجدكم !!!!!!!!!!!!!!!!!!!
ركزى يا

abdella
24-04-2009, 09:21 PM
مسكين عباس من الراجيهو
ولا مسكين عبد الله وصحبو
من الراجيهم ؟؟؟؟!!!!!!!
على احر من الجمر في الانتظار

لك مودتي
اخونا سعيد
اهتم جدا بانو تقرا الحلقتين الجايين لانو بالجد مهمين
مودتى

شجرةالدر
25-04-2009, 12:24 AM
حضرنا واستمنعا
أهـديك أكاليل الفـل والنـرجس

الملاريا
25-04-2009, 12:46 AM
الحبيب الرائع دوما عبد الله ... انت بي جاي برضو وأنا ما عندي خبر ...
خليني أبدأ من الأول وأجييك عاضي ... بس عامل حسابك من الملاريا .. حفظك الله ...
لك كل الود

kamal ali
25-04-2009, 06:23 AM
السلام عليكم ورحمة الله وبركاته
واصل يا مبدع
متابعيين
بس تقدر تدق عباس كيف انا خايفك تانى تاخد لك بنيه وفضيحتك تكون فى المدرسه بجلاجل
قلت عباس نشر الخبر فى المدرسه طبعا كلهم حاقدين عليك

وعد دنقلا
25-04-2009, 08:36 AM
الرائع عبد الله


دوما تدهشنا..وتشدنا اكثر
لما هو آتي...

في انتظار مشوار العصاري
ماتطول علينا(نحن هنا ننتظر)

دمت بود
وعد دنقلا

ود أقجة
25-04-2009, 12:10 PM
الرائع فينا ود إسماعيل
لك التحية أخي وصفك للأحداث يجعلنا أكثر شوقاً ولهفة لما هو آتي واصل أيها المبدع وتأكد بأننا حضوووووور.
ولك مني كل الود والتقدير...

abdella
25-04-2009, 12:33 PM
حضرنا واستمنعا
أهـديك أكاليل الفـل والنـرجس
وانا يلسيدتى ارفع القبعه واحى الحضور
واهديك مودتى

abdella
25-04-2009, 12:36 PM
الحبيب الرائع دوما عبد الله ... انت بي جاي برضو وأنا ما عندي خبر ...
خليني أبدأ من الأول وأجييك عاضي ... بس عامل حسابك من الملاريا .. حفظك الله ...
لك كل الود
حبيبنا
ماتتاخر انا منتظرك
مودتى

abdella
25-04-2009, 12:38 PM
السلام عليكم ورحمة الله وبركاته
واصل يا مبدع
متابعيين
بس تقدر تدق عباس كيف انا خايفك تانى تاخد لك بنيه وفضيحتك تكون فى المدرسه بجلاجل
قلت عباس نشر الخبر فى المدرسه طبعا كلهم حاقدين عليك
صديقى منذ البدء كمال
مهم جدا جدا جدا جدا
ان تاتى فى الحلقتين القادمتين
فهما مهمتين جدا
مودتى لك

abdella
25-04-2009, 12:39 PM
الرائع عبد الله


دوما تدهشنا..وتشدنا اكثر
لما هو آتي...

في انتظار مشوار العصاري
ماتطول علينا(نحن هنا ننتظر)

دمت بود
وعد دنقلا
شكرا وعد
تعلمين اننى دوما اسعد بحضوركم
مودتى لك فى كل حين

abdella
25-04-2009, 12:45 PM
الرائع فينا ود إسماعيل
لك التحية أخي وصفك للأحداث يجعلنا أكثر شوقاً ولهفة لما هو آتي واصل أيها المبدع وتأكد بأننا حضوووووور.
ولك مني كل الود والتقدير...
حبيبنا وصديقنا وفى الروايه الارجح قريبنا ... ود اقجه
سعدت فوق ماتتصور عندما اتصل الاخ معاويه واخبرنى ان ود اقجه هو ....
ساحتفظ بالاسم حفظا للخصوصيه التى اخترتها
مشتاااااااااااااااااااااااقين يا رجل
اخبارك واخبار الاخ الجعلى فى الغربه واخبار الاهل فى دنقلا
ساحاول ان اتواصل عبر الهاتف لو سمحت انو اخد الرقم من معاويه
مودتى لك تظللها صله الرحم

بكري عبد اللطيف
25-04-2009, 12:58 PM
حيرتونا منتدي كلهو مجانين داك بي هناك يفك طلقتين في الراجل وانت بي هنا داير تدي عباس اببحر والله انتو دايرين نقطة بوليس جوه المنتدي وتسلم يارائع ودوما في انتظارك

abdella
25-04-2009, 01:21 PM
حيرتونا منتدي كلهو مجانين داك بي هناك يفك طلقتين في الراجل وانت بي هنا داير تدي عباس اببحر والله انتو دايرين نقطة بوليس جوه المنتدي وتسلم يارائع ودوما في انتظارك
حبيبنا ود غربتنا بكرى
فى الحلقتين الجايين اجابات
منتظرك
مودتى

قوت القلوب
25-04-2009, 03:27 PM
انت الظاهر عليك بقيتى مامركزه
حلقه كامله وتقولى لى لم نجدكم !!!!!!!!!!!!!!!!!!!
ركزى يا!!!!!!!

إسمى قوت القلوب
يعنى معقول اكون طاشه للدرجه دى ؟
اذاكانت مداخلتى بعد القصه على طول !
قصدت انى سجلت حضور وانت ماكنت فى المتواجدون ياصحبي
كانت حكايه جميله بجمال روحك الطاهره
تحياتى وتقديري للابد
امكن مانقدر نزوركم تانى
:read:



قوت القلوب

سعيد كويا
25-04-2009, 04:19 PM
جينا ليك والشوق دفرنا
وينك ياعبد الله 7898$$8&

منتظريييييييييييييييييييين

لك مودتي

abdella
25-04-2009, 09:28 PM
جينا ليك والشوق دفرنا
وينك ياعبد الله 7898$$8&

منتظريييييييييييييييييييين

لك مودتي
وانا رهن اشواقكم
اليوم حلقه جديده

abdella
25-04-2009, 10:18 PM
بمشى العصر وبجى طالع بعد صلاه المغرب شايل اللبن اها ياصحبى انحن نمشى ننتظرو فى جنينه زكيه ولامن يجى طالع نصفى حسابنا معاهو
وليه تحت وليه فى جنينه زكيه .. سال صاحبى مستوضحا
قلت ... تحت لانو مكان مقطوع وجنينه زكيه لانو دى سكتو غير انها جنينه ( اكش)( ذات نخل متشابك )وكده حنضمن انو مافى زول حيشوفنا ويجى يحجزنا ده غير انو لو شافنا زول حيشيل حالنا ونبقى فى قالو وقلنا فى الحله الماعندها غير شيل الحال دى
قال صاحبى وقد اثارت الخطه حماسه
يازول خير وبركه
وبعدها حثينا الخطى صوب دورنا نتجاذب اطراف الحديث نضيف قليلا ونحذف قليلا فى تفاصيل الخطه ونتخير طرق الذهاب والعوده حتى اكتملت اركان ماانتوينا فعله حين وصلنا الى دورنا فافترنا على امل اللقاء فى اواخير وقت العصر كزمان مرتقب للتحرك صوب مبتغانا
دخلت الى دارنا فعزلت نفسى فيها منتبذا ركنا قصيا شاغلنا نفسى بالاعداد للمعركه المرتقبه اذ تخيرت لها سلاحى والذى تمثل فى عصا سميكه الحجم قصيره الطول كانت فى الاصل لجدى اهداها اياه احد اصدقائه القادمين من شمال الوادى حينما كان شمال الوادى قبله المهاجرين الاوائل من سكان الشمال النوبى فى هجرتهم لتحسين اوضاعهم المعيشيه اذ كان الشمال هو مركز الحكم بالنسبه لكل القطر فى الحكم التركى ومن بعده العهد الانجليزى
والعصا التى تخيرتها هى من نبته القنا وهى نبته اشتهرت بالنمو على ضفتى النيل بعد دخوله الى ارض صعيد مصر والنبته التى تنبت منفرده بلا افرع هى اشبه باعواد الذره ولكنها اطول واشد صلابه و اذا ماجففت صارت عصا مثاليه وقد درج اغنياء القوم من اهل الشمال على استعمالها كسقوف للمنازل تميزا عن سائر الناس الذين كانو يستخدمون جريد النخيل لنفس الغرض
تحسست عصاى ممسكا بها بيسراى وانا امرر راحه يدى اليمنى عودها المصقول المقسم بحلقات ودوائر يختلف لونها الاقرب الى اللون البنى الخفبف قيلا عن لون بقيه العصاء الذى هو اقرب الى لون الشاى اذا مااختلط بالحليب و تمتد هذه الحلقات والدوائر يفصل بينها حوالى ثمانيه الى عشر سنتميترت بطول العصا
هويت حركت العصا لاعلى واسفل خابط بها كفى المفتوح وانا اقول فى داخلى
والله ياانا ياانت ياعباس
فى اواخير وقت العصر قدم صاحبى الذى اصابتنى الدهشه بمجرد دخوله الى فالفتى لم تكن يبدو من وراسه وجهه شى بعد ان لفهما باحكام شديد بشال ابيض اللون بنقوش حمراء قد درج القادمين من الحج على اهدائه للزائرين للتهنئه من اهل الحله ولم يبرز من وجه الفتى وراسه الا عينان غطاهما بنظاره سوداء كنت قد رايتها على عينيه يوم ان ذهبنا للقاء سهير فى اول لقاء الا انهما اليوم بدت غير التى رائيت بعد غطت جزء من الوشاح اسفل العينين مما جعلها اشبه بالمراه فى انعكاس صوره الناظر اليها
تجاوزت النظر الى وجه الفتى الى يديه فاذا بيمناه تحمل عصا اشبه ماتكون فى سمكها بجذع نخله الا ان العصاء كانت قمعيه الشكل ( ان جاز التشبيه) . فالعصا من اعلى اشد سمكا من اسفلها ويترج هذا السمك حتى يصير فى اخر العصاء اقل سمكا نسبيا والجزء السميك من العصا فى اغلبه مكسو بجلد ذيل ثور
قلت دهشا
دهش نو يازول انحنا ماشين لى عباس ولا ماشين غزوه احد
ضحك صاحبى وقال
هسى عليك الله عباس ده اقل من كفار قريش فى شنو
قهقهت بصوت عال قبل ان اقول
لا بالجد ده شنو
قال وهو يرفع طرف ثوبه كاشفا عن خصره
انت شفت حاجه شوف ده
نظرت الى خصر الفتى فاذا بمقبض خشبى لخنجر كبير يبرز من نطاق سرواله الطويل المطاطى متجاوزا كليته اليسرى
قلت
الله يخرب بيتك ده شنو
لم يجبنى قولا ولكنه سحب الخنجر مناولا اياه لى
سحبت نصل الخنجر من غمده الجلدى البالى المنقوش بنقوش بدويه فاذا بالنصل من شده لمعانه اشبه بانعكاس ضوء الشمس على سطح مراه صادفت عين ناظر
انت لقيتو وين ده
قال
تذكر شكلتنا مع ود الحسين ... اومات براسى
فواصل قائلا
اها بعدها طوالى انا اشتريتو من راجى الحلبى بتاع العده
وحلب العده فى الشمال هم قبيله على حد علمى من الغجر وهم يعيشون متنقلين فى بيوت من ما تيسر من مواد المكان الذى يحلون عليه وتحركهم فى تنقلهم هذا مصالحهم المتمثله فى تجاره الاوانى المنزليه وبعض المهن اليدويه مثل صناعه اوانى القهوه من صفائح الحديد التى كانت فى الاصل اوانى للزيت القادم من المصانع ومن مهنهم ايضا اصلاح ماافسده الاستعمال الكثير من السرائر والحلب يهتمون كثيرا بانعامهم التى هى فى الغالب الحمير التى ينقلون عليها بضائعهم طارقين ابواب المنازل والدور عبر القرى والحلال
قلت
واشتريتو بى كم
قال
والله وحياتك العصايه دى كلفونى حوضين برسيم من برسيم جدى
اومات براسى فى مزيج من الاعجاب والتعجب قبل ان اقول
كدى فرتك شالك ده ولبد حاجاتك دى ونمشى
قال
لييييييييييييييييه
قلت
يازول انت مجنون ولا شنو والله واحد يشوفك بى حالتك دى الايبارينا
فهم ماارمى اليه فقال وهو ينزع غطاء راسه
انا حاباريك للنهايه اشوفك تودينا وين
تحركت فتحرك خلفى منطلقين الى مبتغانا سالكين طريقا كنا قد اتفقنا على سلكها فوصلنا الى الجنينه والشمس فى مصارعها خلف ستار الافق فتخيرنا دغل مزيج من شجر السنط والنخيل المتشابكه فكمنا فيه ننتظر فريستنا صامتين خوف انكشاف امرنا ان مر من المكان مار
لم نزل فى مكاننا حتى حل الظلام على المكان فسمعنا صوت عباس وهو قادم من على البعد يغنى مطلقا عقيرته بالغناء
البنسلين ياتمرجى
ونادو الحكيم ياتمرجى
دكتور حسين ياتمرجى
ياااااااااااااااااخى انت وين ياتمرجى
لكزت صاحبى ليستعد
اوماء براسه علامه الاستعداد
........................................ نواصل ِِِِِِ

بت الملوك
26-04-2009, 02:01 AM
رائع يا عبدالله بس ده شنو ده حلقه كامله في وصف عصايتين كده ما بنخلص

وتقبل مروري

ود الخليفه
26-04-2009, 10:14 AM
صبـاح الخيـر
القصير البصير عبد الله
إلى أين يا ترى سوف يذهب
أخونا (عباس) بكره العصر وما هي
الخطة التـي سوف تنفذ فيه وهو الذي
يخيف كل طلاب المدرسة وماذا سوف يعمل
صاحبك الذي لم يعمل شيئا والبنات حوله هل تنتظر
منه أن يخوض معك عراك مع عباس وهو يخاف من ظله؟
ثانيا
المواعيد المنسقة
مع سهير هي أيضا سوف
تكون بكره العصر لازم بكره تشوفوا
ليكم اتجاه واحد وتمشوا عليه ولا تحاولوا
تجلدوا عباس بدري وتجيبوا الخبر لسهير وعبير
قبل المغرب والقعده تبقى حلوه جدا وتظهروا بطلاتكم ليهن
نحن
ننتظر من المنتصر
في هذا العراك وسنرى أيضا
الحوار اللذيذ الذي سوف يدور بينك
وبيـن سهير وماذا يقول صاحبـك لعبير

تحيـــاتي
للجميع

شنو ياخينا

المره دي بدرى بدري

خلينا ول شيئ نردليك على

الحلقه القديمه وبكره بنجيك ونرد ليك على دي

بكري عبد اللطيف
26-04-2009, 10:36 AM
مشكور ياباشا حلقة حلوة بس عندي احساس انو عباس ح يدوسكم انتو التنين

abdella
26-04-2009, 04:48 PM
رائع يا عبدالله بس ده شنو ده حلقه كامله في وصف عصايتين كده ما بنخلص

وتقبل مروري
الرائعه بت الملوك
بتعرفى انو كتير من جماليات حياتنا بتكمن فى التفاصيل الصغيره دى
لك العتبى حتى ترضى
مودتى

abdella
26-04-2009, 04:51 PM
صبـاح الخيـر
القصير البصير عبد الله
إلى أين يا ترى سوف يذهب
أخونا (عباس) بكره العصر وما هي
الخطة التـي سوف تنفذ فيه وهو الذي
يخيف كل طلاب المدرسة وماذا سوف يعمل
صاحبك الذي لم يعمل شيئا والبنات حوله هل تنتظر
منه أن يخوض معك عراك مع عباس وهو يخاف من ظله؟
ثانيا
المواعيد المنسقة
مع سهير هي أيضا سوف
تكون بكره العصر لازم بكره تشوفوا
ليكم اتجاه واحد وتمشوا عليه ولا تحاولوا
تجلدوا عباس بدري وتجيبوا الخبر لسهير وعبير
قبل المغرب والقعده تبقى حلوه جدا وتظهروا بطلاتكم ليهن
نحن
ننتظر من المنتصر
في هذا العراك وسنرى أيضا
الحوار اللذيذ الذي سوف يدور بينك
وبيـن سهير وماذا يقول صاحبـك لعبير

تحيـــاتي
للجميع

شنو ياخينا

المره دي بدرى بدري

خلينا ول شيئ نردليك على

الحلقه القديمه وبكره بنجيك ونرد ليك على دي

حبيبنا
القارى فوق العاده
الفنان
ود الخليفه
ساكتفى بالتحيه
منتظر تعليقك على الحلقه دى
مودتى مرتين

abdella
26-04-2009, 04:52 PM
مشكور ياباشا حلقة حلوة بس عندي احساس انو عباس ح يدوسكم انتو التنين
ياخبر بفلوس
بكره ............
مودتى

ود الخليفه
26-04-2009, 05:13 PM
عبد الله
اسمع كلامي
الزول البيحلب اللبن
ويحي بعد المغرب دا أخير
ليكم تبعدوا منو بيجلدكم وتأنى يشيل
حالكم بكره في المدرسة 00 براحه لملموا
أطرافكم أنت وصاحبك وارجعوا أهلكم سيبو الفضائح
سوف
ننتظر ونرى من المنتصر
تحيـــاتي
للجميع

abdella
26-04-2009, 05:36 PM
[quote=ود الخليفه;160738]عبد الله
اسمع كلامي
الزول البيحلب اللبن
ويحي بعد المغرب دا أخير
ليكم تبعدوا منو بيجلدكم وتأنى يشيل
حالكم بكره في المدرسة 00 براحه لملموا
أطرافكم أنت وصاحبك وارجعوا أهلكم سيبو الفضائح
سوف
ننتظر ونرى من المنتصر
تحيـــاتي
للجميع[/quot
وبرضو ياخبر بفلوس
............
مودتى

عادل الأسد
26-04-2009, 07:41 PM
هنا ايضا تحلو الرواية نحن نتابع معك تفاصيل روايتك وشاشتك وخايفين عليكم انتو الاتنين من الدقه

تقبل خالص ودي

سعيد كويا
26-04-2009, 10:04 PM
الله يقويكم على هذا العباس

لك مودتي

abdella
26-04-2009, 10:27 PM
هنا ايضا تحلو الرواية نحن نتابع معك تفاصيل روايتك وشاشتك وخايفين عليكم انتو الاتنين من الدقه

تقبل خالص ودي
خوفك مقدر وخصوصا على اللابتوب
لانو شده
مودتى

abdella
26-04-2009, 10:28 PM
الله يقويكم على هذا العباس

لك مودتي
امييييييين
وعلى اللابتوب

abdella
26-04-2009, 10:28 PM
لكل الغائبين
مودتى اذ لا انتظركم
حلقه جديده

abdella
26-04-2009, 10:42 PM
اقترب صوت وقع خطوات الفتى المتصاعده وهى تصدر صوت تكسر اوراق الشجرالجافه المتساقطه فى الجنينه فتسارعت دقات قلبينا حتى خيل لى انى سمعت دقات قلب رفبقى وما ان وصل عباس الى مكان مكمننا حتى جذبت صاحبى وانتصبنا له واقفين فى مواجهته
اصاب الفتى رعب هائل من بروزنا اليه والظلام يلف تفاصيل وجهينا فبدونا كشبحين قد خرجا من مقبره
قفز الفتى المرعوب خطوتين الى الوراء وهو يصرخ ملقيا اناء اللبن الذى كان فى يمينه ناحيتنا وهو يقول
منواااااااااااااااااااااااااا
تقدمت ناحيته من اليمين وصاحبى من يساره قلت ورنه التشفى تملا صوتى
منو يا..........
انا جنك الطالع ليك نص الليل
تبين الفتى على من رنه صوتى فهتف باسمى ورعبه لم يزل يسيطر عليه وان خفت وحشته قليلا
...............
قلت
ايوه ......... انت قايلنا ماحنلم فيك
رفع صاحبى عصاه لاكزا الفتى فى معدته فى حركه قصد منها الاستفزاز اكثر من الضرب
قال عباس مخاطبا اياه وقد بدت فى صوته بعض الصلابه
ماتضرب يازول
قلت
وانت لسه شفت الضرب
قال بعناد خائف
تضرب منو
ااقتربت من الفتى وانا اقول
اضرب انت ده
تاملت الفتى الذى يبدو ان الرعب قد سيطر عليه فانكمش وصار اقصر قامه وانحف عودا
رفعت عصاى لالكزه بها فى صدره وانا اقول بصوت تملاه رنه الاستعلاء والتشفى
انت قايل نفسك شنو
قال
شن وفى شنو يازول
لم يكد يكمل عبارته حتى عاجله صاحبى بظاهر كفه اليسرى على وجهه وهو يقول صارخا بصوت عال
هسسسسسسسسسسسسسسسس اقفل د ...... ده
قفز الفتى محاولا الامساك بصديقى لما تيقن ان لا مخرج له من بين ايدينا الا بالقتال
لم ادعه يكمل قفزته لما رفعت عصاى الى اعلى نقطه ممكنه قبل ان اهوى بها على ا م راسه
ترنح الفتى من قسوه الضرب الا ان الذى يبدو انه الخوف قد امده بقوه هائله فتمالك نفسه وانطلق ناحيتى تاركا وجهته الاولى صوب صديقى
رفعت عصاى للمره الثانيه محاولا ان اتلقاه فى اندفاعته ناحيتى الا ان الفتى كان اسرع منى حين احاطنى بزراعيه المفتوحتين ضاغطا على ظهرى مانعا اياى من الحركه محاولا اسقاطى على الارض
رفع صاحبى عصاه وهوى بها مرتين على ظهر الصبى الذى حاول ان يلفنى ناحيه العصا لاتلقى الضربه بدلا منه ولكنه لم يفلح
اسهمت ضربتى صاحبى فى ارتخاء قبضه الفتى حول وسطى فانزلت يدى المرفوعه بالعصا الى اسفل حتى مستوى متوسط ظهره مادا يدى الاخرى من الناحيه الاخرى من وسط الفتى حتى قبضت كفى على العصا واضعتا الصبى فى ن دائره كامله مكونه من ذراعى وعصاى
ضغطت على سلسلته الفقريه بكل ما املك من قوه مستخدما العصا الصلبه فصرخ الصبى صرخه عاليه تنم عن الالم الهائل الذى يحسه
اااااااااااااااااااااااااااااااااااااااااااااا
قبل ان تتراخى قبضه يده من على وسطى ويتمايع جسده محاولا الانزلاق الى اسفل الا انى لم ادعه يفلت من قبضه ذراعى فى هبوطه نحو الارض بل ظللت ممسكا به بنفس القوه حتى هبط على ظهره الى الارض وانا من فوقه
ماان استقر على الارض حتى سحبت يدى من تحته تاركا العصا اسفله وانهلت بقبضه يدى على وجهها وانحاء متفرقه من اعلى جسده وصاحبى المنتصب واقفا يطلق لقدمه اليمنى العنان راكلا اياه فى ماتيسر من جسده
صدرت من الصبى صرخات متلاحقه اشبه بالعواء وهو يحاول ان يحمى وجهه بكفه وزراعيه من ضرباتى المتلاحقه وجسده الذى يرزح تحت ثقل جسدى ينقبض وينبسط فى حركه غريزيه محاولا تجنب ركلات صاحبى
همدت حركات جسد الصبى بعد حين من الضرب المتلاحق فنهضت من عليه ساحبا عصاى من تحته منهالا بها عليه دون ان اتخير مكانا معينا للضرب
ترك صاحبى ركل الصبى لما راى العنف الذى تفجر فى واحاطنى بزراعيه ساحبا اياى الى الخلف محاولا ابعادى عن جسد الصبى الملقى بلا حراك
قلت صارخا فيه وصدرى يعلو ويهبط
فكنى يا........
قال صارخا فى
افكك شنو الزول ده خلاص مات
اصابتنى كلمه موت بالخوف ولكنى لم استجب له وقلت معاندا
مايموت
قال صارخا
يا د......... قلنا ليك خلاص
هدات انفاسى قليلا وصاحبى يسحبنى مبتعدا عن جسد الصبى فقلت
خلاص فكنى
قال
يازول مابفكك
قلت
يااخ فكنى شبشبى
قال
شبشبك خليهو انا بجيبو ليك
قلت
خلاص فكنى وامشى جيبو
قال صاحبى وزراعيه ترتخيان من حولى وهو يدفعنى من صدرى مبعد اياى بضع خطوات الى الوراء
خلاص خليك هنا
تحرك صاحبى عائدا الى مكان جسد الصبى الملقى بلا حراك فتبعته عائدا فاستدار ناظرا الى عائدا ناحيتى وهو يصرخ
ماقلنا ليك خليك هنا
قلت بصوت اقرب للهدوء
يااخ والله مابمشى جمبو تانى
تركنى لما انس فى صوتى هدوء فعدت خطوات الى الوراء وانا ابصق متحسسا انفى الذى احسست به حرقه من جراء خدش اصابه فى غمار المعركه
تعثرت قدمى الحافيه فى الارض بجسم صلب فانحنيت متناولا اياه فاذا هو خنجر صاحبى فقلت مخاطبا اياه
هاك الزفت ده
لم يجبنى ولم يتناوله بل استمر يحدق للارض فى نصف دائره باحثا عن فرده نعالى قلت وانا ارنو ببصرى الى جسد عباس
يااخ سيبك من الشبشب ارح
قال
حتمشى حفيان
قلت
يااخ سيبو يلا
استجاب صاحبى الى رغبتى وقدم ناحيتى وهو يحدق الى الارض محاولا رؤيه النعال مما دفعنى للقول
يااخ والله فى الضلام ده لو بقيت ( الزرقاء ) ماتلم فيهو
قال وهو يتناول خنجره من يدى
يعنى حيكون مشى وين مااكيد فى الحته دى
قفزت حائطا منخفضا كان يعترض طريقى دون ان اعلق على قوله فتبعنى صامتا
واتجهنا صوب الحله سالكين طريقا وعرا غالبا مايخلو من الماره فى مثل هذا الوقت من اليوم والتى ماان توسطناها حتى رفعت عصاى التى كانت فى يسراى متحسسا اياه فاذا بها ملطخه بالدماء
....................................
نواصل

حفيرتون
27-04-2009, 12:13 AM
فاذا بها ملطخه بالدماء
....................................


(كوكو بقى راجل)

محمد قيقم
27-04-2009, 01:23 AM
بقيت تشتغل رباطي كمان ياعبدالله بس ما مشكله بننتظرك نشوف حتقرق ولا تجي حازما

تقبل مروري يا ابو العبد

مصعب كويه
27-04-2009, 08:22 PM
سجمك والـ................. هجمك

abdella
27-04-2009, 09:42 PM
(كوكو بقى راجل)
حبيبنا حفيرتون
صدقنى انا لو عارف الحلقتين ديل بجيبوك
كان كتبتهم من زماااااااااااااااااااااااان
يااخ مشتاقين
مودتى

abdella
27-04-2009, 09:45 PM
بقيت تشتغل رباطي كمان ياعبدالله بس ما مشكله بننتظرك نشوف حتقرق ولا تجي حازما

تقبل مروري يا ابو العبد
وين ياود قيقم
بالجد مشتاقين
مودتى

abdella
27-04-2009, 09:47 PM
سجمك والـ................. هجمك
شفت جنس الهجيمه دى
مودتى

بكري عبد اللطيف
27-04-2009, 09:54 PM
سجم خشمك بكره الا تخلي الحله

abdella
27-04-2009, 10:25 PM
سجم خشمك بكره الا تخلي الحله
مابتلبدنى عندك
مودتى

حفيرتون
27-04-2009, 10:42 PM
حبيبنا حفيرتون
صدقنى انا لو عارف الحلقتين ديل بجيبوك
كان كتبتهم من زماااااااااااااااااااااااان
يااخ مشتاقين
مودتى

يديك العافية واللقمة الدافية صديقي عبد الله

وانا غبت لاني مشيت العُمرة

ولك كل الود,,

abdella
28-04-2009, 09:31 PM
يديك العافية واللقمة الدافية صديقي عبد الله

وانا غبت لاني مشيت العُمرة

ولك كل الود,,
ثمح ماجبت لينا طاقيه ليه
عموما
تقبل الله
مودتى

abdella
29-04-2009, 10:44 PM
للجميع
اسفى العميق

محمد قيقم
30-04-2009, 05:23 AM
اسف انتوا يا جماعه الاسف دا بقا يتصرف اليومين ديل ولا شنو اااا هههههههههههههههههههههه
لا عادي يا عبدالله ادلع ما مشكله بس تم القصه وبعدين بنشو نصرف الزعل دا من وين هههههههه

تقبل مودتي ومروري يا عبدالله

abdella
30-04-2009, 07:36 PM
انتابني الخوف من ملمس الدماء على العصا فاجتهدت فى اخفاءه وانا اقول لصاحبى
انت الزول ده كب دم ولا شنو
قال صاحبى
دم !!!!! دم شنو والله الزول ده لو ماكب بترول زاتو كلو كويس ... يااخى الزول ده نحن ضربنا ضرب ما ضرب نصاحه
اعترانى الصمت وعقلى انشغل بالتفكير فى مالات الامر
هل يمكن ان يكون عباس قد مات
ماااااااااااااااااااااااات !!!!
ولكلمه الموت صدى فى الدواخل يحسه سامعها فمابالك بالذى تسبب فى حدوثه
سرت فى جسمى ققشعريره بارده لما توقف تفكيرى فى هذه النقطه
فقلت لصاحبى
اها العمل شنو بعد ده ياصاحبى
فقال بسرعه كمن توقع هذا السوال
يازول عمل شنو عباس ده انحنا لا شفنا ولابنعرفو ولا لاقيناهو
قلت مندهشا
كيف الكلام ده
قال
كده عديل يازول يعنى دايرنا نمشى نقول نحن كتلنا عباس
قلت
يازول انت منو القال ليك مات
قال
انت ماواعى ولا شنو والله الزول ده فى كان بفرفر وفجاه رقد ناشف زى الضب على الحرام الحركه الفيهو قطعت تب
قلت والهلع قد سيطر على مفاصلى
اها نفرض الزول ده مات انحن ننكر
قال
شوف ياصاحبى عباس ده مافى اى زول شافنا قعد نتشاكل معاهو عشان كده سبب واحد يخليهم يشكو فينا مافى
قلت
يازول انت ماواعى ولا شنوا لمدرسه كلها عارفه قصه شكلتنا الامبارح وخليك من ده البنات الاتنين الحضرو الشكله نسيتم
قال
الشكله كانت امبارح والزول ده اتكتل الليله
قلت
اها ويعنى شنو
يعنى انحنا لو كنا دايرين نكتلو ماكان كتلنا امبارح
قلت
يااخوى كلامك ده ماراكب ... فى جريمه زى دى اول زول بشكو فيهو زول يكون عندو مشاكل مع المكتول
صمت صاحبى بعد افحمته حجتى فصمت بدورى افكر فى كيفيه المخرج مما كنا فيه ولكنى كنت كمن شل تفكيره وتوقف تماما عند صوره عباس الهامد الحركه الملقى على الارض وقد انكمش جسده فصار كطائر نافق ملقى على قارعه الطريق
ولما اعيانى التفكير اتفقت مع صاحبى قائلا
شوف يازول مبدئيا كده كلوز ول يمشى بيتم ولو زول سالك شفتنى تنكر تقيف حطب وانا نفس الشى لاشفتك لا بعرفك
قال
تمام يازول
ثم ودعنى سالك طريقا غير التى سلكتها الى الحله
لم تمر حوالى ساعتين على افتراقنا حتى سمعت صراخا صادرا من ناحيه دار اهل عباس خرجت استطلع الخبر فعرفت ان احد الماره من رجال الحله د عثر عليه ملى فى الجنينه بين الحياه والموت وقام بنقله الى اهله الذين قامو بنقله الى المستشفى تحفهم صرخات والدته واخوته البنات
كان عباس فى غيبوبه فى المستشفى حين تم اكتشاف امرنا ولا ادرى كيف تم ذلك كل الذى حدث انى سمعت صوت طرق عنيف على الباب وحين خرجت فى جمله من خرج لنستطلع عن الامر كان والد صاحبى قد قبض عليه من اعلى قميصه عند الكتف وما ان رانى حتى بادرنى بصفعه على وجهى جعلتنى من فرط شدتها نصف اعمى ارى امامى هالات من الضو المتداخل بالالوان مختلفه اشبه بتلك التى تكون فى ليله المولد النبوى ثم مد يده ناحيته قابضا اياى من اعلى كتفى وهو يقول
ياكلب ياابن الكلب اخر الزمن بقيت رباطه
وقادنى وهو يبصق على وجه صاحبى حينا وعلى وجهى حينا اخر ناعتا ايانا بابشع النعوت
والله انا الليله كان ما ادبتكم مااكون اسمى .... ياكلب ياابن الكلب انت وهو
مباشره استوقف سياره كانت ماره على الطريق العام ودفعا تحت وطاه ضرباته المتلاحقه الى الصعود اليها ومباشره الى قسم الشرطه
وقسم الشرطه يبعد من حلتنا بضع كليو مترات كان يقع فى ذلك الزمان شرق المستشفى الكبير فى قلب المدين والقسم كان مكونا من مجموعه مبنيين منفصلين الاول هو مجموعه مكاتب كانت تقع شرق البوابه الكبيره للمجلس المحلى وهى بوابه عظيمه البنيان تم بنائها فى عهد الاحتلال مازالت قائمه الى يومنا هذا مشكله المدخل لما يعرف بامانه حكومه الولايه الشماليه
والمكاتب المذكوره والتى تطل ناحيه الجنوب الجغرافى كانت مكاتب كبار ضباط قسم الشرطه فى حينها ادنا اليها والد صديقى وعند اول مكتب تركنا خارجها ودلف الى داخل المكتب غاب فيه قليلا ثم عاد برفقه ضابط صغير السن والرتبه
قال الضابط مخاطبا والد صديقى
اهو ديل الرباطه
اجابه الرجل
ايوه ياجنابو استلمم واوعى تفكهم لحدى مايعفنو جوه السجن
قال الضابط مخاطبا ايانى
تعال هنا يازول انت وهو
اقتربنا وساقينا من شده الخوف ماعادت تحملاننا
ماشاء الله عاملين عصابه
وطااااااااااااااااااخ
وطاااااااااااااااااخ
صفع كل واحد من صفعه تردد صداها فى ارجا المكان
قال صاحبى مستجمعا شجاعته
يازول ماتضرب
تدخل والده قائلا
يضربك ويقلع ليك عينك ياقلى الادب
وطااااااااااااااااااااخ
صفعه صفعه اخرى
قال الضابط
خلاص ياحاج انت اتوكل على الله وانا بادبم ليك
نادى الضابط باعلى صوته
يا.............
جاء من الجزء الاخر من القسم رجل شرطه كبير السن فقال الضابط مخاطبا اياه
سوق النفرين ديل اقفلم جوه ومافى زول يفكهم
حيا الشرطى الظابط ثم قادنا عبر سور متهالك لمبنى قديم يشكل مكتب البلاغات
ومكتب البلاغات الم\كور عباره عن مبنى مكون من حوش قذر ضيق يودى الى غرفه بمدخل واسع بدون ابواب قامت فى منتصفه منصه اسمنتيه مقسمه الغرفه الى قسمين . القسم الداخلى من المنصه هو عباره عن مكتب يجلس فيه رجلى شرطه والقسم الخارجى المطل على المدخل هو للجمهور المعاودين لمكتب البلاغات
تجاوز الشرطى المرافق لنا المنصه الاسمنتيه امرا ايانا بالوقوف خارجها حيث عاد الينا حاملا حلقه ضخمه من المفاتيح اشبه بتلك التى يتم رسمها برفقه اللصوص فى الرسوم الكاركتوريه قال وهو يفتح بابا يطل على الغرفه المذكوره من ناحيه الشرق وبابها عباره عن شبكه من الاسياخ السميكه هى الباب لما يعرف بالحراسه والحراسه هى مكان سجن صغيرللمتهمين فى مختلف الجرائم فى انتظارهم للتقديم للمحاكمه
سال الشرطى عن اسمينا
اجبنا
ولاد منو
اجبنا
عملتو شنو
ولا اى حاجه
انتهرنا قايلا
مافى زول بجيبو هنا ساكت
قالها وكنا ساعتها قد تجاوزنا الباب الخارجى المودى الى ممر طويل مظلم تقع على جانبه من ناحيه واحده مجموعه من الغرفه الصغيره التراصه فى خط مستقيم وابوابها من نفس الاسياخ الشبكيه التى فى المدخل
دفعنا الشرطى الى احد تلك الغرف الضيقه والتى تنبعث منها روايح كريهه هى الغالب فيها روايح البول المختلط بالخمر والقئ ( المكان كان يتم فيه حجز السكارى)
دفعنا الشرطى الى داخل الغرفه النتنه وهو يقول بسخريه
اتفضلو
ثم اغلق الباب خلفنا وانصرف
كان الظلام الدامس داخل الزنزانه والروايح الكريهه والحر الشديد كفيلين باثاره الرعب فى قلوب اعتى المجرمين فما بالك بصبيين غضين
اندرت على وجهى دموع حاره هى خليط لاحساسى بالخوف والندم
احس صاحبى مايعتلج فى صدرى دون ان يرانى فقال مشجعا اياى
يازول اثبت السجن للرجال
قلت
قلت وانا اتمخط بصوت عال
يازول رجال شنو والله المكان ده اصلو مابجوهو اولاد ناس
قال
يازول يمين نحن اولاد ناس غصب عين اى زول ثم اردف مبررا
يازول مالنا سارقين ولا ........
قلت بغضب ممزوج بالخوف
ده كلو من ابوك
قال
ليه ابوى قال ليك امشى حب ولا امشى كسر الراجل
لاادرى لما\ا اعادنى حديث صاحبى الى سهير منتزعا اياى مما انا فيه معيدا الى كثير من الطمانينه
فهكذ الحب
ياخذنا عبر الاسوار متجاوزا
كل الامكنه
والازمنه
محلقه بنا الى عوالمه فلا يعود الى غير عينى من نحب معنى
الحب قادر على ان يسافر بنا الى ممالك للشمس التى لايغيبها
مكان
ولايغيبها
زمان
الحب قادر على ان ينتزعنا من بوس الزنازين الى حدائق من الورد والندى
مداخلها عينى من نحب
وفراشتها ابتساماته
ونداها
طيب وجهه الندى
اسندت ظهرى على حائط الزنزانه وتمنيت
لو اننى ذره من هواء
قادره على عبور كيمياء الجسد لتستقر فى رئتى سهير شهقه
لو اننى فراشه
قادره الى الطيران فى صحوه الزعفران
لتحط على جسد من احب
دون ان تخبى سرها
تمنيت ساعتها لو اننى
تعويذه ساحره
تلقيها على كل الامكنه قصيده من الشعر الفخيم بلغه لاتعرف سوى عينى حبيبتى
لم اننى
............................. نواصل

وعد دنقلا
30-04-2009, 07:47 PM
عبد الله


قرأت وقرأت
اردت التعليق على ما تكتبه...
لكن لم استطع..؟؟!!
ادركت اني بحاجه لحروف لغة
لم تولد بعد حتى استطيع ان اطرز لك
ما يليق وجمال حرفك..
فاعذر احرفي الخجلى واعذرني



كااامل المودة
وعـد دنقلا

abdella
30-04-2009, 08:09 PM
عبد الله


قرأت وقرأت
اردت التعليق على ما تكتبه...
لكن لم استطع..؟؟!!
ادركت اني بحاجه لحروف لغة
لم تولد بعد حتى استطيع ان اطرز لك
ما يليق وجمال حرفك..
فاعذر احرفي الخجلى واعذرني



كااامل المودة
وعـد دنقلا
الفخيمه ... وعد
مجرد تو اضعك بالمرور من هنا
اصدق من كل اللغات
واعذب من كل الامنيات
وارق من كل حرف الشعر
مودتى بلا رياء

مصعب كويه
30-04-2009, 09:49 PM
بعد الحب ده كلو
بعد الهمبته دى كلها
طلعت عندك ضمير
طاااااااااااخ
طااااااااااااخ
ده طعم الحب
تسلم وماااااااااااااااا تطول

حفيرتون
30-04-2009, 10:11 PM
اسندت ظهرى على حائط الزنزانه وتمنيت
لو اننى ذره من هواء
قادره على عبور كيمياء الجسد لتستقر فى رئتى سهير شهقه
لو اننى فراشه
قادره الى الطيران فى صحوه الزعفران
لتحط على جسد من احب
دون ان تخبى سرها
تمنيت ساعتها لو اننى
تعويذه ساحره
تلقيها على كل الامكنه قصيده من الشعر الفخيم بلغه لاتعرف سوى عينى حبيبتى
لم اننى
............................. نواصل

يا سلااااااااااااااااااااااااااااام

ود أقجة
01-05-2009, 12:33 AM
لك التحية أيها الرائع المبدع لقد أدمنا هذا البوست لما فيه من نكهة الأبداع وروعة الحروف واصل هذا الرحيق وما تطول الغيبة. إنتظار على أحر من الجمر لما هو آتي.
لك مني كل الود والتقدير...

abdella
01-05-2009, 01:15 PM
بعد الحب ده كلو
بعد الهمبته دى كلها
طلعت عندك ضمير
طاااااااااااخ
طااااااااااااخ
ده طعم الحب
تسلم وماااااااااااااااا تطول
تسلم يارايع
وخليك قريب

abdella
01-05-2009, 01:16 PM
يا سلااااااااااااااااااااااااااااام
ياسلاااااااااااااااااااااااااااااااااااااااااااااا اااام
عليك انت يااخ
مودتى

abdella
01-05-2009, 01:18 PM
لك التحية أيها الرائع المبدع لقد أدمنا هذا البوست لما فيه من نكهة الأبداع وروعة الحروف واصل هذا الرحيق وما تطول الغيبة. إنتظار على أحر من الجمر لما هو آتي.
لك مني كل الود والتقدير...
حبيبنا ود اقجه
تسلم على الكلمات الطيبه
ونظل مشتاقين
مودتى

عبدالعزيز السنهوري
01-05-2009, 03:19 PM
[QUOTE=abdella;139568]:sm215:


[size=5]حقيقة
قصة رائعة
والرائع اكتر الواحد بيشعر بصدق الكاتب حتى ولو يتكلم بالسان شخص اخر
وانا في انتظار التكملة

سعيد كويا
01-05-2009, 03:35 PM
انتهرنا قايلا
مافى زول بجيبو هنا ساكت
قالها وكنا ساعتها قد تجاوزنا الباب الخارجى المودى الى ممر طويل مظلم تقع على جانبه من ناحيه واحده مجموعه من الغرفه الصغيره التراصه فى خط مستقيم وابوابها من نفس الاسياخ الشبكيه التى فى المدخل
دفعنا الشرطى الى احد تلك الغرف الضيقه والتى تنبعث منها روايح كريهه هى الغالب فيها روايح البول المختلط بالخمر والقئ ( المكان كان يتم فيه حجز السكارى)
دفعنا الشرطى الى داخل الغرفه النتنه وهو يقول بسخريه
اتفضلو
ثم اغلق الباب خلفنا وانصرف
كان الظلام الدامس داخل الزنزانه والروايح الكريهه والحر الشديد كفيلين باثاره الرعب فى قلوب اعتى المجرمين فما بالك بصبيين غضين
اندرت على وجهى دموع حاره هى خليط لاحساسى بالخوف والندم
احس صاحبى مايعتلج فى صدرى دون ان يرانى فقال مشجعا اياى
يازول اثبت السجن للرجال
قلت
قلت وانا اتمخط بصوت عال
يازول رجال شنو والله المكان ده اصلو مابجوهو اولاد ناس
قال
يازول يمين نحن اولاد ناس غصب عين اى زول ثم اردف مبررا
يازول مالنا سارقين ولا ........
قلت بغضب ممزوج بالخوف
ده كلو من ابوك
قال
ليه ابوى قال ليك امشى حب ولا امشى كسر الراجل
لاادرى لما\ا اعادنى حديث صاحبى الى سهير منتزعا اياى مما انا فيه معيدا الى كثير من الطمانينه
فهكذ الحب
ياخذنا عبر الاسوار متجاوزا
كل الامكنه
والازمنه
محلقه بنا الى عوالمه فلا يعود الى غير عينى من نحب معنى
الحب قادر على ان يسافر بنا الى ممالك للشمس التى لايغيبها
مكان
ولايغيبها
زمان
الحب قادر على ان ينتزعنا من بوس الزنازين الى حدائق من الورد والندى
مداخلها عينى من نحب
وفراشتها ابتساماته
ونداها
طيب وجهه الندى
اسندت ظهرى على حائط الزنزانه وتمنيت
لو اننى ذره من هواء
قادره على عبور كيمياء الجسد لتستقر فى رئتى سهير شهقه
لو اننى فراشه
قادره الى الطيران فى صحوه الزعفران
لتحط على جسد من احب
دون ان تخبى سرها
تمنيت ساعتها لو اننى
تعويذه ساحره
تلقيها على كل الامكنه قصيده من الشعر الفخيم بلغه لاتعرف سوى عينى حبيبتى
لم اننى
.............


هكذا هو الحب ياود اسماعيل نفعل من اجله المستحيل
ونخالف كل الاعراف والقوانين محلقين في فضاءات الامكنة
متسلقين جدارات الازمنة متحدين صعاب اللا ممكن .
بس !!! هل هذه السهير تستاهل كل هذا !!!!!؟؟؟؟؟؟
هذا ماسنعرفه غدا وياخوف فؤادي من غداً .

لك من المودة اطنان اطنان

abdella
01-05-2009, 06:57 PM
[quote=abdella;139568]:sm215:


[size=5]حقيقة
قصة رائعة
والرائع اكتر الواحد بيشعر بصدق الكاتب حتى ولو يتكلم بالسان شخص اخر
وانا في انتظار التكملة
اخونا السنهورى
احى مرورك الاول من هنا
شكرا لكلماتك الطيبات
مودتى
ارجو ان يستمر مرورك ومشاركتك

abdella
01-05-2009, 07:00 PM
الفنان
صاحب الحرف العذب سعيد
تعرف كم يعنى لى مرورك من هنا
كما تعرف ان حروفك تشكل عقدا من الدر ازين به جيد كلماتى
مودتى التى تعلم

الجعفري
01-05-2009, 08:43 PM
الاخ الحبيب عبدالله

رغم مروري السريع ولضيق وقتي في هذه اللحظة وأكيد لي رجعة

إلا ان حرفك يصور واقع معاش في ذلك الزمن الجميل

تسلم يا غالي

abdella
01-05-2009, 09:52 PM
الاخ الحبيب عبدالله

رغم مروري السريع ولضيق وقتي في هذه اللحظة وأكيد لي رجعة

إلا ان حرفك يصور واقع معاش في ذلك الزمن الجميل

تسلم يا غالي
اخونا الجعفرى
اسعدنى مرورك الاول فوق ماتتصور
اكيد منتظر مرورك للتعليق
مؤونه عام من الود

بكري عبد اللطيف
02-05-2009, 09:59 AM
قلت لي في الرج ابو الحب زاتو

هانى سعيد
02-05-2009, 11:41 AM
والله خايف تكون سهير دى الطيرتك قطر لكن قصتك كداااااااااااااااااااااا خلتنى ذى الكنت معاك بس اوع المدام تقراء القصة وتبقى حكاية بس عليك الله تمهااااااااا شوقتنا شديييييييييييد

محمد قيقم
02-05-2009, 04:08 PM
هههههههه السجن للرجاله يا زول شبابيه تحصل في ارغي الاسر والعايلات يا عبد الله بس والله ابوصاحبك طلع كريم وطيب انوا وداكم السجن والله قال سجن قال المفروض يربطكم في الساقيه بدل البقر والله هههههههههههه


تقبل مروري

abdella
02-05-2009, 04:16 PM
قلت لي في الرج ابو الحب زاتو
اخونا بكرى
شفت المحن
مودتى

abdella
02-05-2009, 04:19 PM
والله خايف تكون سهير دى الطيرتك قطر لكن قصتك كداااااااااااااااااااااا خلتنى ذى الكنت معاك بس اوع المدام تقراء القصة وتبقى حكاية بس عليك الله تمهااااااااا شوقتنا شديييييييييييد
اخونا هانىا
اولا اسعدنى للغايه مرورك الاولارجو المداومه
سهير تطير الطياره زاتا ماتطيرنى انا
مودتى

abdella
02-05-2009, 04:21 PM
هههههههه السجن للرجاله يا زول شبابيه تحصل في ارغي الاسر والعايلات يا عبد الله بس والله ابوصاحبك طلع كريم وطيب انوا وداكم السجن والله قال سجن قال المفروض يربطكم في الساقيه بدل البقر والله هههههههههههه


تقبل مروري
صديقى الذى اعشق مروره من هنا ودقيقم
غايتو ياود قيقم الحمد لله انو ماطلعت انت ابو صاحبى كنا نكون مربوطين فى الساقيه لى هسى
موتى

abdella
02-05-2009, 04:25 PM
لم اكن استغرق فى عوالمى حتى لكزنى صاحبى قائلا
يازول انت مشيت وين
قلت ساخرا
مشيت السينما ... يعنى امشى وين وانحنا مقفولين هنا
قال
طيب مانشوف لينا طريقه نقعد
قلت نقعد وين فى العفن ده .
قال ... وكت كسرت ودالناس قايلو شنو
تذكرت لما ذكر ودالناس
يارب هسى عباس يكون مات
قال
يازول الزول ده بكون مكسر بس
قلت
انت نو الكلم الناس ديل انو ديل نحن
قال
والله ماعارف لكن ابوى قال لى ده عباس زاتو الكلمم
غشتنى الطمانينه لما قال صاحبى ان عباس تكلم فهذا مؤشر جيد على ان الضرر الذى اصابه لم يؤدى به الى الوفاه
جلسنا على اقدامنا حوالى الساعتين قبل ان نسمع صوت باب الزنزانه يفتح ويطل فى ظلامها شبح لشرطى يقول
قومو تعالو
تبعناه والى الخارج حيث غرفه البلاغات فاذا بمعاويه واقفا عندها وفى يديه اناء مجموعه اوعيه معدنيه مدرجه درج الناس على تسميتها بالعامود
سلم علينا مبتسما مستفسر عن حالنا وقبل ان يسترسل فى الحديث طالبه الشرطى بالرحيل وطالبنا بالرجوع الى الداخل
فقال معاويه
بالمناسبه سهير سلمت عليك
قلت بهلع
قت شنو
قال ... قت ليك سهير بتسلم عليك
لم احفل كثير بالسلام ولا باعثه بقدر مااصابنى الهلع من حامل الرساله
فقلت بغيظ
وانت الوداك ليها شنو
قال
انا مامشيت ليها هى الجاتنى
انتهرنا الشرطى بعنف قاطعا حديثنا
يلا يازول انت وهو
انصرفنا نحمل طعامنا الى الداخل وماان دخلنا حتى اغلق الشرطى الباب مره اخرى وانصرف
قلت لصاحبى وقد تمكن منى الغيظ
فكرك معاويه ده لقى البت دى وين
قال صاحبى
يازول انت قايل معاويه ده صينى معاويه ده ما ساكن الحله
ثم واصل قوله مثيرا مخاوفى
والله اقول ليك ياصاحبى السجن ده اهون ليك من انو معاويه يلم فى البت دى
لم اجبه فقد كان صادقا فيما يقول
اصابنى القلق والخوف فمعاويه من وجهه نظرى لايمكن ان يفوت الفرصه فى مد اواصر علاقته بسهير مهما كان الامر مستعينا على ذلك بلسانه العذب وشخصيته الكارزماتيكيه
قال صاحبى قاطعا حبل افكارى شاتما
يااخ انعل ابو معاويه وابوسهير وابوالحب وابو اليوم العرفتك فيهو زاتو تعال اكل
كان قد جلس فى ارضيه الزنزانه واضعا انيه الطعام امامه
قلت
يازول والله لا باكل ولا عايز فى القرف ده
قال
وينو القرف انت هسى شايف حاجه فى الضلام ده
قلت
كان ماشايف ماشامى الريحه
لم يستطيع صاحبى ان يتناول الطعام بمفرده فجمع انيه الطعام وهو يسب ويلعن
مرت حوالى الساعتين وبعدها حضر الشرطى مره اخرى وقادنا الى الخارج حيث وجدنا والد صاحبى ووالد عباس يتحدثان مع الضابط الذى استقبلنا فى مقدمنا الى القسم
ماان رانا والد صاحبى حتى بادر الى سبنا وهو يحاول ان يضربنا ووالد عباس يعمل على تهدئته
لم يستمر وقوفنا طويلا حتى قال لنا الضابط
المره هدى انا حافككم لكن والله المره الجايه تجو هنا بى مشكله الا اوريكم النجوم عز الظهر
شكر والد صاحبى الضابط وكذلك فعل والد عباس ثم قادنا عبر الشارع المقابل الى القسم الى المستشفى حيث دخلنا الى احد العنابر الطويله فوجدنا عباس فى اخرها فى احد الاسره ممدا فيها بغط فى نوم عميق تحيط به والدته واخوته البنات والذين اصابنى الخجل الشديد منهم فلم استطع ان اقول شيئا رغم انهم والشهاده لله عاملونى وصاحبى بشكل لطيف
لم يطل مكوثنا فى المستشفى التى طردنا منها والد صاحبى وهو يسبنا ويشتمنا قائلا
يلا امشو البيت انا عندى معاكم حساب تانى بعدين
فتوجهنا الى دورنا وقد اخذ من التعب كل ماخذ
فى اليوم الذى يليه كنا نجوم المدرسه بلا منازع تحلق حولنا الرفقاء من صفوفنا والصفوف المجاوره كل يسال عن الاحداث التى حدثت بالامس بعد تم جلدنا فى طابور الصباح للجرم الذى ارتكبناه
كنت مشغول الفكر بسهير وشبح معاويه وهو يقول
سهير بتسلم عليك
ما فارق خيالى لحظه كان خوفى عليها او بالاحرى خوفى على حبى اهم من كل قصص البطوله التى اهتم صاحبى بسردها للرفاق والتى لاقت استحسانا كبيرا لكراهيتهم الشديده لعباس
لم اشترك فى الحوارات الدائره بل بل كان فكرى مشغولا بسهير حتى انتهى اليوم الدراسى فهرعت صوب السبيل تحملنى اشواقى الى اللقاء قبل اقدامى
لم يطل وقوفى وصاحبى حتى جاءت سهير وصاحبتها وما ان راتنى حتى ابتدرتنى قائلا
شوف يا..... اعتبر البينى وبينك انتهى
هتفت جزعا
شنوووووووووووووووووووووو
ونواصل

الاسد
02-05-2009, 05:01 PM
وشخصيته الكارزماتيكيه
يعنى شنو؟؟
شوف يا..... اعتبر البينى وبينك انتهى
هتفت جزعا
شاكووووووووووووووش
خشيت السجن واخدت شاكوش؟
ربنا يكون فى عونك
انت من الروعة اروع
وااااصل

الاسد
02-05-2009, 05:03 PM
مصعب كوية وعادل الاسد قاعدين تقرو من الصباح انا جيت قريت وماشى ومنتظر الحلقة الجاية

abdella
02-05-2009, 05:10 PM
يعنى شنو؟؟

شاكووووووووووووووش
خشيت السجن واخدت شاكوش؟
ربنا يكون فى عونك
انت من الروعة اروع
وااااصل
شفت المصيبه وكت تجى تجى دبل
مودتى ياجميل

عادل الأسد
02-05-2009, 05:17 PM
الاخ عبدالله اسف للتاخير وقد فاتتني حلقتين من اروع الحلقات لم اعلق عليها ويبدو ان عدوا انفلونذ ا اللابتوبات قد لحقني منها جانب من ما جعلني اتاخر عن حضور حلقاتك المثيرة والتي حملت الكثير من العنف من ما جعلني اتوجس منك خيفه


دم اخي محبا لسهيرك ونحن نتابع وندعو لنهاية سعيدة بالرفاة والبنين مع ان كل قصص الحب الخالده تنتهي دون ذلك

abdella
02-05-2009, 05:22 PM
الاخ عبدالله اسف للتاخير وقد فاتتني حلقتين من اروع الحلقات لم اعلق عليها ويبدو ان عدوا انفلونذ ا اللابتوبات قد لحقني منها جانب من ما جعلني اتاخر عن حضور حلقاتك المثيرة والتي حملت الكثير من العنف من ما جعلني اتوجس منك خيفه


دم اخي محبا لسهيرك ونحن نتابع وندعو لنهاية سعيدة بالرفاة والبنين مع ان كل قصص الحب الخالده تنتهي دون ذلك
اخونا عادل
اولا سلامه لابتوبك.... (شفت القرف كيف لامن اللابتوب يبوظ)
كانما للبيئه اثر فى تكويننا يكون العنف مرتبطا بصبانا
مودتى وماتنقطع

بكري عبد اللطيف
02-05-2009, 05:46 PM
كاكو امسك شاكوش من امو يا معلم ماتالم

مصعب كويه
02-05-2009, 06:23 PM
سجن وجلد في الطابور
و.............

تستاهل

abdella
02-05-2009, 07:16 PM
كاكو امسك شاكوش من امو يا معلم ماتالم
بكرى يااخوى سيب الشماته
مودتى:nono:

abdella
02-05-2009, 07:18 PM
سجن وجلد في الطابور
و.............

تستاهل
حرام عليك
ده انا غلباااااااااااااااااااااااااااااااااان:drag:

وعد دنقلا
02-05-2009, 09:51 PM
الرائع عبد الله


لو علم عشاق القصص
والروايات الرومانسيه
والادب الراقي

مالدينا هنا في منتديات دنقلا
لاتونا ولو زحفاً....

(الابداع ليس ممارسة وانما هبة ربانية)
دمت مبدعاً


بالنسبة لي حلقه في اليوم قليلة
ولكن...(.قليلك لا يقالُ له قليلُ)

طمع مش كدا؟؟

كل الود
وعد دنقلا

قوت القلوب
03-05-2009, 12:58 AM
لم يطل وقوفى وصاحبى حتى جاءت سهير وصاحبتها وما ان راتنى حتى ابتدرتنى قائلا
شوف يا..... اعتبر البينى وبينك انتهى
هتفت جزعا
شنوووووووووووووووووووووو
ونواصل
آآآآآآآآخ يادنيا
زحمه يادنيا زحمه
زحمه ولا عادش رحمه

كللللللللو من معاويه ..... لكين يظهر لى سهير ماممكن تعمل كدا انا بعرفا كويس

لالا امكن بتهضر !

او بتكون مغيوضه من الحركه واكيد ح تسامح


والاحتمالات كتييييره بس مستحيل يكون شاااااكوش !

تحياتى

ود الخليفه
03-05-2009, 01:40 PM
مساء الخير
الرائع عبد الله
طبعا لينا كم ايام
ما جينا بيجاي وليله
لقينا ثلاث حلقات كلها ضرب
وسجون ومهاترات و000و0000
والله
لو ما عملتم لعباس
كده كان تكون ما كن رجال
بس المحيرنى والد صاحبـــك
دا عرف انو انتم الداقين (عباس)
دا كيف وليه وداكم علــــــــى الشرطة
طوالى وكان في مقدوره أن يعاقبــــــــكم
السحن
لم يكون يوما للرجال
بل للمجرمين وانتم لم تجرموا
بل أخذتم بتاركم من هذا المفترى (عباس)
معاوية
دا جاء من وين
الشوم دا وكمان بقول
سهير تسلم عليك والله أنت
حقك راح خلاص دا القبيل خايفين منو
طبعا
حا تستلموا
المدرسة وتمشوها
على كيفكم تأنى عباس ما ليه
مكان معاكم خلاص رجل وانتهى
سهير
البيناتنا انتهى
دا كلام شنو البتقول فيه
البنية دي سريع كده معاوية اثر
فيها يا رجل حاول بسرعة رجع المياه
لمجاريها قبل ما تقع فريسة سهله في يد معاوية
ننتظر
ونشوف كيف
تصلح الانكسر وتخرج
هذه المسكينة من شباك معاوية
وبرضو نشوف أخونا عباس لمن يطلع
من المستشفى بسوي شنو بعد العلقة الاخذها دي
تحيـــاتي
للجميع

abdella
03-05-2009, 10:11 PM
الرائع عبد الله


لو علم عشاق القصص
والروايات الرومانسيه
والادب الراقي

مالدينا هنا في منتديات دنقلا
لاتونا ولو زحفاً....

(الابداع ليس ممارسة وانما هبة ربانية)
دمت مبدعاً


بالنسبة لي حلقه في اليوم قليلة
ولكن...(.قليلك لا يقالُ له قليلُ)

طمع مش كدا؟؟


كل الود
وعد دنقلا
الجميله حنى منتهى الحروف وعد
تظلين واحده من الذين تسعدنى كلماتك اينما كانت
ويظل حضورك يزيد المكان بهاء
ودمت بهيه
اطمعى فجميله انت حتى فى طمعك
مودتى

abdella
03-05-2009, 10:14 PM
آآآآآآآآخ يادنيا
زحمه يادنيا زحمه
زحمه ولا عادش رحمه

كللللللللو من معاويه ..... لكين يظهر لى سهير ماممكن تعمل كدا انا بعرفا كويس

لالا امكن بتهضر !

او بتكون مغيوضه من الحركه واكيد ح تسامح


والاحتمالات كتييييره بس مستحيل يكون شاااااكوش !

تحياتى
المؤتلقه البهيه
قوت
لو تعلمين كم اسعد بحضورك لمارست الحضور كل لحظه
مودتى بامتداد المدى وزهو الحرف

abdella
03-05-2009, 10:17 PM
مساء الخير
الرائع عبد الله
طبعا لينا كم ايام
ما جينا بيجاي وليله
لقينا ثلاث حلقات كلها ضرب
وسجون ومهاترات و000و0000
والله
لو ما عملتم لعباس
كده كان تكون ما كن رجال
بس المحيرنى والد صاحبـــك
دا عرف انو انتم الداقين (عباس)
دا كيف وليه وداكم علــــــــى الشرطة
طوالى وكان في مقدوره أن يعاقبــــــــكم
السحن
لم يكون يوما للرجال
بل للمجرمين وانتم لم تجرموا
بل أخذتم بتاركم من هذا المفترى (عباس)
معاوية
دا جاء من وين
الشوم دا وكمان بقول
سهير تسلم عليك والله أنت
حقك راح خلاص دا القبيل خايفين منو
طبعا
حا تستلموا
المدرسة وتمشوها
على كيفكم تأنى عباس ما ليه
مكان معاكم خلاص رجل وانتهى
سهير
البيناتنا انتهى
دا كلام شنو البتقول فيه
البنية دي سريع كده معاوية اثر
فيها يا رجل حاول بسرعة رجع المياه
لمجاريها قبل ما تقع فريسة سهله في يد معاوية
ننتظر
ونشوف كيف
تصلح الانكسر وتخرج
هذه المسكينة من شباك معاوية
وبرضو نشوف أخونا عباس لمن يطلع
من المستشفى بسوي شنو بعد العلقة الاخذها دي
تحيـــاتي
للجميع


الفنااااااااااااااااااااان
كحدائق الشعر الوسيم
الرائع
كاحتشاد سنابل القمح فى موسم الحصاد
ودالخليفه
هل يكفى ان اقول لك
انت زول سمح
مودتى

محمد قيقم
04-05-2009, 11:15 AM
معليش يا عبداالله ماعندي فهم اليوم والله عبد الرحمن كمل فهمنا عديل كدا

abdella
04-05-2009, 07:07 PM
احتجاجا على نقل القصه بدون استشارتنا
اعلن التوقف عن الكتابه هنا
الموده للجميع

قوت القلوب
05-05-2009, 12:55 AM
مستحيييييييييييل الهى وانت جاهى النقل القصه بدون ازنك
(تنِيون. طوُمبى. مِر .انوُلو . دقِرل )
ودعوه المظلوم مستجابه
والزول العمل كدا ظلمنا
وجع

kamal ali
05-05-2009, 07:05 AM
مستحيييييييييييل الهى وانت جاهى النقل القصه بدون ازنك
(تنِيون. طوُمبى. مِر .انوُلو . دقِرل )
ودعوه المظلوم مستجابه
والزول العمل كدا ظلمنا
وجع

السلام عليكم ورحمة الله وبركاته
منقى اوتكون اكى ار تكى توسن
ار اويمن توسى وديقى ويلو تونقى

سعيد كويا
05-05-2009, 03:57 PM
احتجاجا على نقل القصه بدون استشارتنا
اعلن التوقف عن الكتابه هنا
الموده للجميع

شوف يا..... اعتبر البينى وبينك انتهى
هتفت جزعا
شنوووووووووووووووووووووو

حبيبنا عبد الله لك التحية
اذا انت هتفت مجزوع نحنا نعمل شنو ؟؟؟؟؟
انت سهيرنا ياعبد الله ده ماحنك بالجد بالله عشان خاطر سهير ترجع
ولو كنت متزوج كان حلفت زي ود سمل

ولك العتبى حتى ترضى
تعال فرح ليلينا
تعال قبل السنين تجري
ومصيرك بكرة تعرف كم نودك

وعد دنقلا
05-05-2009, 04:11 PM
عبد الله

أرايت حجم الهلع الذي اصابك
من وقع كلمات سهير؟؟!!

أصابني ضعفه الان
من قرارك بالتوقف عن كتابة القصة
رجاء ان تواصل من اجل من احبو حرفك


كااامل المودة
وعد دنقلا

قوت القلوب
06-05-2009, 03:21 AM
السلام عليكم ورحمة الله وبركاته
منقى اوتكون اكى ار تكى توسن
ار اويمن توسى وديقى ويلو تونقى
إرون أُنجور كوكِي ....إن ترِ آوسِن وير أيْقى وجييَي روُسو ...

ارتون تك انديا !!
احترامي

ود الخليفه
07-05-2009, 05:43 PM
احتجاجا على نقل القصه بدون استشارتنا
اعلن التوقف عن الكتابه هنا
الموده للجميع

ياراجـــــــــــــــــــــــــــــل
خلينا من الاحتجاجات بلا واصل
من تعاقب بتوقفك انك تعاقبنات نحن
وليس لنا زنبا فى ما عمل الآخرين ارجوك
رجاء خاص لا تعاقبنا بما فعل غيرنا 0 وانت لو
توقفت سوف نقيف جميع من المنتدى 0 حبيبنا عبدالله
عليك الله عليك الله بطل الهظار وتعال طالع علينا بحلقه جديده
لك عتبى حتى ترضى
تحياتى

abdella
07-05-2009, 10:18 PM
مستحيييييييييييل الهى وانت جاهى النقل القصه بدون ازنك
(تنِيون. طوُمبى. مِر .انوُلو . دقِرل )
ودعوه المظلوم مستجابه
والزول العمل كدا ظلمنا
وجع
مابستاهل الراجل طيب

abdella
07-05-2009, 10:20 PM
شوف يا..... اعتبر البينى وبينك انتهى
هتفت جزعا
شنوووووووووووووووووووووو

حبيبنا عبد الله لك التحية
اذا انت هتفت مجزوع نحنا نعمل شنو ؟؟؟؟؟
انت سهيرنا ياعبد الله ده ماحنك بالجد بالله عشان خاطر سهير ترجع
ولو كنت متزوج كان حلفت زي ود سمل

ولك العتبى حتى ترضى
تعال فرح ليلينا
تعال قبل السنين تجري
ومصيرك بكرة تعرف كم نودك
وانا اودكم اضعاف

abdella
07-05-2009, 10:22 PM
عبد الله

أرايت حجم الهلع الذي اصابك
من وقع كلمات سهير؟؟!!

أصابني ضعفه الان
من قرارك بالتوقف عن كتابة القصة
رجاء ان تواصل من اجل من احبو حرفك


كااامل المودة
وعد دنقلا
انشالله مايصيبك هلع
كلماتك تستاهل يكتبو ليكم ققصه
بس والله الفكره انو الواحد بقى ماعندو نفس
الموده زى ماهى

abdella
07-05-2009, 10:24 PM
إرون أُنجور كوكِي ....إن ترِ آوسِن وير أيْقى وجييَي روُسو ...

ارتون تك انديا !!
احترامي
اظنك عرفتى

abdella
07-05-2009, 10:27 PM
ياراجـــــــــــــــــــــــــــــل
خلينا من الاحتجاجات بلا واصل
من تعاقب بتوقفك انك تعاقبنات نحن
وليس لنا زنبا فى ما عمل الآخرين ارجوك
رجاء خاص لا تعاقبنا بما فعل غيرنا 0 وانت لو
توقفت سوف نقيف جميع من المنتدى 0 حبيبنا عبدالله
عليك الله عليك الله بطل الهظار وتعال طالع علينا بحلقه جديده
لك عتبى حتى ترضى
تحياتى
صديقى الودود ود الخليفه
والله ابدا ماقصه عقاب
القصه انو الناس ديل ..........
مودتى التى تعرف

مصعب كويه
07-05-2009, 10:29 PM
عبدالله اسماعيل ... لقيت اسمك فوق جيت جارى جرى قلت الجماعة كبوسوا ....
القاك شغال ردود ... يا راجل ...
نقلوا قصتك زعلت ووقفت الكتابة .. نحن لو زعلنا .. بنعمل خروج من غير عودة
ويا الـ....... جاكى زول