المساعد الشخصي الرقمي

مشاهدة النسخة كاملة : بخــــــــــــــــــاف أسأل عليك الناس


أبو الطيب
11-02-2009, 10:30 PM
بخــــــــــــاف


بخاف أسال عليك الناس بخاف أسال عليك الناس
وسر الريده بينا يذيع
بخاف أكثر كمان ياغالي من إيديّ إنت تضيع
وأعيش بعدك حياتي جفاف
آه مواسم ريده بينا مافي ربيع
بخاف يا إنت لوجيتك
ألملم في خطاوي الشوق وأزور بيتك
يقولو عليّ حبيتك
بخاف لوبرضي غبت عليك
تقول نسيت وجافيتك
بَهـِم لو صدفه لاقيتك
درب حِـِلـِّتنا جابك يوم تشيل ياروحي
ترمي اللوم عليّ وتزيد همومي هموم
تقول جافيك وأنا نسيتك ؟؟؟
أريت تعرف
حنيني إليك ياريتك كمان تعرف
لحد وين بعزك وفي أعماقي حسيتك
ياريت انت تعرف ياريت انت تعرف
وبس خايف إذا جيتك
حكاية الريده تمشي تذيع ومن إيديَّ إنت تضيع
وأعيش بعدك آه حياتي جفاف
مواسم ريده مافي ربيع

شجرةالدر
12-02-2009, 07:52 PM
بوح جميل وكلمات شفافه صادقه
كل الشكر اخى ابو الطيب .. وننتظر جديدك
تقبل مرورى..

وليد الشوق
13-02-2009, 07:17 AM
كثار الغائبين يا الله رجعهم لينا

دائما ذوقك رفيع

سحر الغروب
15-02-2009, 04:56 PM
الرائع ابو الطيب (ابوي الشيخ)
مهما تكلمت من كلام فلن يوفي كلامي جماال إبداعك في إختيار القصائد


من يحبك كثر ما أحبك أنا
ومن بحبك حاول ويا ما اجتهد
ومن في عينه شوفتك كل المنى
لا ورب العرش ما غيري أحد


انت شوفي وانت عمري والهنا
ياجسد بيروح والروح جسد
وانت عيني وانت روحي والسنا
وانت أسبابي اذا حبي خمد


وانت ميعادي وسهدي والعنا
وانت تعذيبي وصبري والجلد
وانت راحاتي وروحي والظنا
وانت الأول مابها قبل وبعد


لمنا جو المحبة وضمنا
ومن بعد قربك انا كيف أبتعد
شوف مكبر يا حبيبي عشقنا
فاق كل العشق وحده وانفرد


لو يوزع على البسيطة حبنا
مابقى احد يكره احد

حيدر ابوتركاب
15-02-2009, 06:45 PM
أمونة ..
أبوعركي البخيت يتحرك من تلك المدينة بالقطار .....
كل البنات 000أمونه ياخرطوم معاي ساعة أفتح الدكان00 ...
وهنا تقول كلمات الأغنية بعد عبور البص الذي يحمل ..
(ست البنات أمونه) للكوبري :- ...

كل البنات 000أمونه ياخرطوم
معاي ساعة أفتح الدكان00
معاي ساعة الدرب بالليل
معاي في البص00علي أم درمان ..
وفي الكوبري الكبير000في الليل
أعاين في البحر00مهموم
ألاقي وجيها000شاقي النيل
وفي ساعة التعب والخوف
تشيل خطواتي00وأمشي عديل ..
*
دحين خاتي 00أكان يا يُمه00
صبحت نفسي ساعة الكتمه 00
من ضيق الزمن000والناس
وألقي دمي يفور00
تمد إيدينا 00تمسح00
في العصب والراس
أمانه كلاما00كان رفرف
وكت ساعة الدرس00ياخوي ..
يطير قلمي00
ويزغرد سنـّو في الكراس..!!

أبو الطيب
16-02-2009, 10:11 PM
الرائعون المرهفون / الخالة شجرة الدر / بتي سحر الغروب / اخواني وليد الشوق / حيدر أو تركاب

شكرا على المرور والإضافة تواجدك أسعدني جداً وزاد الفرح جواي .


بتخيلك

بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى
بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربه ساحل .. لا جزر .... لا طوق نجاة
بتخيلك لمة صغار ونسة و حجى
و قمراً طلع ضوى الدساتر و بهرجا
بتخيلك في كل شي لمن ابالغ وانتشي
لما تخذلني الخطى و يأبى المشي
و بتخيلك

دنيــــــــــا
17-02-2009, 01:40 AM
كنـــتــ


هنـــا


استنشـق



الــروعـــة


من



هـذهـ


الكلمـــاتـ..

أبو الطيب
18-02-2009, 08:34 PM
الرائعة دنيا كوني هنا .

ولقينا في دنيا العيييييييون يا اغلى من النور غنا
سافرنا في دنيا العييييييون يا اصبا من النور غنا

فوق من رشاقة وامسيات باقات انيقة ملونة
الحان طروبة وشوشات أحرف موسيقى ودندنة
مالت قلوبنا عليك حنااااان تسلم عيونك ذوبتنا

سحر الغروب
19-02-2009, 02:16 PM
شايلك معاي و ادفق بطيبة العيون
وكتين أسير مشوار براي
و اتاتي زي رمشاً حزين بكى الصباح
واتمسى بحزنو المساء
وابقى الوحيد
زي بلبل فقد الجناح هاجر جناه على الصقيع كاس لبوادي مِشمِسة
وارحل شواطئ الغربة مغلوب بالرياح وانحت حروف فوق الصخور و اتحسسا
وابعث غناي مع كل آها و كل زفرة وكل ضحكة مونسة
شان تمشي لعيونك تعيش وتونسا

واتخيلك وكتين اشوف أُماً تهبب لعروس وقت الزفاف و ترقصا
وارحل بعيد فوق شعرها زي مركب نشوان مشى فوق موج و شلالات
و آخر المطاف فوق شط حنان مهجور زمن راح واتنسى
وزي ريس الساري الغريب غالَب ليالي الشوق على الساري إتكى
ورش الدموع برعشة الغيم البكى
ودس الانين فتق جراحات الحنين في الغربة باسة و وَشوَشا
واتذكرك وكتين اشوف لارنجة تتحدى الرياح عِز السموم صدر الشتاء
وتمد غلالها على الهجير تفرح ....تفرِح الرياح و توسوِسا

الغالية
19-02-2009, 02:47 PM
دائما عركى

عندما نحب نجده اول من يتبنى مشروع خفقة القلب

وعندما نتوه نجده اول من يتلقى حزننا فيسكبه شهدا على مسامع الاخرين

دائما عركى

عندما نسال نجده يقاسمنا لهفة السؤال وشوق الاجابة

يقاسمنا عركى الحب

الحياة

الحرية

ويقاسمنا عركى اشياء اخرى حبيسة النفس

اسرار صغيرة

لا يدركها الاخرون

وان ادركها احدهم فهو لا يفهمها


وحده عركى يمتلك خاصية ان يدركها ويفهمها فى ان واحد


عركى دائما يخبرنى بما يحسه احبائى


عركى يشركنى اشيائهم الصغيرة


مخاوفهم


شوقهم

(ريدتهم)

واكثر من هذا

صدقهم

الذى يتساقط على جنبتى حروفهم

عركى علمنى كيف احب اصدقائى واحسهم

لذا وجدتنى ابقى هنا طويلا


***

صديقى واخى ابو الطيب

احب فيك اختيارك دائما لما يمس شغاف القلوب

واحب فى اغنيات ابو عركى مقدرتها على ان تم س شغاف القلوب

واحب ابو عركى لانه وحده اغنية توازى كل الاغنيات

بنت كابتود
19-02-2009, 03:18 PM
كلام رائع و بوح جميل يصعب علينا ان نقول شيء

فيه سوي الاستماع لهذه الروائع شكرا اخي ابو طيب

التحية و التقدير الي الفنان / ابوعركي البخيت ،،،،،

واحشنى يا الخليت ملامحك ..
فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وانت لما بتسيبنى وتسافر
خت فى إعتبارك ،
انو دنياى فى مدارك
وجد- لفافات الصبر دخنتها
وكل المقاطع فى غناى طوعتها
وغريبة غنت ،
فرحة ... لا ... لا
غربة ..لا....لا
تقصد شنو ما عرفتها
وأهى تجربة .....
خطيرة – جد – وأجتزتها
ولسة واحشنى

حيدر ابوتركاب
20-02-2009, 02:01 AM
كلمات د.عفاف الصادق وأبوعركى
ألحان وأداء أبو عركى

من زمن بعيد شديد خلاص
أحساسى بيك فايت الحدود
وأنتى روحك سامية بى
وكل يوم بتزيد تجـــود
غبت منك ورجعت ليك..لقيتك
أنتى حبيبتى باقية على العهود
وعرفت أنك باقية لى وأنا باقى ليك
وعشت لوعة حب جميل غط المساحات والسدود
تاريك أنتى قدر كده..ومتغلة فينى بلا حدود..
تاريك أنتى الروعة الكلها فى الوجود
مشيت بعيد شلتك معاى سافرت
بيك..لقيتك أنتى صباحى نور..
بيسبحى فى شرايينى وبستطعم حنين ريدك بخور
ومن قلبا شعوف وشفيق
رسلت ليك الشوق
عشان يشوفك كيف..
لاقاهو شوقك لى فارد
جناحوالوريف.. ويتقالدو الأتنين...
بكو وبكو حتى دمع العين
سأل شوقى قال ليهو رايح وين؟؟
رد شوقى وقال رسلنى
زول ملهوف لزول حنين ولوف
تاريك أنتى قدر كده
ومتوغلة فينى وبالألوف
تاريك أنتى الروعة الكلها
فى الوجود ومتوغلة فينى بلا حدود!!

أبو الطيب
21-02-2009, 01:38 PM
كما يحلو لي بتي سحر الغروب ..

حضورك في البوست جاء وفق الامتنان

الروعة كانت في الأحاسيس والمشاعر ..

رسمها لنا أناملك الرقيقة في لوحة شبه الأصل من وقت الأصيل .

انت معاي في جواي

غرستك آهة من ثمار دمي

وبنيت منك جمال دنياي

أريدك أريدك.. أريدك

انت فجراً طل فرح ناس

وخط بدمّو كلمة ريد بقت تاريخ

بني وشيد عليه الســاس

أحبك انت مطراً

جا وسقي التيراب

وصبحت بيك حياتو خريف

وجدول فرحة فيك منساب

يناغم قلبي فيك ويقول

تعال نفرش دروب الريدة للأحباب

وزهرة حب .. جزورا حنان غصونا أمان

ثمارا بتدي طعم الريد

وريدا بيسعد الانسان

ومدام ما انت باقى معاي في جواي

غرســـتك آه من ثمار دمي

وبنيت منك جمال دنياي

حأبني الدنيا جنة ريد

وأعطر بيه ديمة غنــاى .

أبو الطيب
21-02-2009, 01:55 PM
أختي وصديقتي الغالية

دايما معاك بقطف ثمرة الانتظار فرح

وبحصد سنين الصبر الجواي زفة عروس في ليلة فرح

بسكت في حضورك ويصن حواسي كمان شان يسمعك

وبشيش يرن نغمة غنا أرقص معاك من بداية فاصل الغنا .


:Emo_39:


معاك ببقى الزمان حاضر بجي العالم قريب مني و يكون أجمل

بعيد منك بموت صوتي و يغيب فرح الزمن يكمل

هواك مد الأفق جواي رسم قامة الشمس أطول

و خلاك أخر المرسى و كأنك نجمي من أول

هواك لاقى الوطن جواي رجع صوت الحواري يحوم

بقى الزمن الجديد أخضر و رنت ضحكة نعس جرحي القديم

و ارتاح عرف رمش الليالي النوم

و غسل نبعك ملح دمعي و انزاح الظلام مهزوم

معاك يبقى الزمن حاضر معاك رجع الصفا الصداح من الهجرة

و اتكتبت على الأبواب معاني النظرة لبكرة

همد موج الحزن و غابت حرقة الذكرة

و أصبح يقيني معاك هوى و إلفة و جمال فكرة

معاك يبقى الزمان حاضر تدي لعمري الأمان

و ترجعي الشمس النست عمر الزمان

و تعودي بالفرح الأصيل

و تسافري بي من فوق وهاد المستحيل

واتركيني في حضرة الزمن الجميل

أبو الطيب
21-02-2009, 02:09 PM
أختي الرائعة المرهفة بت كابتود

البوح الجميل يطوي المسافات

ويقصر عمر الغياب

وبترتي قيود المستحيل بحضورك معاي هنا .


عن حبيبتي ..أنا حأحكي ليكم
ضل ضفايرا..ملتقانا
شدُّوا..أوتار الضلوع
أنا بحكي ليكم..عن حنانا
مرة غنت..عن هوانا
فرّحت..كل الحزاني
ومرة لاقت..في المدينة
الحمامات الحزينة
قامت ..أدّتا من حنانا
ولما طارت في الفضاء
رددت ..ألحن رضاء
وكانت أول مرة..في عُمر المدينة
أنو ..نام مكتوم حزينا
تحيا..محبوتي الحنينه

#######

ساوّه ليكم..بإيدينا شاي
وحالبالكم..ضي القمرا
مخبـّيه في جيوب الليل
متى ما تدورو..بترويكم
وما ممكن..تخليكم
تجيب النجمه..تديكم
عشان كان نورا ..ماكفـّي
تجيب ضوا ..يكفـّيكم
وعن حبيبتي ..بقول لكم
ولسه برضي حاقول لكم
يلا.. صفقوا كلكم

أبو الطيب
22-02-2009, 06:54 PM
الرائع حيدر أبو تركاب .

الحب لما يفوت حد الشغف ياهو إحساسي بيك

والزمن لما يرجع للأزل بتذكر إنو قابلتـــك هناك

حضورك الدائر له نكهته الخاص كون دوماً هنا .


أبو عركي البخيت فنان .. كلمات ولحن وموسيقى من فصيلة
( -o ) المعطاة .


يلا نغني كما غنت الأخت بت كابتود ..

ودعوة للأخ وطنا ورطنا عبر هذا المقطع ليدندن معنا

ويا ليت يأتي المرهف سوار ليسمعنا هذا الكلمات ..

على وتر العود بعزف السميراء .

واحشنى يا الخليت ملامحك ..فى حياتى
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر

abdella
25-02-2009, 01:36 AM
حلوين خلاص
تم ترررلم ( ايقاع)
ناس دنقلا

حيدر ابوتركاب
25-02-2009, 02:14 PM
لو كنتا ناكر للهوى
ذيك كنتا غفرتا ليك
كل العذاب العشته
فى حبك وكل حقى عليك
لكنى عايش للهوى
وكل يوم اترجا فيك
ورينى كيف أغفر وانت
شقاى سببته بيديك
حاولت اخدع نفسي
يا ظالم واهجر حبى ليك
حاولت امنع نفسى
منك وتانى ما امشى واجيك
ورحلت عنك وعن
ديارى وهدمت كل امل لديك
وبرضى ما قادر لما
اسيبك لما انساك بشتهيك
مع كل دفقاتى الحنينة
وكل دمعة شوق سجينة
تهاتى بيك روحى الحزينة
واشقى لما تهاتى بيك
ورينى كيف اغفر وانت
هدمت كل آمالى فيك
ما كنتا قايل أنا يوم
بلاقى الحب ولا بكشف دروبو
ولا قلبى من شدة
إباهو تقدر بتقدر الأشواق تذيبو
لكن غرامك حبه
حبه صالاهو بنارو ولهيبو
وسرقت قلبى يا حبيبى
تانى كيف منك اجيبو
انت يا ناكر غرامو قلبى
ما بتسمع كلامو
وبدون سبب يرضيك
خصامو لوعة العشاق تصيبو
تنسانى يا ظالم وقلبى
معاك مفتكرك حبيبو!!

أبو الطيب
28-02-2009, 02:17 PM
abdella
دا الخوف من المجهول وباب الرجاء المقفول

أرويني أرويني نهر الأماني سراب

سوار
01-03-2009, 02:51 PM
غيابك طال ..
شغلت البال ..
بالف سؤال ..
لم يكن غيابي اختياراً ولكن فرضته رمادية الظروف التي لا ترحم ، ولكن اتيت اليوم في هذا المكان الذي يفوح منه عطر الابداع الذي رسمته وجدانيات ابونا الشيخ الرائع حد الجنون الكهولي ، وما اكثر الرائعون في بلادي الذين تخطت ايامهم الثمانين عاماً بس التقول يا دوب في التاشرات ... !!!!
والوقوف في محراب (( ابو عركي البخيت )) له طعم ويا قلب انا كنت قايلك تبت من تعب السفر ومن مخاوات القماير ومن شراب موية المطر ..
تاريك لابد ليا بي شيتاً كتر ..
ما زمان انا وانت لفينا ..
التحية للانسان الفنان ابونا الشيخ ابو الطيب ..
التحية لكل الشباب والشابات الجملت اناملهم هذه المساحة التي تحمل هذه الخصوصية الجاذبة والمتفردة ..وعبر هذا البوست اقول للجميع والله مشتاقين .. مشتاقين .. مشتاقين ..
هذا مع كامل مودتي واحترامي ،،،
خاطر سوار الحزين

الغالية
01-03-2009, 04:51 PM
لمّا 000لا ترحال يحلك
لا البعاد00 يقدر يحلك
لا القرب00يقدر يدوم
الكلام بصبح مفرّق
الدنيا تشبه لون بعاد
وأبقي أحوج ما أكون
أنا لي حضورك00بالجد بدورك
فجأة يشع00فيني نورك
والقاك نبتـّي من تراب السكه
سديتي الأُفق
لحاك حلمي الملوّن بهمومي
لما يومك00بلقى يومي
وفصل همومك00من همومي
نضحك من الواقع00سوا
نحن القدرنا علي التعب
حرقتنا 000ألسنة اللهب
ولسه00ماسكين الدّرب
يا صاحبه00في الزمن الصعب


****


دة عركى

زولا غناه سمح

وكلامو سمح...

ابو الطيب الشكر ألااف ملففه تسد ديون السودان و الدول المجاورة،،




سوار البعيد


ازيك ياخ

موشتاغوووون شديد شديد

(بعيدا عن اعين الرقابة على كل المستويات )

وش مبتسم وسنونو بيلمعن



..

أبو الطيب
02-03-2009, 12:41 PM
ســـــــــــــــوار

يا ريتنى لو أقدر أقول

فيك الكلام الما انْكتب

واجلى المقاطع بالدهب

وافرد صباح حُسنك وشاح

يمسح عذاب عمرى المسطرّ باللهب
بريــــــــــدك ودي الحقيقة الشلتها من جوة غناك


.................................................. ........

الغــــــــــــــالية


ومدام انت باقى معاي في جواي

غرســـــــتك آه من ثمااار دمي

وبنيت منك جمال دنياااي

حااأبني الدنيا جنة ريد

وأعطر بيه ديمة غنــــــاااى

أبو الطيب
11-03-2009, 10:46 PM
من جديد جت تاني تكسر صمتي بالنظرة الخجولة

يا أمل عمري القبيل يا سنين عامرات فصولا


ما قدرت أنساك أنا من زمان بس ضاعت أحلام الطفولة .

سحر الغروب
12-03-2009, 11:40 AM
انا ما مخيرة حتى في ساعة وداعك
ما بقدر القي نظرة عليك يا حبيبي
او اهز بالشوق زراعي
لكن الاعماق بتشعر
رغم صمتي والتياعي
والقلب في حنينو يلمح
كل سحابات الكآبة
الظللت ينبوع شعاعي
ما بسيبك لليالي
ولي زمن ظالم اضاعك مني
والدموع ما اظن تخفف
من اسى الفرقة اللي راعك
شيل هوايا معاك ذكرى
قبل ما ترحل وتبعد
اعرف انها دي الليالي
وبكرة رغم آملنا ننسج
للفرح افاق ومورد
والمحبة يضوع عبيرا
وبينا يخضر الف موعد
وقلبي ينزف لفراقك وقلبي ينزف لفراقك

حيدر ابوتركاب
13-03-2009, 07:38 PM
ضيعت عليك العمر..
في شوق ولهفة وسهر..
إسال الجفون عن الخبر..
اسأل النجوم والليل والقمر..
كان الفؤاد خالى..
وغدا أسير الجمال والحور..
مكتوب له أن العشق..
وما للعشق من مفر..
مكتوبا..
ان تكون له ملاذاً ومستقر..
أرى في عينيك عمري..
الحاضر والمستقبل..
هذا ماكتب على..
وما املاه على القدر..
أن تكون لي جنة..
أو تكون نار وسقر..
ضيعت عليك العمر..
في شوق ولهفة وسهر.!!

أبو الطيب
17-03-2009, 07:57 PM
يامعاين من الشباك
يامعاين من الشباك
يااحلى زول شفناك
ارحم قلوبنا معاك
وشاركنا نحن هواك
يا كامل لاوصاف
ياالكلك جمال وعفاف
عايزين نقول بنخاف
تهرب وما تنشاف
ناوين نزور والديك
نطلب ياحميل ايدك
نوعد بالعمر نفديك
لو العمر يرضيك
ياغالى ليك هوينا
الشباك يشهد لينا
كم مرة رحنا وجينا
لو بالعيون قول لينا
انك ياجميل حابينا

حيدر ابوتركاب
17-03-2009, 09:30 PM
عندما تشرقُ الشمسُ على شاطئي ..
أشعرُ بهميِّ..
أجدِّفُ خارج حدودِ اليم..
سبـَّبتَ لنفسي جرحا ً..
صافحتُ لهاثـَهُ..
بكيتُ حلما ً تخدَّر..
سفنُ الشوق ِ .. ركبـْـتـُـِها..
جعلتُ من أصابعي مصابيحا ً..
علــَّـها تضيءُ…!!

الغالية
21-03-2009, 08:08 PM
http://sudaniyat.net/up/uploading/نانسي عجاج.mp3.


يا زمن وقف شويا

حيدر ابوتركاب
22-03-2009, 03:24 PM
فاعذريني يا رباب .. إن تغنيت لغير المقلة السوداء و الحور الكعاب ..
سأغنى للشباب .. ملهم التاريخ و التكريب من سفر الصعاب ..
سأغنى للشباب .. للوعود المشرئبات إلى قلب السحاب ..
لزمان الحسن للسلم نضالاً للصحاب .. لدعاة الحق أفعالاً و أقوالاً عِذاب ..
فلنقلها .. فلنقلها بقلوب مؤمنات لا تهاب ..
لا لمن يوصد فى الظلماء للأحرار باب ..
لا لمن يُشهِر للحرية عذراء ناب..!!

أبو الطيب
24-03-2009, 10:32 PM
حيدر / سحر الغروب .. حضوركم يسعدني كثيرة .


الغالية الرابط ما شغال .. والزمن ما داير يوقف شوية ..


أنا أعمل شنو ؟


ومافي لحظة تمر بخاطري إلا أشواقك معاي

وكل أول ليه آخر إلا حبنا لا نهاية .


نحن ناس عاشت نفوسنا في وفا وأنبل صداقة

حتى في الأحزان بنفتح لي دروب أحزانا طاقا

نحن ناس عاشت نفوسنا في وفا وأنبل صداقة

حتى في الأحزان بنفتح لي دروب أحزانا طاقا

أما لو سألوني عنك في هواك إيه الرماني

لا لا والله دة سِر مقدس كاتمو في الأعماق وأعاني

أبو الطيب
11-11-2009, 10:41 PM
من جديد جت تاني تكسر صمتي بالنظرة الخجولة

يا أمل عمري القبيل يا سنين عامرات فصولا


ما قدرت أنساك أنا من زمان بس ضاعت أحلام الطفولة .

انت المهم الناس جميع ما تهمني
انت العزيز افرد شراعك ضمني
خايف تفوت والسكه بيك ما تلمني
انت الوداد
نبض الفؤاد
بستان نضير
وصفا وعبير
وجمال رهيب
ودلال عجيب
ريّح شقايا وجمّني
جاييك شعاع
نجمه وشراع
نسيني يا عمري الضياع
انا لسه تايه دلّني
قول ليا قول
يا احلى زول
خلي الحزن يرحل يزول
لو كنت جد بتعزّني
انا ليك وبيك
مداح عيونك ومشتهيك
مهما تجور بنزف واجيك
لا بقسى لا بزعل عليك
لانك انت تهمني

حيدر ابوتركاب
11-11-2009, 11:39 PM
دي قــشـة عـيـنـى مـــن الـنـوم‏

مــعـايا بـشـيـل هــمـوم بـاكـر

قـبـل مــا أشـيـل هـمـوم الـيوم

أخــتـهـا خــطـواتـي الأولـــى

أعــــــــدي الــــبـــاب..‏

تــبـدا تـــدق طــبـول الــهـم..‏

خــواطــر تــذهـل الألــبـاب !!‏

وأقـابـلـك يـــا شــوارع الـجـن..‏

وفـــي جــوايـا حــاجـة تــئـن‏

أشـــد وتـــر الـحـزن وأعــزف

تــمـوت غـنـواتـي يـــا يــمـه

ويـخـنـقـني الــغـنـا وأنــــزف

وتـنـتـر فـــي الــعـروق حـمـى

سحر الغروب
12-11-2009, 01:09 PM
دائما أطيب خاطرك الغالى واسامحك لو نسيت

ودعت من يهواك وقلبه بقربك مهما نسيت

كم حاول يفرق بينا حاسدا او عزول

كم مره قالوا جنيت عليه بدلت ضوء ايامه ليل

لكنى يا نور العذراى انا ما بضيع حبى قول

تلقانى دايما في رجاك وغناى في حبك رسول

اسال عليك الليل ونجمه وحتى انوار الصباح

وكل طائر في سماه اسال مشاعر عن هوانا

وليه حنانك لى راح

تلقانى في غاية الألم آمالى تزروها الرياح

حيران اسال نفسى ايه كان السبب واصل الخصام

يمكن اكون في حقك اتلومت في ساعة مـــــلام

لكن ما معقول يكون انا قلبى ليك حفظ الفراق

ما اظنه من يعرف الهوى يعرف عدوه مع السلام