المساعد الشخصي الرقمي

مشاهدة النسخة كاملة : جزيرة مقاصر


الصفحات : 1 2 3 4 [5] 6 7

خالد شمام
25-03-2010, 12:46 PM
نحنُ والكسل والدعم المنتظر
ما دفعني لكتابة هذا الموضوع ما رايته عند مروري بالمطعم السوداني لشراء بعض الفول المصلح و عدد الارغفه الساخنه من المخبز السوداني.

بدايه ...اتفق السعوديون والكثيرون من العرب هنا في السعودية على اننا نحن السودانيون بلا فخر ناس طيبين ، لكن عيبنا الوحيد هو الكسل .

فهل نحن فعلاً كذلك ؟!!


اعرض امامكم بعض الصور والمواقف واترك لكم التقييم :

الصوره الاولي
الجلوس في الشارع

في الاول :نهى الرسول (ص) عن الجلوس على قارعة الطريق وقال في الحديث الشريف : ((إياكم والجلوس في الطرقات ، فقالوا: يا رسول الله ما لنا بدٌّ من مجالسنا نتحدث فيها، فقال : فإن أبيتم إلا المجلس فأعطوا الطريق حقه، قالوا: وما حق الطريق يا رسول الله؟ قال: غض البصر، وكف الأذى، ورد السلام، والأمر بالمعروف والنهي عن المنكر)) رواه البخاري ومسلم.
عند ذاهبك لاقرب شارع به عدد من المحلات السودانية المتجاورة تجد عدد من السودانيين وقد جلسوا على ارصفتها وهم يحدقون في الغاشي والماشي وخصوصا العوائل ، الامر الذي يدفع حريمنا الى التواري خوفا وخجلا و يفضلن البقاء في السيارات على الدخول لتلك المحلات.
الصورة الثانية
المطاعم السودانية
ابئس المطاعم في المملكة حالاً هي المطاعم السودانية ، و بلا اية لمسات جمالية ، تجاهل مصممها حق العين وانها قد تأكل قبل الفم احياناً ، كما يمكننا ان نطلق عليه مطاعم محلك سر ، او للخلف دُر .
وهنا اذكر ما قاله لى صاحب مطعم الفول السوداني عندما اردت اسجل له ملاحظه فقلت له : فولكم كويس ، بس ياخي ممكن تديني عجينة طعمية لانو عندي ملاحظة بسيطه على طعميتكم دائما زيتها كتير
فما كان منه الا ان رد علىّ بطريقة مستفزه وقال : وانت ح تعملوا بي شنو ؟!!!

الصورة الثالثة:
محلات المنتجات السودانية
التاجر السوداني صاحب عقلية تجارية كسولة لاتؤمن بالابداع ولا تسعى نحو التطور ، وتعتمد على مبدأ الربح السريع باقرب الطرق واسهلها ، فرغم تغيير المكان وتغيير الزمان مازالت الصورة النمطيه للتاجر السوداني هي هي ...العراقي المتسخ والسروال الطويل والعنقريب الهبابي ، اذا كنت في السعودية فانني انصحك بتجنب الشراء قدر الامكان من التاجر السوداني لانه بالتأكيد سيغلي عليك ، فمحلات المنتجات السودانية تبيع قوارير زيت السمسم بسعر اعلي من بعض اجود انواع زيت الزيتون المستورد من اسبانيا وما هذا الا لان الزيت اسمه سمسم .

اذكر انني دخلت ذات مرة محل منتجات سودانية في مدينة الخبر فرايت بلح معروض في اكياس صغيره ، فطلبت من البائع كيسين وكان سعر الواحد على ما اذكر 5ريالات ، واخذت اتفحصهما فرايت ما بدأ لي انه سوس وقلت للبائع: ان شاء الله البلح دا ما يكون مسوس .
فرد علىّ بكل برود وقال : والله انت وحظك .

او ذلك المحل الذي دخلته بعد ان تصادف وقفي بالسيارة امامه ، وقلت في نفسي فرصة ادخل محل المنتجات واشوف واشتري اي حاجة سودانية قد يحتاجون لها في البيت .
كان صاحب المحل جالس على كرسي وقد وضع سفته ومدد رجليه يعني ( مرخم) يلبس عرايقي وسروال طويل اقرب الى ان يكون وسخان
فقلت : السلام عليكم
رد وعليكم السلاااااام
نظرت الى الارفف فاذا بها فارغ الا من اشياء بسيطه
فقلت يازول محلك مالو فاضي .
رد علىّ قائلاً : منتظرين دعمكم

AwadAllaq
27-03-2010, 11:35 AM
لعل الاتكاءة والرخييييييييم والعنقريب متلازمات للشخصية السودانية ، أو هكذا يقولون ، ويرجع البعض سبب الكسل والخمول في اصحاب البشرة السمراء لبعض الاسباب المتعلقة بالهرمونات ونقص بعض المواد في البشرة نفسها ، عموما لسنا بمعرض بحث عن اسباب الظاهرة ولكن دعوني أوافق على أن أصحاب البشرة السمراء كسالى مقارنة ، وأنا من ضمنهم ، فأحيانا اجد نفسي متكاسلا في تحويل جير العربة من مستوى لآخر خاصة لو كانت المسافة بين الاشارة الضوئية والتي تليها قريبة ، ومثلما يختصر الهندي أو البنغالي الأمر هازا رأسا يمنة ويسرة قائلا " مافي معلوم" يختصر صاحب البقالة في السودان الأمر قائلا للزبون " مافي " خاصة إن كان ما يطلبه الزبون زهيدا ثمنه وحتى بعد أن يبيع للزبون تجده سرعان ما عاد للعنقريب ، ومن ضمن ملاحظاتي لإخوتي السودانيين في الحدائق العامة والمتنزهات ( الكورنيش مثلا ) أنه ما أن ينتهي أحدنا من فرش الحصير نميل ذات اليمين أو ذات اليسار وأحيانا نتطلع للسماء ولا يعنينا كثيرا من يجلسون بجوارنا طالما أننا لا نخالف العرف والقانون ، أما حال صاحب السروال الطويل طالب الدعم فيعكس واقع الحال للكثير من أبناء جلدتنا وحقيقة أنه منظر يدمي القلب عندما ترى في منتصف الشارع سوداني اشعث أغبر بعراقي وسروال طويل مائل لونه للون البني .
لا نعمم المسألة ولكنه واقع معاش ومناظر اعتدنا على رؤيتها
لك التحية أخي خالد

Gindilab
27-03-2010, 02:31 PM
اخي خالد جئت للاطلاع فقط ولكن تشربكت خيالاتي وانفعالاتي مع ما طرحته هنا وما كنا نناقشه سوياً عن تلكم الظواهر السالبة لشخصيتنا السودانية ليس داخل حدود الوطن فحسب بل في بلاد الغربة التي تُعدُّ وتُحصى فيها جميع حركاتك وسكناتك.. والأمثلة التي ضربتها كلها وقعت أحداثها هنا.. والحقيقة التي نراها بالعين المجردة هي أن هؤلاء المتساهلين لا يهمهم ما يقوله الآخرون عنه وعن بلده وأبناء جلدته.. وهمه الأول والأخير هو أن يرعى (البزنس) الخاص به بأقل التكاليف المالية وبأقل مجهود بدني لتكون النتيجة تلك الصور السيئة واللقطات القاتمة التي عرضتها علينا.. المواقف كثيرة والمآخذ لا حصر لها ولكنني أذكر حكاية ذلك الشخص الذي وجد عملاً بعد معاناة كبيرة في أحد الكافتيريات وفي أول يوم دوام طلب منه زبون سندوتش فما كان من صاحبنا بعد أن جهَّز الشندوتش إلا أن وضع سبابته على لسانه ثم نقله إلى رزمة الورق المخصص للف السندوتشات وأخذ منها ورقة وبدأ يلف السندوتش وكل هذا أمام الزبون الجائع ولسوء حظه أمام صاحب المحل فكانت النتيجة أن أُلقي السندوتش في برميل الزبالة وأُلقي بالرجل العفوي..الغير مكترث.. المهمل (سمه بما شئت) خارج الكافتيريا.

عمر مقاصر
27-03-2010, 07:48 PM
عمــــــــــــــــو عمــــــــــــــــــــو عمـــــــــــــــــــــو منـــــــــــــــــور ومشرف البوست ورب الكعبــــــــــــة ، الف مليون دشليون ترليون مــــرحب الكلام دا لعكاسية الرجل الذي فقدناه سواء كان في البوست ولا حتي عبر الجوال مع العلم بانني كنت المتصل كالعهد بي مع ناس السعودية بس وجودك اليوم اسعدنا والشوووووووووووووووق بالقفف والكوامـــــــــــــــر .

علاق الشغلة قربت بس انتوا شدو حيلكم يا ناس الخبر والعنوان بطرفكم

AwadAllaq
28-03-2010, 12:09 PM
أخي عمر أعلم أن (الشغلة ) قربت والمراسم على وشك وأنت ذاهب لأرض الشمال حيث يذهب الليل منسابا على الأفق وتأوى الناس إلى مضاجعها مبكرا على عكس الحال في الخليج ولتحمدا لله أن المراسم في زمن تتوفر فيه الكهرباء والماء بمدينة دنقلا حيث لا بعوض يتسلى على الاجسام الندية ليزور خفية ويرحل ليتسلل بعدها الاظافر في ذلك المكان لتهرش الندب الذي يتركه وتقضي نصف ليلك ساهرا( فندق هيفاء ) ، ونتمنى ألا يعكر الصفو الانتخابات وتبعاتها وتكون الامور على النحو الذي تتمناه ، ولو تزامنت المناسبة مع اجازاتنا الصيفية لكنا وزراء وضيوف بكابتود العريقة وإن لم يكن ذلك لوجدت جوالات أهل الشرقية خارج الخدمة لحين عودتكم لأرض الدوحة سالمين غانمين ولتصغي لحديثي اليوم بتفاصيله كما تفضلت وفصلت في الرسالة الخاصة لأنه لان تقضي شهرا اضافيا بالدوحة خير لك مما لا يحمد عقباه ، وعفوا سادتي إن كان ما كتبته على العام مرتبطا ببعض ما دار بيني وبين الأخ عمر على الخاص واعلم أخي عمر أنها سريعة هي الايام تنقضي وتتسرب بين أيدينا ولا تبقى لنا سوى الذكريات ولك تحياتي

عمر مقاصر
29-03-2010, 05:16 PM
الشغلة قربت ودخلت المراحل الاخيرة ومن الابواب جاءت على الشبابيك بس ساعدونا بالسكات والموية الباردة الاخيرة دي بالذات محول للاخ حاتم عديل والشريف / فتح الرحمن .

الشباب مالكم بدون فرز استثناء -علاق وخالد شمام وقنديل -الحاصل شنو ولا مشغولين زينا

تعال راجع ياحنيني تعال حوووم قدام عيوني (( لازم تجي راجع ياعمـــــــــو)


احمد نور وابو اشرف انزلوا الميدان وخلوا كنبة الاحتياطي شوية على الاقل اليومين ديل وجودكم في البوست بيشرفنا ويسعدنا ولكن مشاركاتكم بتريحنا وبيخلي البوست في السطح.

وبس الباقي بعدين

عمر مقاصر
30-03-2010, 01:02 PM
شنـــــــــــــــــو الحاصـــــــــــــــــــــــل؟؟؟؟؟؟؟؟؟؟؟؟؟؟؟؟؟؟؟

بت بهــــــــــــدي ، سمحه الخصال ، بنت مقاصر ، مقاصــــــــــراوية ، بحــــــــــر الشوووق ، سووووووووومة ، بنت كابتود لعلكـــن بخير وعافيـــــــــــــة وبس...........

((عكاسية ، حمنتـــــــود ، مقاصـــــــــــــراوي )) وينكم ياشباب طمنونا عليكم

خالد شمام
30-03-2010, 03:14 PM
نعمة النسيان

مقدمه:

تمر الايام والشهور والسنين محملة بالاحداث .. أحداث سعيده .. أو تعيسة .. ومهما كانت الأحداث فالحياة تستمر لاجل غير مسمى .. كل منا يتعرض للبلاء .. تتكاثر الهموم احياناً .. نصل الى قمة الحزن .. نغوص في أعماق النفس ... يسيطر علينا شعور .. بأن مصابنا لا يخطر على بال ولا يمر به احد غيرنا .. يضيع الحزن بعد فترة وتاتي فترات سعاده .. فعندما نتذكر وقتها حزننا الماضي .. يعد ذكرى .. نعلم انه بلاء أو ابتلاء .. ولكن الشعور قد تجمد .. يمكن أن نهتز قليلا أو نتذكر ما ألم بنا سابقا فنحزن .. ولكن تكون لحظات تعبر خلالها وتمر ... وتستمر الحياة أليست هذه نعمه من الله ؟
ألا وهي نعمة النسيان ...لكن ما قد يكون نغمة عليك وعلى اللي خلفوك هو ان يصل بك النسيان الى ما وصل بصاحبنا المسكين الذي ...
اصل الحكاية ... وبعد يوم صيفي حار و ساعات من العمل الشاق ، وصولات وجولات بين مكتبه ومكتب كفيله البدوي العنجهي ، عاد الى شقته الملحق ، في اعلي العماره و صعد السلالم السته ، بمجموع درجاتها الستين ، فالحسنه عند ربها كانت عشره ، والقي بجسده المنهك على الكرسي الوثير ، و بعد شهقه عميقة اردفها بزفير ، خرجت معه آهه .. قال بعد التعب ما احلاها الراحة .. واضاف بعد ان سمع عصافير بطنه وهي تزقزق .. ما اطيب الأكل بعد الجوع .. عندها استدرك واطرق يبحث في ذاكرته عن شي اضاعه.. لكن كمبرسور مكيف الصالة لم يمهله طويلا.. وعاجله بدفقه من هواءه البارد ، اصابت جسمه المرهق بالخدر .. واودعت خياله الجائع وسط مائدة ما لذا وطاب .. فطفق يقلب الصحون في احلامه يبحث عما تشتهيه نفسه وتقر به بطنه ، وبينما هو على حاله تلك .. شق سمعه والسكون من حوله صوت زوجته وهي تقول : ياراجل انت متين جيت ؟!!
لملم سُفرة احلامه على عجل .. وانتبه انتباهت عصفور بلله المطر ، واستجمع قواه وفتح عيناه.. راها هناك منتصبه امامه كانها القدر اللعين ، قاطبه حاجبيها ، خاصرةً زراعيها تنظر شذرا تتابط شرا
خاطبته قائله : وين الحاجات ؟؟؟؟!!!
ضغط على ماوس الاحداث السابقة .. تذكر ورقة المقاضي ( اغراض البيت) التى كانت قد اودعتها جيبه بعد ان ذكرته بدل المره مليون ان الثلاجة ما فيها حاجة
عاد الى نفسه وقال( احي الروب )
وصفع جبهته طاااخ وصرخ : ااااخ
ثم قال : تصدقي نسيت ؟!!!!!!


هي دعوة للجميع لايقاد قناديل الذكرى والبحث عن حكاوي و طرف وورطات مقاصراوية ضلت في دروب النسيان.

عكاسية
30-03-2010, 08:52 PM
أحبائي دائما وأبدا
رواد البوست
رواد هذه المساحة الصغيرة المتسعة لكل الإهتمامات
رغم ما يبذله البعض بحسن نية لنقلها لمكانها الطبيعي
ورغم الرغبة التي إجتاحتني بالتحرر منها لمساحات أوسع في رحاب الشعوب والقبائل لتعارفوا
إلا أنها ستظل المكان المحبب للإلتقاء
للإلتقاء بأناس أحببناهم لإحترامهم العقول

هنا يمكن أن تكتب دون أن تكترس

نعود في رحاب الألفية الثانية

doly
31-03-2010, 12:14 AM
http://upload.9q9q.net/ fash video

عكاسية
31-03-2010, 12:25 AM
الأخطاء الإملائية يلحقوها كيف في الدقيقتين دي يا ود أقجة ؟؟
براحة علينا يا بالكو العريس الشفقان الأصابع مخضبة

عكاسية
31-03-2010, 01:20 PM
أهلي الرائعين

يسعدني جدا أن أرحب بكل الكوكبة التي إنضمت مؤخرا للبوست
الحبيب تكعيب عوض علاق ااثر أن يرنو إلينا من على البعد ويتساءل عن أسباب إبتعادنا من البوست الفترة الماضية ، بعبارات مهذبة ( البوست بمن حضر ) وكأنك تهجونا بقليل من اللوم. ها نحن أيضا قد حضرنا وقد زالت أسباب الغياب .

السر جبرا ، يتعلل بأنه يكرس كل جهده هذه الأيام بالتحضير لليلة من ليالي الألف ليلة وليلة ، مع إن لسع باقي ليهو أربعة شهور إلا أنه مضطرب أينما إضطراب ، ورغم تصريحاته المثيرة للجدل بأن رواتبنا البناخدها في السعودية دي هو بصرفها هناك في تدخين السجائر فقط ، إلا أنه لا ينسى أن يختم مكالماته عبر الأثير مذكرا برقم الحساب في بنك البركة ، وتحديد سقف أدنى للتحويل لا يدري هو أو يتغابى المعرفة أنها رصيد ( كد ) ثلاثين يوما متواصلة مع الإكراميات والعمل الإضافي. النصيحة ليك يا بالكو فتح عيونك دي كويس شيل معاك شوال عبيهو قروش ، عشان ما تفضح نفسك مع شريكة دربك. وكتر من الإتصالات عشان نرسم ليك خريطة الطريق لشهر لا يعوض .

بشير كهران
31-03-2010, 01:41 PM
الأخطاء الإملائية يلحقوها كيف في الدقيقتين دي يا ود أقجة ؟؟
براحة علينا يا بالكو العريس الشفقان الأصابع مخضبة

عكاسية الزول دا بقى يرجف من هسع ولا شنو . . ؟ لو كدا كان اخير ليه البوووووووووورة . . .
غايتو الله يكون في عونه . . هههههههههههه an..ab::

بنت كابتود
31-03-2010, 02:07 PM
السلام عليكم ورحمة الله وبركاته

اهلنا وجيرانا ناس مقاصر كيفكم ان شاء الله طيبين وبخير وتمامين واسفين للغياب وحقكم علينا
اها وصلتو وين واخر المستجدات علي قول ناس الأخبار والسياسة an..ab::
بجيكم تاني ومعي قراصه كاربه بالتركين واحد لناس الكداد
التحية لاخونا عمر مقاصر لسؤاله عنا البنوتات وبرضو لناس البوست كلهم

AwadAllaq
31-03-2010, 02:12 PM
عذرا اخوتي ، نجد انفسنا مضطرين للغياب في بعض الأحيان ، لكن غيابنا لا يتعدى أيامها اصابع اليد الواحدة ، لأننا عاهدنا انفسنا ان نبذل ما في وسعنا لإثراء البوست ، ليس من باب التحدي كما يعتقعد البعض ، وليس للم أكبر عدد من أبناء مقاصر ، كما يدعي البعض بأنها خطوة فشلنا فيه ، ولكن ، لأنها متنفسنا ، عندما ضاقت بنا الارض بما رحبت ، ووُصفنا بالمرتزقة والطابور الخامس والمنبوذون وغيرها من الالقاب ، من قبل أولئك الذين يتفوهون ببعض الكلمات التي لا يلقون بالا لمآلاتها ولا تحتاج تحريفا لمواضعها ، وإن حاول البعض ، ولكن ، وكما ظللنا نكرر دوما على قدر أهل العزم تأتي العزائم ، وكلٌ مقيَم بما يكتب ، وما نسطره في هذه المنتديات مرآة تعكس صورنا الداخلية ، وهي محمدة لهذه المنتديات ، فلولا المنتديات لما تمايزت الصفوف ولما عرف بعضنا البعض وميز كل منا الخبيث من الطيب ، عموما الحديث يطول، ولكن دعونا ندلف لمواضيع البوست دون الاكتراث لما يدور خلف الغيوم .

أخي خالد شمام : حتما سنسعى جاهدين لتناول ما طرحته عن حكاوي مقاصر خلال المائة الثانية من صفحات هذا البوست ولعل في جعبة أخونا قندلاب ما يمكن أن يكون خير استهلالية لما طرحته ، جنبا إلى جنب مع واوور الحكاوي ، ولا أريد كشف أوراق الرجل ، ولكن حديث المرحوم مصطفى حامد عن ذلك المشروب المعتق وجعل المرحوم خليلي خير حقل لتجاربه لجدير بأن يكون استهلالا للحديث عن حكاوي مقاصر ، ولا تعجل أخي ، واما قصة أخونا محمد نقد نصر الذي نسي ضيفه القادم من أرض المحس فستناوله مع قصص مشابهة في مقبل الأيام.

أخونا وحبيبنا صلاح عبد الحليم دولي ، الزائر والمشارك على استحياء ، وبدون مقدمات ولا تحايا ، نرحب بمقدمك ، وأعلم تماما أنه لم يحالفك الحظ فيما قمت به من ( داونلود ) والذي هو من قبيل ( السي دي ) الخاص بأغنيات الرطانة التي وصفها الباشمهندس مصطفى علي صمد بأنه ( مخستك ) لأن الصورة بها في وادٍ والصوت بوادٍ آخر ، وربما كان مصير الصوت فيه مصير تمرات عمر فونج بجمعية جدة والتي لم يُعرف مصيرها حتى الآن .

أخونا عكاسية : مراحب بعودتكم ونتمنى اللقاء بكم في اليوم الأسري غدا لو أمد الله في الآجال ، أما العبارة التي أتي بها أخونا عمر ( البوست بمن حضر ) لا أنكر اطلاقا أنك كنت تمثل جزءا ليس باليسير من ( دائرة الاتهام ) إن جاز لنا التسمية ، ولكن ، والله ، معك كل من غاب عن البوست ، علما بأننا لم نكتفي فقط بالعبارة وسألنا الاسباب كل من هو معني بالأمر ( المقربون والاصحاب والأحباب ) والبوست فعلا بمن حضر فيغيب علاق ويحمل الراية أخونا شمام وينشغل أخونا عمر هارون فيقود النزال أخونا أبو حازم وهكذا الأيام دواليك وكل حسب طبيعة عمله وكل حسب مزاجه في الكتابة

أخونا أحمد نور من باريس ، من جوار شارع الشانزليزيه وبرج ايفل ، لك التحايا على الرسالة الرقيقة والتواصل ، وإن بدت نواجزك من الضحك مع قصة ابن العم عاشنتود عندما غادر الدائرة موليا دبره ، فقصة المرحومين خليلي ومصطفى حامد ستفعل بك الافاعيل والقادم بإذن الله أحلى فنحن هنا لنروي قصص الأعمام والخيلان وسيرهم العطرة ولسنا هنا لنطبل لهذا أو ذاك ونعطي كل ذي حق حقه ولا نبالي

ومليون مرحب بود أقجة المتواجد بين ظهرانينا وانا اسجل هذه المشاركة

عكاسية
31-03-2010, 02:23 PM
تنحى عن القيادة العزيز قندلاب لعوامل الكبر كما يحلو أن يعلق أخونا بالكو ، واليومين ديل سايقها بي رواقة أخونا خالد شمام بمساعدة خفيفة من الحبيب علاق لأنه حد المغرب وبعد ما تضلم ما بشوف ، اليومين دي عندي النية أسوق ، لكن سواقتي متهورة شوية مع التجاوزات في الطرق السريعة ، الله يعيننا على الرادار

اعود واتطرق لكسل السودانيين
كنت أعتقد أن عبارة ( السودانيين كسلانيين ) هي فبركة من أخواننا ( الشوام ) أطلقوها في الخليج وذلك لسحب البساط من السودانيين المتحكمين في مقاليد كل الأمور خاصة المالية منها ، وهذا لم يأتي من فراغ إنما لصفة الأمانة التي كانت ملازمانا إلى وقت قريب تلاشت في العشرين سنة الماضية ، نعود للأخوة الشوام اللذين لم يكن لهم وجود حتى بداية تسعينات العام الماضي في الخليج وبعد أن توافدوا على الخليج أرادوا مدخلا لسحب البساط من السودانيين فأطلقوا هذه الإشاعات ببراعة يحسدوا عليها مستقلين شخصياتهم القوية أمام الشخصية الخليجية اللاهثة خلف التقليد والبريستيج ،، ورويدا رويدا تمكنوا من الإستيلاء على مقاليد الأمور ، خاصة المناصب القيادية في كبرى الشركات بالخليج وصار معظم السودانيين عبارة عن رقع شطرنج يمكن تشكيلها حسب المزاجات ، وتقوقعت الأمانة التي إشتهرنا بها وصارت تاريخا يحكى.
الخلاصة الشخصية السودانية في الخليج شخصية ضعيفة نوعيا ، عانيت منها الأمرين أنا بالذات في بداية إغترابي ، ومع أول وظيفة لي بالمملكة وبعد أن إقتنع الكفيل بمقدراتي العملية كان طرحه للراتب لا يتناسب مع مؤهلاتي ورغم ذلك قبلت بالعرض ، ربما يضحك الكثيرون على عقولهم بقولهم ( أخير من العطالة ) ، لكن لو تمسك كل سوداني بحقه بالتساوي مع الجنسيات الشامية خاصة أننا لا نقل عنهم علما أو مقدرة لكن لنا شأنا اخر .

الباب مفتوح لكثير من الأسئلة عن الشخصية السودانية العامة المتهمة بأنه سطحية ولا تعرف حقوقها لدى الغير

( قلت ليكم السواقة متهورة )

ود أقجة
31-03-2010, 02:27 PM
الأخطاء الإملائية يلحقوها كيف في الدقيقتين دي يا ود أقجة ؟؟
براحة علينا يا بالكو العريس الشفقان الأصابع مخضبة

أخي عكاسية
لك التحية والشكر هي خمس دقايق ياعكاسية عملتها دقيقتين أخد راحتك في الكتابة وبعدين شوتا ضفاري بتظبط معاك ومامحتاجة تعديل تاني ركز يازول ما تبقى زي ((ياخلف الله عذبتنا))
بقية العقد الفريد رواد مقاصر لكم التحية على هذا النشاط الذي جعل بوست مقاصر نزهة لكل أعضاء منتدى دنقلا لانه يجمع أقلام ذهبية لا تمل من مطالعة أحرفها الأنيقة بقيادة الأستاذ/ عوض علاق فلكم من الشكر أجزله ومزيداً من الأبداع.
ولكم مني كل الود والتقدير...

عمر مقاصر
31-03-2010, 03:30 PM
قوولــــــــــــوا ماشاء الله تبارك الله عاد الحبيب المنتظر عاد عاد بعد زوال اسباب الغياب وكمان الاتصالات التي تمت عبر الاثير من الدوحة الى الرياض وكمان مكالمة بعد الصحيان من نوم المغربية الى الخبر ومن ثم انقطاع الاتصال بسبب الشبكة المتهالكة مع وجود الرصيد الكافي للاتصال الدائم لذا نرجو المعذرة.
بدون ماندخل في خصوصيات المكالمات والعنوان الواضح وتحديد السقف والعاقبة لديكم في المسرات.

سايقها عكاسية وسايقها صااااااااااااااااااااااااااح (كسير تلج من اجل عيون بنك البركة )

والباقي بعدين باليل

عكاسية
31-03-2010, 03:38 PM
عكاسية الزول دا بقى يرجف من هسع ولا شنو . . ؟ لو كدا كان اخير ليه البوووووووووورة . . .
غايتو الله يكون في عونه . . هههههههههههه an..ab::

أخي العزيز كهران

جاري معالجة الجوانب النفسية المتهيبة للمرحلة القادمة التي سيقتحمها أخونا بالكو ، لذا وجب أن ترفعوا من معنوياته تلفونيا ،حتى لا يتضطر للجوء للمشروبات الروحانية كحال الكثير من الشباب ، وإنشاء الله لغاية الوقت داك يكون رفعوا الحصار عن القيود الزمنية للإحتفال بليلة العمر.
أنا جايب ليك معاي صوت عنج أصلي من النوع أبو كديس من شارع غبيرة يا بالكو ، ( أركز )

عكاسية
31-03-2010, 03:51 PM
السلام عليكم ورحمة الله وبركاته

اهلنا وجيرانا ناس مقاصر كيفكم ان شاء الله طيبين وبخير وتمامين واسفين للغياب وحقكم علينا
اها وصلتو وين واخر المستجدات علي قول ناس الأخبار والسياسة an..ab::
بجيكم تاني ومعي قراصه كاربه بالتركين واحد لناس الكداد
التحية لاخونا عمر مقاصر لسؤاله عنا البنوتات وبرضو لناس البوست كلهم

الغالية بت كابتود ركزي لينا على الكداد
اخر المستجدات أخونا عمر مقاصر قاعد يفتش ليهو في بنوتة تحننوا ، وهو جايب معاهو كل الأدوات اللازمة من مسطرين وطشت ، أصلو عز الله مقامك قالوا بيفصل عند ( النقلتي ) واخر مقاس في السوق (49) ، لو عندك النية تقومي بالمهمة شوفي ليك أربعة من مقاس ( سومة ) يساعدنك.
إنتي صحي سومة أنهت حياة الحرية ودخلت القفص ؟؟

عكاسية
31-03-2010, 04:19 PM
عذرا اخوتي ، نجد انفسنا مضطرين للغياب في بعض الأحيان ، لكن غيابنا لا يتعدى أيامها اصابع اليد الواحدة ، لأننا عاهدنا انفسنا ان نبذل ما في وسعنا لإثراء البوست ، ليس من باب التحدي كما يعتقعد البعض ، وليس للم أكبر عدد من أبناء مقاصر ، كما يدعي البعض بأنها خطوة فشلنا فيه ، ولكن ، لأنها متنفسنا ، عندما ضاقت بنا الارض بما رحبت ، ووُصفنا بالمرتزقة والطابور الخامس والمنبوذون وغيرها من الالقاب ، من قبل أولئك الذين يتفوهون ببعض الكلمات التي لا يلقون بالا لمآلاتها ولا تحتاج تحريفا لمواضعها ، وإن حاول البعض ، ولكن ، وكما ظللنا نكرر دوما على قدر أهل العزم تأتي العزائم ، وكلٌ مقيَم بما يكتب ، وما نسطره في هذه المنتديات مرآة تعكس صورنا الداخلية ، وهي محمدة لهذه المنتديات ، فلولا المنتديات لما تمايزت الصفوف ولما عرف بعضنا البعض وميز كل منا الخبيث من الطيب ، عموما الحديث يطول، ولكن دعونا ندلف لمواضيع البوست دون الاكتراث لما يدور خلف الغيوم

بالأحضان يا رائع ،، المثل بقول رحم الله إمرء عرف قدر نفسه ،، دعنا لا نفتح مثل هذه السير التي تشعرنا بالإكتئاب ، المهم بدأنا صفحتنا الجديدة هاهنا ، والزارعنا غير الله اليجي يقلعنا.

أخونا وحبيبنا صلاح عبد الحليم دولي ، الزائر والمشارك على استحياء ، وبدون مقدمات ولا تحايا ، نرحب بمقدمك ، وأعلم تماما أنه لم يحالفك الحظ فيما قمت به من ( داونلود ) والذي هو من قبيل ( السي دي ) الخاص بأغنيات الرطانة التي وصفها الباشمهندس مصطفى علي صمد بأنه ( مخستك ) لأن الصورة بها في وادٍ والصوت بوادٍ آخر ، وربما كان مصير الصوت فيه مصير تمرات عمر فونج بجمعية جدة والتي لم يُعرف مصيرها حتى الآن

مرحبتين بالعزيز النسيب والجار الأخ / صلاح دولي ، ونتمناك إضافة للبوست وهللت أهلا ونزلت سهلا.


أخونا عكاسية : مراحب بعودتكم ونتمنى اللقاء بكم في اليوم الأسري غدا لو أمد الله في الآجال ، أما العبارة التي أتي بها أخونا عمر ( البوست بمن حضر ) لا أنكر اطلاقا أنك كنت تمثل جزءا ليس باليسير من ( دائرة الاتهام ) إن جاز لنا التسمية ، ولكن ، والله ، معك كل من غاب عن البوست ، علما بأننا لم نكتفي فقط بالعبارة وسألنا الاسباب كل من هو معني بالأمر ( المقربون والاصحاب والأحباب ) والبوست فعلا بمن حضر فيغيب علاق ويحمل الراية أخونا شمام وينشغل أخونا عمر هارون فيقود النزال أخونا أبو حازم وهكذا الأيام دواليك وكل حسب طبيعة عمله وكل حسب مزاجه في الكتابة

أما عن تلك فأصدقك القول لا نية لي في الحضور ، ليس تقصيرا من جهود عمنا أبو أشرف وإنما لقناعات ترسخت في الأذهان لن يغير الله ما بقوم إلا أن يغيروا ما بأنفسهم ، ومتى ما لمسنا تغييرا فعليا لن نتوانى عن التجاوب . وأرجو لك التوفيق أن تعكس ما يجيش بخواطرنا.
أما عن الكتابة فنفوسنا مفتوحة تضامنا مع أفراح بالكو ، وهنيئا له بالأيام السعيدة القادمات.

أخونا أحمد نور من باريس ، من جوار شارع الشانزليزيه وبرج ايفل ، لك التحايا على الرسالة الرقيقة والتواصل ، وإن بدت نواجزك من الضحك مع قصة ابن العم عاشنتود عندما غادر الدائرة موليا دبره ، فقصة المرحومين خليلي ومصطفى حامد ستفعل بك الافاعيل والقادم بإذن الله أحلى فنحن هنا لنروي قصص الأعمام والخيلان وسيرهم العطرة ولسنا هنا لنطبل لهذا أو ذاك ونعطي كل ذي حق حقه ولا نبالي

نرحب أيضا بألاخ أحمد نور ، ( الدجوري ) ، ويا ريت تمدنا بروائع ما يخطه يراعك الممزوج بروائح العطور الباريسية ، على خطى أخونا العزيز جدا أبو حازم ، ومواصلة ما إنقطع من حلقاته المثيرة وبالإنتظار.

عكاسية
31-03-2010, 04:29 PM
أخي عكاسية
لك التحية والشكر هي خمس دقايق ياعكاسية عملتها دقيقتين أخد راحتك في الكتابة وبعدين شوتا ضفاري بتظبط معاك ومامحتاجة تعديل تاني ركز يازول ما تبقى زي ((ياخلف الله عذبتنا))
بقية العقد الفريد رواد مقاصر لكم التحية على هذا النشاط الذي جعل بوست مقاصر نزهة لكل أعضاء منتدى دنقلا لانه يجمع أقلام ذهبية لا تمل من مطالعة أحرفها الأنيقة بقيادة الأستاذ/ عوض علاق فلكم من الشكر أجزله ومزيداً من الأبداع.
ولكم مني كل الود والتقدير...

أستاذنا الجليل ود أقجة أحد قامات الموقع ، نتشرف كثيرا بزيارتك التي أثلجت صدورنا ، صدقني الخمسة دقائق زاتو ما كافية لأن أنحنا من مدرسة ميكي ماوس ، وكابتن ماجد وأدهم صبري ، لا مجال أن تعيد القراءة ، بعد الكتابة مباشرة تدوس على إعتماد المشاركة ، لذا نرجو ترك المجال مفتوحا دوما للتصحيح إن كان ذلك لا يضر بالموقع.
أكرر إحترامي
والتحية عبرك والتهنئة للأخ أبو الطيب نيله منصب إدارة الموقع وهو أهل لذاك.

AwadAllaq
31-03-2010, 04:32 PM
والله يا عكاسية الزول ده فصاحة لسان ساااي بس وزمان قلنا ليهو خش المعمعة ونشوف تلفوناتك دي لو ما تحولت مسكولات وحتى المسكولات هيجلي بيها زي ما بيقول قريبو حاتم عديل
قلنا ليه نحن عرفنا اللي العلينا والفينا والما فينا وشيل الهم لي روحك وحسع بتنطط لينا ( الثريا – الخط المفتوح – وما أدراك )
هسي قبال ما يسافر بقى يقول لينا الوضع ما زي زمان والخط يفصل وانسى باقي الموضوع وهلم جر
طيب لو جاب عياله وجاب عيل عيلين هيقول شنو يا ربي
وقلنا هيواصل اليوم في الخاص بعد انقطاع الخط ، بس زي ما قالو زمان " خطوة وراء وخطوتين قدام وعيييييييييييك " ، وكلو عرفناه بس بنك البركة ما عرفناه يا عمر
التحية يا اخوانا لابو حازم المختفي عن الساحة ولو لا وجود اسمه ضمن المتواجدين في الجانب الاخر لبحثنا عنه وعن اخباره وقمنا بالواجب
ومعليش ياخوانا الليلة كله شغل لأخونا عمر عشان يتحرك وحبا فيه والله

عكاسية
31-03-2010, 05:19 PM
قوولــــــــــــوا ماشاء الله تبارك الله عاد الحبيب المنتظر عاد عاد بعد زوال اسباب الغياب وكمان الاتصالات التي تمت عبر الاثير من الدوحة الى الرياض وكمان مكالمة بعد الصحيان من نوم المغربية الى الخبر ومن ثم انقطاع الاتصال بسبب الشبكة المتهالكة مع وجود الرصيد الكافي للاتصال الدائم لذا نرجو المعذرة.
بدون ماندخل في خصوصيات المكالمات والعنوان الواضح وتحديد السقف والعاقبة لديكم في المسرات.

سايقها عكاسية وسايقها صااااااااااااااااااااااااااح (كسير تلج من اجل عيون بنك البركة )

والباقي بعدين باليل



أخي الدوما في الوجدان ، شايفك خشيت الأجواء وبقيت تكتب بالأحمر مطقم مع ( الجيرتك ) وكدا ، يا زول خت الرحمن في قلبك الدفتر حيتملي (tuff) إنت بس ظبط العضة ومن حسي بحذرك الكوكتيل دا ما بنفع معانا ، أنحنا كان ما شفنا ( الضلع ) متألق بين الصحون ما بنتصلح معاك في ( المسرات )

Gindilab
31-03-2010, 06:43 PM
أقسم بالله جيت ماري ساكت مع نهاية الدوام (حب استطلاع) وما عارف أرد على مين ولا مين ولا أقول شنو ولا شنو؟... غايتو أمنقة حاجة الخطوط المزركشة والكلمات المتأنقة المتألقة الرشيقة المموسقة عادت:

على موجة تمرجح زهرة فل..

الذي يستطيع أن يتخيل تلك الزهرة التي تتمرجح على موجة بين مقاصر ومراغة يمكنه أن يدرك ويحس بروعة عودة النبيل ع ك ا س ي ـة...


فقصة المرحومين خليلي ومصطفى حامد ستفعل بك الافاعيل والقادم بإذن الله أحلى فنحن هنا لنروي قصص الأعمام والخيلان وسيرهم العطرة

عوض دي أنا بعتبرها بروباقاندا وكامبين.. أقوى من بتاعت ناس خلف الله وخير الله و.... تايسون!

حكاية (الدكَّاي) المطمور في الأرض 3 شهور حكاية ...تسيِّل اللعاب..
ومش حتقدر (تقفل خاشمك) ...


ولكن عذراً... يوم السبت.. قريييييب.

مش قلنا جاينكم مع نهاية الدوام؟

بدرالدين محمد ( دجور )
31-03-2010, 07:05 PM
عاوز اكتب يا جماعة واقول واقول والله جنس شمااااارات اها قالوا شنو خفافيش الليل
وناس ليلي جن . نترك السطرين ديل وبرجع للخلف دور ونعمل اقتباسات


بلا خلف الله بلا بتاع زاتو خليكم مع عكاسية قال كلام حلو

(( والزارعنا غير الله اليجي يقلعنا ))

اللون الاحمر نظام اتحاد اشتراكي يا بالكو

بدرالدين محمد ( دجور )
31-03-2010, 07:13 PM
بريدكم زي ما بتريدوني بريدكم

غايتو المقطع ده طق في راسي وانا ماشي عليكم من صفحة 100


اكتبو بالون الاحمر عشان نعمل تضامن مع بالكو

doly
31-03-2010, 11:47 PM
الي جميع الاخوة الاعزاء الكرام اولاد بلدي عكاسيه وعوض علاق وشكرا بترحيبكم وهو دليل صادق
من ناس لهم الفضل والكرم في جمع الشمل المقاصري بوجه خاص والدنقلاوي بشكل عام
ومعلش شوية تاخير وقصور مني في المشاركات للاساب التاليه
1- انني حاليا اجمع مجموعه جيده وكثيرة من البرامج
2- تحضير اغاني التراث يعني بالرطانه وقد امدني الاخ عوض علاج مشكورا بكم اغنيه بفيديو حلو
3- انضمامي للمنتديات ضعيف الخبره فيه يعني
لااعرف كيف يتم تنزيل الملفات سواء صور او فيديو الي المنتدي مش بقوليكم قليل الخبره
علي العموم دخلت النت وتعلمت شويه بس الحكايه عايزة ممارسه بالذات انزال الفيديو والبرامج المهم سوف
يتم ان شاء الله الاستعانة بالله ثم الاخ عوض
بس عندي سؤال هل البوست يسمح بذلك والا فيه حد معين للجيجا
وانا اشكر جميع من في البوست وياريت يتم التواصل بيننا


لكم التحيه والتقدير

دولي:read:

doly
31-03-2010, 11:49 PM
الي جميع الاخوة الاعزاء الكرام اولاد بلدي عكاسيه وعوض علاق وشكرا بترحيبكم وهو دليل صادق
من ناس لهم الفضل والكرم في جمع الشمل المقاصري بوجه خاص والدنقلاوي بشكل عام
ومعلش شوية تاخير وقصور مني في المشاركات للاساب التاليه
1- انني حاليا اجمع مجموعه جيده وكثيرة من البرامج
2- تحضير اغاني التراث يعني بالرطانه وقد امدني الاخ عوض علاج مشكورا بكم اغنيه بفيديو حلو
3- انضمامي للمنتديات ضعيف الخبره فيه يعني
لااعرف كيف يتم تنزيل الملفات سواء صور او فيديو الي المنتدي مش بقوليكم قليل الخبره
علي العموم دخلت النت وتعلمت شويه بس الحكايه عايزة ممارسه بالذات انزال الفيديو والبرامج المهم سوف
يتم ان شاء الله الاستعانة بالله ثم الاخ عوض
بس عندي سؤال هل البوست يسمح بذلك والا فيه حد معين للجيجا
وانا اشكر جميع من في البوست وياريت يتم التواصل بيننا


لكم التحيه والتقدير

:read: دولي:read:

عكاسية
01-04-2010, 11:42 AM
أقسم بالله جيت ماري ساكت مع نهاية الدوام (حب استطلاع) وما عارف أرد على مين ولا مين ولا أقول شنو ولا شنو؟... غايتو أمنقة حاجة الخطوط المزركشة والكلمات المتأنقة المتألقة الرشيقة المموسقة عادت:



حبيبنا الغالي قندلاب
شتان ما بين أناس يحترمون النفس الإنسانية ويحثونك على العطاء وبين أناس أدمنوا التوبيخ والتجريح، الشعور متبادل في المحبة والأخاء يا عزيزنا ودائما ننتهز الفرص للنتهل من ثقافاتكم العالية وعلمكم بإعتباركم اواخر الدفعات المستفيدة من التعليم الكفؤ الكان متاح في السودان ، ويا بختهم لو علموا ،،

الذي يستطيع أن يتخيل تلك الزهرة التي تتمرجح على موجة بين مقاصر ومراغة يمكنه أن يدرك ويحس بروعة عودة النبيل ع ك ا س ي ـة...

تدرات إبتساماتنا خجلا ، وهي تنعم بهذا الوصف ، إنشاء الله نكون عند حسن ظنكم ، ولا أسميها عودة لأننا أصلا لم نفارقكم ودائما أنتم معانا في البال وبين سطور هذا البوست نجد لزة التواصل.

عوض دي أنا بعتبرها بروباقاندا وكامبين
جاري الترجمة ،، بجيب ليكم اخرها قبل دجور


حكاية (الدكَّاي) المطمور في الأرض 3 شهور حكاية ...تسيِّل اللعاب..
ومش حتقدر (تقفل خاشمك) ...

وأنا بحضر في إحدى برامج المنتخبين لرئاسة الجمهورية قال بابكر حنين بالحرف ( الكلام دا إنت قلته بي خشمك )
قعدت أتلفت وأنا جالس لوحدي وتساءلت ماذا لو كان هناك احد الأخوة العرب متابعين للبرنامج !!!
ّّّّّبالإنتظار بشوق يفوق الإهتمام بكرت الشوق تايم ّّّّّ

عكاسية
01-04-2010, 12:03 PM
بريدكم زي ما بتريدوني بريدكم
غايتو المقطع ده طق في راسي وانا ماشي عليكم من صفحة 100

اكتبو بالون الاحمر عشان نعمل تضامن مع بالكو

لمن لا يعلم أخونا دجور رئيس منظمة الإتحاد الإشتراكي بالرياض ، المنظمة بها ثلاثة أعضاء حتى تاريخه ، وانا أحد المرشحين للإنضمام إليها لاحقا. للإستفسار عن أي معلومة أخرى يرجى مراجعتي في الخاص.

في زمن الإتحاد الإشتراكي فراح الزواج كانت بتستمر أسبوع متواصل إبتداءا من القيدومة والحنة ، والعقد ، والعرس ، والصبحية ، والرحلة السبوعية والصرف بأقل التكاليف ، بالكو بطريقته دي الظاهر عليهو حيكلفت الشغلانة كلها في يوم واحد

بشير كهران
01-04-2010, 02:57 PM
في زمن الإتحاد الإشتراكي فراح الزواج كانت بتستمر أسبوع متواصل إبتداءا من القيدومة والحنة ، والعقد ، والعرس ، والصبحية ، والرحلة السبوعية والصرف بأقل التكاليف ، بالكو بطريقته دي الظاهر عليهو حيكلفت الشغلانة كلها في يوم واحد
اخونا عمر دا نحنا حنسيرو بالنظام القديم (الاصلي) لازم ينتهج نهج اسلافة الزمااااااان وعشان شلة البوست يكونو مركلسين معانا في (السرن كا ) حيث (الدكاي) . . . والحنة . . . و(الصفح ) يعني العقد صافح عقد . . . و(الامرر) : السيرة (إمِر نقكن ) سار مشي . . . ثم الدخلة وما ادراك ما الدخلة بكل تداعياتها لعبة (الصياد والفريسة ) واثبات رجولة . . وحتى زيارة النيل أو نزول البحر (اسن شقرر) . . .
يلا يا جماعة الناس العاصرو عرس زمان والقعدو في (سُرن كا ) يدلو لينا في الموضوع دا . .

عكاسية
01-04-2010, 05:48 PM
الفيس بوك واحد من أهم المواقع الذي إنتشر عبر الشبكة العنكبوتية في الفترة الماضية ، وأعترف أنه الذي شغلني طيلة الفترة الماضية عن ممارسة نشاطي في هذا البوست ، وبعد تجربة خضناها لفترة تجاوزت الثلاثة شهور خرجت بالإنطباعات المدونة أدناه :

أولا الفيس بوك موقع متمدد لا يمكن السيطرة عليه بسهولة يعني بمعنى اخر لا يمكن أن تحتويه وتحصر نفسك في جزئية معينة فيه ، وبحكم الإضافات والدعوات اليومية تجد نفسك متبحر في عوالم متجددة كل يوم.
ثانيا بدأت الفيس بوك بالإنضمام لقروب مقاصر وكعادتي بدأت متطلعا أكثر مما أكون مشاركة وذلك حتى أبنى فكرة عن الإعضاء المشاركين ، حقيقة وجدت فكرة القروب جيدة وشباب متحمس وإن طغى حماسهم على أفعالهم بتبنى الأفكار المتميزة دون القدرة على التنفيذ مما شكل نوع من فقدان الثقة وإعتزال بعضهم مبكرا لإعتقادهم عدم جدية الأعضاء ، وبعد عدة مطالعات يومية إتضح لي أن جل الأعضاء في قروب مقاصر في مراحل عمرية متقاربة فيما بينهم بعيدة عنا نوعيا لذا لم تتناسب أطروحاتهم وهوانا او العكس . وكان الإنسحاب.

بدأنا في تكوين قروب جديد خاص بالأخوان والأصدقاء والجيران بمنطقة المايقوما فكونا بعد التدارس قروب بيت الشباب ، إلا أنه أيضا لم يجد القروب التجاوب الجيد من الجميع لتحفظ الكثير منهم على كثير من النقاط المختلف عليها ، لذا إنحصرت جميع المشاركات بتحميل الصور والتعليق عليها . وأيضا لم يشبع القروب الجديد رغباتنا فااثرنا التجميد.
خلال هذه الفترة كونت مجموعة لا بأس بها من الأصدقاء لي معرفة جيدة جدا بأغلبهم ، وبدأت بخطة جديدة التوسع في قراءة البورتات املا في معرفة الكثير من المشاركين والإطلاع على الأطروحات والنقاشات المنشورة على ( الحائط ) وهنا نبعت المشكلة ، وجدت ان الفيس بوك متبحر ومتمدد ولا يمكن السيطرة عليه خاصة إن كل إسم أو ( نك نيم ) يجلب إليك بطريقة غير مباشرة نيك نيم جديد وهكذا دواليك ولا أبالغ أن قلت أني ظللت طوال ثلاثة أسابيع أطلع على معلومات المشاركين وهذا يدلنا على ذاك وذاك يجرك إلى تلك إلا أن إنتبهت أن معظم المنضمين إلى قائمة أصدقائي أصبحوا في طئ النسيان . وأستغربت جدا أن أحد الأعصاء تتعدى مشاركاته اليومية الألف مشاركة ما بين تعليق على حال الغير او الصور أو أو أو ، من أين له هذه المساحة الزمنية وحسب علمي بأنه طالب في مرحلة تحضير للماجستير إن لم يكن يعمل ليغطي مصاريف دراسته .


ونواصل ،،

عكاسية
01-04-2010, 06:44 PM
اخونا عمر دا نحنا حنسيرو بالنظام القديم (الاصلي) لازم ينتهج نهج اسلافة الزمااااااان وعشان شلة البوست يكونو مركلسين معانا في (السرن كا ) حيث (الدكاي) . . . والحنة . . . و(الصفح ) يعني العقد صافح عقد . . . و(الامرر) : السيرة (إمِر نقكن ) سار مشي . . . ثم الدخلة وما ادراك ما الدخلة بكل تداعياتها لعبة (الصياد والفريسة ) واثبات رجولة . . وحتى زيارة النيل أو نزول البحر (اسن شقرر) . . .
يلا يا جماعة الناس العاصرو عرس زمان والقعدو في (سُرن كا ) يدلو لينا في الموضوع دا . .


فكرت يا كهران إن أجيب صوت عنج للعريس بالكو يوم حنته عشان يستمتع ويتخيل نفسه سلطان زمانه ، وشالتني الهاشمية قلت ألبس ليهو عراقي أبيض مع سروال أبو تكة وأجي ( أركز ) في نص الساحة ، لكن بيني وبينك بالكو دا غتيت حيتفشى فينا . بالمناسبة دي يا كهران أنا إنشاء الله حأكون حاضر لو مد الله في الاجال ، وحأصورها على الهواء مباشرة . خاصة إن قريبك صرح بأنه ناوي يرقص ( إسلو ) على ترانيم وموسيقى ( تايتنك )

لعبة (الصياد والفريسة )
ّّّخطين تحت بعضّّّّ
ّّّيا ربي دجوور لعب اللعبة دي ؟؟ّّّّ
:sm215:

عكاسية
01-04-2010, 06:58 PM
بحكم وجود رعايا لا يستهان بهم من جزيرة مقاصر بالمايقوما إليكم هذا الخبر
كعادة المؤتمر الوطني إستغلال الفرص والمواقف لغرض الدعاية الإنتخابية وبإيعاز من جماعة قرينتي راحت تم تجميع أبناء منطقة المايقوما في السلخانة القاطنة في شمال الحي وبعد تداولات وصرف عربي كتير ، خرجوا ببيان لأبناء منطقة المايقوما بأنه سيتم إغلاق السلخانة نهائيا خلال ستة أشهر من تاريخه.

التعليق على الخبر
الخبر دا زعناهو هنا مخصوص للأخ حمنتود عشان نذكره بعد ستة شهور إن الشغلانة كلها دعاية إنتخابية وستظل أنوفنا متضررة من إستنشاق الروائح الكريهة ما دام هناك والي إسمه المتعافي
وإن عدتم عدنا

عكاسية
01-04-2010, 07:13 PM
شايفك يا أبو حازم بتاوك من الشباك
لدينا عندك باقي قصص طويلة بديناها فلا تبخل علينا بإكمالها ، لسع عندنا النية نكبر الغربة فعلمنا بخباياها

يوسف أبو زيد برضو بتاوك من فوق الحيطة ولم يكلف نفسه يوما ولو حتى ألقاء السلام.
إتفضل يا يوسف أبو زيد الدار دارك هللت أهلا ونزلت سهلا

احمد نور
02-04-2010, 02:38 AM
الاخوان الاعزاءالسلام عليكم ورحمة الله وبركاته نزلتم الساحة مجموعون واتحفتمونا بكتاباتكم الرائعة ونشكركم عليها ونترقب منكم المذيد والمذيد وماعدمناكم يارب ودمتم زخرا للمنتدي و ونشكر الاخ عكاسيه وجميع من تفضل بالسؤال عني جزيل الشكر ا ولكم مني مليووووووووون سلام

doly
03-04-2010, 02:29 AM
________________________________________
بسم الله الرحمن الرحيم
سؤال علي الماشي
ماهي عوامل نجاح المنتديات
:read:
كلٌ منا سبق له و أن زار منتديات أخرى

رأي في بعضٍ منها الخمول وعدم التفاعل

و رأى في البعض الآخر الحماس والتفاعل من قبل الأعضاء

فما هو السبب ياترى ؟

ما هي الأسباب التي جعلت بعض المنتديات مشهورة.ُ يظهر فيها ذلك النشاط العجيب ،،

يا ترى ،،

ماذا فعل مدراء تلك المنتديات لتنشيطها ؟

و ما هي أسباب نجـاح تلك المنتديات بنظرك ؟

هل سبب نجاحها هم الاعضاء ؟

أم مشرفوا تلك المنتديات ؟

أم إدارة تلك المنتديات ؟


ما هي ياترى أسباب نجاحها


ليس فخرا اومدحا في نفسي كما يحب البعض ولكني اسرد
حقيقه اكتسبتها من كثرة تجوالي في الانترنت منذ زمن بعيد
واكاد اكون مسجلا في 50% من المنتديات ومن خلالها
تعلمت الكثير هناك معاهد ودروس تعلمتها وهناك اساتذه
علي سبيل المثال لا الحصر الاخ جهاد باحد المنتديات.
كنت دائما في العمل اسمع بموقع دنقلا موقع نشط وفعال
ومنذ يومين شاركت في بوست مقاصر ارحب باهل بلدي
وتكلمت عن اساب تاخري في المشاركات وكنت ناوي اشارك
ببعض اغاني الفيديو وببعض البرامج وسألت سؤال عن هل
المساحه تسمح بذلك (الجيجا) وجاءنئ الرد سريعا بالانتظار لانه
يوثر في سرعة الصفحات هذا صحيح ولذلك انني سألت قبل الاقدام علي اي خطوة.
هذا الرد السريع والاهتمام بشئون الاعضاء من عوامل
نجاح المنتدي والله العظيم فرحت بهذا الرد لانني تاكدت
تماما ان القائمين بهذا المنتدي متابعين كل مايكتب بمنتداهم
اشكر الاخ الكريم الذي قرأ المشاركه واعطي الرد للاخ
عوض علاق الذي قام مشكورا بنقلها انها دليل صادق
بالمشرفين علي المنتدي الاهتمام بالاعضاء لهم التحيه والتقدير
ملعش طولت عليكم المقدمه بس حبيت تعرفوا عامل من عوامل
نجاح المنتديات التي اسردها لكم.
أنني بصدد بيان عوامل النجاح التي تكون منبعها مرتكزات القياده والرياده والاشراف لكي أزيل هذا الوهم الذي سيطر علي عقول كثير من القائمين بشئون بعض المنتديات.



الذين ليس لهم هدف الا بكلمة( الانا والعظمه)
وحب المدح وكرة الحقيقه يعني امدحني امدحني
حتي ولو كذب وافتراء بس امدحني وسوف تكون عضو مميز
وكمان ازيدك شويه عضو تستحق شهادة تقدير ولو زدت شويه في مدحي سوف اخليك تطير في السماء البعض يطبل والبعض يزمر.
.
علي القائمين بشئون المنتديات عدم اثارة الفتن علي صفحات منتداهم لانها ولاشك عامل طرد ومن
اسباب عدم نجاح المنتدي. لايقاس نجاح المنتديات بكثرة اعضائها كما يظن البعض
ابدا يقاس بالفعل والعمل والمشاركه والتفاعل و قبل كل شئ الصدق. بعض المنتديات يقوم اعضائها بالكتابه يوميا بمقالات منقوله من مواقع اخري وينسب العمل له( اي بأسمه)اين الصدق وأين الامانه هنا؟
البعض الاخر ينسب بعض المقالات لاشخاص لايعرفون
(الالف من كوز الدرة)وتقابلو بالصدفه في مكان ما وتقوله
والله مقالك اللي كتبته تمام يرد مقال شنو تقوله
في المنتدي الفلاني يقول ليك منتدي يعني شنو
خليك معاه للصباح بدون نتيجه
في الاخر يقوليك اه بس انا ماكتبته الجماعه كتبوه
ويسألك هو المقال كان عن شنو . اخونا مسطح.

البعض الاخر يسرد حياته الشخصيه بالتفصيل الممل
وكأنه عنترة بن شداد يغزو الصحراء.
البعض يقرأويهلل والبعض الاخر يقرأ ويمتعض

بس الهم الاكبر شوفوا منتدياتنا
كم عضو عندنا وكم عضو شارك ولم يسألون انفسهم
كم عضو قرأ وكم عضو قيم ماهو مكتوب

إن إقامة علاقات طيبة مع الآخرين من أساسيات



تحقيق الذات لدى الفرد , وفي الحقيقة هناك اعتقاد خاطئ لدى بعض المنتديات التي تستغل خلافات الرأي بين شخصين علي انها موضوع شيق قد يجذ ب الاعضاء علي التزاحم والهروله علي المنتدي لمتابعة هذا الخلاف وكأنه مسلسل تلفزيوني وتتوسع دائرة الخلاف لتخرج عن حيز المنتدي وتصبح المشكله قال وقيل.

وفلان قال وعلان قال واصبح المنتدي مصدر قلق وزرع فتنه

وادارته في وادي والقراء في وادي واصحاب المشكله في وادي اخر.
لأن. التعامل مع الآخرين، هو فن يجب ان يتعلمه كل شخص يود ان يحقق اهدافه، فلا نجاح من غير علاقات ولا نجاح من دون التعامل مع الآخرين والتعاون معهم والتجديد والإبداع، التجديد والإبداع متلازمان، وهما أمران ضروريان لكل شخص، إذ أن الروتين اليومي الممل يمتص من طاقة وحماسة الإنسان، فلزم عليه ان يجدد حياته، يجددها من جوانبها الروحية والعقلية والنفسية والجسدية، ولهذا تجد الناجحون يحرصون على تطوير أنفسهم من خلال عدة وسائل، ويحرصون على تطوير وسائلهم لتحقيق أهدافهم. هذه أهم العوامل المشتركة بين الناجحين
والي لقاء اخر في مشاركة اخري وفي النهايه التحيه والتقدير للمشرفين والمسؤولين بمنتدي دنقلا وبوست مقاصر ***دولي



















-----------------

عكاسية
03-04-2010, 10:56 AM
السلام عليكم ورحمة الله وبركاته
وكأن الإسبوع أصبح محور حياتنا نبدأ بيوم السبت بإنتظار مساء الخميس لتنشيط الدماء ، لذا دائما تأتي بداية الإسبوع يكسوها نوع من الكاابة متأرجحة إلى همة ثم رويدا رويدا مع إقتراب نهاية الإسبوع تعيش الناس في إنتعاش .

:morning:
لكل الأحباب ، والألفة غياب

عكاسية
03-04-2010, 11:15 AM
الاخوان الاعزاءالسلام عليكم ورحمة الله وبركاته نزلتم الساحة مجموعون واتحفتمونا بكتاباتكم الرائعة ونشكركم عليها ونترقب منكم المذيد والمذيد وماعدمناكم يارب ودمتم زخرا للمنتدي و ونشكر الاخ عكاسيه وجميع من تفضل بالسؤال عني جزيل الشكر ا ولكم مني مليووووووووون سلام

مشرف والله يا أخونا الحبيب أحمد نور ، ونتمنى دائما وأبدا التعاون لإثراء هذا البوست بما فيهو مفيد ، ومعانا أخوان هنا في جعبتهم الكثير ليتحفونا به ، وصدقني وجودك معانا أكبر مكسب لنا وصباح معطر بكل ألوان الحب

عكاسية
03-04-2010, 11:30 AM
________________________________________
بسم الله الرحمن الرحيم
سؤال علي الماشي
ماهي عوامل نجاح المنتديات
-----------------

صباح الخير أستاذنا دوللي
سؤال ساخن من الصباح في بداية الإسبوع ، خير إفتتاحية لمناقشتها بوضوح وشفافية.

كثيرة هي عوامل نجاح المنتديات ، ألخصها لك من وجهة نظري في بعض النقاط
( الإنضباط ، وإحترام أراء الأعضاء ، والبعد عن المهاترات ، عدم الشخصنة بمعنى ألا تؤثر على العلاقات الشخصية بين الأعضاء مهما إختلفت الاراء )
وسنعود لتناول هذه القضايا بشئ من التفصيل
وفي إنتظار اراء الباقيين .

AwadAllaq
04-04-2010, 04:22 PM
أخي ابو صلاح : كفيت ووفيت في أولى مشاركاتك ، واسئلتك – حسب اعتقادي – لا تحتاج لاجابات، ولعل الموضوع قد ساهر بك ليلة الخميس بدلا من قضائها على كورنيش الدمام – نائما في بعض الأحيان وصاحيا في أحيان أخرى تروي لنا قصص صواريخ صدام والبيض التي كان يتم ترقيمها داخل الثلاجة من قبل بعض الاخوة من شمال الوادي وقصص أخرى لك مع أحبابنا أهل العوض وأوكد لك بان اسئلتك بمقام مقترح لتعديل مسار منتدى عام في اسمه وخاص في إدارته ولو حمل اسما خاصا لاحترمنا ملكيته الخاصة وبعدنا عن سيرتها ولكن لكونها يحمل اسما في وجداننا لن نسكت تجاهه يوما لأن من يسكت عن الحق شيطان أخرس وعلاقات شخصية تحرسها التطبيل والمداهنة والتملق لا خير فيها ولو كنا نطبل لكنا أول المطبلين لاخوان يعملون في صمت من أجل مقاصر يدعمون طلابها ومدرسيها وأهلها الفقراء ولتحدثنا عن العربات التي تحمل مع بداية كل عام ألاف الكتب والكراسات وعن أموال يجوب بها الخيرين أرجاء مقاصر في "أنصاص الليالي"

في الأيام الأولى من التحاقنا بجامعة الخرطوم ، كنا جلسة جلسة للتعارف نحن مجموعة من أبناء الدفعة بداخلية البركس التي تم تحويلها لداخلية للبنات لاحقا ، وعندما ذكرت في الجلسة بأنني من أبناء الولاية الشمالية وبالتحديد من جزيرة تسمى مقاصر قال لي أحد أبناء طابت الشيخ عبد المحمود " والله مقاصر دي ما سمعنا بيها الا في نشرة الوفيات التي تلي نشرة الساعة الثامنة مساءا فضحكنا نحن المجموعة ، والآن تمتلئ صفحات المنتديات بأن اسم مقاصر صار يتحدث به القاصي والداني واصبح انسان مقاصر معروفا في المجتمع المدني بمدينة الرياض على وجه الخصوص ويتحدث البعض ويكرر القول بأن المسار بالنسبة لمقاصر وكياناتها قد تحول 100 درجة ، ولم استطع تمييز المقصد حين ورد إلى الخبر ووضع الزاوية 100 درجة المزعومة و المغلوبة على أمرها ، فنحن خلال سنواتنا الدراسية وحياتنا العامة سمعنا عن الزاوية45 درجة تليها الزاوية 90 القائمة ثم الـ 180 في الاتجاه المعاكس ثم الزاوية 360 للعودة للنقطة التي ننطلق منها دون الوقوف على الزاوية 270 ولكن لم اسمع في حياتي قط عن من تحدث عن الزاوية 100 درجة والتي تقع ما بين الـ 90 القائمة والـ 180 المعاكسة ، وانا هنا لا اعيب من قالها للمرة الأولى لأنه جل من لا يخطئ وكلنا خطاؤون ولكن اتحدث عن من يكرر القول ويعتبره معيارا.

أخي مرتضى نحن نفتح السير ( بكسر السين وفتح الياء ) ونفتح الابواب والطاقات والنفاجات ليس من باب المهاترة ولكن من باب محاولة الاصلاح التي سئمنا منها وسئم منها الآخرون ولان هنالك اخوة كرام أمثال أبو اشرف وأبو حازم بنفوسهم البيضاء ونفوسهم الطيبة يبذلون قصارى الجهد كي تأخذ الأمور مسارها الصحيح ، رغم تكرارنا لهم القول بأن لا حياة لمن ننادي ، وذكرنا ذلك على الملأ.

عكاسية
04-04-2010, 05:26 PM
نشكر القائمين على أمر المنتدى وهم يبذلون الجهود لصيانة الموقع والتي عانى منها المنتدى خلال الأربعة وعشرين ساعة الماضية ، تململت أناملنا وهي تبحث عن البوست بين الفينة والأخرى ، والحمد لله إنشرحت الصدور والموقع يعاود التحليق في الفضاء مخترقا الحواجز الحدودية بين الأوطان .


أخي مرتضى نحن نفتح السير ( بكسر السين وفتح الياء ) ونفتح الابواب والطاقات والنفاجات ليس من باب المهاترة ولكن من باب محاولة الاصلاح التي سئمنا منها وسئم منها الآخرون ولان هنالك اخوة كرام أمثال أبو اشرف وأبو حازم بنفوسهم البيضاء ونفوسهم الطيبة يبذلون قصارى الجهد كي تأخذ الأمور مسارها الصحيح ، رغم تكرارنا لهم القول بأن لا حياة لمن ننادي ، وذكرنا ذلك على الملأ.

لا ننكر إن صعب علينا مفارقة الموقع الذي يعبر عن موطننا ومنبت أصلنا ، ولكن عوضتتنا هذه المساحة بأريحية أن نخط أو نشخبط ما بدا لنا دون أن قيود ، ولا يضير إن كنت كاتبا محترفا أو حتى مثقفا ، فأنا لا اكتب لأرضي غيري إنما أكتب لأفرغ ما بجوفي فإن كانت معلومة إستفاد منها الغير فلنا أجرها وإن إخطأنا حظينا بمن يوجهنا إلى الطريق الصحيح ، وإن كنت مدمن قراءة لتوجهت إلى المكتبات العامة لأقرأ لكتباء أثروا جميع الساحات بعلمهم ونورهم ، ولكنا نأتي هنا للإطلاع على إبداعات إخوان وأصدقاء لنا نعرفهم ونتمتع بإيقاعات حروفهم وهي تتناثر لتشكل لنا لوحة مرسومة بأبعاد روحية تعمق صلة الرحم والتراحم والخوة والصداقة فيما بيننا

حمنتود ، شكله مشغول بالإنتخابات ، ولا يكون منعوه ما يتجول بعربات الحكومة
أو يكون قطعوا منهم النت الملح

مقاصراوي يكون ماله طيب ؟؟

مقاصراوي
04-04-2010, 06:38 PM
أولا الشكر كل الشكر لكل من سأل عني مهاتفة أو عبر الخاص أو عبر بوست مقاصر لكم مني الشكر التقدير ، لقد مررت بظروف عصيبة حالت بيني وبينكم ولكن الحمد لله عادت المياه لمجاريها . ها نحن نعود من جديد لنستمتع بكم ومعكم .

تحياتي للجميع ،

عكاسية
04-04-2010, 06:50 PM
أولا الشكر كل الشكر لكل من سأل عني مهاتفة أو عبر الخاص أو عبر بوست مقاصر لكم مني الشكر التقدير ، لقد مررت بظروف عصيبة حالت بيني وبينكم ولكن الحمد لله عادت المياه لمجاريها . ها نحن نعود من جديد لنستمتع بكم ومعكم .
تحياتي للجميع ،

حمد لله على السلامة أخونا وحبيبنا جدا مقاصراوي وإنشاء الله تكون زالت كل الأسباب التي أدت لإنقطاعك عنا ، ونحن دائما وأبدا في شوق لتعليقاتك الجميلة البتدخل القلب دون إستئذان ، اصلو في ناس كدا تحبهم في الله لله .

ولو ما لقيت راحتك في الوطن مكانك بيننا في الغربة محفوظ يا ابو النجوم

عكاسية
04-04-2010, 06:57 PM
سؤال للمتابعين
المرشحين في دائرة مقاصر السنة دي منو ؟؟
وهل مقاصر لوحدها تمثل دائرة ولا تم دمجها مع مناطق أخرى ؟؟
يلا يا ساتي ورونا الأخبار لو سمحتم

عكاسية
05-04-2010, 12:04 AM
في الأيام الأولى من التحاقنا بجامعة الخرطوم ، كنا جلسة جلسة للتعارف نحن مجموعة من أبناء الدفعة بداخلية البركس التي تم تحويلها لداخلية للبنات لاحقا ، وعندما ذكرت في الجلسة بأنني من أبناء الولاية الشمالية وبالتحديد من جزيرة تسمى مقاصر قال لي أحد أبناء طابت الشيخ عبد المحمود " والله مقاصر دي ما سمعنا بيها الا في نشرة الوفيات التي تلي نشرة الساعة الثامنة مساءا فضحكنا نحن المجموعة ، والآن تمتلئ صفحات المنتديات بأن اسم مقاصر صار يتحدث به القاصي والداني واصبح انسان مقاصر معروفا في المجتمع المدني بمدينة الرياض على وجه الخصوص

الحبيب تكعيب عوض ، في إحدى زياراتي للأخ مسلم مجزوب من أبناء المايقوما بمنزله بالرياض لقيت معاهو ضيوف كتار في البيت وكان بينهم راجل طاعن في السودان يبدو عليه الورع والتدين ، سلمت على الناس الموجودة كلها بحكم أنا جيت وهم أصلا قاعدين ، بعد ما أخدت مكاني في المجلس سألني عمك : الإبن دا أنا ما عرفتو ؟ قلت ليهو أنا إسمي مرتضى من أبناء المايقوما ، قال لي : إنت محسي ؟؟ قلت ليهو لا أنا دنقلاوي ، قال لي دنقلاوي من وين ، قلت ليهو من مقاصر ، تصدق بالله إن الراجل وقف على حيلو وتقدم ليسلم علي مرة تانية وقال لي إزيك يا إبني مقاصر دي بلد القراان ، زمان كنا بنسمع بيها وكنا نتمنى إن نمشي ننهل العلم فيها وقعد يعدد لي الشيخ فلان إبن علان والشيخ فلان كلهم درسوا القران في مقاصر ، طبعا أخوكم إنتعش جدا وحسيت بالمفخرة ولم تسعني الدنيا ..
إن بدينا نحص ونعد ابناء مقاصر الذين ترعرعوا في كنفها ، لتزين هذا البوست بأسامي من مراحل وعقود مختلفة تشرفت بهم الجزيرة وتشرفوا هم بنسب الإنتماء إليها ، بل منهم من توشح بدرجة علامة في الحرم الشريف.

يا أخي عوض ، لماذا صار ينسب إسم مقاصر لاسامي أشخاص بعينهم وكأن مقاصر من قبلهم كانت نسيا منسيا ، وفي المهجر ولظروف العمل أو السكن قد تصادف ناس كثيرين من مدن وقرى منتشرة في بقاع السودان بعضها نسمع بها لأول مرة وبعضها مشتهرة لحكاوي قديمة منسوبة إليها ربما بصفة فكاهية . وحتى هنا في منتدى دنقلا يأتي الكثيرون من أجل المعرفة ونشر الثقافات عن الحضارة النوبية ومن أجل نشر والتعريف بقرى دنقلا وانا شخصيا في مدن كثيرة لم اسمع بها إلا في هذا المنتدى ، إذن حضورنا في هذا البوست هو نوع من أنواع التعريف بجزيرتنا الخضراء.

إن الغرض الأساسي من تكوين الجمعيات في المهجر هي جمعهم في بوتقة واحدة تمكنهم من تقليل الصرف على المعيشة ومن ثم تكون الجمعيات نواة لدعم مناطقهم وقراهم بالوطن ، ويتفاوت حجم الدعم حسب المقدرة المالية لكل جمعية على حدا.

ظلت جمعيات مقاصر بشقيها نواة أساسية لدعم أهلنا بالجزيرة طيلة الزمن الجميل أو زمن الطفرة كما تحلو التسمية لذا ، لم يكن يخفى الدعم الواضح للعيان في الحقبة ما قبل التسعينات . ورويدا رويدا فقد المهجر رونقه فاصبح المغترب يكافح من أجل لقمة عيشه ، وسقط الدعم من أولوية بنود جمعيتي مقاصر ، وللأسف ظهرت أولويات أخرى لم نرى لها إهتماما من بين الجمعيات الأخرى ، وأخص بالجمعيات هنا الجمعيات الخاصة بالقرى وليس الجمعيات العامة كجمعية أو منظمة أمل السودان.

ما يحزوا في نفسي يا أخ عوض ويا أهلي الكرام ، علمت مرة من أخي وزميلي في العمل الأخ عبد اللطيف وهو من أن جمعيتهم ملتزمة بتحويل ما لا يقل عن مائة ألف ريال سعودي في نهاية كل عام ميلادي لقريتهم بدنقلا ، وهذا الدعم يخصص للمرافق العامة بالقرية .

اين نحن من مثل هذا الإلتزام ونحن نخوض في تكريم شخصيات إعتبارية لا تسمينا ولا تغنينا من جوع ، دلوني على جمعية واحدة خاصة بالقرى تقوم بمثل هذه البدع التي أقحمنا بها إقحاما لمصالح خاصة ، اكرر مصالح خاصة

AwadAllaq
05-04-2010, 10:19 AM
اخواني: تحدثنا كثيرا عن جوانب اجتماعية خاصة بجزيرتنا الحبيبة ووعدنا قائم مع الأخ خالد شمام لأن نعود لحكاوي مقاصر ولعل أخونا قندلاب بدأها بالدكااااي المعتق في واوور الحكاوي القديمة وما دار فيها من احداث ما بين المرحومين مصطفى حامد وخليلي ( طيب الله ثراهما ) ، ولكن دعوة نمتطي صهوة جوادنا لندلف بالحديث عن بعض شئون جزيرتنا وكياناتنا هنا وهناك ، وقد آن أوان الحديث فيما وعدنا به الأخ حمنتود في بدايات هذا البوست .

أخي عكاسية :كنت ذكرت ما قاله لي زميلي إبن طابت من باب المقارنة وقد كنت ذكرت سابقا أننا ضمن لقاءاتنا بالشيخ الجليل احمد علي الامام بعد تكوين رابطة طلاب مقاصر بالجامعات والمعاهد العليا كنا جلسنا لدقائق معدودات مع الشيخ المرحوم حسن أحمد حامد الذي عدَد لنا مآثر مقاصر وقضائه فترة من فترات عمره بالجزيرة بخلاوي الشيخ هارون وسعدنا جدا بأننا ننتمي لهذه القرية العريقة فهنيئا لمقاصر إن لم تنطفئ نار القرأن فيها ردحا من الزمان واشتهرت الجزيرة بأنها منارة للقرآن ، واستغرب جدا لحديث البعض بأن الجزيرة لو لم تنجب زيدا من أبنائها أو عبيدا لكفتها . قد لا يعلم البعض بأن أحد أبناء مقاصر قد كرس جهده وعصارة خبرة سنينه الطويلة في اصدار مرجع علمي يعتبر من أمهات الكتب وأهم المراجع في الكليات العلمية على مستوى أعلى الجامعات السودانية ولا يدري عنهم أحد والامثلة كثيرا سادتي لمن أراد معرفة المزيد . ونحن هنا لا لنبخس الناس أشياءهم ، وأعتدنا دوما أن نعطي كل ذي حق حقه ، ولكن لا نماري ولا نداهين وإن كان دون ذلك خرط القتاد كما ظللنا نردد دوما ، وتقدمنا من قبل بالشكر أجزله لمن أسس بعض الكيانات باسم جزيرتنا وترجمنا ما كتبناه باللغة الانجليزية حتى لا يكون ما كتبناه طيا للنسيان ( The Nice Melting Pot – لمن كانت ذاكرته ضعيفة) ، وكان بعد ذلك ما قلناه عندما رأينا بعض الاعوجاج .

جميل جدا التجمع الشهري الذي يقيمه أهلنا بالرياض وهو بلا شك ملتقى جميل ، ووالله إنه من اجمل ما ابتدعه الاخوان بالرياض ، ونقدرللقائمين جهودهم في هذا الخصوص و لا ينكر ذلك الا جاحد ، خاصة وان مساحة مدينة الرياض تعادل مساحات دول و من الصعوبة بمكان تواصل الاسر ، ، وان كانت هنالك بعض الجوانب السلبية، فنتمنى معالجتها كما نتمنى ألا يستغل الكيان مطية لتحقيق مآرب أخرى ودروع تذكارية تحمل الاسماء ، فبربكم سادتي هل رأيتم دروعا تذكارية تحمل اسماء من قبل ، وأعني هنا اسماء اشخاص وليست اسماء كيانات ، وكنت قد اتصلت من قبل ببعض القائمين على الامر في الرياض في هذا الخصوص لتفادي التكرار، ولكن كالعادة، لا حياة لمن ننادي .

ود حامدنارتي 2009
05-04-2010, 12:31 PM
http://abeermahmoud07.jeeran.com/891-homelove-AbeerMahmoud.gif

حاتم عديل
05-04-2010, 12:32 PM
اولا نرحب ترحيب حار بأخونا صلاح عبد الحليم (دولى) ونتمنى له طيب الاقامة وننتظر منه الكثير من مشاركات فيما يختص الكمبيوتر
والبرمجة لانه على حسب علمى لديه اهتمامات كثيرة فى هذا الجانب وهمه توصيل المعلومة للكل لعموم الفائدة لذا نتوقع ان نتعلم منه الكثير فى هذا المجال الذى ليس حدود
ثانيا نقول للاخ عكاسية عودا حميدا وبس

عكاسية
05-04-2010, 02:05 PM
مرحبا بالأخ ود حامد نارتي ، إزدان البوست بفلاشك الروعة
نتمنى أن تعطرنا دائما بهذه الكلمات الجميلة

اليوم الجوء بهيج في الرياض السماء متلبدة بالغيوم ولم نرى الشمس من صباح الرحمن ، وندعو الله أن يستجيب لدعاء الإستثغاء الذي عم المملكة صباح هذا اليوم ، اللهم إنا نستغفرك إنك كنت غفاراً، فأرسل السماء علينا مدراراً.

مشكور يا أخي العزيز حاتم عديل ، وطالت غيبتك عن رياض الخير ، لو ما كنت قاعد تجي بالدس زي أخونا أحمد عثمان ، التقول عايزين منه قروش ، لك وله الاف التحايا .

اخونا بالكو لا عزر لمن أنذر ، عدم تواجدك في هذا البوست يعني ضمنيا إتاحة الفرصة للإطاحة بك والإستيلاء على الملكية الفكرية لهذا البوست مرددين مقاطع من رائعة أبو عركي كل البنات أمونة يا خرطوم ( يطير قلمى ويزغرد سنو فى الكراس ) كل البوستات مقاصر ، نتمنى إن ما تكون بديت تنفذ الفي رأسك. يا للخزي يا للعار لو فعلت .

وينك يا قندلاب السبت راح ، ولا إنت مع قول الشاعر عادل إمام ( السبت والأحد والإثنين ثم الثلاثاء والأربعاء والخميس ، والجمعة إجازة ) ،

عكاسية
05-04-2010, 04:35 PM
نعرج اليوم ونلقي نبذة على سيرة حسنة للمرحوم العم نور الدين ( نجكة ) بدمج النون والجيم .
من أوائل أبناء مقاصر اللذين سكنوا المايقوما في محطة 18 كان يمتاز بقوة جسمانية وحس فكاهي يوزع به الإبتسامات على وجوه كل من يلتقيه وكان حاضر البديهة في الردود على المداعبات والتعليقات دون حتى أن يفتش للكلام ، لذا كان محبوبا من الجميع وكان إجتماعيا لدرجة كبيرة يجد متعة في مساعدة الغير وإنجاز الاعمال الشاقة مستقلا قوته البدنية ، ندعو له في هذه السانحة أن يجعل مسواه الجنة ويجعل البركة في أبنائه ، أشرف ، وعادل ، وأحمد ، ويجعل البركة ايضا في بناته وزوجته الخالة / زكية .

أبوحازم
06-04-2010, 12:22 AM
مساء الخيرااات للجميع ، الفترة الفاتت كنت مشغول شديد ، بس كنت حريص فى الإطلاع على كتاباتكم ومشاركاتكم جميعا.
عودا حميدا عزيزنا الغالى عكاسية ، وكذلك المبدع مقاصراوى ، والأعضاء الجدد ، خاصة أخونا صلاح دولى وطبعن ياصلاح أخوك سيد دولى معنا فى السويد ، وكذلك إنضم بالبوست ضمن الكوكبة أخونا أحمد فضل من أبناء مقاصر مقيم بدولة السويد.
أخونا عمر مقاصر لك التحية ومبروك مقدما على الزواج وربنا يتمم كل شئ على خير

عكاسية
06-04-2010, 12:16 PM
ما زالت الأجواء رائعة في رياض الخير
ومشكور يا أبو حازم على التحية المسائية ، وإنشاء الله تكون جهزت لينا جزء من مذكراتك

ومنورنا يا عبد الله أبو زيد ، ومبروك التأهل

وصباح الورد على الجميع

عكاسية
06-04-2010, 12:29 PM
خبر اليوم
الدكتور الطيب سوركتي مرشح في الدائرة التي تشمل جزيرة مقاصر

هل هو مرشح مستقل أم تابع لحزب ، ومن المرشحين المنافسين له

عكاسية
06-04-2010, 12:50 PM
يعتبر السيد / طه محمد احمد السني ( أبو ناجي ) من أوائل المغتربين بالمملكة العربية السعودية ، وهو أحد المؤسسين لجمعية الساب بالرياض بعد إعادة تكوينها بعد ما تفرقت السبل بالجمعية الأم التي كانت تشمل قرى مختلفة من مدينة دنقلا ، ترأس جمعية الساب لفترة تجاوزت السبعة سنوات ، إجتماعي من الدرجة الأولى لا يغيب عن أي مناسبة فرحا كان أو عزاءا له بريق ملموس في الجلسات التي يكون أحد حضورها ، كان منزله مفتوحا أيام وجود عائلته بالمملكة وقبلة للزوار وكان مركز تلاقي حسب ما سمعنا من قدامى المغتربين ، يعتبر مرجع لمعرفة أبناء مقاصر المغتربين بالمملكة أو حتى أبناء مقاصر بالخرطوم ، لم يكن ليعترف بالحدود الجغرافية داخل جزيرة مقاصر . لذا بينما كان هو أحد أعضاء مقاصر الساب كان إبنه ( ناجي ) مشترك بجمعية جلابكي مرسخا لفكر ترابطي بين الجمعيتين يستصعب فهمه .
متعك الله بالصحة والعافية يا أبو ناجي ، وأعادك لأهلك بالسودان سالما غانما يا رب العالمين .

عمر مقاصر
06-04-2010, 01:21 PM
أخونا عكاسية ابدااااااااااااااع في تعاريف اهلنا في المايقومااااااااااااااااااات من عثمان ماسورة الي نور الدين رائع ياغاااااااااااااالي

اخونا ابو حازم مشكرين علي التهنئة المقدمة قبل المناسبة وياريت تنضم الى لجنة الخبر؟؟؟؟؟؟؟؟

ترحيب حار جداً بالمنضمين الي البوست (صلاح دولي - احمد فضل - ابوزيد)) ودائماً نقول لهم تعال ومعك اخـــــــــــرون حيث الابداع والروعــــــة والبوست هنا اتجاهين بدون مطبات ولا دوارات ولا اشارات ونتواصل بعدين

عكاسية
06-04-2010, 03:58 PM
الأخ العزيز عمر بالكو
المايقوما حبلى بأبناء مقاصر وحصرهم يحتاج لمجهود كبير ، ومرة مرة كدا بنحاول نلقى الضوء عليهم خاصة أننا بيننا عشرة عمر وقبل ما يكونوا أهل هم جيران والرسول صلى الله عليه وسلم وصى بالجار ، وخير جميل نرده لهم هو التعريف بهم على الأقل في هذا البوست . والقدامى من أبناء مقاصر بالمايقوما لهم دور بارز في تعميرها والمشاركة في اللجان التي كونت للإرتقاء بها ، وإزدهرت الخدمات فيها بشكل مبكر فإستغنى المواطن في المايقوما عن الكارو للتزود بالمياه في المنازل قبل العام 1975 وصارت نعمة المياه تأتينا عن طريق المواسير لداخل المنازل ، يعني أنا أستحميت بالدش قبل ما يلدوك ، لكن بدر الدين دجور خلال تلك الفترة كان بستحمى في موية الترعة ، وكذلك دخلت الكهرباء المايقوما في العام 1981، الزمن داك يا بالكو ما أظنك تكون مولود يا صغنوني ، دا غير إن خدمة التلفون كانت متوفرة في بداية السبعينات الكلام دا إنت طبعا ما حتصدقوا لكن والله العظيم دي حقيقة وما زالت عمدان الخشب المستخدمة في توصيل خدمة التلفون موجودة حتى وقت قريب في شارع الترعة ما بين حلة كوكو وحتى محطة 18 ، والخدمة كانت مختزلة في الناس البستخدموا التلفون في الوقت ذلك والمقتصرة على المسئولين في الدوائر الحكومية ،
ولنا أن نفخر برجال أفنوا شبابهم بخدمة المنطقة مثل المرحوم بلال كبوش رئيس اللجان الشعبية الذي عاصر إنشاء كل الخدمات في عهده إبتداءا من التلفون والمياه والكهرباء .

باب مكة
06-04-2010, 04:41 PM
نعم كل مرة وتاني بجي اطل علي اهلي ناس مقاصر بجد ما مقصرين


كل يوم تلقي معلومة جديد ندونه في تاريخ انا شخصيا


لكم الشكر علي هذا المعلومات القيم ونرجوو


منكم الخروج من هذا الجزيرة وعرض معلومات ما بعد الجزيرة شرقه وغربه

عمر مقاصر
06-04-2010, 05:52 PM
جميل جـــداً ياعمــــــــو عكاسية توثيقك لهؤلاءالعزاز من ابناء مقاصر الذين حركوا النشاط الخدمي والاجتماعي في بلاد المايقوماااااااااات والعـــــــــــز أهــــــــــــــل فعــــــــــــــــلاً فشكراً لك يارائع دومـــــاً ((كسير تلج لانو الشغلة قربت)) لكن موية الكارو وحكاية التلفونات دي شوية مبالغــــــــــــة :::::::::::::::::::::

بس ناس دجووووووووووور زماااااااااااان كانوا بيستحموا من العيـــــــــــد للعيـــــــــــــد يعني ماكانوا محتاجين للدش ولا لموية الكارو لكن اقيف نسعلكم الاكبــــــــــر منو قنديل ولا دجوووووووووور.

عمنا ابو أشــــــــــرف غيــــــــــابك طال لعل المانع خير؟؟؟؟؟

حاتم عديل تظهـــــــــر يوم وتغيب سنة زي المطــــــــــرة في الشمالية زمااااااااااااااان:::

اخبار الخميسات في الخبـــــــــــــر شنو ياشباب ؟؟؟؟؟؟؟ واخبار اللجان الاتكونت للشغلة ياعكاسية وصلت وين والعنوان بطرفكم.

ناس ليبيا قاطعين اليومين ديل وعلى مايبـــــــــــدو الكل مشغول اليومين وربنا يعمم الافراح .

مقاصـــــــــــــــــراوي اخبار الفنادق والشقــــــــق ؟؟؟؟؟؟؟؟؟

يلا ابقـــــــــــــوا عافيـــــــــــــــــــــــــــة

doly
06-04-2010, 10:22 PM
الي اخوان بلدي وقريتي مقاصر
لكم التحيه والتقدير لكم جميعا والي ابو حازم بالسويد السلام للجميع واخونا عوض علاق
الظاهر حضر من الرياض وانه امتنع عن التحدث باي تصريحات والمعروف عنه ماشاء الله
لايكل ولايمل فهو دائما له بصمات في انعاش هذا البوست وقد نجح هو وابو حازم وعكاسيه وغيرهم
في في جمع شملنا وانيي متفائل بانضمام الكثير للبوست وانني اقول للاخ عوض الانتخابات في السودان
علي وشك وعلي غرار الانتخابات هنا في البوست يجب علينا طرح المناقشه لانشاء منتدي يضمنا ماشاء الله
شوف في فترة وجيزه اين وصلت الصفحات ؟ ايه المانع في ذلك ما الجمعيه فيها جبلي وبحري
ارجو من الاخ عوض طرح الموضوع علي كافة اعضاء البوست ونحن نحترم اراءهم ولكم التحيه يابنااء بلدي
:read:

عكاسية
07-04-2010, 09:01 AM
نعم كل مرة وتاني بجي اطل علي اهلي ناس مقاصر بجد ما مقصرين
كل يوم تلقي معلومة جديد ندونه في تاريخ انا شخصيا
لكم الشكر علي هذا المعلومات القيم ونرجوو
منكم الخروج من هذا الجزيرة وعرض معلومات ما بعد الجزيرة شرقه وغربه

صباح الخير باب مكة
وجودك معانا يشرفنا ونسعد دائما بأي مشاركة تتحفنا بها ، وإنشاء الله تعم الفائدة الجميع.
وتقبل وافر تقديرنا
لكن موية الكارو وحكاية التلفونات دي شوية مبالغــــــــــــة :::::::::::::::::::::


العزيز بالكو ،، كنت متأكد إنك ما حتصدق لكن أنا صادق في أي كلمة زكرتها ، خاصة التلفون دخل المايقوما في بداية السبعينات قبل الموية والكهرباء ،، ولك أن تتصل على أي أحد من معارفك القدام ( أيا كان ) وسوف يأكد لك هذه المعلومة ، وأما خدمة الموية بالمواسير فأنا كنت شاهد على تركيب المواسير والصهريج الكبير في محطة 16 وودعنا عهد الكارو منذ زمن بعيد ، فبينما كنا نتمتع بهذه الخدمة ، كان مواطني ( الأمبدات ) حتى بدايات العام 2000م يجلبون المياه بالكارو والبراميل وكان منظر الجرادل والصفوف الطويلة للمياه منظر خالد فيها إلى وقت قريبب . والمايقوما حضارة ومنارة يا ( حمنتود )


الي اخوان بلدي وقريتي مقاصر
لكم التحيه والتقدير لكم جميعا والي ابو حازم بالسويد السلام للجميع واخونا عوض علاق
الظاهر حضر من الرياض وانه امتنع عن التحدث باي تصريحات والمعروف عنه ماشاء الله
لايكل ولايمل فهو دائما له بصمات في انعاش هذا البوست وقد نجح هو وابو حازم وعكاسيه وغيرهم
في في جمع شملنا وانيي متفائل بانضمام الكثير للبوست وانني اقول للاخ عوض الانتخابات في السودان
علي وشك وعلي غرار الانتخابات هنا في البوست يجب علينا طرح المناقشه لانشاء منتدي يضمنا ماشاء الله
شوف في فترة وجيزه اين وصلت الصفحات ؟ ايه المانع في ذلك ما الجمعيه فيها جبلي وبحري
ارجو من الاخ عوض طرح الموضوع علي كافة اعضاء البوست ونحن نحترم اراءهم ولكم التحيه يابنااء بلدي



الأخ العزيز صلاح دولي إنضمامك للبوست أكبر مكسب لنا ، وخلال إلتقاءنا بك لمرات قليلة لمسنا أريحيتك في الكلام وسرد الحكاوي ، فنتمنى أن يكون تشريفك لنا في هذا البوست بنفس القدر . أما الأخ علاق فنعلم أن قريحته تجود بالكثير الهادف لو تمعنت في جيب قميصه لوجدت الكثير من القصاصات المتلهفة لهذا البوست ، وكل شئ بوقته لا تستعجل إنما هي إستراحة محارب.

بدرالدين محمد ( دجور )
07-04-2010, 10:27 AM
اهلي الهناااا والهناااااك اعزرونى جنس ضغط بتاع
شغل ( مش الضغط ) داك حمانا الله واياكم .

يا عكاسية عمر بالكو دة داير ليهو كم شوال من الحنة عشان
كورعينو الضخمة الجثة ما مصدق حكاية الموية والتلفون والكهرباء


بجيكم راجع

عكاسية
07-04-2010, 10:58 AM
اهلي الهناااا والهناااااك اعزرونى جنس ضغط بتاع
شغل ( مش الضغط ) داك حمانا الله واياكم .
يا عكاسية عمر بالكو دة داير ليهو كم شوال من الحنة عشان
كورعينو الضخمة الجثة ما مصدق حكاية الموية والتلفون والكهرباء
بجيكم راجع

هههههههههه أضحك الله سنك يا دجور
وأنا أقوول صاحبنا ليه مركز على ( الكشف ) اتاريهو الحنة براها نشفت ريقو فما بالك بالمحلبية داير ليهو برميل عديل
أها حسي الزول دا بعدين الحيشيلو لينا فوق منو ، إلا نتصل على ( أبكراي ) يجيب معاهو إتنين من نفس الوزن .

عافاك الله من الضغط يا دجور ، لكن بيني وبينك تلاتة دامات بالجد برفعوا الضغط . هيثم مصطفى براها مشكلة

عكاسية
07-04-2010, 02:39 PM
منذ ثلاثة شهور تم تعيين أحد أشقاء الكفيل لدينا بمهنة صورية ، ولعدم إلمامه بطبيعة عملنا ما إنفك يتدخل في كل صغيرة وكبيرة مما سبب لنا نوعا من الإرباك ، ما أن يجد اثنان يتحدثان إلى بعضهما حتى يأتي ليتساءل في ماذا تتحدثان وما يشوف ليهو ورقة في يدك إلا يستفسر منها ( سؤال نكير ) ، كرهنا ليك العمل حتى الواحد بقى من الصباح لمن أتذكره وأنا ماشي الشغل أتكاسل وأفكر إن أجلي اليوم ، في أحد الأيام وبينما نحن في الفطور جانا طالي بسيارته الفارهة فقلت للجماعة ( كبسور ) وصل ، فإنفجر الجميع بالضحك وتساءل غير ( الناطقين بها ) عن معناها ، فلم أكن أتخيل إن الكلمة ستلتصق لقبا بالرجل فأصبحوا يتناقلون اللقب سرا حتى وصل للهنود والبنغالة وإن كانوا ينطقوها بطريقتهم ( كبسوول ) ، المهم أنتشر اللقب بين الجميع حتى إني فوجئت في أحد المرات في حوار مع أحد المعقبين السعوديين وهو يسألني : (كبسور اليوم جاكم ولا ما جاكم ) .
أها صاحبنا ( كبسور ) دائما ما يؤكل إلينا مهام بعيدة كل البعد عن طبيعة عملنا مما استجداني أن ادخل معاهو في نقاش حاد أكثر من مرة . قبل أسبوع طلب مني أن أجهز له بعض الملفات بطريقة لم أقتنع بها فلم أفعل شي حيالها ، فأتاني قبل يومين متسائلا : إيش سويت في ذاك الملف ، قلت ليهو ما سويت شئ ، قالي ليش ؟؟ قلت ليهو لأني ما مقتنع بكلامك دا ، فرفع حاجبه عاليا وانصرف عني غاضبا مهمهما بكلمات فيها وعيد .
اليوم باين عليهو يوم ( هوا ) إتصل علي أحد السودانيين الزملاء من المكتب الرئيسي ، وقال إن صاحبنا اليوم جاهو في المكتب وسأله عن كلمة ( كبسوور ) عند السودانيين بتعنى شنو !!!!
باين إن في واحد حاقد وصل ليهو الشمار ،،
يا ترى ماذا حيكون مصيري
عليكم الله مش موضوع يخوف ،،
من الصباح وأنا مقلق
ساعدونا بالموية الباردة
:drag:

ابو اشرف - مقاصر
07-04-2010, 08:38 PM
اخي خالد جئت للاطلاع فقط ولكن تشربكت خيالاتي وانفعالاتي مع ما طرحته هنا وما كنا نناقشه سوياً عن تلكم الظواهر السالبة لشخصيتنا السودانية ليس داخل حدود الوطن فحسب بل في بلاد الغربة التي تُعدُّ وتُحصى فيها جميع حركاتك وسكناتك..
لكما التحايا الاخوان خالد و قندلاب

عند مروري على الطريق الدائري السريع عند اكبر مول في الرياض {العثيم مول }رأيت منظرا لم تصدقه عيني ولم تصدقوا ما اقول وانا نفسي اشك اني ارايته في الحلم ام في العلم... رايت احد السوداني يمسك بمنظار يعني مهندس مساح وحواليه عدد كبير من الاسيويين ربما من الجنسيه الفلبينيه يرتدون ملابس لا غبار عليها يعني جنس وتي شيرتات ... انظر السوداني ماذا يرتدي .......!!!!! عراقي كأنه اغتسل بماء الدميرة .... وسروال كذلك !!!! *ولم اتمكن ماذا ينتعل ربما {سفنجة} هل تصدقون

ابو اشرف - مقاصر
07-04-2010, 09:10 PM
5"]أخونا عكاسية ابدااااااااااااااع في تعاريف اهلنا في المايقومااااااااااااااااااات /size]
قبل ان تغزو العطور الباريسيه الفاخرة الاسواق السودانيه يعني في قديم الزمان{زمنا} كانت هنالك عطور او ارياح يعني جميع ريحة {ان شاء الله عمر غابات يكون ....} سودانيه اصيله مصنعة في السودان ريحة جنينه السيد على... بنت السودان والتي كانت تقارن مع العطور الباريسيه مثل فلور دامور عندما قيل في احدي الاعاني {انت ريحتك فلور دامور ولا بنت السودان اصيل} والمايقوما وما عارف هي عطر سوداني ام مستورد ............. ما سبب تسميه جزء من الحاج يوسف بالمايقوما ؟؟؟؟؟؟ وهل اهل امبدة بيستحموا بمويه العدة؟؟؟؟

عكاسية
08-04-2010, 09:58 AM
قبل ان تغزو العطور الباريسيه الفاخرة الاسواق السودانيه يعني في قديم الزمان{زمنا} كانت هنالك عطور او ارياح يعني جميع ريحة {ان شاء الله عمر غابات يكون ....} سودانيه اصيله مصنعة في السودان ريحة جنينه السيد على... بنت السودان والتي كانت تقارن مع العطور الباريسيه مثل فلور دامور عندما قيل في احدي الاعاني {انت ريحتك فلور دامور ولا بنت السودان اصيل} والمايقوما وما عارف هي عطر سوداني ام مستورد ............. ما سبب تسميه جزء من الحاج يوسف بالمايقوما ؟؟؟؟؟؟ وهل اهل امبدة بيستحموا بمويه العدة؟؟؟؟


صباح الخير عمنا أبو أشرف وأهلي الكرام

سعادة كبيرة بتغمرنا لمن نجد تفاعل في البوست ، ونصاب بشئ من حتى إذا وجدنا ناس مطلعين فقط ولا يشاركونا حتى السلام على نهج أخونا الأستاذ أمين خضر ، وبعضهم يتغاضى ويتجاهل المشاركة ربما عمدا ، ويحزو في نفسنا أن نجده مشاركا في بوستات لقرى أخرى ، فبماذا نفسر حضورك وجودك الدائم هنا دون مشاركة يا عبد الله أبو زيد. على العموم وإن كان يراعك المنشرح هناك يأبى علينا هنا ،

نعود إلى سؤال عمنا أبو أشرف عن تسمية الحاج يوسف بالمايقوما ، وإني لأجد متعة كبيرة في الحديث عنها على موازيا حديث الأخوان عن مقاصر ، لأ أقول أضاهيها حبا فتلك منبت رأسي وهذه مرتع صباي .

وترجع التسمية للشيخ الجليل العلامة ( الحاج يوسف ) وهو من قبيلة البطاحين ، وسكنه الأصلي في المايقوما ما بين محطتي (14) ، (15) شرقا الشارع الرئيسي ، وتوفي ودفن هناك بالمقابر الموجودة حوالين منزله ، ومعظم الأراضي في تلك المنطقة كانت مملوكة للبطاحين ، وجغرافيا تمتاز المنطقة بأنها منخفضة وتتجمع فيها مياه الأمطار في الخريف ، لذا عندما بدأ البطاحين ببيع أراضيهم للمحس ( أول من توافد لشراء الأراضي في تلك المنطقة ) لم يكن ليتخيلوا أنهم سيتمسكون بها وذلك أنهم كان واضعين في الإعتبار أنهم سيرحلون مع أول موسم أمطار ، ولكن تشبث الوافدين الجدد بأراضيهم وبدأوا في تعميرهم . إذن تسمية الحاج يوسف كانت تطلق أساسا على المايقوما الحالية . وبدأ الناس يقطنون المنطقة شرقا فسميت المنطقة شرق قبة الحاج يوسف ( بالإمتداد ) يعني إمتداد لمدينة الحاج يوسف.
أما المايقوما فهو أيضا شيخ جليل كان يسكن المنطقة ما بين دار السلام ومحطة ( الصقعي ) ودفن في تلك المنطقة ولا زالت القبة المعمرة فوق قبره موجودة حتى الان .
وكتفسير مني لتحول إسم منطقة الحاج يوسف الأصلية ( المايقوما ) وتحول إسم الحاج يوسف للمنطقة الكانت معروفة سابقا بإسم الإمتداد ، أرجح ذلك لخط السير التي كانت تتبعه المركبات التي كانت تعمل في المواصلات . ومعروف أن خط السير لتلكم المنطقة يتفرع من منطقة ( حلة كوكو ) فيتجه خط إلى أقصى الشرق فيما كان يعرف بالإمتداد ، ويتجه كان بإتجاه الشمال الشرقي محازيا الترعة ( لمنطقة الحاج اليوسف الاصلية ) وعند موسم الإمطار كان يتغير الخط لأن المنطقة المحازية للترعة كانت تصبح ( وحلة ) جدا فيتبدل خط السير ويصير مطابقا للخط المتجه لمنطقة الإمتداد وكان يفترق عنه في محطة ( الصقعي ) او عند مدفن الشيخ ( المايقوما )
فتعود أصحاب المركبات كنداء للركاب أن ينادوا أن المركبة متجهة للمايقوما أي عند مفرق محطة الصقعي ، أو فيما كان يعرف سابقا بمحطة (7) وبهذه الطريقة تحولت تسمية منطقة الحاج يوسف إلى المايقوما ، وتحولت تسمية إمتداد الحاج يوسف إلى ( الحاج يوسف ) دون إمتداد .
هذا التفسير من عندي قابلا للصواب أو الخطأ فإن أصبنا فلنا الأجر وإن أخطأنا فمن الشيطان .
أما قبائل البطاحين المالكين الأوائل لتلك الأراضي ، وإندثارهم ورحولهم إلى ما بعد ترعة السليت في منطقة ( عد بابكر ) حتى أصبحوا الان شريحة قليلة جدا محصورة في الشريط الموازي لخط الشارع الرئيسي من محطة (12) لغاية محطة (19) ، وكما هو معروف عن قبائل البطاحين أنهم قبيلة محافظة ترفض التزاوج والتماذج إلا ما ندر . وما زال أحفاد الشيخ الحاج يوسف يعيشون حتى الان حوالين منزل جدهم القديم وكذلك من أشهر البطاحين الأستاذ / محمد يوسف أبو حريرة مرشح الحزب الإتحادي الديمقراطي ، وهو الان المرشح الاقوى للفوز بالإنتخابات بمنطقة المايقوما

ابو اشرف - مقاصر
08-04-2010, 11:33 AM
المبدع عمر العريس المرتقب لك ا لتحيه ومبروك مقدما ... ما يخوفوك الجماعه ديل توكل على الله ... نحن السابقون وانتم اللاحقون والله يكون في عون المستقدمين والمستأخرين



عمنا ابو أشــــــــــرف غيــــــــــابك طال لعل المانع خير؟؟؟؟؟




خيرا ان شاء الله .... لم اغب عن ا لبوست ولا ليوم واحد وانا مدمن البوست وعلاجي دخول اليوست ثلاث مرات في اليوم على الاقل .. قبل الفطور عند وصولي المكتب وقبل الظهر عند خروجي من المكتب بغرض المدارس وعند رجعوعي للمكتب في ا لفترة المسائيه يعني قبل العشاء وعند اللزوم اتناول الدواء اكثر من ذلك

تخريمة...... وييييييييين ابو شهد

بدرالدين محمد ( دجور )
08-04-2010, 11:42 AM
نأخذ عرجة تانية ومن اول من سكنو منطقة الحاج يوسف محطة 16 ومن اهالي
جزيرة مقاصر عمنا المرحوم سيد زبير محمد نور لم يكن اقل قوة جسمانية من
عمنا نورالدين جنكا .

عند نعطل صهريج الماء او الاصح طرمبة الماء نوع الغاطس داخل البئر يحتاج
الي جهد كبير لاخراج هذه الطرمبة والي رجال اشداء واقوياء وكان منهم عمنا
سيد زبير .. لسحب ماسورة واحده الي 3 رجال .. عمنا كان يسحب الماسورة
لوحده . حصلت مشكلة داخل بص الموصلات بين احد الاعمام ومجموعة من
عرب الحاج يوسف صاح او كورك عمنا يا ابو السيييد ( يقصد عمنا سيد زبير )
فيقول سيد زبير ( سيد الدناقلة والعرب ديل كلهم ) . بعدها الكل يلزم الصمت
التام .

بعد نزولة المعاش عمل دكان صغير في زاوية منزله وضمن البضاعة كان يبع
صعود والشغل تمام والزباين حلوين طالعين ونازلين من دكان سيد زبير بعد كم
شهر جارهم عمل نفس النظام دكان في الزاوية بس كان علي الواسع وطااارو
الزباين من عمنا ابوالسيد . وهو في قمة القرف والزهج والفلس ذهب الي
بتاع الدكان الجديد وقال له : بعنا صعود انتو كمان بعتو صعود ما مشكلة عملنا
دكان عملتو دكان حس انا عاوز ابيع افييييييييون حتقدر تبيع افييييييون .
كان يجلس امام منزله ويشاهد اولاد الحلة يلعبو كرة القدم ومكان جلوسه بي كم
متر من المرمي الجنوبي للميدان والكرة تطير والشوته القوية فييييو ومرات تضربة
عمنا يشيل عكازو والي نصف الميدان انتو يا اولاد العرااااضة دي عاملينو عشان
شنو ما تشوووتو الخره ده جوه الزفت ده ( يقصد ما بين العراضات )
( بحكي كما كان حديثو معنا ) .

الف رحمة ومغفرة لعمنا سيد زبير محمد نور



( يا بالكو الصعود ده حاجة بختوها في الشلوفة حتقول لي الشلفوة دي زاااتها شنو )


لا تعديل ومافي مراجعة انتو اعملو النقط فوق وتحت الحروف .

AwadAllaq
08-04-2010, 11:58 AM
معليش يا جماعة زنقة وتزول لغاية الاحد كدة ان شاء الله لو في العمر باقي
عكاسية اتحفتنا بالتعريف بالحاج يوسف والمايقوما -ديارنا التانية بعد مقاصر
ابو اشرف : بنجو ان شاء الله بس ما مع العفش زي ناس دجور ونادية بابكر، بس نفضى شوية

ابوزيد
08-04-2010, 02:24 PM
سلااام كارب لشباب مقاصر
ولا احلى من كده لي اكتر من تلاتة ساعات سابح معاكم وما لاقى القيف واقول اغطس لى تحت ( ارد دامو )
كيفكم ياشباب بدون فرز و اتمنى الاقامة الدايمة معاكم

عكاسية
08-04-2010, 02:32 PM
وهل اهل امبدة بيستحموا بمويه العدة؟؟؟؟

أول مرة أسمعها هذه المقولة كانت من أخونا العزيز / خالد عبد المجيد ، أحد ركائز مدينة أمبدة ، وقالها بصيغة الفخر ، والله اليوم داك ضحكت كما لم اضحك من قبل .. وقد تكون العبارة بمعنى أنهم يصنعون من الفسيخ شربات ..

كان يجلس امام منزله ويشاهد اولاد الحلة يلعبو كرة القدم ومكان جلوسه بي كم
متر من المرمي الجنوبي للميدان والكرة تطير والشوته القوية فييييو ومرات تضربة
عمنا يشيل عكازو والي نصف الميدان انتو يا اولاد العرااااضة دي عاملينو عشان
شنو ما تشوووتو الخره ده جوه الزفت ده ( يقصد ما بين العراضات )
( بحكي كما كان حديثو معنا )

رائع يا دجور في سردك لهذه الجزئية من حياة عمنا المرحوم / سيد زبير ، نسأل الله له المغفرة ، أرجعتنا بالذاكرة لسنين جميلة كانت الرابطة ملانة نشاط وحيوية ، ايام المرحوم ( متولي ) ( تملي تملي ، خلي بالك عصام بلي دا عنده ضربة قديمة فوق راسو ) وايام عمنا الطيب جميل وعمنا بشير بتاع التعاون ودكان محمد خالد ودكان عمك حاج عبده. وغيرهم من أعمامنا الأفذاذ.
وبحكم أنك أكبر سنا ، نرجو سرد المزيد عن ابناء مقاصر بالمايقوما ، خاصة عن الوالد دجور أطال الله في عمره . ولا يخفى أنه زو بديهة حاضرة .

( يا بالكو الصعود ده حاجة بختوها في الشلوفة حتقول لي الشلفوة دي زاااتها شنو )

اليشوف بالكو في هذا البوست يعتقد إنه ولد مثالي هكذا ، وما يخفى على الجميع إنه مش كان بسف صعود ، بالكو لا مؤاخذة كان بعطرو وبختو تحت السرير . لو ماكان بيبيعه . والتعليق متروك للأخ كهران.

معليش يا جماعة زنقة وتزول لغاية الاحد كدة ان شاء الله لو في العمر باقي
عكاسية اتحفتنا بالتعريف بالحاج يوسف والمايقوما -ديارنا التانية بعد مقاصر
ابو اشرف : بنجو ان شاء الله بس ما مع العفش زي ناس دجور ونادية بابكر، بس نفضى شوية

أخونا عوض برضو منح التابعية بحكم إقامته مع مولانا محمد سعيد علاق في محطة 18، وهو يعتبر من الجيل الثالث الذين سكنوا المايقوما ، في حي مطوق بالكامل وماركة مسجلة بأبناء مقاصر تشمل المرحومين الاخون / عثمان ، والسر ، طيب الله ثراهم.
الأحد قريب يا علاق بس ما يطلع زي ( سبت ) قنديلاب

عكاسية
08-04-2010, 03:20 PM
سلااام كارب لشباب مقاصر
ولا احلى من كده لي اكتر من تلاتة ساعات سابح معاكم وما لاقى القيف واقول اغطس لى تحت ( ارد دامو )
كيفكم ياشباب بدون فرز و اتمنى الاقامة الدايمة معاكم
أشرقت الانوار
رسالة جميلة في الخاص أفصحت لنا أن القادم هو من كنا نترقبه بكل شوق
نتشرف بإنضمام الأخ العزيز مبارك أبو زيد ، الشاب الذي تتحدث أفعاله عنه أكثر من أقواله ، ولعمري أنه إضافة حقيقية ستزيد البوست ألقا وإشراقا .
بتشريفك كسرت قاعدتين
القاعدة الأولى كسرت قاعدة عزلة ابناء الخرطوم عن هذا البوست ، ونتيقن أنه بتشريفك لنا هو تمهيدا لإنضمام أخوان اخرون لا يقلون إبداعا وفي مقدمتهم الاخ محمد حمزة طلب ( سيما )
والقاعدة الثانية قفلت الدش في يد أخونا بالكو والذي يتباهى دائما أنه أصغر واحد في البوست ،،

وفي إنتظار إبداعاتك ( إرد دامو ) يا رائع
والقادم أحلى

عمر مقاصر
08-04-2010, 04:02 PM
أخونا عكاسية لولا اللجان والعاقبة لديكم في المسرات كنت رديت رد واستمتعتا بالرد قبلكم ومع نهاية الاسبوع والهبي ويك اند بتاعنا على العموم نرحب بي ود ابوزيد فهو ابن عزيز علينا فنميري شقيقه دفعة مدارس لكن المهندس عبدالجليل دفعة ميلاد وزملاء رابطة واسال بعد دا كهران فالالف المرااااحب لي العزيز مبارك ابوزيد وعشمنا كبير في اطلالة علينا عبر البوست زملاء دورة العمالقة (نقـــد- عبدالجليل- عبدالله نورالدين-دكتور عبدالاله - وحمامة) وديل دفعتي ياعكاسية ::::::::::::::

عمنا أبو أشرف يعني لا سمعنا ولا شوفنا الحاصل شنو ؟؟؟؟ و((غابات ) جبتها عبر رسالة ولا اتصال بي صديق . ماشى ياعم على قول اخوانا من شمال الوادي.

عكاسية ناس الخبر مالوا ؟؟؟ من هسع بقوا يقولوا زنقة كفيل وانت فاجاتنا بالموضوع يابالكو ونازلين اجازات اجلها شهرين تلاتة وما سر اختفاء قنديل وكمان اخونا حاتم عديل حتي من التلفون (أظهــــــــــروا وبانـــــــــوا وعليكم الاماااااااااااااااااان )).

قلت لي نسأل منو في المايقوما ياعكاسيـــــــــة (هههههههههه) اصلوا الواحد مايبحبح معاك ياكافي البلاء.

عكاسية
08-04-2010, 04:30 PM
زملاء دورة العمالقة (نقـــد- عبدالجليل- عبدالله نورالدين-دكتور عبدالاله - وحمامة) وديل دفعتي ياعكاسية ::::::::::::::

عكاسية ناس الخبر مالوا ؟؟؟ من هسع بقوا يقولوا زنقة كفيل وانت فاجاتنا بالموضوع يابالكو ونازلين اجازات اجلها شهرين تلاتة وما سر اختفاء قنديل وكمان اخونا حاتم عديل حتي من التلفون (أظهــــــــــروا وبانـــــــــوا وعليكم الاماااااااااااااااااان )).

قلت لي نسأل منو في المايقوما ياعكاسيـــــــــة (هههههههههه) اصلوا الواحد مايبحبح معاك ياكافي البلاء.

تصدق يا بالكو دفعتك ديل كلهم ماشاء الله مصلعين ، يعني شكلك كدا حيكون ود اللمين بس
يا زول فط ليك شهرين تلاتة أمشي ألحق الدامة دي قبل ما تنط ..

ناس الخبر ربوعهم ( فللللللللللة ) إحتفال الويك إند عندهم يبدأ من مساء الربوع ، أمبارح كان عندهم لمة ، بس ما إتاكدنا ( عوائل ) ولا زاغوا منهم . وبما إن ما سمعنا صوت قندلاب عبر الأثير معناها جماعة الخبر منهم العوض وعليهو العوض ، حكومات قوية .

بنك البركة وقالوا غيروا الشعار بتاعو أها نحول ليك المعلوم كيف يا قريبك ، الإعتماد على النفس فضيلة .
ولا ما كدا يا حاتم عديل !!؟؟

Gindilab
08-04-2010, 04:31 PM
سلام يا شباب بدون فرز..
لي أربعة أيام مراقب عدد مشاهدات بوست مقاصر الذي دخل منافساً قوياً للبوست المتصدر (بوست أرتقاشا) التوأم الشبيه لمقاصر.. حيث رصدت أن فرق المشاهدة بين البوستين أصبح يضيق بمعدل يتراوح بين 200 إلى 270 مشاهدة في اليوم (عكس ما كان يحدث عندما كان اللاعب عمر النقي يتخطى آخر مدافع في الفريق الخصم ويتجه نحو المرمي.. كانت المسافة تتسع وتتسع وتتسع إلى أن تخرج صورة المدافع من الكادر تماماً)... أي the difference is decreasing in an increasing rate وحتى هذه اللحظة فالفارق (مع إضافة زيارتي هذه حتى نكون دقيقين) هو 1324 مشاهدة مما يعني حسب رصدنا (وما أكثر الرصد هذه الأيام) لمجريات الأحداث أن هذا البوست سيتخطى البوست صاحب الصدارة في ظرف خمسة أو ستة أيام فقط.. مع ملاحظة أن مشاركات البوست already تخطت مشاركات الإخوة في البوست الآخر... هذا بالإضافة إلى قدوم أعضاء جدد من الوزن الثقيل (وزن الجسد ووزن القلم)..
نرجو أن يكون هذا الانجـــــــــــاز دافعاً للمزيد من التواجد والتفاعل والمشاركة..


الأحد قريب يا علاق بس ما يطلع زي ( سبت ) قنديلاب



معليش يا عكاسية... عليك بزيارة (واوور الحكاوي القديمة) لتعلم أن مواعيدي ليست كمواعيد عرقوب.. وإنما (شوكة وشنكار)... فقط آثرت بأن تكون المشاركة في ذاك البوست حتى لا أقطع عليكم أسلوب الجدية الذي توشَّح به البوست في مطلع الأسبوع والأيام التالية...

صلاح دولي أهلاً بيك... عندما بدأت بقراءة مشاركتك كنت أحس أن شفاهي تتحرك ولكن صوتك كان هو الذي يقرأ و (يُسمِّع)....
مبارك أبو زيد... أخيراً وصلت؟ ما تقلق.. قدامك فترة سماح عشرة أيام لقراءة محتويات البوست ومن ثَمَّ المشاركة

doly
08-04-2010, 07:47 PM
أضحك مع يوميات صلاح دولي وعبد العزيز بشاره وانا ناوي اضحكم بس علي حلقات

الحلقه الاولي بعد شويه لمن انتهي من عمل فورمات للجهاز:read:

doly
09-04-2010, 12:14 AM
والله اكثر من ساعة بكتب يوميات في مقاصر جيت اعتمد المشاركه لا اعرف وين راح حاجه عجيبه:read:

doly
09-04-2010, 02:32 AM
[COLالجزء الأول
يوميات في مقاصر (صلاح دولي وعبد العزيز بشاره)
في اواسط السبعينات جئت للسودان لاول مرة ونزلت
بالخرطوم منطقة الشجرة وجئنا لنكمل مسيرة التعليم بالسودان
وكان الوالد رحمه الله مصر علي سفري لمقاصر في اجازة المدارس المهم بدات الرحله من مصر الي حلفا ثم من حلفا
ركبنا القطار الذي كان مدعما بأزيار للشرب ومن ميزة هذا
القطار ممكن تصلي اربع ركعات كامله وتركب القطار مرة اخري
سكنت بالشجرة وجاءت اجازة المدارس وبدأنا الرحله الي مقاصر
وركبنا اللوري من امدرمان فوق كومه من الشواويل اتذكر معي
اخي محمد والذي جاء قبلي من مصر منذ سنتين واول مرة يروح مقاصر
ومعنا صلاح ابو حديد
ركبنا اللوري وبدأ الوالد رحمه الله في توصيتي يقول
لاتنزل من اللوري مهما حدث والطريق كله صحراء
وبعد عدة ساعات من تحركه تارة يوحل في ابو ضلوع
والمساعدين نازلين وطالعين بالصاجات الي ان وصلوا
في مكان وقف اللوري وفتح عثمان ابراهيم (السائق)
كبوت اللوري.
محمد وصلاح ابو حديد قالو والله ياصلاح البلد (السودان)
فيها خير كتير وفواكه كتيرة قلت ياعم فواكه ايه في الخلا ده
قالو انت مش شايف المنجه كتيره ازاي في الشجره اللي هناك
قلت ايوة والله اخذت كيس ورحت للشجره وامسكت بالمنجه
المزعومه واسمع صوت بق بق (عوشر بعيد عنك)
وفي نفس الوقت قالو للوالد شوف صلاح مشى لغاية وين
والوالد رحمه الله بأعلي صوته ياصلاح تعالي هنا الله
يصلح جلدك المهم اخذت نصيبي من الضرب
وصلنا من دنقلا لشط مقاصر وجدت مركب من شراع واحد طويل
الكل ركب المركب وانا غير مقتنع بأن هذا المركب سوف يوصلنا
بأمان للشط الاخر فالمركب يتمايل ذات اليمين وذات الشمال بفعل
حركة المياه وبدأ القبطان بفك الشراع (علي مأظن انه كدود رحمه الله)وصلت مقاصر وقابلت صديقي الحميم (عبد العزيز بشارة)
وحضرنا لأول مرة( عرس بالسوط ) وكنا بنستغرب اللي بينضرب
ده في ظهرة لدرجة ينزل دم كيف بيتحمل الضرب ده.
وأخينا في الطرف الاخر ماسك الكرباج وعمال يتنطط (الكرباج ده كان مشور ومازال باسم الكرباج السوداني)
المهم اخونا ده ماسك الكرباج ويتنطط شويه وياخدله لفه ويضرب
اخينا العريان من فوق ولابس من تحت والزغاريد تهلل والشبالات
تنزل علي اخينا متسويا مع نزول الدم علي ظهرة
قلت عبد العزيز ايه استفاد اخينا ده
رد عبد العزيز: قال كيف اخد شوية شبالات وشوية زغاريد
قلت : وايه يعني انا وانت ممكن ناخد شوية شبالات وزغاريد بدون ضرب.
قال كيف: قلت انا اعمل زي اخونا ده اكون عريان من فوق ولابس من تحت. واقف وقفة ا سد نافخ صدري لقدام
وانت ياعبد العزيز تمسك الكرباج وتتنطط شويه زي اخينا ده اكون اخذت شوية شبالات حلوين وكم زغرودة اتنطط بس
ولوح بالكرباج بدون ضرب بعدين نتبادل المواقع واتفقنا
تاخد انت برضو كم شبال وكم زغروده ( وبالرطانه كليله) صح؟
عبد العزيز مسك الكرباج ولم يتم حتي النطه الاولي
وحدث مالم يكن في الحسبان ولا علي البال جئنا زي القدر
يوسف بكدو (رحمه الله) اخذ منه الكرباج وقبل مايسعرض
وقيل ماينطط كنت اخذت ملابسي واسرع من صاروخ صدام
وعبد العزيز ورايا جري مابعده جري
طارت الشبال وانكتمت الكلله (الزغاريد ) يوسف احبط المحاوله
والي شبال اخر اقصد والي حلقه اخري من يوميات بمقاصر

دولي


OR="Red"][/COLOR]

doly
09-04-2010, 01:20 PM
اعمل حسابك ياحاتم عديل

البوست خالي من طلتك البهيه لازم نشوفك علي البوست
انا عارف شغل الدوامين بس انت اعمللك زوغه من طلعت
الخميس زي انا فعلا عندي حمه بس شميت شوية عافيه ودخلت
البوست اسمع الخميس كان فيه شيات ولامافي ؟ المهم وصلتني
الفطاير ***** خد النكته دي
فيه واحدة ساكنه الكلاكله كل مايمر الباص من جنب البيت
الدولاب يهتز.
جابت النجار وشرحت له المشكله .
النجار قال حلها عندي ودخل جو الدولاب
زوجها وصل ولمن فتح الدولاب وجد اخينا جالس جوه
قاليهو شنو جابك جو الدولاب
النجار: لوقلت ليك انا منتظر باص الكلاكله بتصدقني؟؟؟
الاخ عوض سوف يكون معك مناقشه بخصوص المنتدي
الاخ مصطفي ابو زجاي غاب عن الساحه
لازم يكتب مقالات حتي ولو في الهندسه***** خد نكته
فيه واحد راجل جمع اولاده الاربعه علشان يعرفهم ان في الاتحاد
قوه (قبل موته) قال لاحدهم جيبليك كم عصا وضمها سويا
واعطاها لااحد الابناء وقال له اكسر العصيان ديل الولد كسرهم
قال لاحد الا بناء زيد العصيان كتير برضو كسرهم
قال الاب طالما معاكم اخوكم الطور ده ماعندكم مشكله.

doly
09-04-2010, 01:44 PM
قروي راح يسجل ولدة بالروضة قالوا له الدراسة بـ 3000 ريال
والباص بــــ 500
قال سجلوة بالباص .........
مهبول تعب اخوه وداه المستشفى .... سأله الدكتور وش مع أخوك قال .... كرسيدا بكس


غبية تأخر عليها زوجها ، قالت لأمها : أخاف تزوج علي!!!
ردت الأم : تفاولي بالخير ...... يمكن صار له حادث !!!

________________________________________
يـقولك كان فيه : هيفاء وهبي , نانسي عجرم و اليسا..كانوا في قطـار

قالت هيفاء: نفسي اتزوج عقيــد

قالت نانسي: نفسي اتــزوج لاعب مــشهووور

قالت اليسا : نفسي اتـزوج شـخص صيــني

وكان فيه بدوي ...البدوي : معــكم العقيد اللاعب المشهور هونق بونق

doly
10-04-2010, 12:48 AM
--------------------------------------------------------------------------------
الله الرحمن الرحيم


شوفوا ذكاء هذا الطاالب

فيه طالب في الجامعة كان عنده مادة من المواد اللي يدرسها مختصة بعالم الطيور ..


ويوم قرب اختبار المادة آخر السنة .. الطالب راجع وراجع إلى إن طلعت عيونه .. دخل

الاختبار وهو واثق مليون بالمئة انه جاهز و بينجح في الاختبار ..


المفاجأة إن الأستاذ وضع سؤال واحد بس .. السؤال كان عبارة عن صور لأرجل

بعض الطيور والمطلوب معرفة أسماء الطيور من شكل رجولها ....


ضاع صاحبنا و ما عرف يحل السؤال .. قام من الكرسي وراح للأستاذ وسلم ورقته

فاضية.

وقال له : اتفو عليك وعلى سؤالك.


رد عليه الإستاذ ببرود وقال له: اعتبر نفسك راسب في المادة ..

شوي .. لاحظ الإستاذ إن الطالب ما كتب اسمه على ورقة الإجابه .. قاله بغضب : وين

اسمك يا طالب ؟

قام الطالب و رفع ثوبه وطلع ساقه وقال :

اذا انت استاذ ذكي تعال إعرف اسمي من شكل رجولي

doly
10-04-2010, 12:50 AM
--------------------------------------------------------------------------------
بسمالله الرحمن الرحيم


شوفوا ذكاء هذا الطاالب

فيه طالب في الجامعة كان عنده مادة من المواد اللي يدرسها مختصة بعالم الطيور ..


ويوم قرب اختبار المادة آخر السنة .. الطالب راجع وراجع إلى إن طلعت عيونه .. دخل

الاختبار وهو واثق مليون بالمئة انه جاهز و بينجح في الاختبار ..


المفاجأة إن الأستاذ وضع سؤال واحد بس .. السؤال كان عبارة عن صور لأرجل

بعض الطيور والمطلوب معرفة أسماء الطيور من شكل رجولها ....


ضاع صاحبنا و ما عرف يحل السؤال .. قام من الكرسي وراح للأستاذ وسلم ورقته

فاضية.

وقال له : اتفو عليك وعلى سؤالك.


رد عليه الإستاذ ببرود وقال له: اعتبر نفسك راسب في المادة ..

شوي .. لاحظ الإستاذ إن الطالب ما كتب اسمه على ورقة الإجابه .. قاله بغضب : وين

اسمك يا طالب ؟

قام الطالب و رفع ثوبه وطلع ساقه وقال :

اذا انت استاذ ذكي تعال إعرف اسمي من شكل رجولي

أكاسمار
10-04-2010, 12:47 PM
سلام ليكم كلكم ..أنا مقاصراوي جديد في الخط و عايز لي زمن عشان أأعررف الحاصل وأخش الفورمة معاكم أقبلوني معاكم لأنو أنا أي حاجة فيها إسم مقاصر بتحوز علي إهتمامي ... لناعودة بأذن الله

AwadAllaq
10-04-2010, 02:47 PM
وعدي بالاحد، ولكن فضلنا استغلال ساعة البريك لتسجيل مشاركة خفيفة نرحب فيها بأخونا مبارك ابوزيد ( الصغير الكبير ) ، فمرحبا بك أخي مبارك ولا شك أن انضمامك مكسب للبوست ولو لا اننا نخشى أن يقول البعض بأن "علاقا " يبذل قصارى الجهد لسحب أكبر عدد من بعض المنتديات للبوست – كما ادعى البعض – لتوجهنا إليك بالدعوة من قبل للانضمام لقائمة البوست ولكننا اكبر من مجرد تفكيرهم السلبي فهللت اهلا اخي مبارك ونزلت واديا وسهلا.

وارحب ايضا بأكاسمار وكم تمنينا أن يفصح المشاركون هنا عن اسمائهم لنرحب بهم بما يستحقونه من ترحيب ولاشك انك من آل عكاسية أو أكاسية ، واحسب أن الاخيرة هي الصحيحة أو الأقرب للصحة على عكس صاحب الاسم أخونا مرتضى الذي احتار مع اسمه اخونا صلاح دوللي رغم ما يربطهما من علاقة النسب.

اخونا صلاح دولي : رائع ما تناولته من قصة مع فيق الصبا عبد العزيز بشارة والكرباج والمنقة ، اقصد العُشر ، ولن أتحدث عن حمى الخميس لان زائرتك لا تزور إلا بالخميس ولعلها حمى الخوف من السهر والنوم ( المقطع ) بنجائل الكورنيش او حديقة بن جلوي ، عموما لك الله ونحن من نكسب من خميسك ، لأننا وخلال الاسبوعين الماضيين اصبحنا نجد مادة دسمة لقلمك صباح الجمعة فلك التحية أخي ابو صلاح

حاتم عديل
10-04-2010, 07:39 PM
اخى عكاسية يظهر اخونا عمر كابة الجرسة بكسر الجيم من الان بس انحنا ما حنقصر معاه ابدا باعتبار كان زمان توجد كس كوول كل نهاية اسبوع 0 الاخ دولى ننتظر منك الكثير الكثير من خلال سردك الطيب لذكرياتك الحلوة بعد العودة من ارض الكنانة
نرحب اشد ترحيب باخونا الصغير مبارك ابو زيد ونتمنى له طيب الاقامة بيننا ونرجو منك ان تعطينا اخبار مقاصر وانت احد المهتمين بهموم مقاصر وانسان مقاصر فلك منا الف تحية 0

عمر مقاصر
10-04-2010, 10:04 PM
الاخــــــــــــوان المتواجدين هســـــــــع والتانييييييييييين اللجوا وشاركوا والعاينوا ساكت ومشواااااااااااااا وواحدييين قروا اسماء هيفاء ونانسي ولعنوا حظهم والناس الواقفين فووووووووووق القيفــــــــة والرازعين فوووووووووق الدفـــــة وزكريات مركب عمنا تاج الدين خوجلي والرجل الحكمة العمدة خضر طه وعمنا حمزة فونج وماادراك حمزة فونج ياعمر مصطفي والشيخ بشير هارون تحت اللبخــــة بيقرأ في سورة يس من الدغش وترابلة ابوزقاي بكل جد واجتهاد الي الجزيرة وعمنا خضر الي المدرسة وقم للعلم وافه التبجيلا (القامة عبدالمجيد حسن مختار - وزينة شباب مقاصر المرحوم / نورالدين وبقيـــــــــة الدرر اللعلمونا ونورلينا طريق العلم والادب فلهم الالف الشكر والتقدير واتمني ان التق بهم لكي اشكرهم بكل صدق وامتنان وعمنا جعفر زمراوي رجل المبادئ وهم ديل أهلــــــــــــــــــــي فالتحيـــــة لمقاصــــــــــــر التي جمعت هؤلاء العمالقة في حتة وااااحدة حتي صارت معلماً من معالم الحيـــاة














وبعدين معاكم ياناس السعوديـــــة لا بترموا ......................ولا عايزين تجيبوا الحجارة ...........................0



عفـــــــــــــــو ياحاتم عديل جيت في الجرح لكن اقول ليك شي اخوك صنديد ودكان التقاطع بيشهـــــد (هسع عكاسية بيضرب لي عشان يعرف شمار دكان التقاطع لكن على منـــــــــــو تااااااااااااااني مش كفاية انت معلق في المايقوما لحد هسع))

عمنا ابو اشرف الموضوع اكتر من عادي وماكان في داعي تحذف الكلمة وتعدل المشاركة فغابات لقب اتشرف بيهوا وعزيز على نفسي .


عمو عكاسية وييييييييييييييييييين اخونا دجووووووووووووووور واخبار الزلابية وبعدين ناس الخبر وخميساتهم ؟؟؟؟؟؟


احمد نور تحية خاصة للاهل في باريس (طبعاً ياعكاسية الاهل معظمهم في المناظق دي واسال حاتم.

doly
10-04-2010, 11:39 PM
اذا تستطيع رؤيه: من 0 الى 5 وجوه ::فأنت كسول
اذا تستطيع رؤيه: من 6 الى 7 وجوه ::فأنت شخص طبيعي

اذا تستطيع رؤيه: من 8الى 9 وجوه ::فأنت شخص اكثر من طبيعي


اذا تستطيع رؤيه: من 10 الى 11 وجوه ::فأنت شخص ذكي


اذا تستطيع رؤيه: من 12 الى 13 وجوه ::فأنت عبقري

اضغط علي الصوره لتكبيرها

doly
11-04-2010, 12:53 AM
[COLOR="Red"]Magenta"][/COLOR[/B]]

doly
11-04-2010, 01:18 AM
[اهلا بالاخ عمر مقاصر سمعت بيك من الاخ حاتم وعوض ويسعدني النعرف عليك

كثيرا من الناس احيانا نعرفهم منجهل اسماءهم علي العموم شرفت ولك التحيه]

doly
11-04-2010, 02:09 AM
[


[]الحلقه الثانيه من يوميات في مقاصر


الشياطين والعفاريت والاشباح في

مقاصر
لعل كل منا سمع حكاوي عن الشياطين والعفاريت في ذلك الزمن وفي عز البرد نجلس حوالين الحطب المولع
ونسرد الحكاوي انا وصديقي عبد العزيز لانفقه الرطانه نفهما ولانتكلمها وكان الباقين يعتقدوا اننا لانفهم
الرطانه سواء تحدثا او فهما.
المهم احدهم فال بالرطانه ( تر اشكرتي سندي) مامعناه الغرب ديل هايخافو .المهم كل واحد منهم عندة حكايه
يحكيها واحد قال فلان في اليل ماش لغاية ماوصل منطقة( عوضقصر) (معلش ياجماعه انا عارف انتو هاتعرفو الكلمه) المهم لمن وصل وجد عرس كارب ورقصه وصفقه بالايدي والارجل اخينا شارك معهم صفق بيده
ورجلة ولمن نظر للاسفل وجدهم جميعا ارجل حمير قال بسم الله الرحمن الرحيم وجد نفسه براه والجميع اختفوا
ترسخت فصة العفاريت في ذهننا ونقول لانفسنا ياريت ما كنا سمعناها .واصبحت عقدة عندنا اصبحنا في كل
مناسبه ليليه ننظر في ارجل الناس.خوفا
قلنا نقطع الشك باليقين نذهب للاستاذ محمد عبد الحي فهو خريخ جامعة الازهر واكيد ها يؤكد الموضوع او عدمه قال مذكور في القران كان الكلام ده العصر ( اتذكر الوقت لاننا قرننا نكون قبل الليل في بيوتنا)
المهم ذهبنا عندنا في البيت عبد العزيز قال نكون عاديين لغاية مانشوف شي قلت له: واحنا هانكون احياء
الي ان جاء واحد لااتذكر اسمه قال ياخونا انا شايفكم طوالي في قبلي( عملتها بالقاف علشان خاطر مصطفي علي صمد) قال شايفكم دايما في قبلي المهم خلوا بالكم فيه بيت بجوار دكان بوناب بيت مهجور الشياطين والعفاريت
بتتجمع هناك ) قلت لعبد العزيز: ياربي الجماعه ديل قاصدنا ولاشنو شايفنا جايين من مصر قالو يبثو في قلوبنا الرعب عبدة قال لا كلمهم صحيح
مره شهر وبدأنا ننسي الموضوع الي ان جاءت الطامه الكبري قريبا نواصل]

ابوزيد
11-04-2010, 10:46 AM
تعظيم سلام لشباب مقاصر
عكاسية

عمر مقاصر

قنديلاب

علاق

حاتم عديل

:morning:مشكورين على الترحاب الحار قلنا ناخد نفس ونديكم سلام ونرجع نواصل الغطس اردتى الس بل تارو بكن

عكاسية أكاسمار وصل وده القبيل راجيهو انت يوم تبشر بيه قيمة وما هنفصح عن اسمو لمن يجى طالع براهو ياعلاق وهو بداء بالكُنج متجها الى الساب وبياحد لفة كوبا وبجينا طالع بى ابو زقاى

AwadAllaq
11-04-2010, 02:15 PM
اخونا صلاح دوللي : ما شاء الله كسبنا قلم لا يستهان به ويقيني أن ما بجعبتكتيكما انت والباشمهندس مصطفى ما يجعل البوست منارة ومزارا لكل مقاصراوي وأتمنى أن يكون التركيز على يوميات مقاصر ويوميات الخرطوم ويوميات صواريخ صدام وغيرها من التجارب الشخصية فحتما قصص خوركمبوتي وعوضنقصر وكودي نيو تُشدٌنا أكثر من سير هيفاء ونانسي التي لا تجعل احدا منا يندب حظه العاثر كما زعم أخونا عمر ، ونحن في انتظار الطامة الكبرى وتفاصيلها ، أما عن سكان عوضنقصر والمناطق المجاورة فالقصص والرويات التي يمكن التحدث عنها عديدة ، ومنها ما هو خرافة ومنها ما هو حقيقة ، ولنا تجارب شخصية تناولنا بعضها بمنتديات مقاصر وقد ترتب عنها عدم مرورنا بالمنطقة بعد زوال الشفق الاحمر ، فطريق العودة من الساب ، عند الاضطرار ، يكون عبر الدرب الميري ( الاوردرب ) الشرقي ، رغم وجود بعض المناطق المشبوهة في هذا الطريق أيضا خاصة في المسافة الممتدة ما بين منزل المرحوم هندي وطاحونة عربنتود أو تلك التي تلي منازل المرحومين عبد المجيد عبد الخالق وعلي جزار من الجهة الشرقية ، ولي قصة مشهورة في المسافة ما بين جدول الوابور القديم ومنزل الاستاذ امين خضر ذكرتها ايضا بمنتديات مقاصر ولا داعي لتكرارها رغم انها ذهبت ادراج الرياح مع تحديث الموقع في وقت سابق ضمن اشياء أخرى لمن تكن إدارة الموقع حريصة على الاحتفاظ بها في ارشيف.

أما الارجل المخيفة في مناسبة الزواج فذكرتني بقصة أخونا حسن ديزل بجمعية جدة وعلى إثرها كنا نقول أن مخلوقات تشاطرنا السكن فيه ، فقد ذكر لنا الاخ حسن بأنه في ليلة من ذات الليالي كان نائما في مجلس الجمعية وقد استيقظ لقضاء بعض حاجته ولاحظ وهو في طريقه للحمام أن إمرأة تجلس في ( البرندة الغربية ) من الجمعية وظن أخونا حسن أنه ربما أتي بعض الضيوف للجمعية في ساعة متأخرة من الليل بعائلاتهم لانه جرت العادة أن يأتي بعض المسافرين والقادمين من السودان في ساعات متأخرة من الليل ، أو تكون احدى التشاديات ، ممن بلغن من الكبر عتيا قد أتت للجمعية لأخذ الماء من خزان الجمعية حيث كن يأتين للجمعية عندما تستنفد مياه خزاناتهم ، لأن بالجمعية خزان اضافي ، وأثناء السلام عليها والحديث معها ، لاحظ أن الارجل ليست أجل آدمية فكاد عقل الرجل يطير، وكان لباب المجلس ( ابو ضلفتين ) مصير محتوم في ذلك اليوم ، ومنذ رواية اخونا حسن للقصة كنا نادرا ما نقوم بالليل بالجمعية وكنا نحبس حاجاتنا وانفاسنا حتى بزوغ فجر اليوم التالي.

اخونا ابوزيد : لك التحية ومعك أخونا أكاسمار وليست هنالك مشكلة ان افصح عن اسمه اليوم أو غدا طالما أنه من طال انتظار البعض له وهو من ( القبيل راجينو نحن يوم تبشر ليه غيمة ) ولمن تمطر يوم علينا الفرح بيملا المدينة والبيوتات الحزينة ، وإن لم يكن اخونا أرضية اتمنى أنضمامه للمجموعة في القريب العاجل.
اخونا عبد الله خليل: نسأل الله العظيم رب العرش الكريم أن يمن عليها بالشفاء العاجل والصحة الدائمة بإذن الله إنه سميع مجيب

doly
11-04-2010, 06:05 PM
اهلا وسهلا اخونا ابوزيد التحيه والتقدير واهلا وسهلا في دارك وبين ابنا مقصر
نور ت البوست وانشاء الله يمدنا بامثالكم لانعاش المنتدي اخوك دولي

ام شهد
12-04-2010, 12:09 AM
السلام عليكم
انا دي اول مشاركه لي واتمنى تكون خفيفه
طبعا انا اختلف مع عوض اللي ما بتشدو كتابات عن هيفاء ونانسي احنا الجنس اللطيف بنهتم بيها والسبب التاني انو احنا بحكم تربيتنا هنا ما بنعرف كتير عن مقاصر وشخصيتها على الرغم بجمال المواضيع اللي بتكتب بس كده شويه وكده شويه .............. بس بلاش الشياطين والعفاريت بيخوفونا !!!!!!!

doly
12-04-2010, 12:11 AM
الطامه الكبرى يوم حضرنا عرس في قبلي منذ وقت الغذاء (( وأنواع الطعام أحسن من وقتنا الحالي بألف مرة))
يكفيك (( الملوخيه بالمفراكه التي اصبحت الان من الذكريات وتأكلها بالكابيدا )) ولا الارز بالكستر كستر الليمون أو الكركديه.
الي فترة المساء وبدات حفلة العرس والشبالات الي ان انتهت السهرة في وقت متأخر من الليل
وبدأنا رحله العودة للمنزل في وسط ظلام دامس.
وماشين اخر ونسه الي ان وصلنا بالقرب من دكان ((بوناب)) وتذكرنا ذلك البيت المهجور ومن شدة خوفنا
سمعنا اصوات لاهي اصوات ادمين او حيوانات قررنا الجري
قلت لعبد العزيز نمد بخطواط سريعه علشان الجماعه ما يسمعونا .
كان فيه شوية هواء وانا ماشي الجلابيه من شدة الهواء دخلت في ((الناطور)) والناطور هو الفاصل بين السوافي المهم الجلابيه دخلت جواها وبقت مشدودة كأن واحد ماسكها .... خلاص فلت لنفسي الجماعه خلاص مسكوني
وبكل قوتي شديت الجلابيه وسمعت صوت (زييييييييييييك) ده صوت الجلابيه ياجماعه الجلابيه اتقطعت من الخلف.
جريت جري الوحوش جري اقصي سرعه في الوجود وفقدت التوزان لان الشارع غير ممهد طالع نازل غير مستوي
ورايت امراه شايله لمبة جاز رأيتها امامي فجأه كانت جايه من جهة البيوت الملاصقه لدكان بوناب بس من
خوفي رأيتها خارجه من البيت المجهور حاولت تفاديها فشلت. صدمتها واوقعتها علي مسافه من الارض مسكينه
قالت كلام بالرطانه اتذكر منها ياسيدي الحسن
ذهبت للبيت ونمت من التعب والخوف
في الصباح لقيت الحريم حاطين اطباق ملونه فوق رؤسهم للحمايه من الشمس (مثل اللي يغطوا بها صينية الطعام) اكيد عندها اسم.
سألتهم ماشين وين قالوا: رايحين لفلانه امبارح بالليل وقعت في الشارع**** في نفسي قلت الحكايه دي لها علاقه بما حدث في الليل.
ذهبت لمعرفة الحاصل شنو ودار الحديث التالي مها

انا :كيفك ياحجه

هي الحمدلله
أنا :الحاصل شنو
هي "والله ياولدي شيطان اسود جاري والله يالولدي كراعيه مامحصله الواطه ده شيطان طاير الله يحفظنا
قلت لها الله يحفظنا من الجن والشياطين والعفاريت اللي في عوضنقصر واللي في البيت امهجور ***** وسلامتكم.

والي اللقاء مع عفريت اخر في مكان اخر

doly
12-04-2010, 12:17 AM
ياجماعه باكر لاترحو بعيد فيه بكرة عفريت واحد بس عفريت علي مستوي

عكاسية
12-04-2010, 12:46 PM
لو بتصدقوا أربعة مشاركات راحت شمار في مرقة
مع الأجواء الرائعة في رياض الخير الكونكشن تعبان ( مرررررررررررة )
مررررررررة دي يعني ( شديد ) يا مبارك أبو زيد

المشاركة الأولى هجاء شديد اللهجة للأخ بالكو
لاحظ هنا إستخدمنا مفردة ( شديد ) يا مبارك لأن مرررررة دي لا تسخدم في كل الأحوال .

المشاركة التانية كانت ترحيب بأخونا ( سيما )
والله تستاهل الزبيحة يا سيما ( بس البهائم سرحت )

المشاركة التالتة كانت إعجابا بسواقة أبو النسب دوللي
خاصة السواقة في عالم الذكريات

المشاركة الرابعة كانت تهنئة للأخ دجور
في الحقيقة هم تهنئتين
التهنئة الأولى منبثقة منها ثلاثة تهاني صغنونة
الإنبثاق الأول بمناسبة فوز برشلونة على ريال مدريد
الإنبثاق التاني بمناسبة وصوله سالما في ذلك اليوم الممطر
الإنبثاق الثالث بمناسبة الرحول من حي النسيم

أما التهنئة الثانية والغير منبثق منها أي إنبثاق
فهي بمناسبة خطوبة الإبنة ( هديل )
ربنا يتمم بخير يا رب
لو ما ضربت ( ديك ) ( هديك ) بتضرب.
مدد يا هيثم مصطفى مدد

وتهنئة خاصة لإنضمام أم شهد للبوست
وبمناسبة هيفاء وهبي ونانسي ، قررنا إن نعزم نفسنا على خميسية كورنيشية في شواطئ الدمام
ومدام أبو النسب صلاح دوللي جاب السيرة ( مشتهيين ملوخية بالمفراكة )
بتعرفوا تسووها ولا نشيل حالكم
ما تخافوا الكسرة بنجيبها معانا
أم هديل معانا ما همانا

صلاح دوللي إنت ناس مقاصر ديل ما كلموك إن العفريت علاجه تاكل ليهو ( فحم ) ؟
يا رب ما يبقوا خمسة

doly
12-04-2010, 01:16 PM
اهلا بيك ياعكاسيه البيت بيتك الله يحفظك تاني حاجه نقدم لك وكل الزملاء والاقارب والاحباب

لزيارتنا بالدمام اما موضوع الكونكت ده اذا كان بالطريقه دي احسن اكتب اولا علي الورد word

احفظه لانها حصلت معي مره وحتي لايضيع مجهودك ****** ولك التحيه

doly
12-04-2010, 01:21 PM
والله ياعكاسيه لو كنا عارفين البيت كان مليان فحم

انت كنت بتاكل ولاشنو؟

عمر مصطفى
12-04-2010, 01:29 PM
تحية اكبار واجلال للذين انضموا الى هذا البوست وخاصة اولئك الذين اثروا البوست بالمشاركات
القيمة ...
تحية لحفيدي عمر معاصر بالعين ومش بالقاف..وربنا يسهل ليك..وما تخاف هذا زمن المنظمات..
بس اتنازل شوية للاجندة الخفية........
عوض علاق هون عليك لا تهتم ابدا بكبائر الامور عندما تخرج من صغائر العقول ونرجو منك الاقتراب
اكثر ما يمكن من الجموع المحبة لعوض علاق واشهد الله بانهم كثر وحاول تجاوز الذين ينصبون لك
الشباك وادفع بالتي هي احسن .......
عكاسية حبابك عشرة ونقول لك عذبتنا........لان امامي اليوم بضعة دقائق قضيت جلها عبر سطورك
الانيقة.....عودة قوية وحميدة...........
الف سلامة ابو حازم وتمنياتنا بالشفاء العاجل......
والشكر موصول للاخ دوللي على جهده الوافر والمقدر وبقية العقد الفريد ودمتم بالف خير وعافية...
لا اريد الاعتزار عن الغياب.. ونقول الله غالب تاركا شرحه لابو حازم ..........

doly
12-04-2010, 01:34 PM
ياخ عمر مقاصر مشتاقين لمقلاتك وياريت نزيد تعارفنا في هذ البوست الجميل

وقد تعرفت عليك من الاخوان حاتم عديل وعوض ومحمد علي ولك التحيه والتقدير

doly
12-04-2010, 02:37 PM
شكرا لك ياخ عمر مصطفي وكلامك عين الصواب ومشتاقين لاقوالك ومشاركتك واشكر ك علي
التشجيع الذي يجعل الكل يشارك والكل يتعارف وسلامات الف سلامه لابو حازم
التحيه لك ياعمر مصطفي سطور قليله بمعاني كبيرة بارك الله فيك وجعلك عونا ومساعد ومنعشا لهذ البوست
الذي عرفنا برجال وزنهم من ذهب

AwadAllaq
12-04-2010, 02:57 PM
اخي عمر مصطفى : حمد لله مليون على السلامة والوصول ولن نسأل عن الاسباب لأننا تأكدنا من غفاريتك ، ولكن نحن على ثقة بأنك في نهاية المطاف عائد عائد مهما طال الغياب ، ولكن والله نشتاق لكل حرف جميل تخطه أناملك ، ودائما نحاول بدء قراءة مشاركاتك دون النظر لنهاية المشاركة لانني حقيقة تصيبني نوبة من الاحباط عند الوصول للسطر الأخير من مشاركاتك ـ لانها دائما من العيار المتوسط في الحجم والعيار الثقيل جدا من حيث المحتوى، فدمت أخي عمر زخرا للبوست ومنتديات مقاصر ومقاصر وكياناتها بالجماهيرية.
أما صغائر العقول التي تصدر منها كبائر الامور فهذا ديدنهم دائما وقلنا رأينا فيهم منذ أمد بعيد ، ونحن دوما ندفع دائما بالتي هي أحسن أخي عمر ونعطي لكل ذي حجم حجمه ، ولا أعني هنا حجم الاجسام ولكني اعني حجم العقول فالبطون والكروش تكبر بسرعة الصاروخ في بلاد الغربة وتأتي معها الامراض ، أمراض البدن وأمراض العقل وأمراض النفس ، ولكن وكما نردد دوما مع أغنيات الراحل مصطفى سيد احمد:
لا عليك فعلى هذه السفوح المطمئنة نحن قاتلنا سنينا واقتتلنا
نحن سجلنا التآلف في انفعالات الأجنة
والمدى يمتد وجدا عابرا هذه المدينة
خبريني هل انا ابدو حزينا
هل انا القاتل والمقتول حينا والرهينة
هل أنا البحر الذي لا يأمن الآن السفينة
خبيئيني بين جدران المسام
قبليني مرة في كل عام
فأنا اشتاق أن أولد من عينيك طفلا من جديد
ارتدي اللون البنفسج أعتلي شكل الهوية
فتلك كلمات اهديها لكل محبي عوض علاق ونحن دوما نحاول أن نمسك بناصية القلم بكل وعي وبكل محبة وبكل صدق لنقدم ما بوسعنا لجزيرتنا الخضراء .
تحية خاصة في نهاية المشاركة لأخونا وحبيبنا أحمد نور فوالله مجرد تواجدك واطلاعك أخي احمد يزيدنا اصرارا وعزيمة على بذل المزيد والقادم أحلى بإذن الله ولكن أخونا أمين خضر لا بواكي له.

مختار العوضة
12-04-2010, 05:05 PM
امشكورين علي التعريف الجميل حصل لي موقف ظر يف مع عبد الرحمن سر الختم مسؤل في حجار وبعدين جيت للتعين اول ماشافني سالني انتا من وين فرديت اني من مقاصر قال لي ناس منو قلت له العوضنجي فقال اعوز بالله هل العوضاب كعبين للدرجه دي

doly
12-04-2010, 07:42 PM
انظرو ماذاوجدو مع هذه الطالبه فى كلية

في احدى الجامعات العربيه وفي بلد ملئ بالخيرات شوفو مايحدث

الأسابيع الماضية اجتمع مجلس الإدارة بالكلية كالعادة :: ومن ضمن القرارات والتوصيات التي

خرج بها المجلس أن يكون هناك تفتيش مفاجئ للبنات داخل القاعات :: وبالفعل تكونت لجنة

للتفتيش وبدا العمل :: طبعا كان التفتيش عن كل ممنوع يدخل إلى حرم الكلية :: كجوالات الكاميرا

والصور ورسائل الحب ......وغيرها


كان الأمن مستتب :: والوضع يسيطر عليه الهدوء :: والبنات يتقبلن هذا الأمر بكل سرور:: وأخذت

اللجنة تجوب المرافق والقاعات بكل ثقة :: وتخرج من قاعة لتدخل الأخرى :: وحقائب الطالبات

مفتحة أمامهن ::. وكانت خالية إلا من بعض الكتب والأقلام والأدوات اللازمة للكلية


انتهى التفتيش من كل القاعات :: ولم يبقى إلا قاعة واحدة حيث كانت هي موقع الحدث .. وحديث

الموقع فماذا حصل ؟؟؟!


دخلت اللجنة إلى هذه القاعة بكل ثقة كما هي العادة :: استأذنّ الطالبات في تفتيش حقائبهن


بدا التفتيش...


كان في طرف من أطراف القاعة طالبة جالسة :: وكانت تنظر للجنة التفتيش بطرف كسير :: وعين

حارة :: وكانت يدها على حقيبتها :: وكان نظرها يشتد كلما قرب منها الدور :: يا ترى ماذا كانت

تخبئ داخل الحقيبة؟؟؟


وماهي إلا لحظات وإذا باللجنة تفتش الطالبة التي أمامها


أمسكت بحقيبتها جيدا:: وكأنها تقول والله لن تفتحوها


وصل دورها


بدأت القصة


أزيح الستار عن المشهد


افتحي الحقيبة يا بنت:: نظرت إلى المفتشة وهي صامته :: وقد ضمّت الحقيبة إلى صدرها


هات الحقيبة يا طالبه ... صرخت بقوة ...لا...لا...لا


اجتمعت اللجنة على هذه الفتاة :: وبدا النقاش الحاد ..هات ..لا..هات..لا..


يا ترى ماهو السر ... وماهي الحقيقة ؟؟؟


بدأ العراك وتشابكت الأيادي .. والحقيبة لازالت تحت الحصار


دهش الطالبات اتسعت الأعين :: وقفت المحاضرة ويدها على فمها


ساد القاعة صمت عجيب :: يا إلهي ماذا يحدث وماهو الشيء الذي داخل الحقيبة وهل حقاً أن فلانه

وبعد مداولات اتفقت اللجنة على اخذ الطالبة وحقيبتها إلى إدارة الكلية :: لاستئناف التحقيق الذي

سوف يطول ...


دخلت الطالبة إلى مقر الإدارة :: ودموعها تتصبب كالمطر:: أخذت تنظر في أعين الحاضرات نظرات

مليئة بالحقد والغضب :: لأنهن سيفضحنها أمام الملأ :: أجلستها رئيسة اللجنة وهدأت الموقف وقد

هدأت هذه الطالبة المسكينة قالت المديرة ماذا تخبئين يا بنتي..؟


وهنا وفي لحظة مره :: لحظة عصيبة :: فتحت الطالبة حقيبتها


يا إلهي ..ما هذا؟؟؟


ماذا تتوقعون ... ؟؟؟




انه لم يكن في تلك الشنطة أي ممنوعات :: أو محرمات :: أو جوالات :: أو صور :: لا والله


انه لم يكن فيها إلا بقايا من الخبز ( السندوتشات )


نعم هذا هو الموجود


وبعد سؤال الطالبة عن هذا الخبز


قالت : بعد أن تنهدت


هذا بقايا الخبز الذي بعد فطور الطالبات:: حيث يبقى من السندوتش نصفه :: أو ربعه :: فاجمعه

وافطر ببعضه :: واحمل الباقي إلى أهلي ...


نعم إلى أمي وأخواتي في البيت ليكون لهم الغداء والعشاء


لأننا أسرة فقيرة :: ومعدمه :: وليس لنا احد ولم يسال عنا احد :: وكان سبب منعي من فتح الحقيبة

لكي لا أحرج أمام زميلاتي في القاعة .. فعذرا على سوء الأدب معكن


في هذه الأثناء انفجر الجميع بالبكاء :: بل وطال البكاء أمام هذه الطالبة الموقرة ::


وأسدل الستار على هذا المشهد المؤلم الذي نتمنى جميعا ألا نشاهده


لذا إخواني وأخواتي هذه حاله واحدة من المآسي التي ربما تكون بجوارنا في الأحياء وفي القرى

ونحن لا ندري وربما نتجاهل أحيانا عن هؤلاء


فيا أيها الأحباب أبواب الجمعيات الخيرية وهيئات الإغاثة وأئمة المساجد مفتوحة أمام أهل الخير

الذين يريدون سد حاجات إخوانهم أمثال هؤلاء


وبالله التوفيق

doly
12-04-2010, 08:42 PM
وصفه غذائيه

اربع بيض مسلوق عدد 2 باذنجان مطول

جوف الباذنجان وضع البيض المسلوق بداخله

ثم حمر الباذنجان بالزيت ثم يقطع دوائر لتحصل علي الالوان التاليه

الابيض والاصفر والاسود ***** ياربي ده لون علم الي دوله؟

المهم بعد التقطيع رش ملح وكمون(شمار) واكل بس بالله اكل قريب من مستوصف

وسلامتكم































الابيض ولاصفر

doly
12-04-2010, 09:04 PM
انا عارف اول من سيجرب الوصفه الغذائيه دي حاتم عديل بس لاتنسى الوصيه

حاتم عديل
12-04-2010, 09:53 PM
انا بجربها لانى عارفك الاتأتى الا بالشئ الطيب يااستاذ الاكلات الطيبة يكفى انك تأتى انت وصاحبك الى الخبركل صباح من اجل الفطور فى مطعم الوزان 0 نرحب بالاخت أم شهد ونتمنى لها طيب الاقامة فى بوست تلك البقعة الطيبة 0

doly
13-04-2010, 12:36 AM
يوميات في مقاصر الحلقه الاخيرة



في أحد الايام كنت جالس بجوار دكان عرب نتود والله ياخونا كان معي واحد بيتونس معي


وفارشين مفرش وبنشرب في الشاي وفي وقت متأخر من الليل قلي لي من معي انا ماشي

البيت والله سمعت صوت واحد جاي بحمار وصوت مشي الحمار سامعه قلت لزميلي حظك كويس

اركب الحمار مع الجاي والله العظيم مارأيت ا لا تراب (غبار ) مر من جوارنا قمنا جرينا ومن الخوف

فوتنا البيت ما عرفنا البيت من اي اتجاه . المهم كان فيه واحد جالس بيبول في ركن الشارع الضيق

قلت بسم الله الرحمن الرحيم وتناولت حجر من الارض ورميته علي ظهره قام وجري ورايا وهو

بيرطن قلت با نهار اسود عفاريت مقاصر بترطن وبسرعه لفيت الشارع بكل قهوة وفعلا ياخونا

الي يخاف من العفريت يطلعله تعرفو شفت شنو ياخونا والله ياخونا لايمكن تتخيلو المنظر

اضغط علي هذا الرابط لتري مارايت

http://stuff.pyzam.com/toys/tictacscare.swf

ثم علي play ثم علامة ْx ودبل كليك مرتين او ثلاث وانتظر قليلا لتري ما رايته

وبهذا نكون انتهينا من يوميات في مقاصر وقريبا انشاء الله يوميات بالخرطوم


اعمل دبل كليك علي المربع

وانتظر قليلا

أحمدفضل
13-04-2010, 03:13 AM
الأخ العزيز -دولي

السلام عليكم ورحمة الله وبركاته

اخي الفاضل والله حرام عليك انا جالس مستمتع في القصه وقع مني الشاي و الكميوتر وكانت حاجه صعبه شديد والله يسمحك

doly
13-04-2010, 10:13 AM
الاخ احمد فضل خيرها في غيرها .وانت كيف الاحوال التحيه لك وعايزين ياخونا انعاش البوست

كل واحد منا يجيب اللي عنده مقالات او قصص ان شاء الله قراصه بالويكه

AwadAllaq
13-04-2010, 11:11 AM
نرحب بالاستاذ احمد فضل من دولة السويد ونتمنى أن يطيب له الاقامة ببوست مقاصر ومنتديات مقاصر ونتمنى أيضا ان تكون اضافة للبوست كما نتمنى معرفة المزيد عن شخصكم من خلال البوست

ابو صلاح سريع كملت المخزون ولا شنو الحاصل ؟ انت يا دوبك جوة مقاصر وما طلعت منها ولا سمعنا شيء عن فترة الخرطوم ولا عن عربيتك الكركعوبة اللي كنت بتجري بيها يمين يسار أيام حرب الخليج مخافة الموت، والبركة في وجود رفيق الدرب الباشمهندس مصطفى الطالع نازل معاك ويديك التوجيهات عشان ما تموت بكيماوي ولا مصيبة زمان

أبوحازم
13-04-2010, 01:19 PM
صباحكم عافية ، والشكر أجزله لجميع الأخوة الذين سألو عنى فى الخاص والعام ، وخاصة عن صحة الوالدة والحمد لله هى بلغت الصحة ونتمنى من الجميع الدعوات الصالحات سائلين الله الشفاء التام للوالدة ، ولكل مرضى المسلمين.
فى الحقيقة من فترة فارقت من شفاهنا البسمة ، ليعود أخونا المبدع دُولًى بحكاويه الطريفة ، وجعلنى أضحك من أعماقى بصوت عالى وأنا جالس فى حجرة المنزل لوحدى.
المعذرة لباقى الأخوة مارديت على تعليقاتهم ، أنا قادم رويدا رويدا

محمد علاق
13-04-2010, 03:19 PM
يااااااااااااااااا صلاح دوللى جننتنااااااااااااا الله يسامحك

محمد سعيد علاق

أكاسمار
13-04-2010, 04:53 PM
مرحبا تاني .. ومرحب خاص للرائع عوض علاق ... شنو باناس عمر ودولي ما في مرحب ساي وأنا أقول ليكم أقبلوني علي العموم حاتقل دمي وأخش من غير مرحب ثم تانيا ماشايفنكم هناك وماعارفين ليكم طريق لأنو بعيدين لظروف كده وبالتالي حقو تورونا إنكم بي جاي ... وياعمر بالكو طواااااالي شغال الجماعة كده ... وانا اقول المنتدي هناك هادئ مالو اتاريك مافي وقاعد هنا ... بودي أعرف الحاصل شنو بس دي 112 صفحة يعني مافي طريقة أعرف علشان كده أنا ما مؤاخذ لو كتبت حاجة بايتة (نيريسي) أو سألت زول عن حاجة وهو كاتبها .... واوعك ياعمر بالكو

doly
13-04-2010, 06:29 PM
التحيه والتقدير ل اكسمار (ياه اسمك صعب اوي ايه الحكايه مافيها اختصار علي العموم نورت

البوست وجئت بين اخوانك لك التحيه اما موضع الاسم ده بعدين افهمه من حاتم عديل وعوض

المهم نشكرك بكل حرارة

أكاسمار
13-04-2010, 10:12 PM
شكلك ما بتعرف الانداندي يادوللي .. الإسم أكاسمار وليس أكسمار .. وتقريبا الأسم ما اصعب من عكاسية الشال إسم العيلة وعربها ... سمعنا أن عوض علاق سيجلس في الكرسي الساخن بمنتديات مقاصر فهل له ان يؤكد لنا هذا الحديث الذي نتمني ان يكون صحيحا والذي بالتاكيد كنا نسعي جديا بان يعود ومعه كل الذين هجرو المنتدي... أحكي يا علاق

أحمدفضل
14-04-2010, 01:17 AM
السلام عليكم ورحمة الله وبركاته

الأخ العزيز -عوض علاق

أشكرك جزيل الشكر علي الترحيبك واتمنا من الله لك بدوام الصحه وان يرجعنا الله الي ارض مقاصر الخضراء

doly
14-04-2010, 01:36 AM
مهما مر الزمن من هو الشخص الذي لن تنساه







تمر بك الأيام . . . . وتنكسر عليك السنين . . .
وأنت ربما تتغير وربما تظل على حالك
لاتتغير سواء فى شكلك
أو أفكارك فى مظهرك أو جوهرك
تعرف اشخاصا . . . . . .
بعضهم عظيم وبعضهم ؟؟؟؟؟؟. . . ..
بعضهم صغير وبعضهم كبير . . . .
بعضهم يترك فى نفسك أثرا
وبعضهم يمر عليك مرور الكرام ربما
لاتتذكر أصلا أنك رأيته
منهم من يصنع لك معروفا ... . .. .
و منهم من يسىء اليك وكثيرا ما نسمع عن اشخاص تغيرت حياتهم
بمجرد كلمة أو بمجرد فعل
قام به أحد ما أمامهم
سواء كان هذا التغير إلى الأفضل
أو إلى الأسواء

وهناك من الناس من إذا رأيته
ولو لمجرد بضعة ثوانى يظل شكله مرتبط بذهنك
وهذه ليست مهارة من هؤلاء
ولكنها موهبة منحها الله لهم
وهناك من الناس من لايملك من المكانة
الاجتماعية الكثير
ولكن ربما تكون حياته تصلح
لأن تكون فيلما سنمائيا ويحقق نجاحا

وهناك شخص يضع بصمة فى حياتك أنت فقط
ولايضع هذه البصمة فى حياة أحد غيرك
هذا الشخص هو ..الحبيب.. وأنت فى حياتك مثل هؤلاء الكثير
ولكن من بينهم واحد لايمكن أن تنساه
ربما يكون هذا الانسان هو
الصديق
الحبيب
أحد أقاربك
استاذك
شخص قدم لك نصيحة غيرت فيك الكثير
شخص رأيته ولو مرة واحدة فى حياتك
من هو ذاك الذى لايمكن أن تنساه حتى
لو مر عليك زمن طويل
لاشك أنه يحتل مكانة كبيرة فى عقلك أو قلبك
ولا شك أنه بالفعل يستحق ذلك
من هو ذاك الذى لايمكن أن تنساه حتى لو مر عليك زمن طويل؟؟؟


ننتظر اجابتكم وارائكم

doly
14-04-2010, 02:01 AM
أيهما أجمل قلب يحبك أم عين تحترمك ؟!

جميلٌ أن يوجد في الدنيا قلب ٌ يحبك
وأجمل منه أن يكون ذاك القلب طيب ٌ وصادق
ونقي !

جميلة هي نظرة الإحترام ...
والنظرة قد تكون نظرة بالعين أو نظرة بالكلمة
كأن تنطق العين نيابة عن اللسان أو ينطق اللسان بنفسه ... أو تنطق اليد بكلمات تكتبها
جميلة تلك النظرة إن كانت من أي شخص ...
الأجمل أن تراها في عين شخص تحترمه وتقدرّه....
ذاك يعني لي الكثير ............


ربما أهتم بالحب كثيراً ............ ولا أدري إن كان الاحترام لابد أن يكون مقروناً بالحب أم لا؟؟؟
أقصد الحب الطاهر ..الحب الإنساني ..بالطبع
لكني لاأنكر أن نظرات الاحترام تصنع مني انساناً آخر ...
كبارٌ أولئك الذين يحترموك بتواضعهم ...
شخصيات أحترمها ولازلتُ ... ولها مني كل تقدير
لها مواقع اجتماعية راقية ....
حين تقدم لي كلمة احترام ...فماذا عسايّ أفعل ؟!
لا أدري ...هل يفهم أحدكم معنى ما اكتبه ....
أو جرّب هذا الشعور ...
دمتم بحب وإحترام ....
الحب جميل إن كان صادقاً ....
الاحترام جميل إن كنا نستحقه !
الحب بسمة صادقة ..والإحترام وردة تُغرس في أرض قلبك فتنعشه !
فأيهما أجمل قلب يحبك أم عين تحترمكهناك اناسا يحبون انفسهم يحبون التفاخر.....يحبون المدح لانفسهم
وليس لغيرهم سيطرة علي قلوبهم الأنا.....ولكنه محلك سر.....

هو صغير مهما كبرت احجام المديح......... ومهما كثرت
ايهما أجمل الي قلبك قلب يحبك ويحترمك ام قلب ملئ بمديح السراب

doly
14-04-2010, 09:10 AM
دعاء


اللهم أن كان لي رزق في السماء فأنزله وإن كان لي رزق في الأرض فأخرجه
وإن كان معسراً فيسره وأن كان بعيداً فقربه وإن كان حراماً فطهره

doly
14-04-2010, 09:25 AM
كيف تعرف بأن أحد الفيتامينات ناقص لديك ؟

إذا كنت تعاني من:

• الالتهابات المتكررة وخصوصا في الجزء العلوي من الجهاز التنفسي.

• ظهور تقرحات في الفم .

• العشى الليلي .

• جفاف وتقشر الجلد .


فأنه يوجد لديك نقص في فيتامين (( a )) وهو موجود في:

1. زيت كبدالحوت / الجبن / اللبن / القشطة .

2. النباتات الخضراء والملونه مثل : السبانخ / الجزر / الخس .

3. الكرنب / الطماطم / البقول / الخوخ / عصير البرتقال .

*** [/[SIZE="5"]SIZE]إذا كنت تعاني من:

• الإجهاد المتواصل .

• عدم القدرة على التركيز .

• تشقق الشفاه .

• التحسس من الضوء .

• القلق المستمر .

• الأرق .




فأنه يوجد لديك نقص في فيتامين (( b )) وهو موجود في:

1. الخميرة / الكبد / اللحوم / صفارالبيض .

2. الخضروات / الفواكه / الفول السوداني / السبانخ / الكرنب / الجزر.***

إذا كنت تعاني من:

• الإصاب ة المتكررة بالبرد .

• نزيف اللثة .

• عدم التئام الجروح بسهوله .




فأنه يوجد لديك نقص في فيتامين (( c )) وهو موجود في:

1. الكبد / والطحال والموالح بكثرة .

2. عصير الليمون / البرتقال / اليوسفي الفراولة / الجوافة / الفجل / التفاح / الكرنب / البقدونس / الطماطم .

***

إذا كنت تعاني من:

• آلام المفاصل آلام الظهر .

• تساقط الشعر .




فأنه يوجد لديك نقص في فيتامين (( d )) وهو موجود في:

1. زيت كبد الحوت / والقشطة / اللبن / صفار البيض / وفي اشعة الشمس .

***
أذا كنت تعاني من:

• الشعور بالتعب عند اقل جهد .

• بطىء التأم الجروح .




فأنه يوجد لديك نقص في فيتامين (( e )) وهو موجود في:

1. الخضار الورقية: كالخس / الجرجير / البقدونس / السبانخ.

2. وزيت بذرة القطن / زيت الصويا / زيت الذرة / بادرات القمح.
ملاحظة:

إذا كان عندك ملل من الدنيا وضيق في النفس وقلق وتفكير زائدين وخوف من المستقبل وعدم راحة في العيش ،،

فلديك نقص.. في فيتامين الدين

وستجده إن شاء الله بالصلاة والاستغفار وطاعة أوامر الله سبحانه وتعالى





اذا كنت تعاني من جوع مستمر وعطش مستمر فأنه ينقصك
فيتامين
1- قراصه خمسه بوصه بالويكه
2- مويه من اي زير بمقاصر
3- وسلامتكم

doly
14-04-2010, 09:54 AM
والله ياخونا البتاع ده اللي كل شويه يطعلي علي الصفحه( ابو دقن وشنب ) كرهنا الكتابه

كل ما افتح البوست يطلعلي شوش علي الافكار نلقاها منو ولا من عفاريت مقاصر ها ها ها كمان هاهاهاها بس كفايه

بشير كهران
14-04-2010, 10:46 AM
تحياتنا لك الاخ دولي وانت تثري البوست بمواضيع جميلة بعد الرحلة الممتعة لمقاصر يديك الف عافية اخي . .
الاخوان بالشرقية الظاهر مشغولين بالانتخابات اليومين ديل . .
- الاخوان دجور وعكاسية قالو حيصوتو لي مرشح رمز (الشامبيون ) . . . ما عرفنا السر شنو . . ؟ 3ujs0l:j

بشير كهران
14-04-2010, 10:57 AM
والله ياخونا البتاع ده اللي كل شويه يطعلي علي الصفحه( ابو دقن وشنب ) كرهنا الكتابه

كل ما افتح البوست يطلعلي شوش علي الافكار نلقاها منو ولا من عفاريت مقاصر ها ها ها كمان هاهاهاها بس كفايه

ههههههههههههه حلوة دي . . .
دا اسمه عمو خزعبل بتاع المنتدى ( دا الفكي بتاعنا . . ) اعمل حسابك منو يا دولي . .

AwadAllaq
14-04-2010, 01:34 PM
عذرا أخي الاستاذ صلاح دوللي دعني أعيد دفة الحديث لمقاصر وشئون مقاصر واحداث مقاصر واشخاص مقاصر وكل هو ذي صلة بمقاصر واهل مقاصر .

أخي أكاسمار : لك التحايا ولكم تمنينا انضمام أشخاص بأعينهم للبوست وانت منهم وقبلك الخال القابع في كوووبا لاننا تحدثنا كثيرا في هذا الامر ووجدت الافكار مشتركة بصورة كبيرة

أما عن عودتنا لمنتديات مقاصر أكاد اجزم أنه من الاستحالة العودة لها في ظل الوضع الحالي وجلست في الكرسي الساخن ابتداءا من صباح هذا اليوم لتوضيح الحقائق عن اسباب تغيبنا عن منتدى جزيرتنا الحبيبة وستجد التفاصيل في ردودي على اسئلة رواد المنتدى ابتداءا من اليوم وبعد ان اكمل جلستي في الكرسي الساخن سانسحب حتى تعود الامور لنصابها ولا احد اخي محمد يرفض أن يكون بين اهله واخوانه ولكن ليس على الحالة التي عليها المنتدى ولا داعي للخوض في تفاصيل اكثر من خلال البوست لاني ساتعرض لها من خلال الكرسي الساخن

عمر مقاصر
14-04-2010, 02:12 PM
ننتظــــــــــــــــــــــــر ونششششششششششششووووووووووووف او نشششششششششششششوووف ونتظــــــــــــــــــــــــــــــــــــــــــــــ ــــــــــر...................... ايهمـــــــــــــــا أسبـــــــــــــــــــــــــق؟؟؟؟؟؟؟؟؟؟؟؟؟؟؟؟؟؟

عمر مقاصر
14-04-2010, 02:27 PM
الف مليون دشليون مرحب بيك اخونا اكسمار ولولا ظروف الحياة لما تاخرت عن الترحاب بشخصك فنرجو المعذرة ...................

كمان يمتد الترحيب بالاخت (أم شهــد )) فالف مرحبتين حبابك عزيزة وغالية ...................

اخونا عمر مصطفي نرجو التوضيح في المقصود مابين العين والقاف وكمان نؤكد لك قمة جاهزيتنا عن الاجندة الخفيــــة فما تسرح بعييييد ياحبيـــــــــب .


وكمان نرحب بي مولانا / محمد سعيد علاق خط الدفاع الاول لي بالكــــــــــــــو.... من زمن سوق الوحــــــدة.

AwadAllaq
14-04-2010, 02:35 PM
أخي عمر
لا مشكلة في الانتظار ولا مشكلة في الشوف وأتمنى ألا تمل الانتظار فنحن لم نذهب لنعود بنتائج مرجوة ولكنا لنوضح الحقائق عندما كثر اللغط حول هجرنا لمنتديات مقاصر وكثر السائلون وغيبت الحقائق وحرفت بعضها وفسرها، كل حسب هواه ، ولندع روح الانهزامية وتعال وشوووووووووووووووووووووف ما ذا نحن فاعلون في الجانب الآخر .

doly
14-04-2010, 09:07 PM
شكرا للمشرف علي منتدي دنقلا علي الملاحظه والذي يتم التمشي بموجبه لك

التحيه ووصلت الرساله ومشكوور

doly
14-04-2010, 11:36 PM
التحيه لك ياخ بشير كهران والفكي دة ياربي هايستمر ينطط كده طوالي

بشير وينك غايب من مده عن البوست لعل المانع خيرا علي العموم نورت المنتدي

ونتمني لك التوفيق ....... دولي

doly
14-04-2010, 11:46 PM
والله ياخونا يأهل بلدي مقاصر انا ملاحظ اليافطه اللي بتلف دي تغيرت

الاول كان عضو جديد ثم اصبحت عضو نشط ثم الي عضو فعال

والله ترقيات حلوة بس اوع تعملو زي المنتديات التانيه (الاخري)

وبعدين تشيلوني للصالح العام ها ها ها ها ها كمان ها ها ها بس كفايه كده

زوراتاوى
15-04-2010, 12:51 AM
جيناكم ياحبايبنا اهلنا فى مقاصر الخضراء والتحايا العطرة لكل اهلى فى مقاصر الخير
بس افيدونا عن اخوة كرام فرقنا الزمن لفترة طويلة جدا
منهم
اشرف سيد
الصادق عبد الحفيظ
حميد
شمام عبد العزيز
ولكم خالص التحايا

doly
15-04-2010, 02:33 AM
فرامل في الهواء

الساعه 12 تقريبا والله جالس في بوست مقاصر وكتبت عن اليافطه اللي بتلف وكنت لسه بحضر في

موضوع تاني حسيت بنعاس شديد قلت افرد ضهري في الارض شويه الجماعه في البيت جابو العشا

ووضعو الصينيه فوق طرابيزة صغيرة زاد النعاس ثم نوم عميق حلمت انا سايق السياره ووجدت امامي

باص النقل الجماعي وقف فجاءة وكأني كنت سايق شاحنه بكل قوتتي ضربت فرامل مستخدما الطاربيزه

وضربتها بقوه وراحت الطرابيزة بما فيها من طعام لتستقر هناك عند دولاب الملابس مع صياح زوجتي

في شنو ؟......... جنيت ؟....................... وسلامتكم ماشي اكمل نومي

doly
15-04-2010, 10:26 AM
اهلا بيك يازوراتاوي بين اخوانك والبوست نور مرحب بيك

doly
15-04-2010, 10:42 AM
سؤال غريب

طبعا احنا قعدنا في مصر كثير مثل ماذكرت في يوميات مقاصر ممكن شخص مقاصري علي السكين

وليس صناعه تايوانيه مثلي يجاوب علي الاسئله دي هي

1- الساقيه القديمه الله يرحم ايامها فيها ازيار تدلو بالمياه كم عدد الازيار المربوط فيها ؟

2- الاغاني المعروفه التي يتغني بها المزارع اللي مباشر وراكب فيها؟

3- الافضل الساقيه اللي زمان ولا الدونكي (al donky) ( لامؤاخذه في الكلمه الاخيره دي) في وقتنا الحالي


وسلامتكم.........

عمر مصطفى
15-04-2010, 02:00 PM
نرحب ترحيب حار بكل الذين انضموا الى البوست وخاصة اخونا من الزورات وعبره التحايا العطرة
للاخوان عصام عبدالله وعمر يوسف واالاستاذ الفاضل الزبير وكل الزملاء بمدرسة مشو المتوسطة
في الثمانينات...وتقبل تحيات الصادق عبد الحفيظ المتواجد بالجماهيرية الليبية........
وترحيب حار جدا بقريبي الاخ العزيز احمد فضل عبد الجليل ولتوضيح صلة القرابة للاخ عمر وعلاق
حبوبة الاخ احمد من جهة والدته هي الراحلة ام الحسن الشهيرة بجوي شقيقة الراحلة والدتي
نفيسة عبد الحي نقد الملك...اخي احمد من شواطئ البحر المتوسط ومن ص.ب727 ومن مداخلها
ومخارجها ومن ازقة جامع القبطان لك وللاخ عبد المجيد ارق التحايا ..طارقة اجنبية درس على اليمين
صبح وخير.......والله غالب.......
قريبي عمر انت ما تعديها لازم تحفر معاصر مجرد كلمة لانك بتقول لكل الدفعات هم دفعتك وانا احيانا
عمك واخرى اخوك ارسي على بر ..مش بايدك الريشة عند السنوات حتى ولو تقدم الطب.......

AwadAllaq
15-04-2010, 02:08 PM
حبيبنا عمر مصطفى : قسم برب الكعبة اخجلتم تواضعنا في الجانب الآخر ونتمنى في مستوى ما ذكرته واتمنى ان نوفيك حقك في الرد بداية الاسبوع القادم

صلاح دولي : شايفك كل مرة سايقنا لي جهة مرة تطلعنا برة مقاصر وبوست مقاصر وتلف ترجع ، بس ركز لينا على الذكريات

الزوراتي : مليون مرحب والبيت بيتك وهللت اهلا
اما الاخوان الذين سألت عنهم :
شمام عبد العزيز بالرياض بالمملكة العربية السعودية وممكن نشوف ليك جواله في مقبل الايام
الصادق عبد الحفيظ طه بالجماهيرية العربية
اشرف سيد زين العابدين مقيم بجزيرة مقاصر
اخونا عمر مقاصر ان شاء الله تكون اقتنعت بالاسباب والمبررات
نشوفكم السبت لو مد الله في الآجال

أحمدفضل
15-04-2010, 02:24 PM
الأخ العزيز -عمر مصطفي

السلام عليكم

اذف أليك تحياتي من ارض الصاقيع الي عروس البحر المتوسط والله مشتاقين شديد كم مره حاولت ان اتصل بيك عن طريق المسنجر

تحياتي الي جميع الاخوان في طرابلس

عمر مقاصر
16-04-2010, 03:14 AM
وينكم اليوم ياشباب لا حس ولا خبر لعل المانع خيــــــر بعد ماكنا بنسجل من القمــــة ووصفونا بالطابور الخامس وناس الليل وخفافيش الظلام بقينا ندعمهم بالمحترفين من العيار الثقيل فهنئيا لهم والبقية بعدييييييييييييييين يادجوووووووووووووور

doly
16-04-2010, 10:09 AM
الي الاخ عمر مقاصر

يأخ عمر الناس ديل اليوم الخميس كلهم بالكورنيش اجتماعات وتناول العشاء

علشان كده مسجلين غياب بس احنا حقو نعمل دفتر حضور وغياب .........وسلامتك

اما الذين وصفونا بخفافيش الليل احسن من صراصير النهار

عكاسية
17-04-2010, 11:51 AM
ديل أخير من غيرهم
غيرهم عملوا شنو

على الأقل ديل شبعوا أخير من اليجينا جعان

وبعدين ديل إنجازاتهم ظاهرة للعيان
ما هي الإنجازات ؟
طلعوا لينا البترول

يعني بتقدر تعبئ الـ Tank Full ؟؟
لا !! شعارنا حق اليوم بيوم
يعني بتكب بي كم في اليوم
بي تلاتة ألف
بتمشيك كم يوم ؟؟
ما قلنا حق اليوم بي يوم

أها تاني الإنجازات شنو ؟؟
في كل مدينة في جامعة
وين جامعة الخرتوم
الجامعات سواسية كأسنان المشط
ياخي جامعة الخرتوم دي كانت مفخرة للسودان
جامعة واحدة بس اليقرأ فيها منو
أخير لينا عشرين جامعة والناس كلها تقرأ
بدل جامعة واحدة مفخرة والطلاب محرومين من الدراسة
يعني من كلامك دا الطلاب الإتخرجوا ديل مؤهلين
ما مشكلة التأهيل
المهم يكون عندهم شهادات
وبعدين التأهيل بيكتمل مع الشغل
طيب وينو الشغل زاتو
إنت خليك ماسك الدرب عشان تشتغل
والشغالين الماسكين الدرب ديل حسي خلاص إتأهلوا
ااااااااااااي
طيب مبنى جامعة الرباط وقع ليه ؟؟
ما مشكلة بتعلموا من غلطاتهم

أها الإنجازات شنو تاني ؟؟
الكباري دي إنت ما شايفها ؟؟
زمان ما كان في كباري والناس كانت بتزور بعض
حسي في كباري ومافي زول بمشي لي زول تفتكر ليه ؟؟
الناس بقت ما زي زمان
ليه حصل ليها شنو
النفوس بقت ما طيبة
زمان كان الجار بقسم اللقمة مع جارو
وحسي ؟؟
حسي اللقمة ما مكفية البيت
طيب زمان أحسن ولا حسي أحسن
زمان طبعا
من بتين كدا حدد ؟؟
تقدر تقول من زمن نميري
ليه يعني من زمن نميري
زمن نميري الطلبة كان بتقرا مجاني
وكان بياكلوا مجاني
وساكنين مجاني
والعلاج مجاني
والراتب كان بيكفي وبيفضل
والواحد كان ساكن في بيت أقل حاجة أربعمائة متر
وحوش سهلة
طيب النميري دا شلتوه ليه
لأن كان دكتاتوري
دكتاتوري يعني شنو
دكتاتوري يعني مستبد بحكمه ومافي ديمقراطية
طيب الشالوا منو من الحكم
شالو الترابي
وجاب منو بدلو
جاب الديمقراطية
وأها الديمقراطية نجحت ولا فشلت
فشلت
والأنقذكم منها شنو
الترابي برضو
عمل شنو تاني الترابي
عمل إنقلاب وجاب البشير
والبشير دا ليه كم سنة في الحكم
واحد وعشرين سنة
واحد وعشرين سنة يحكم براهو طيب دي ما دكتاتورية برضو
لا حسي في ديمقرطية
كيف يعني ديمقراطية
حسي في إنتخابات
والحيفوز منو ؟
عمر البشير
عمر البشير ما كفاه
لا ما كفاهو دا يادوب بدأ
كيف يعني يادوب بدأ
يعني يادوب حتشوف الإنجازات
والجبة
وقعت
في
البير
وصاحبها
واحد
خنزير
والهون
ضرب
التلفون
الــــخ .....

الأخوان صلاح دوللي وعمر بالكو الرجاء الهدوء والبعد عن المهاترات

بدرالدين محمد ( دجور )
17-04-2010, 12:57 PM
تاااااااااااااااااااااااااااااااااااااااني
خربشااااااااااااااااااااااااااااااااات
ياااااا عكاااااااااااااااااااااااااااااية

سألوا بتاع الشربا بترشح منو :

واحد من تلاتة : نمرة واحد ( بتاع مشروب شامبيييييييييييييييون
: نمرة اتنين ( خلف الله ما عذبتنااااااااااااااااااااااا
: نمرة تلاته ( المرا بت عبدالمحموووووووووووود

عكاسية
17-04-2010, 02:10 PM
شامبيون بداية الغيث يا دجور أصبر شوية كدا حتشوفها فاتحة زي ما قبل قوانين سبتمبر

ناس تشبه الشعب السوداني ( بعم عبد الرحيم ) وناس تشبه الشعب السوداني ( بخلف الله )
فرق يا العالم العايزة تضحك لمجرد إنها عايزة تضحك
تضحك من منو وتضحك في شنو
أرقص يا عمك ( هذي المرجلة )
المرا بت عبدالمحموووووووووووود
برفيسور لو سمحت يا دجور
عارفين قدرها البعرفووها

راجع اللستة
بروفيسور
دكتور
خريجون
متعلمين
الخلف دور

عالم تعشق البووووت

doly
17-04-2010, 02:44 PM
اولا قرأت موضوعك ديل اخير من غيرهم نعم صحيح والمعارضه انسحبت من الانتخابات لانهم شعرو بالفشل

اخي عكاسيه رد علي ماقيل من الوصف بالخفافيش احب اعرفك انني ليس طرف صراع بين الاخوان

ولكن وصفهم للمجموعه ككل هذه هي المهاتره اما ماقلته هو رد وهناك فرق بين المهاتره والرد

علما والله لاعرف من قالها حتي لايشك البعض انيي متحيز لطرف دون الاخر المهم من قال هذة العباره

يقولها علي شكل فردي وليس جماعي.............علي العموم اشكرك ياعكاسيه علي التنويه

عكاسية
17-04-2010, 02:47 PM
الصيف كشر عن أنيابه
سخنت
وكبسووور مشدد علينا الخناق
عمك دا قاصدني عديل


ناس الدمام فشلتونا
ملوخية بالمفراكة ما قادرين عليها
أحمد عثمان قال ما عندنا باكنبودر
حاتم عديل قال مافي مفراكة في البيت
عوض علاق قال شهادة عربية
قندلاب قال أنا ( فردة )
قزافي عكاشة قال أنا ما بشوف بالليل
بتعرف قزافي عكاشة يا قندلاب ؟؟


هي إسمها ملوخية بالمفراكة ، ولا خضرة مفروكة
يا دجووور الحساب ولد
نلقاها منك ولا من بالكو

عكاسية
17-04-2010, 03:24 PM
اولا قرأت موضوعك ديل اخير من غيرهم نعم صحيح والمعارضه انسحبت من الانتخابات لانهم شعرو بالفشل
اخي عكاسيه رد علي ماقيل من الوصف بالخفافيش احب اعرفك انني ليس طرف صراع بين الاخوان
ولكن وصفهم للمجموعه ككل هذه هي المهاتره اما ماقلته هو رد وهناك فرق بين المهاتره والرد
علما والله لاعرف من قالها حتي لايشك البعض انيي متحيز لطرف دون الاخر المهم من قال هذة العباره
يقولها علي شكل فردي وليس جماعي.............علي العموم اشكرك ياعكاسيه علي التنويه

الأخ صلاح يسعدنا جدا ان نرى هذه المساحة صافية كاللبن دون الخوض فيما يعكر صفوها

AwadAllaq
17-04-2010, 04:06 PM
السلام عليكم اخوتي الافاضل
لسنا بعيدين عن البوست والبوست له مكانته الخاصة في قلوبنا وعقولنا وفي الفؤاد ترعاه العناية ، ولست هناك اخي وحبيبي عمر دعما ولكن احقاقا للحق وتوضيحا لحقائق غابت عن الناس خاصة مشتركي المنتدى الجديد وعلى رأسهم اخي وشقيقي محمد سعيد علاق واخوة افاضل سألوا عنا وعن اسباب غيابنا وكان لابد مما منه بد ولاضير في ذلك ونحسب ان في ذلك مصلحة لمنتديات تحمل اسم جزيرتنا الغالية ونحن منهم مهما اختلفت الاراء والتوجهات فإن صلح الحال فذاك غاية ما نريد وان لم يحدث ما نتمناها فنكون قد قمنا بما يمليه علينا الواجب واضحكتنا أخي ابو صلاح بحديثك ولكن دعونا نسمو فوق الخلافات وألا نبادل الاساءة بالاساءة ونكون دوما الافضل ونرتقي فوق المهاترات في الجانب الاخر والا نفجر في الخصومة كما كان شأن البعض ونكون دوما اخوة متحابين في الله وأن يكون تقوى الله هو الديدن في كل ما نكتب لأن ما نكتب فإما لنا وإما علينا ولا تزر وازرة وزر آخرى فوالله نحبكم جميعا دون فرز ولا نحمل ضغينة على احد ونبادل الود بالود والاحترام بالاحترام ولكن لا نخاف في الحق لومة لائم ولا نخشي إلا الله
ان قلت مشاركاتي هنا هذه الايام فلأني اجلس على كرسي ساخن بمنتديات مقاصر والجميع يعلم وتعلمون أيضا بأنني وخلال العام اجريت عدة عمليات لا استطبع الجلوس لفترات طويلة أمام الكمبيوتر فالمعذرة اخواني والعتبى حتى ترضون.ونهنئ الجميع ببلوغ الرقم 15,000 من المشاهدات

بدرالدين محمد ( دجور )
17-04-2010, 05:18 PM
راجع حساباتك يا عكاسية وبعدين قول ولد شايب بنت
اصلا ده ما كان كشف فقط اعمل للخلف دور والعشق
والريده بتجيك لحدي عندك ...
ابعد يا ود ..... من البوووت والكبووود والنبووود والشلووود
عشان ما يجينا جفاف وتصحر وكمان اوعك تقطع صفق الشجرة

كده براحة كده : احمد فضل بتاع امبده الحارة الاولي يا ربي
: بقدووووووو عليك الله انت منو ؟؟؟

AwadAllaq
17-04-2010, 05:28 PM
بنجيك للمفراكة والشهادة العربية بكرة الصباح يا عكاسية لو ربنا حيانا

وطنا ورطنا
17-04-2010, 05:56 PM
ناس مقاصر ...
عينى باردة
والله الايميل اتملاء عديل كده
ويا دجور شنو يا معلم وينك انت بلكتني ولا شنو يا زول




انا ابو الزيك كويس

بدرالدين محمد ( دجور )
17-04-2010, 06:04 PM
الزول الحلو الزول الطيب الزول الاسمر وجميل ازيك وحق الله بق الله

ناس مقاصر ...
عينى باردة
والله الايميل اتملاء عديل كده
ويا دجور شنو يا معلم وينك انت بلكتني ولا شنو يا زول




انا ابو الزيك كويس

وطنا والله ليك وحشة قدر الليلة وامبارح كمان ومقاصر منورة بطلتك و كابتود
المحفورة جوه القلب .. منتظرك من زمان ..

بقدو
17-04-2010, 07:44 PM
الاخ بدرالدين دجور تحيات مبقدرة مني لك ولكل البقادرة او البقدري وعشان حليفتك دي احذف الحرف الاخير وضع حرف النون اولا عشان تعرفني ولو ما عرفت زيد اسم ابوك من البداية ولو ما عرفتني اضف للاثنين اسم فضل .ونرجو دوام التواصل وشكرا .

بدرالدين محمد ( دجور )
17-04-2010, 07:58 PM
ود جدي الف مرحب بيك وكل البقدري

الاخ بدرالدين دجور تحيات مبقدرة مني لك ولكل
البقادرة او البقدري وعشان حليفتك دي احذف الحرف الاخير وضع حرف النون اولا عشان تعرفني ولو ما عرفت زيد اسم ابوك من البداية ولو ما عرفتني اضف للاثنين اسم فضل .ونرجو دوام التواصل وشكرا .

ونأمل التواصل دوما يا كمندان ..

doly
17-04-2010, 09:07 PM
نعم يأخي عكاسيه فعلا كلامك في محله وأقدم لك اعتذاري ولك التحيه والتقدير

نحن نريد نكون اكثر من اخوان لك التحيه ووصلت رسالتك والتمشي بموجبه لك التحيه والتقدير

نريد الجو صافي في هذا البوست

أحمدفضل
17-04-2010, 11:18 PM
السلام عليكم ورحمة الله وبركاته

الأخ العزيز -بدرالدين

نعم انا احمد فضل عبدالجليل

من سكان ارض الكتاحه امبده بكل فخر

دنقلاوي الأصل

مقاصروي


ولان انت منو

الرشيد مقاصر
18-04-2010, 12:21 PM
يا دجور مين البتكلام عن المايقوما والحاج يوسف ناس قرعتي راحت و ضل الجبل
انا من مقاصر الصغيره ( المايقوما ) اعملو حسابكم نحنا عايزين نعمل بنطون قريب

الرشيد مقاصر
18-04-2010, 12:33 PM
ناس البلد بيسلمو عليكم انا وصلت اليوم
وما اجمل الطرفة والنكته ايام الانتخابات
كمان قصص الموية والكهرباء وانتعاش سوق دنقلا وخاصة المغالغ و الادوات الكهربية بسب ناس مقاصر كاش جد
تجار سوق دنقلا يسمون ناس مقاصر اسياد البلد

الرشيد مقاصر
18-04-2010, 12:36 PM
ناس البلد بيسلمو عليكم انا وصلت اليوم
وما اجمل الطرفة والنكته ايام الانتخابات
كمان قصص الموية والكهرباء وانتعاش سوق دنقلا وخاصة المغالغ و الادوات الكهربية بسب ناس مقاصر كاش جد
تجار سوق دنقلا يسمون ناس مقاصر اسياد البلد

AwadAllaq
19-04-2010, 12:44 AM
مرحب بيك اخونا بقدو وعذرا لو تأخرنا في الترحيب لجلوسنا على الكرسي الساخن في الجانب الاخر وسأعود بمقالات مطولة بعد الفراغ من الكرسي وأولها خواطر عمرجي التي أجلتها لاجل سميته
ونرحب مرة اخرى باخونا احمد فضل ولعل فضل الله على نعمه كبيرة ومنها ما نلتقي خلاله اليوم فسعيدون بمعرفتك اخي احمد
اخونا صلاح دوللي ايميلي allaq3@hotmail.com اتمنى التواصل من خلاله

عمر مقاصر
19-04-2010, 01:14 AM
ناس الحارة وناس الشـــــــــــدة وناس الوقفـــــــــــة والضــــــــــــــل الوقف مازاد والناس المعانا والناس القالوا اها أحييكم أحلى تحيــــة للناس الحلوين والناس اللوردات ناس الخبـــر والمفراكة المالاقنها ناس الرياض الناس الحنان اليبيسالوا مننا ومابين الملوخية والخضرة والشهادات لله شهادة عملية وعلمية وشهادة راتب وشهادة حسن سير وسلوك وكمان شهادة عربية ناس السجق والمارتدلا وناس الفهم والبرستيج والموية بالكباية يعني ياعكاسية بياكلوا الكــــداد كل سنتين -اجازات بس - ....................... وحاجات تانية مابنقولا يادجووووووووووووووووووووور ...............................

أخونا علاق كيفك وكيف الكرسي معاك -الكرسي الساخن وكرسي جابر وكرسي الجامعة وطلع الكرسي ياولد قدام الباب وكرسي الشهيد في الامجاد وكرسي حديد في ميدان عوضنقصر لكن برضـــــــــــو ننتظــــــــــــر ونشووووووووووووووووف او نشووووووووووووووف وننتظــــــــــــــــــر ؟؟؟؟؟؟؟؟؟؟؟؟؟؟؟؟؟؟؟؟؟؟؟

باكــــــــــــــــر بجيييك قاصــــــــــــــد مسافات العشم بس انت خليك في الطـــــــــــــريق...

عكاسية
19-04-2010, 12:09 PM
نعم يأخي عكاسيه فعلا كلامك في محله وأقدم لك اعتذاري ولك التحيه والتقدير
نحن نريد نكون اكثر من اخوان لك التحيه ووصلت رسالتك والتمشي بموجبه لك التحيه والتقدير
نريد الجو صافي في هذا البوست


الأخ صلاح دوللي
أسمح لي أن أبوح بأعجابي بأسلوبك الجميل الذي لم نعهده من قبل ، نجدك دائما سباق إلى نشر روح المحبة والتسامح ، لك مني عاطر التحية والإحترام يا رائع .

ونرحب بالأخ أحمد فضل ، من أرض الكتاحة أمبدة ، مع إنها لقت حظها من التمدن فصارت محافظة في أحضانها ألوان الطيف النوبي من كل أنحاء دنقلا بكل حضارتها .

ناس البلد بيسلمو عليكم انا وصلت اليوم
وما اجمل الطرفة والنكته ايام الانتخابات
كمان قصص الموية والكهرباء وانتعاش سوق دنقلا وخاصة المغالغ و الادوات الكهربية بسب ناس مقاصر كاش جد
تجار سوق دنقلا يسمون ناس مقاصر اسياد البلد

الأخ الرشيد ( شتات ) هنيئا لك وصولك هذه البقعة الطاهرة ببركة شيوخها ، ونتمنى أن تزودنا بالاخبار الطازة من أرض الجدود ، وإنشاء الله بس مراسلتك دي تكون من عمق الجزيرة ، عشان تطمننا أكتر إن الشبكة العنكبوتية يمكننا أن نحلق إليها من داخل أرض مقاصر ، وركز لينا على أراضي الشرق وجيب لينا النجيضة وما االت اليه النزاعات مع المستثمر( الجميحي )
بس أعمل حسابك وخليك لابس ( البووت ) وإستظل بظل الشجرة ،أصلا قالوا في عقارب لو واحدة لحقتك حتخليك فاقد الذاكرة ،، والتهنئة عبرك للدكتور الطيب سوركتي نتمناه فائزا في إنتخابات الدائرة التي تشمل مقاصر.

العزيز عوض علاق نتمنى أن تكون أبليت حسنا وثقتنا فيك لا تحدها حدود ، كما نتمنى أن تكلل كل المساعي بالنجاح لإعادة ترتيب البيت الواحد

باكــــــــــــــــر بجيييك قاصــــــــــــــد مسافات العشم بس انت خليك في الطـــــــــــــريق...
( باب شريف ) خليك حافظ الكلمة دي ( صم )

AwadAllaq
19-04-2010, 12:42 PM
حبيبنا عكاسية : نحن لها وبحمد الله أُعطينا جدلا والحق دائما ابلج ويعلو ولا يعلى عليه
حبيبنا عمر مقاصر : برضو انتظر وشوف وما تشيل هم بس والله يا خلف الله عذبتنا ، بالله نصل الصفحة الرئيسية بكل جدارة ونلقاك جاري اسم مقاصر مترين ( مقاصـــــــــر ) وما يظهر اسم الجزيرة في الصفحة الرئيسية لكل متصفح؟
( اللهم لا نسألك رد القضاء ولكن نسألك اللطف فيه )

بدر الدين صالح
19-04-2010, 12:45 PM
تحية لاعضاء المنتدى الرائعين :

في صغري، وقد كنت هزيلا جدا، كنت أخاف جد الخوف من امتطاء الحمير، ولا أذكر أنني ركبت حمارا قط قبل أول يوم من دخولي مدرسة مقاصر الأولية (حينذاك)، فمفردة الابتدائية لم تضف إلى اسم المدارس الأولية إلا وأنا في الصف الثاني، ودفعة أختي التي تكبرني بعامين هي أول دفعة درست الخوامس والسوادس في السلم التعليمي الجديد يومذاك.
في المقابل فقد كان أخي سمير الذي يصغرني بعامين اثنين، أكثر مني جرأة، وكان مقداما في كل أمر، حتى في ضربي إذا لزم الأمر، فقد كان آخر العنقود المدلل لدى الوالدين، وكنت أنا وأختي الكبرى من يدفع ثمن بكائه مخطئا أو مصيبا، ولو أن سمير في صغره كان منزوعا من صفة الإصابة، غير أنه لم يفلح أبدا دفعي لتجريب ركوب دحيشة.
والدي كان يدرك ذلك تمام الإدراك، وكان مشفقا عليّ إلى حد كبير، وفوجئت به وقد اشترى لي دحيشة صغيرة وهادئة ووديعة أطلق عليها الجيران اسم (أبدو فقير كقلول) وتعني (ديك عبده فقير)، لكنني كنت أبعد من يكون عمن يمتطي هذه الدابة التي يرتجف كل جلده تحتي، كما كنت أبعد من يكون عن الإذعان لرجاء الوالد الذي بلغ به السخط حد جلدي في مطلع أول يوم التحق فيه بالمدرسة، فقد كان عليه أن يوصلني ذلك اليوم ويعود ويوصي ابن عمي فتحي زكي بملازمتي وإرجاعي إلى البيت نهاية أول يوم دراسي.
الحقيقة أن الأخ فتحي لازمني لفترة طويلة جدا، فقد كان يأتيني حتى البيت ويلحقني بظهره فوق الحمارة، ثم يعود بي نهاية اليوم الدراسي، لكن تعليف الدحيشة والاعتناء بها كان من مهمتي، وبذلك، فقد كنت الخادم المطيع لفتحي الذي كان يقود تلك الأتانة إلى المدرسة ذهابا وإيابا، كما كنت الخادم الأكثر طوعا لسمير الذي كان يتسلم دفة الترفه بدحيشتي رغما عن أنفي.
تذكرت هذه الدحيشة المسكينة التي طالت العشرة بيننا حتى سافرت إلى كورتي الثانوية، وأنا أمر من أمام مدرسة مقاصر الابتدائية في إجازتي الصيفية الأخيرة التي قضيتها بمقاصر وجرادة هذا العام، لا أدري تحديدا ما حل بها، لكنها كانت أكثر الدواب ألفة وقربا إلى نفسي وقلبي.
ألا رحم الله تلك من دحيشة، كانت أعز على نفسي من (سليم الذوق) على نفس والدي.
وسليم الذوق هذه كانت أتانة بمواصفات فرس، تعود جذورها إلى النور عثمان ساتي رحمه الله، وما زالت سلالتها باقية حتى اليوم مع دولة النور بمقاصر، وقد حصل والدي على نصفها تحت شروط مشددة من قبل النور الذي كان يكن لوالدي رحمهما الله حبا خاصا وكبيرا، والشراكة بالنصف في الدابة كانت مألوفة حينها، وأظنها ما تزال تمارس على نطاق واسع في المجتمعات التي تتعامل بنظام المقايضة.
لقد كانت من أروع وأجمل وأذكى ما خلق الله من دواب الركوب، ولم تكن تسمح لأحد في العالمين أن يمتطيها أو يقرب (من سور حديقتها) سوى والدي سايسها الأوحد بامتياز، وتمنعت حتى على ملاك أصولها.
الحقيقة، أن والدي كان يضع تلك الأتانة بمثابة الأكثر قربا من قلبه منا أبناؤه إلا ابنته التي شبت وحيدة بين ثمانية أولاد انحدروا من أرحام أربع نساء، ولذلك، فقد كان يجالسها أكثر مما يجالس أحدنا، ويؤانسها أكثر مما يؤانس أحدنا، ولذلك، فإن ثمة لغة خاصة نشأت بين والدي وبين سليم الذوق، حتى أنه كان يتحدى علنا أن سليم الذوق أذكي من كثير ممن لبسوا الثياب، فكان يتخفى وراء شجرة أو سور ويطلق صافرة معينة، وإذا بالدحيشة تنفك من كل قيودها وتنطلق كالسيل حتى تقف أمام والدي حيث يختبئ.
رحم الله والدي فقد توفي في فاجعة فجائية، وعافت نفس النور ونفس عمي عبدالمجيد سليم الذوق، وقرر المالك الأصلي وورثة المتوفى بيعه، فإذا بالمشتري الجديد كان أحد أعمامنا الفراشين الذين يعملون في المدرسة الأميرية (مدرسة بهاء الدين)، وكانت هذه الحقيقة غائبة عني، فقد كنت بالمدرسة حين تمت الصفقة وإلا فإنها لن تكون لتنعقد إلا على جثتي.
خرجت ذلك اليوم بعد تناول وجبة الغداء من سور المدرسة متجها إلى (داخلية سعد) التي كنت أقطنها أذّاك، فإذا بي أفاجأ بصهيل متكرر لدابة، فالتفت لأجد سليم الذوق مربوطا على عمود كهرباء تقف على حافريه الخلفيين، وقد ارتفعت هامته لأعلى من سور المدرسة، فإذا بي أهرول حتى أتيتها، فأنزلت قدميها الأماميتين فوق كتفي، وأخذت تلعق وجنتي.
وفي تلك اللحظة التي أمسك فيها بعرف سليم الذوق، خرج بهاء الدين بجثته المهيبة رحمه الله، وشاهد هذا المنظر غير المألوف بالنسبة له كإبن مدينة، ونادى صاحب الحمارة الجديد الذي سرد له قصة العلاقة بيني وبين سليم الذوق، فأمره بهاء الدين ولم يكد يلتقط حبات الدموع المنذرفة على وجنتيه بعد، بألا يكرر ربط سليم الذوق أمام باب المدرسة مطلقا، فامتثل عم عوض إلى أوامره.
بكيت أنا لذكريات مؤلمة ذاك اليوم الذي مررت به أمام مدرسة مقاصر الابتدائية التي بدت بدون سور، وقد كنت منشرحا الصدر منذ خروجي من البنطون لمعرفة ما فعلت بها السنون الثلاثة عشر الأخيرة التي كنت قد غبت فيها عن مقاصر، ولكن انحصرت الذكريات بين دحيشتي الوديعة وفرس أبي العامرة بالصحة تلك.
في المساء كنت أسامر بعض أبناء جيراني في جرادة، وعرفت منهم أن دولة النور ما زال يحتفظ بنسل سليم الذوق، وأن أحد الأشقياء من شرق النيل، تجاسر وقام بسرقة أتانة من الأتاتين، قلب على إثرها دولة النور الشرق كلها دون أن يجد لها على أثر.

عبده فقير(منتديات جزيرة مقاصر)
البحرين 5/12/2009

عكاسية
19-04-2010, 02:02 PM
ومرحبتين بالأخ بدر الدين صالح
جميلة هي الخواطر المنقولة عن قريبي صاحب الأنامل المنمقة الأستاذ عبده فقير ، حقيقة سبقته حروفه للتعرف إليه مع إن الراجل قريبي وينتهي نسبنا إلى جد واحد ، وجدت متعة كبيرة وأنا أقرأ هذه الخواطر ، ونتمنى أن تجمعنا الظروف في ساعة خير .. من روائع الدنيا أنها تعطينا مجالا أن نحلم بأن ينضم أمثال عبده فقير إلى هذا البوست ..
كما أنها حققت لنا أمنيات أن نصاحب أفذاذا نراهم كالمارد يضاهي الجبال علوا
المسافة قريبة ما بين قطر والبحرين يا بالكو ، ورينا همتك

ونتمنى أن تعرفنا بنفسك أكتر يا أخ بد الدين
ونتشرف جدا التعرف إليك في هذه المساحة
ويا حبذا لو نقلت لينا المزيد من إبداعات الأستاذ عبده فقير

بدر الدين صالح
19-04-2010, 05:12 PM
شكرا لترحيبكم بي و احمد الله انني كنت سباقا بالمبادرة وتعريف الجميع بابن عمكم فمثل هولاء الافذاذ من ابناء مقاصر يحق لنا ان توضع على هاماتهم اكاليل الورود والفخر.
ولنا عوددددة مرة اخرى ان مد الله فى الاجال لمتابعة مداخلات الاخوة فى هذا البوست الجميل

عكاسية
19-04-2010, 05:51 PM
حبيبنا عكاسية : نحن لها وبحمد الله أُعطينا جدلا والحق دائما ابلج ويعلو ولا يعلى عليه
حبيبنا عمر مقاصر : برضو انتظر وشوف وما تشيل هم بس والله يا خلف الله عذبتنا ، بالله نصل الصفحة الرئيسية بكل جدارة ونلقاك جاري اسم مقاصر مترين ( مقاصـــــــــر ) وما يظهر اسم الجزيرة في الصفحة الرئيسية لكل متصفح؟
( اللهم لا نسألك رد القضاء ولكن نسألك اللطف فيه )

حبيبنا عوض
براحة على عريسنا المرتقب بالكو المفروض اليومين ديل نرفع من معنوياته ونزفه في هذا البوست حتى موعد إحتفالاته الرسمية ،، أما عن البوست فلنحاول كلنا أن نجعل رايتها خفاقة في هذا المنتدى العامر .
ممكن بعد دا تخش كورس ( الساونا ) يا صغنووني ،،
قلت لي أهلك في باريس والمناطق المجاورة ؟؟ ،، على كدا متوقعين نشوف لقطة في أعالي ( برج إيفل ) توثيقا لشهر العسل ،،

هللت أهلا أخونا بدر الدين ، ونزلت سهلا الدار دارك

إلى قندلاب ،، من دفتر رسالاتي :
عندما تعجز النفس عن لقاء من تحب
فإنها تشتاق ولكن بصمت
عل أن يتم اللقاء
فللنفس احباب
لا ترى جمال الحياة بدونهم
فإن عز بيننا اللقاء
فبيننا الحب والشوق والوفاء ،،

بقدو
19-04-2010, 05:54 PM
TransliterationVirtualالاخ الاستاذ عوض علاق تحياتي الخاصة لك . زمن طويل لم نلتقي فيه من ايام دراستك والجيرة بالحاج يوسف ونشكرك جزيلا علي الترحيب ونتمني ان نلتقي دوما في المنتديات . بخصوص الكرسي الساخن الذي تجلس عليه الان والخلافات مع الادارة التي تثار فيه فنحن فيه كالاطرش في الزفة . فنحن حديثي عهد بهذه المنتديات وليست لنا خلفيات عن اصل الخلاف. ومن هم اعضاء الادارة ؟ وكيف تدار ؟ افيدونا افادكم الله . ثم لماذا لا تشارك الادارة بالتعليق علي الخلافات المطروحة في الكرسي ؟ وشكرا .

عمر مقاصر
19-04-2010, 06:00 PM
مرحبتين اخونا بدرالدين صالح في البوست الجميل كما وصفت والاجمل أكييــــد وجودك بيننا فالف مرحب بيك وشعارنا دائماً تعال ومعك اخــــــــــــــرون .

قلت لي ياعمـــــــــــو عكاسية ((باب شريييييف)) ولا الباب البيجيبلك ريح سدوا واقعد قفا .

الكرسي كيف ياعلاق ؟؟؟؟؟؟؟؟؟ بعد ماتقوم من الكرسي من هناك هنحجز ليك كرسي فيرست كلاس على القطرية ........


حاتم عديل حصل صبحك بالموية الباردة .

AwadAllaq
19-04-2010, 08:34 PM
عادة بعد المغرب آخد لي تكية بعد عناء ساعات النهار الطويلة والتنقل ما بين العمل والمنتديات وقبل الذهاب لغرفتي لاخد قسط الراحة التي دائما ما يزعجني فيها بالاتصال حبيبنا دجوووور ( ولا ما كدة حبيبنا ) ، قلت امر مرور سريع على الكرسي الساخن بمنتديات مقاصر فوجدت مشاركة لم اتوقعها ولم احلم بها فسارعت للبحث عن المتواجدين ولم اجده وسارعت الخطى للوصول إلى هنا قبل أن يسجل الخروج وسرعان ما اخدت بالمؤشر طلوعا ونزولا فوجدته جالسا وقلت ( الحمد آلاف والشكر آلاف )
فوالله لن اتوانى في كشف القناع عنه ولن ادعه يتهنأ لحظة وهو متدثر في اسمه الحركي الذي يحمل اسم العائلة ، فمعقول أخي محمد نقد أن انتظر ؟ لا والله والف لا ، فوالله عندما فعندما رحبت بك بالامس لم اكن اعلم ان القادم هو الكومندان محمد نقد فملاييين بل آلاف ومليارات التراحيب تراحيب المطر أخي محمد ياااااااااااااااااااااااا سبحان الله والله كم تمنينا رؤيتك منذ فترة طويلة وكنت احس بمرارة شديدة جدا عندما اسمع انك حضرت للسودان اجازة وعدت لباريس ونقول الع ......... الغربة وسنين الغربة التي تبعد الاهل والاحباب عن بعضهم البعض
فوالله مرت الايام والسنين وتسربت دونما شعور
ولكم هو جميل أن نلتقي بك بعد كل هذه السنين فوالله أذكر دخلتك علينا من الباب الشمالي لمنزل اخونا محمد سعيد وانت ترتدي العراقي السعودي القصير نوعا ما وكان ذلك بالامس القريب ونجلس مع أخونا حسن نقد بعيد المغرب فوق الاطار المثبت في الركن الجنوبي الغربي من منزل الجيران وهو يحكي لنا قصة البعشوووم و المرحومة الوالدة ( حمبالله ) طيب الله ثراها وجعلها روضة من رياض الجنة مع الجارة المحسية ، واصراره على عدم تقديم أية وسيلة مساعدة للوالدة وهي في اجتهادها لترجمة اسم التمساح ( الالوم ) للجارة المحسية

فمرحبا بك مجددا اخي محمد ودعني اكتفي بهذا القدر والذي والله لا يليق بمقامك فلو كنت ادري انك قادم لاجلت الجلوس في الكرسي الساخن بعض الشي وجلست لاستقبالك

doly
19-04-2010, 10:39 PM
شكر وتقديــــــــــــر

اشكرك يأخ عكاسيه علي الكلام الحلو والجميل الذي ترك اثرا في قلوبنا وأنت بحق تريد الخير للجميع واسأل الله ان نلتقي بك في ساعة

خير. ان شاء الله لك التحيه ووافر الاحترام لشخصكم الكريم ونتمنا من الله الكريم ان يكون لنا الحظ في قراءة

مقالاتك التي لها محل تقدير في نفوسنا جميعا لي والاعضاء بهذا البوست الذي عرفنا بأبناء بلدي

مقاصر رجال لهم الحكمه في التفكير واثرها في نفوسنا رجال كالذهب في قلوبنا لك التحيه وشكرا

عمر مقاصر
19-04-2010, 11:14 PM
الأخ الغالي دووووللي تحية واحترام وتقدير لشخصك الكريم .(( المفراكة لقيتوها ولا نرسل ليكم بال دي اتش ال ))


الغالي عكاسية الف شكر لك على التوضيح ورسم خارطة الطريق مابين السبعة اشواط وباب الشرييييييييييف .


نرحب بالجميع في البوست حيث الهـــواء النقي والطلق لا ريس ولا عنوان ولا عبارات فضفاضة فكلنا لمقاصر ومقاصر لنا بس وسع صدرك وخلي اخلاقك رياضية وماتضايق اصلـــوا قالوا الضيق كعب.

doly
20-04-2010, 01:49 AM
اهلا وسهلا ياعمر مقاصر المفراكه جاهزة وللان بيقطعوا في ورق الملوخيه

كانو عايزين يبدلو الملوخيه ( بالسبروك) علشان يتفادوا البحث عن المفراكه

واسأل حاتم عديل متخصص (التركين) اين المفراكه؟؟؟؟؟الظاهر انو مخبيها في الخزنه

بدر الدين صالح
20-04-2010, 08:47 AM
تسلم يادولي عندنا مفراكة جاهزة
وبعدين ريحة التركين دى فاحت الناس كلها تجي علينا وما نلقى حاجة

بدر الدين صالح
20-04-2010, 08:51 AM
ولد بقدو لك التحية والتقدير
ما شوفناك فى منتدى مقاصر عشان تعرف فى خلاف ولا مافي خلاف
وبعدين مع الاعتذار الكلام ده من راسك ولا من (كراسك)؟

بدر الدين صالح
20-04-2010, 08:56 AM
فمرحبا بك مجددا اخي محمد ودعني اكتفي بهذا القدر والذي والله لا يليق بمقامك فلو كنت ادري انك قادم لاجلت الجلوس في الكرسي الساخن بعض الشي وجلست لاستقبالك

فعلا فالرجل ذو قامة وفى حضرة جلالك يطيب الجلوس،

AwadAllaq
20-04-2010, 10:12 AM
ما هكذا تورد الإبل يا من تدعي اسم البدر وكلمة الصلاح فوالله لم اكن اتوقع أن التحدي سيجول بك بين المنتديات وتحرمك النوم فيا أخي لن افصح عنك ولتهدئ من روعك وتجلس في مكان واحد وتحفظ ماء وجهك وإن ذاك والله خير لك وقد بلغت كما بلغنا من الكبر عتيا وما تقوم به كنا نقوم به نحن قبل عشرين عاما أو يزيد ولكن مع تقدم العمر إزددنا وعيا وإدراكا وذكرت في الكيان الذي تتولى أمره أنني لن افصح ولن اتحدث بعد اليوم عنك ، ليس من باب الخوف ولكن لأن هذه من صغائر الأمور فترفع أخي عن الصغائر وليهدأ بالك وأطمئن فلن ازيل عنك القناع أمام أبناء جلدتك فنحن أكبر من ذلك ولو كان لديك بعض الوعي لقمت بالاتصال بهاتفي وطلبت مني ذلك
اللهم إني بلغت اللهم فاشهد

AwadAllaq
20-04-2010, 11:10 AM
كل الود وكل التقدير والاحترام لأخونا محمد نقد ، فوالله نعلم أنك أتيت لتكون مع الأهل والاحباب وتطفئ لظى نيران الغربة ولم نتمنى أبدا أن تأتي إليك في هذا الظرف الحرج والمعذرة نيابة عن كل محبي بوست مقاصر بمنتديات دنقلا عن السموم التي ينفثها البعض فذاك والله اخي محمد يعكس قدرهم ولا يعكس قدرك ولا يحط من قدرك قيد أنملة وأما ما يقوم به البعض فهي فرفرة مذبوح لن نصلي على جنازته ولن نسير معه في الدرب الذي يسلكه خلال اليومين الماضيين فلك التحية اخي محمد ونتمنى تواجدك الدائم فهنا يُضع الموازين القسط وإدارة لا تحيد عن جادة الصواب وسنقوم بالاتصال بهم لوقف عبث العابثين ولا تبالي

بقدو
20-04-2010, 12:32 PM
الاخ بدرالدين صالح التحية والتقدير
رغم عدم معرفتي بك احسست من تحيتك عدم التقدير. لكن هو من باب رد التحية باحسن منها . اما بخصوص عدم شوفتك لنا في منتدي مقاصر وكما قلت نحن اعضاء جدد فهمنا ومع بداية انضمامنا ومما يثار في الكرسي الساخن وجود خلافات مع بعض الاعضاء وهذا لا يحتاج لكراس او درس عصر لفهمه ، وطلبنا كان بسيطا ويفترض ان يحاط به كل عضو جديد . معرفة اعضاء الادارة ، وكيفية الادارة ، وطلب مشاركة الادارة في الرد علي الاتهامات الواردة ، لعلنا نساهم مع الجميع في تصفية الاجواء وايجاد الحلول . ولكن لاحياة لمن تنادي ، فكاننا طلبنا المستحيل او اقتربنا من محرم ، اهكذا تستقبلون الاعضاء الجدد ، اعانكم الله وشكرا .

عكاسية
20-04-2010, 12:56 PM
بإنتظار زيارة العزيز الغالي بالكو لأرض المملكة نهاية هذا الشهر
إنشاء الله ربنا يوفقك في أداء العمرة ومقبولة إنشاء الله

مكالمة طريفة جمعتني ببالكو ليلة أمس ، وبصراحة بالكو يتمتع بحس فكاهي ندر أن تجده في هذا الزمن الأغبر ،، والغريبة إنه متغمس الشخصية حتى أخمس قدميه ..
تشرفنا بحضورك إنشاء الله
والمبالغة كانت في واقعة الأستاذ أمين خضر الذي أصابه الرشاش وهو واسطة خير
معليش يا أستاذ أمين ويؤسفنا إنضمامك للستة والقائمة تطول ،،



حبيبنا أبو النسب صلاح دوللي أين مشاركاتك الجميلة

الرشيد مقاصر
20-04-2010, 12:59 PM
بقدو يا بقدو ناس مقاصر اهل الكرم والقران وحبابك عشره بلا كشره وبدرالدين ما في زول بيزعل منو يارجل والايام سوف تثبت ليك احلاء شباب ( عوض و عمر و عكاسية و دولي ...... وكل العقد الفريد كدي شيل الصبر يا بقدو

Gindilab
20-04-2010, 01:10 PM
اهكذا تستقبلون الاعضاء الجدد ، اعانكم الله وشكرا .

لك العتبى حتى ترضى ضيفنا العزيز (بقــدو)... نزلت ضيفاً على ضيوف.. فنحن هنا ضيوف في منتديات دنقلا الكبرى وقد أتاح لنا الأخـــوان هنا (طـــاقة ونـفَّـــــاج) نطل عبرهما على الأحباب لنتنسَّم عبير اللقيا والتلاقي.. فلهم منا جزيل الشكر والتقدير... لا نريد تعكير صفو البوست والمنتديات بنقل المعارك الكلامية والتراشقات إلى ديار وخيام القوم الذين أنخنا ركابنا عندهم...

مع أمنياتنا بتوثيق عرى التواصل والاحترام المتبادل بيننا جميعاً


ودمتم.

عكاسية
20-04-2010, 01:14 PM
الأخ العزيز الجنرال محمد نقد ( بقدو )
نحفظ لهذه المساحة جميلها أن جمعتنا في بوست واحد ، رغم عدم المعرفة المباشرة بشخصكم الكريم ، ولكني ما زلت أتذكرك جيدا بالبدلة العسكرية ايام عملكم بنقطة ( كوبر ) معليش لو أزلنا اللثام عن قناعكم ، لكن لعل حكم الجيرة أو معرفتنا الجيدة بشقيقكم حسن نقد تشفع لنا .
ننتهز الفرصة لتعزيتكم في وفاة العم / محمد عبد الله ، وكل من وافاهم الأجل ولم تسنح الفرصة لتبادل العزاء.

الأخ بدر الدين صالح ما زلنا نرغب في معرفة شخصيتك
فالدار للتعارف والتواصل فافصح أو أسمح لنا أن نتجاوزك

عمر مصطفى
20-04-2010, 01:51 PM
ترحيب حار جدا بحرارة البوست لكل الذين انضموا الينا مؤخرا بدون اثتثناء..
وظل لبخنا الممدود ....وحي على الصلاة الوسطى ..ودعاء بان تنقشع الغيمة
وعشانا جاهز لكل ضيف وعابر سبيل حليب صافي من الشوائب مش من السمن
يا قريبي ..بنقدم ليكم رغم المعزة وتجفيف المنابع...وتصبحوا على خير ..والليل
بتغطي الجبال وباكر بجيكم قاطع مسافات الامل ...والخبر اكيد ببلاش.......

سمحه الخصال
20-04-2010, 04:33 PM
كيفكم اهلي وأخواني بالبوست عن جد اخباركم ..............التحية للاخ عكاسيه وعمر مصطفي ...وكمان باسأل وين جنو منو (عمر عبد الرحيم ) اسم الدلع عمر مقاصر !!!!! اه قصدي اسم الشهره ...هههههههههههههههههههههههههه

سمحه الخصال
20-04-2010, 04:38 PM
كيفكم اهلي وأخواني بالبوست عن جد اخباركم ..............التحية للاخ عكاسيه وعمر مصطفي ...وكمان باسأل وين جنو منو (عمر عبد الرحيم ) اسم الدلع عمر مقاصر !!!!! اه قصدي اسم الشهره ...هههههههههههههههههههههههههه:sm215::sm215:fgddsfg fgddsfg

محمد عبدالله هارون بشير
20-04-2010, 06:04 PM
بسم الله الرحمن الرحيم

الناس الاون لاين والاوف لاين وكمان الانفزيبول

السلام عليكم ورحمة الله وبركاته

كتب الخال نقد

الاخ بدرالدين صالح التحية والتقدير
رغم عدم معرفتي بك احسست من تحيتك عدم التقدير. لكن هو من باب رد التحية باحسن منها . اما بخصوص عدم شوفتك لنا في منتدي مقاصر وكما قلت نحن اعضاء جدد فهمنا ومع بداية انضمامنا ومما يثار في الكرسي الساخن وجود خلافات مع بعض الاعضاء وهذا لا يحتاج لكراس او درس عصر لفهمه ، وطلبنا كان بسيطا ويفترض ان يحاط به كل عضو جديد . معرفة اعضاء الادارة ، وكيفية الادارة ، وطلب مشاركة الادارة في الرد علي الاتهامات الواردة ، لعلنا نساهم مع الجميع في تصفية الاجواء وايجاد الحلول . ولكن لاحياة لمن تنادي ، فكاننا طلبنا المستحيل او اقتربنا من محرم ، اهكذا تستقبلون الاعضاء الجدد ، اعانكم الله وشكرا .

الأخ / بدر الدين

الاقتباس بالأسفل خطته يداك ، لاتنه عن خلق وتأتي مثله ...............

من ابسط قواعد الادب والاحترام مخاطبتنا باسمنا على الاقل بدلا من اسلوب التهكم والسخرية، هل يجب ان اوفقك الراي حتى اسلم من هذه المسميات الغير لائقة من شخص بقامتكم.
احمد الله على ان وهبني وجها وضيئا وخلقا دمثا بدلا من وجه متجهم ونظرات زائغة.


وزي ما قالوا الخال والد ( أطالبك بالأعتذار )

بدر الدين صالح
20-04-2010, 06:26 PM
كان يجدر بك اخ محمد بشير اقتباس مناسبة الادلاء بهذه الجزئية بدلا من الاقتباس المذكور، فالاخ بجدو على العين والراس و لا اعتقد انه ورد ما يسيء اليه فى شيء

بقدو
20-04-2010, 09:37 PM
Virtualالاخ عكاسية تحية طيبة ودودة لك ونشكرك جزيلا علي الترحيب والتعزية .
الاخوان قندلاب والرشيد مقاصر متشكرين جدا علي الاستقبال والترحيب بنا ونتمني ان نلتقي عبر المنتديات .
ابن الاخت العزيز محمد عبدالله هارون تحيات خاصة لك وللاولاد وارجو
التواصل عبر النت او التلفون .
وشكرا للجميع .

doly
20-04-2010, 11:13 PM
البوست مولع ياعكاسيه

المهم يأخ عكاسيه انا بحضر مسلسل (يوميات في الخرطوم) ولكن بدون عفاريت واشباح مثل (يوميات في مقاصر)

وارحب بالاخ العزيز بقدو ( محمد نقد) الذي كان مشكورا يحاول يعلمني السباحه والصيد اذا كان هو الاسم الذي اعرفه

منذ زمن بعيد وقد قابلته في اجازتي الاخيرة بالسودان وكلما رأيته رجعت ذاكرتي الي الصيد صيد السمك بمقاصر

والعوم كانو يسبحون في الغريق ونحن كنا نعوم علي الشاطئ نمسك بالعشب ونبلبط .ذكريات داعبت فكري

المهم لك التحيه والتقدير والاحترام والبوست نور بانضمامك .........والله ياعكاسبه البوست دايرلهو تعين

كم سيارة اطفاء ماشاء الله عليك يا عكاسيه والله قلبك وروحك مع الجميع وماشاء الله نشيط واقسم بالله

البوست له مذاق خاص بوجودك حفظك الله ومشاركتي قريبا ان شاء الله

والنحيه لاي عضو جديد في البوست...............وسلامتكم

doly
20-04-2010, 11:22 PM
استفسار؟؟؟


عكاسيه استفسر عن بقدو هل هو محمد نقد (كان ضابط بالشرطه ) وسافر فرنسا

وصديق حميم لصلاح حسن عبد الباقي ؟؟؟؟؟ اذا كان هو تكون ذاكرتي في محلها

واذا لم يكن هو يكون عقلي اخذ الطريق للعد التنازلي من النسيان الله يستر

عكاسية
21-04-2010, 12:42 AM
...وكمان باسأل وين جنو منو (عمر عبد الرحيم ) اسم الدلع عمر مقاصر !!!!! اه قصدي اسم الشهره ...هههههههههههههههههههههههههه

أحلى سمحة خصال
مرورك أعطى البوست نكهة خاصة ، أيوة كدا مرة مرة( مرري ) علينا خلى النسمة تسري فينا
حلوة منك( جنو منو ) دي ، تصدقي أنا زاتي قلت كدا ،، ما تقولي هو مصر إصرار شديد في زيارته للملكة قال عايز يزوور ( الطائف ) وحات الله جد ..
جاني طيفه طايف لحاظه كالقذايف وانا من عيونه خايف والله خايف


ترحيب حار جدا بحرارة البوست لكل الذين انضموا الينا مؤخرا بدون اثتثناء..
وظل لبخنا الممدود ....وحي على الصلاة الوسطى ..ودعاء بان تنقشع الغيمة
وعشانا جاهز لكل ضيف وعابر سبيل حليب صافي من الشوائب مش من السمن
يا قريبي ..بنقدم ليكم رغم المعزة وتجفيف المنابع...وتصبحوا على خير ..والليل
بتغطي الجبال وباكر بجيكم قاطع مسافات الامل ...والخبر اكيد ببلاش

حبيبنا عمر مصطفى ( سيد الإسم ) معليش لو قدمنا عليك الدامة لزوم الاتوكيت وكدا
تصدق لمن ألقى مشاركتك في البوست اشعر برهبة ، حروفك تخفي وراها قلم غير عادي ،، خليك دائما قريب مننا لتزول الرهبة لنمشي على نفس الخطا عسى ولعل ان تمتص أناملنا منكم هذه المقدرة
وابو حازم عملها معانا واااضحة وحتاهو معانا قرض ،، شوف يا ابو حازم يا أخوي فتح عينك دي كويس ( قدر الريال ) البوست دا حيظل مفتوح كدا إلى أن يشاء الله امرا كان مفعولا ،، ( وإنتظروا ميلاد شمس الإبداع )
وعشان أذكرك أنحنا واقفين في بدايات هجرتك إلى السويد ، بس ما أديتنا تفاصيل الزواج ،، وأقصد التفاصيل المملة بكل زقاقاتها ،، ونعشم ان تشرح لينا محاسن الزواج بالإجنبيات
وكونوا معنا ،،


المهم يأخ عكاسيه انا بحضر مسلسل (يوميات في الخرطوم) ولكن بدون عفاريت واشباح مثل (يوميات في مقاصر)

والله الذي لا إله إلا هو ما جينا لهذا البوست إلا لنرى ما أخفته عنا الرسميات ، ونعلم أن بدواخلكم الكثير من الإبداعات حرام أن تظل حبيسة الصدور والأدراج ، إستلوا سنن أقلامكم وأرمونا بمدادكم فمتعنا الحقيقية في القراءة لكم ..


عكاسيه استفسر عن بقدو هل هو محمد نقد (كان ضابط بالشرطه ) وسافر فرنسا
وصديق حميم لصلاح حسن عبد الباقي ؟؟؟؟؟
حاشاك الله اخي صلاح دوللي فالذاكرة لا زالت متوسدة أكف الحيوية، نعم هو الكمندان محمد نقد نفسه ،، وأذكر إني كنت دائما ارى قسمات وجهه تكسوها الصرامة فترسم على محياهو مجسم العسكرية العاتمة أو هكذا كان يخيل لنا في ذلك الزمان مع إختلاف العمر ، لذا لزم ان نناديهو ( بالخال ) بلسان أخونا الصديق الجار حسن محمد عبد الله ، ووأسفاه فقد خسره الوطن شرطيا ناضجا في وقت مبكر كانت البلاد في أوج الحوجة لأمثاله،، لا نريد الخوض في دهاليز السياسة ،، ففي النفوس ( غصة )

عكاسية
21-04-2010, 09:58 AM
صباح الجمال أهلي الكرام
صباح مغبر إجتاح الرياض
محمد معانا ما تغشانا

سمعنا بكسير التلج
والما عاش طفولته والإتظلم وهو بيبي كادحا ما بين الواسووق وظهر الثيران والسقاية في عز الشتاء القارص ، كرعين مشققات لا فازلين لا جلسرين والإلتحفوا الأرض وقت القيلولة ما بين ضل النيمة أو ضل النخيل ، أباحت لينا قارئة التاريخ إن بالكو عاش حياته منعما يهوى ( المساج) ، ( وكسير البيض ) ، قووووووية دي يا بالكو .

وعلى دربه حبيبنا دجور لم تكفيه طفولته التي قضاها ساعيا ما بين التبربونة وكوشة الجبل ، إتعلموا العوم في القنطرة ، قنطرة الترعة الضحلة شتان ما بينها وقيف النيل بطعم الدميرة ، بعد هذا العمر الطويل والمديد نراهو شايل مقشاشتو وبكنس في المنتدى .. ( غايتو جنس محن )

AwadAllaq
21-04-2010, 11:47 AM
اخونا الكومندان محمد نقد: عسي خير وعسى ما شر زي ما بيقولو الخليجيين واعتقد هم كثر عندكم بباريس
رحبت بيك في البوست وشكرت كل اللي رحبو ا بيك ما عدا علاق
حيرتني
انا قلت يا ربي في مشاركتي في حاجة غلط ولا ايه الحاصل
والله ما ملامة بس خايف اكون زعلتك بي شئ وانا ما قاصد
قلنا نرسل ليك في الخاص بس الرسالة الاولى ما رديت عليها قلنا يمكن ما قاعد تمر على الرسائل

بقدو
21-04-2010, 12:36 PM
الاخ العزير صلاح دوللي تحية طيبة ودودة وشكرا علي الترحيب .
الذاكرة عايزة عمرة وبدون مجاملة كما فعل عكاسية ، الم نتقابل في السودان
من حوالي خمسة شهور او اقل يا راجل . اتعلمت السباحة او العوم ولا لسع
حجر . كانت ايام جميلة في مقاصر مع الاخوان عبدالعزىز بشارة والمرحوم
مصطفي وانتم قادمون حديثا من مصر ومندهشون من كل شي حولكم الناس الحمير الاشياء وكانكم قدمتم الي كوكب اخر ونحن نشرح لكم مع
صعوبة الفهم . يعني تعبتونا شديد . وهسع ما تعبوا ناس عكاسية .
الاخ صلاح لك كل الود . وسنلتقي لنعيد الذكريات وشكرا .ا

عمر مصطفى
21-04-2010, 01:06 PM
ابو النسب سعادة الكومندان..تحية بمستوى الجبهة ....مرفوعة بالقوة العاشرة
لك ولزميل دربك صلاح ود شيخنا حسن وعبرك تحية رياضية للاخ حسن كريستيانو
مشو المتوسطة ولكل الاهل..........
سمحة الخصال نسماتك وصلت وعكاسية كفى ووفى باللي كان في راسنا.....
قبل مدة ان لم تخني الذاكرة عزيزنا قندلاب حيانا بلون اوراق اللبخ المائل للاصفرار
يومها وعدته بالعودة الى شجرة اللبخ ..قبل ايام صاحبكم وقريبنا حدف كلام..
شجرة اللبخ وشيخنا الجليل ..يمكن صدفة او الشمار وصله عما حدث في سبعينات
القرن الماضي يوم كان القدر يرسم اولى خيوطها على ارض الدبكة ..بشارع الحمراء
مزيجا خالصا من التفاح الذي اضحى جليا...يومها كنت منكبا اشعسا اغبرا اجمع ما
تساقطت من اوراق كاملة الاصفرار ..بطريقة مبتكرة تجمع ما بين الجد واللعب...
ومستفيدا من الارض الرملية باستعمال عصا مدبدبة من الامام ونغرسها تباعا على
قلب الورقة ..لتتشكل بما يشبه اللحمة على سيخ الشاورما......
دعوني نعرج بكم الى الاوراق الكاملة الاخضرار محييا بها قندلاب والجميع...
يوم حار جدا ..عز القيلولة...حتى شياطين الحلة بعد نهار مضني مع عزيمة وصلابة
آل هارون ركنوا الى الاستجمام......الا انا واحد ابناء العمومة..هذا ما اكده شيخنا
الجليل وهو يقفز من ظهر حماره موجها كلماته التي اعتدنا عليها في مثل هذه
المواقف..ملعون ..فلهوس...( شيطانقن اساكرقي نون ) في ذات الاثناء كنا قفزنا
بوثبة ثلاثية..تاركين فروع اللبخ تتراقص من خلفنا...بت..بت..على ابعد مدى من
براثن شيخنا...واطلقنا للريح ساقينا..كل في اتجاه جحره...ربما كان اذكى مني
تسلق نخلة بجوار منزلهم وذهنية التسلق كان ما يزال يداعب مخيلته..نجا بجلده
وجدت نفسي خلف مراتب ضخمة مرصوصة فوق سرير في غرفة الراحل المقيم
والدي طيب الله ثراه ..قبل ان تستقر انفاسي رغم العنفوان..اين هو.....
( تسي ان ملعون ) سائلا اخي الاكبر الذي كان منتصبا ...عند دخولي......
اشار فرحنا الى حيث كومة القش لتسقط المقولة ....تناولني كما كان يتناول اللوح
من فوق الكبس.......وجرني جرا الى حيث كنت ارتع..وكتم انفاس شرايين كلتا
يدي بقبضته اليسرى..وباليمنى سوطا اسودا محشو بالسلك...جو ..جو...جو
هكذا كان صوتها قبل اللسع...لتترسخ في ذهني المثل...العصا يدخل الجمل
الكبير على الطريق...ومن يومها كلما ساقتني الاقدار الى تحت غصن متدلي
انحني راكعا خوفا من اتهم بانني من كان فوق الغصن وليس العكس........

بقدو
21-04-2010, 01:16 PM
الاخ العزيز الاستاذ عوض علاق انت مرحب بك دوما وفي الفؤاد ترعاك
العناية وهل يرحب باهل الدار . لكن ظننتك مشغولا بالكرسي وما ادراك ما
الكرسي في الجانب الاخر . شكرا علي الرسالة الخاصة مع الرجاء بدوام
التواصل وربنا يعطيك القوة وتمام الصحة والعافية .وشكرا

الرشيد مقاصر
21-04-2010, 01:18 PM
الخال محمد نقد والله اسم بقدو بزكرنا بوشي يوسف ونسيب حرم حرفون اسمو بقدو من بنا خلتي فرنسا كيف بدون زعل انت وقعت ما اكبرناس بيحبو الهظار و النكة و السخرية اضم الينا بلاش زعل من اليوم
عكاسية
اعمل حاسابك نا فلان وفلانه في انتظار دقستك
الخال دولي ( صلاح عبد الحليم )
لوسمحت احكي قصة البسم لله هنجي ( الشياطين ) وانت تصرخ بهم والله يا دجور تضحك انت والمعاك الجنك ما تديهو معاك ضحكة
عمر مقاصر
اسم الشهره ( عمر غابات ) انت ما جنو منو انت نكهة مقاصر ما تصدقهم يا قطري
اللورد علاق
شنو ما عبروك وما زعلوك ناس فرنسا ديل قدام ما بيعرفو الجيل الجديد وانت منهم مش كده يا عكاسية ودجور

AwadAllaq
21-04-2010, 04:02 PM
أحبابنا
خلصنا الكرسي وجينا
وفضينا للبوست
وزي ما قال خالد شمام جينا من الكرسي اللي بيلسع كل من يقترب منه
وما طولنا يا عمر مقاصر
والشي الطلعنا بيه عباس يس قال لينا الزول ده ما فيه الخير
صح الكلام ده يا عمر مقاصر
ونصر الدين حمنتود قال لينا انت راجل محب للاضواء والضوضاء
لا اكثر ولا اقل
قلنا ليهم حجنا مبرور وسعيهم مشكور
اما التفاصيل التانية شينة مافي داعي ليها
وجيناكم بعافية وفتناهم بعافية
والعاقبة في المسرات
وعايزين ترحيب من جديد
معليش معليش نسيت حاجة
قالو لينا انتو جايين تسوقوا لي منتديات دنقلا
وبتروجوا لي بوست مقاصر
قلنا ليهم نحن قاعدين في الصفحة الرئيسية
في النهاية جاء اخونا وشقيقنا محمد سعيد علاق هرشنا
قلت ليهم بعد محمد سعيد مافي كلام
نحن من شدة احترامنا ليه عمرنا ما عايننا ليه في وشو
خوف واحترام يا عمر مقاصر
والله زمان الحلة كلها بتخاف منو
والزول المابمشي يجيب ليه الصعوط من الدكان يا ويله
ولو شرد ،
السفنجة التقيلة ديل لمن يفكها وراك
والله قالوا ما كانت بتجلي نهائي
والله بس في شباب ظراف جدا
وفي ناس ما بخافوا في الحق لومة لائم وعشانهم كنا عايزين نقعد
بس كمان في الله المستعان
وبنكمل ليكم الباقي بعدين
قلنا بس بمناسبة العودة سالمين غانمين لارضنا الطيبة قلنا نكتب حاجة
ونواصل الاسبوع الجاي لو ربنا مد في الاعمار
بس ان شاء الله عمر ما يكون عندو خبر عشانا اليوم
وان شاء الله ما يتصل على زول الليلة
والله انا غايتو يمكن ما ارد عليهو
المشكلة حاتم عديل ما كله شلاقة
وصلاح دولي هيقعد الليل كله يسألنا
ويكرر لينا كل مرة
بالله عليك؟
غايتو بعد حجبو اسمه بعد لحظات الا نشوف ليهو الشغلة على سي دي
عزانا انو عمر مصطفى معانا هنا
وطول ما بنقرا كتاباته هنا ما عندنا مشكلة
والصبح ابلج زيما قلنا
وعارفين انو الزبد بيذهب جفاءا
واليبنفع الناس بيمكث في الارض
ويوما ما بنشرب اللبن الزلال
ونحن يا الرشيد مع الكوموندان اولا جيل واحد
بس من ان نباقر بود بويل تني ان نباقر تكي ارترمنون
(الكان جاري ورانا داك ان شاء الله ما يكون لسع ساكينا - دي لي ناس مرتضى ودجور ، )
وفتكم بعافية

محمد احمد شوق
21-04-2010, 04:33 PM
الحمدلله والصلاة والسلام على رسول الله وعلى آله وصحبه أجمعين
بسم الله الرحمن الرحيم
السلام عليكم ورحمة الله وبركاته

AwadAllaq
21-04-2010, 04:54 PM
معقول الماضي يعود
معقول تمشي مكان تلقى فيه محمد نقد
وتمشي قدام شوية تلقى ناس احمد شوق
ويكون البعدهم صلاح باقي
لالالالالالا
والله ما ارحب باحمد شوق حاليا الا اتاكد
ياخي النت ده بقى ما معروف
يطلع ليك واحد يقول هو بدر الدين صالح يقول مرة من القنفذة ومرة من الرياض ومرة من وين ما تعرف
تعرفو ناس المنتدى السياسي بسووا شنو
بعد تعرف نفسك بالكامل يتصلو عليك ويتصلو على جيرانك كمان يتأكدو منك وبعد داك يقول ليك تعال ناقش زي ما داير
قبل اسبوع كل ما جانا زول كنا بنرحب بيه بكل اريحية وكل طيب نفس وبنستعجل وكل واحد بيسابق التاني
بس بعد ما جونا ناس مرضانين
قلنا نتاكد اول
صدقوني لو طلع احمد شوق هو ذاتو
بطلع بسلم عليهو بالاحضان
وببوس راسه وبعد داك بجي راجع
بس بالله اتاكدو لي يا ناس
الكوموندان طبعا زول خبرة
عرك السنين وعركته
وما يحتاج زي ما بيقول يسن الحاج

اتاكدو لي واجيكم
وبعدما قالو انو نحن بنسوق لي منتديات دنقلا
سبحان الله النتيجة تكون زي ما قالو
والناس تجي في منتديات دنقلا افواجا
قلنا ليهم مافي مشكلة الناس لو من هنا مشت هناك
ومن هناك جات هنا
ما هو كلو نت
والمسافة فركة كعب
نقرة بس بالماوس
واسمك بيكون جاهز من اول
مجرد ما تخط الحرف الاول بيكمل معاك الباقي
بس تتعب شوية شووووووووية بس مع الباصوورد
ولا كيف يا عكاسية
عموما بالله عليكم اتاكدو لي من احمد شوق
يمكن نسافر ليهو كمان
بس ممكن يكون جاي كايس صاحبو الكومندان
ليه لا
كلو وارد
والله دا يكون يوم منانا
انا خايف عمر عبد الرحيم يجي بعد العصر يقول الزول ده مالو الليلة
وجاي مليان
والله ما كدة
قاعدين نكتب مقالات
وكلها من جوة مقاصر
وجوة الصفحات دي بتلقو كتير
الراغبين في زيارة مقاصر
عوضنقصر
يا غرق يا جيت حازمها
ضرب السوط
عثمان حنجمد
وفي مقالات تانية نزلناها في الجانب الاخر
بننقل نسخ منها الايام الجاية
واولها
ما بين سنكور ودجور
الطار طبعا موجود من اول
وبنجيب ليكم بعد شوية مقالات جديدة
خواطر عمرجي
خطاب الوصول

والله جاي من سفر اقصد كرسي ساخن وتعبان
بكمل معاكم بكرة
لانو اليوم بالذات باليل مافي طريقة
بس ما تسال يا عمر مقاصر
خيرووي

AwadAllaq
21-04-2010, 05:00 PM
بالله الراجل ما طلع محمد احمد شوق
بس ما مشكلة ذاك الشبل من ذك الاسد
وبرضو بنقبل راسه
وبنرحب بيهو بكرة لو مد الله في الاجال
وشايف الناس الكان بطلو منتديات مقاصر ليهم اسبوع في ساعتين بقى عندهم عشر مشاركات
وقالو ذهبت الشياطين وجات الملائكة
والعاقبة للمتقين
سلام

محمد عبدالله هارون بشير
21-04-2010, 05:09 PM
سلام للجميع ، زنقة شغل ، وكد مافي ، راجع ان شاء الله

أبو شهد :sm215:

AwadAllaq
21-04-2010, 05:14 PM
والله يا ابو حميد مخصوص ما جيت جنبك لانو عايز اقعد ليك بكرة
يعني معقول هاقول ليك كلمتين وامشي
بس جبرتني هسي
والله هسي دي ذاتها عاملة لي ازمة
في ناس تكتب حسع
وفي ناس تكتب حسي
وفي ناس تكتب هسع
وفي ناس تكتب هسي
بالله ادينا التفاصيل يا عكاسية بدل ما انت مبحلق كدة وقاعد قدام الشاشة
هنا البساط احمدي
والنفوس صافية
والناس بتحب بعض
وبجيكم بكرة لو في العمر بقية
زمان عمنا عثمان علاق
كان بيرجع عشرة مرات
بعدما يقول مع السلامة
انا عملت زيو الليلة

عمر مقاصر
21-04-2010, 05:36 PM
عوض علاق

محمد احمد شوق (ترحيب شديد)

محمد عبدالله هارون

احمد فضل

احمد نور

بقدو

خالد شمام (وينك ياراجل)


عمو عكاسية منور ومشرف البوست ياحبشي

هنا مافي دوارات ولا اشارات ولا رادارات هنا تمش ساكت ياعلاق والف حمد لله على السلامة وبركة الجيت طيب من الكرسي واتمني انك تكون وفيت ورديت على المتداخلين ووضحت لهم الكثير والكثير

حبيبنا (عمر مصطفي) نتمني ان نشوفك قريب ياراااجل تحت اللبخة ونحن والجمع الكريم نصنت خاشعين لعمنا الشيخ بشير في صلاة المغرب والبقية بعدين يافـــونج؟؟؟؟؟؟.

عشاء الخبر بدا من الاربعاء يعني الخميس راحة .................................................. .................................................. .................................................. .................................................. ..............................................0

الصادق وساتي ابناء العم جعفر عثمان ومقاصراوي وقنديل وقبلكم نصرالدين حمنتود والفراشات (سيدة بهدي-سووومة - بحر الشوووق- بنت كابتود ) فقدناهم بشدة لعل المانع خير بس البوست بمن حضر ..

عمو عكاسية العمرة في الخبــــر الدايرنا يجينا ...

عكاسية
21-04-2010, 06:00 PM
الذين يشاهدون محتوى الموضوع الآن : 11 ( الأعضاء 11 والزوار 0)
‏, ‏, ‏, ‏, ‏, ‏, ‏+, ‏, ‏+, ‏, ‏



حمد لله على السلامة يا عوض علاق
والله كنا معاك بقلوبنا وكل أحاسيسنا ، على الأقل وإنت ( تجاهد ) للمبدأ
مع إني عارف إنك ما حتقدر لكن سمحنا ليك ببقية وبكرة وبعد بكرة للإستجمام
والله كنا متأكدين من الأول إن الكرسي هذا ( حيوسع الفارق )
وبكرة أحلى

والحمد له جيت حازمها يا علاق

ربوعية الشرقية دي ما بنفوتها
إنشاء الله نشمها شم
أحمد عثمان وحاتم عديل قاعدين رأس ؟؟
أشفق عليك يا عوض قعادك بين ملوك العضة
كما أشفقنا عليك قبلها من الكرسي الساخن

Gindilab
21-04-2010, 06:36 PM
...
...
...
..

(النقاط الفوق دي بوخ كلام كتير محبوس في الحلق)..

المرة الفاتت يا عمر صورتهم وهم يلتهمون ....... (لأ ما في داعي)... بس حلفوني ما يجيك دليل مادي..

وكيتاً ليهم لأنني العزابي الوحيد بينهم حأفك آخرهم واليحصل يحصل..

الليلة تركين كاااااااااااااااااااااااااااااااااارب

العزومة الفاتت ضربوني في الانكل وتحت الحزام... طلعوا متأخرين ونحن جيران آل هارون ما بنقدر على السهر.

عايز تمسكهم متلبسين الحكاية حتكلفك مكالمة دولية .. بس اتصل عندما تصلك إشارة مني..


عكاسية .. معليش استعنت بخطوطك المستقيمة..

برضي بختم بنقاط..
...
..
...

بدر الدين صالح
21-04-2010, 07:00 PM
[quote][والله كنا متأكدين من الأول إن الكرسي هذا ( حيوسع الفارق )
وبكرة أحلى
/quote]

فعلا كلامك مضبوط والقادم احلى

AwadAllaq
21-04-2010, 07:20 PM
عكاسية ناس سلام الله ما سلموا نحن كنا راجين منهم شي
لا والله
بس اسألوا ابو اشرف وعبد الله خليل ابو حازم نحن مشينا بعد شنو ولي شنو
وبعد كم اتصال بينا
نحن مشينا الرياض نقعد معاهم بس في الكرسي عشان نواجههم
بس زولكم اللي ناطي لينا كل دقيقة والتانية والله مشكلته مشكلة
يا عكاسية اذا لم يكن المرء يستحي فليفعل ما يشاء
وما كنا عايزين نكشف عنه القناع خاصة وانو جا وغلط على الكوموندان من اول وهلة
ومافي داعي نكشف اوراقه للكومندان بس والله حركاته تنرفس
المصيبة والله بخجل من حبيبنا عمر مصطفى وما داير اصغر نفسي قدامو بس انتو قولو لي اعمل شنو
والله بي كلامي دا قاعد اصغر من اهمية البوست وعارف الكلام ده بس نسوي شنو معاهو كدي انتو قولوا لي
ولو شايفين كلامي ده شين رسلو لي في الخاص احذفه
وحبيبنا ود اقجة فركة كعب مننا

أحمدفضل
21-04-2010, 11:13 PM
الاخ العزيز -محمد عبدالله هارون بشير

تحياتي واشواقي

كيف حالك واحوالك والله مشتاقين كثير تحياتي الي كل الاخوان في طرابلس


اخوك-احمد فضل عبدالجليل

أحمدفضل
21-04-2010, 11:31 PM
عمر مقاصر

عوض علاق

صلاح دولي

عكاسيه

عمر مصطفي


ياالله ياشباب بكره انا عزمكم قراصه بالتركين علي الطريقه السويديه اهلا سهلا بيكم

doly
21-04-2010, 11:56 PM
يوميات في الخرطوم

1- صعيدي بالخرطوم

أطلعكم شويه من الكرسي الساخن ونضعكم في كرسي الفكاهه والمرح

في البدايه ارحب بالاخ العزيز محمد نقد الذي فعلا اتعبناه انا وعبد العزيز بشارة علشان يعلمنا العوم

وكان اصغر منا ( في العمر) بكثير بس ماشاء الله كان سباحا لم نتعلم السباحه حتي الان اللهم

في طشت نصف متر × نصف متر .وكنا نصطاد السمك ايام جميله . لك التحيه اخي محمد نقد

وارجع لموضوعي صعيدي بالخرطوم احنا حضرنا للسودان من مصر طازة لانعرف كوز الدرة من المكاده

المهم في مصر نظام المواصلات دائري يعني انت مثلا في الصحافه وماشي الثورة هناك باص برقم معين

تركبه يوصلك مباشرة للثوره . اخوكم الصعيدي اللي هو انا ساكن في حي الشجرة وكنت ماشي للخرطوم

منتظر الباص وجاء الباص وماشي بسرعه وهدأ شويه لم يقف تماما وكأن السائق يطلب مني خفة الحركه

فالسائق في عجله من امره.

قلت له ماشي الخرطوم؟؟؟؟ نظر لي بتعجب وقال لا ماشي السما الاحمر وذهب مسرعا وتركني في حيرة

من امري .

جاء الباص الثاني وبرضو ماشي بسرعه لم يقف تماما وقلت للسائق ماشي الخرطوم؟؟؟؟؟ قال يعني

ماشي السما الاحمر؟؟؟ وركبت بسرعه خوفا من تركه لي كسابقه وجلست في الكرسي المجاور له .

وبدات الحديث معه .قلت له (بالهجه المصريه) ايه حكاية السما الاحمر ده الناس سكانين كتير هناك ولاايه؟

الباص اللي قبلك واللي قبله كلهم مشوا السما الاحمر الا انت بس الماشي الخرطوم.

بص لي بزهق قال يامصري انت فاكي منك ولاشنو قلت له ايوه عندي فكه واعطيت الكمسري ثمن

التذكره مع ضحكات السامعين من الركاب ( وسمعته يقول للكمسري اخينا ده يافاكه منو ولاسكران)

صوت واحد من اخر الباص لا والله لافاكه منو ولاحاجه مصري مستهبل بس ماعايز يدفع حق التذكرة

.....................وسلامتكم للحلقه القادمه صعيدي مع جنوبي

doly
22-04-2010, 01:02 AM
الاخ الكريم احمد فضل الجميع ماشاء الله تراصو حوليين قراصة التركين ولم يقصروا بد عوتك

كيفك ياحمد لعلكم بخير

أحمدفضل
22-04-2010, 01:14 AM
الاخ العزيز دولي-لست انت الوحيد الصعيدي في الخرطوم

وهذه حكايتي

اخوك العزيز عايش في مصر وبعد كده روحنا مع الولد رحمه ا لله الي ليبياوعشنا هناك

المهم بعد ذالك توفي الوالد ورحنا علي السودان اول مره في حياتي

وطول عمري انا بعرف يدلعو القط باسم بوسي او الكلب بي لولو

وعمري في حياتي ما سمعه يدلعو الفار الا في السودان

ودخلنا المدرسه وكنت في الثانوي وما عارف الكلام السوداني

وكنت اسمع الطلابه مع بعضيهم بينادو استاد ماده اللغه الانجلزيه باستاد الجقر

وانا المسكين معارف الجقر انا فاكر هذا اسم او لقب

ويوم من الايام كنت عايز حاجه من الاستاد ونديته عفوا استاد جقر جنب المدرسين

والله لا يوريك هذا اليوم قام الاستاد كانو لدغه حيه

قام ضربني بالكف علي وجهي اخذ يسب وانا حيران في امري ومش فاهم حاجه

واقول مره اخري مالك يا استاد جقر

وبعدين عرفه انو الجقر معنها الفار الكبير

doly
22-04-2010, 02:41 AM
الاخ احمد فضل والله فرات حكايتك تموت من الضحك علما والله اول مرة اعرف ان اسم الجقر

اسم الفار الحمد لله انو عرفناها قبل ان نتورط. السودان ده فيه اسماء عجيبه ياجدع

بس الواحد تدريجا عرفها بس مش كلها

أبوحازم
22-04-2010, 03:17 AM
ماشاء الله عينى باردة على البوست ، جرى شديد بمتوالية هندسية ، تركتكم فى صفحة 16 بعد المائة وأنتم بلغتم لصفحة 22 ، رغم الزنقة اليوم كله إلا أنى مامليت من المطالعة ، وتمنيت بألا أبلغ نهاية المشاركات من إبداعات ود حارتنا سابقا عكاسية ، والمبدع الفكاهى أخونا دُلى ، والذى عندما إطلع على طرائفه واضعا شقيقه سيد دُولى فى مخيلتى كأنه هو المتحدث ، ربما السبب أننا لم نلتقى ببعض أو لا أذكر ذلك لو حصل.
أخونا خالص محمد نقد ، تألمت كثير بأنى فى ذيل قائمة المرحبين بقدومك ، والله كم يوم ماخشيت البوست لأسباب مانعة ، ملايين الترحاب بك فى دارك ، والحمد لله الدار وأهل الدار فى حماية رجل الأمن والقانون ، قرابة الثلاثة أعوام كنت أنا والأولاد فى باريس موطنكم لمدة ستة أيام وسألت عنك بشدة ولكننا لم يحالفنا الحظ فى لقاؤكم ، وكذلك أخونا كمال بركة ، بصراحة كنت متلهف لشوفتكم خاصة لطول المدة من إفتراقنا ، وأيام المايقوما حاضرة فى أذهاننا كما لو كانت بالأمس من حلاوتها.
ونرحب بإخواننا الأعضاء الجدد الرشيد مكى ومحمد شوك وغيرهم
أخونا عمر مصطفى ، أقول ليك حاجة يمكن ماتصدقنى ، أنا لم أصل مرحلة الفهم ماتسطره أناملك الرشيقة ، والله بقرأ ماتكتبه أنت أكثر من مرة ( من أين لك هذا ، إنت كنت بتذاكر من ورانا ) ، لك التحية وعبرك لكل الأخوان بالجماهيرية.
أخونا ود المايقوما عكاسية جميل توثيقك لمقاصر رقم 2 ( الحاج يوسف المايقوما ) ، وأنا عاصرت كل تلك المراحل عن قرب وكنت ناوى المشاركة ولكن لظروف مانعة لم أتمكن لذلك، ونشكرك على الإطراء لمشاركاتنا المتواضعة جدا ، وبالنسبة لسؤالك عن مشوار الحكايات فى أكثر من موضع أنا على عهدى ووعدى بالمواصلة لنهاية المشوار ، بس أمهلنى لأنى مزحوم لدرجة كبيرة

AwadAllaq
22-04-2010, 10:12 AM
مبدعون اخواني دولي واحمد فضل وزمان قلنا ابو صلاح في جعبته الكثير وجميل جدا ان نقف على التجارب الشخصية وحكاوينا فوالله لا نفوت حرفا مما يكتب عن التجارب الشخصية وحكاوي البلد وحكاوي الاشخاص ولكننا ناخذ المفيد ونأخد من الاخر لكل حديث منقول مهما كانت درجة اهميته فوالله مع ابو صلاح تخيلنا حتى شكل الكمساري ناهيكم عن شكل البص وتخيلنا ردة الفعل المعهودة من قبل اخونا صلاح دولي خاصة وأنه رجل مسالم لدرجة ولو كنت تتخيل شخصية شقيقه سيد اثناء حديثه اخي ابو حازم ،فوالله لايكاد يكون هناك فرق بين نبرات صوته وشقيقه محمود دولي ( الرجل الاجتماعي ) وأحد أعلام الحاج يوسف أو قل أحد الاركان الاربعة زمان ( نقد - صلاح دولي - صلاح باقي - احمد شوق )
ابو حازم ما براك اللي ما بتقدر تطلع بي حاجة من بين سطور اخونا عمر مصطفى لان اسلوبه والله ليس بالاسلوب العادي وذكرت من قبل أنه ياخذك اقصى اليمين تارة وأقصى اليسار تارة أخرى وأنت ما بين هذا وذاك كما يقولون ( تضيع في الكرعين ) فلله درك أخي عمر وعينا باردة ان شاء الله ( ما تخاف منها ) فوالله من باب التعجب وليس من باب الحسد ونعلم أنه اجتمعت لديك الموهبة والقرآن فماذا يكون بعد ذلك

اخونا عكاسية استجابة لطلب سابعد عن الشخصية الوهمية التي تعكر الصفو بين الفينة والأخرى وحتى بعد ان قلنا له ( كشفنا عنك غطاءك فبصرك اليوم حديد ) ولم تغني عنه كبش الفداء ولكن في نظرنا والله لن تغنيه الف كبش فداء فنحن لا نأكل برسيما ولكن من بين رفث ودم لبنا خالصا للشاربين كما ذكر أخونا عمر
حبيبنا احمد فضل والله ريحة التركين لسع باليد رغم الغسيل مرات ومرات والعطر والليمون وووو ..

بعد هذه المشاركة سأتناول خواطر عمرجي في سلسلة حلقات حتى لا اطيل الحديث في مقال واحد

AwadAllaq
22-04-2010, 10:14 AM
عندما تخرجت من الجامعة عام 1994 ، وكحال أي شاب في السودان ، إلا من رحم الرب لم أفكر في شئ سوى الخروج والمخارجة من السودان، أيا كانت الوجهة ، وبما أنني لم أنتمي لأي حزب من الأحزاب ، كنت على يقين بأنني لن أجد فرصة عمل (مناسبة) لأنها في الغالب كانت حكرا على مجموعات معينة حسب إنتماءاتها السياسية ، وبما أن فكرة الإغتراب كان ملازما لي حتى قبل إكمالي للمرحلة الجامعية قمت بتطبيق شهادتي الجامعية وسعيت جادا لاستخراج جواز السفر ومتطلبات ( المخارجة ) ، وعانيت بعض الشيء في بداية الامر، لأنني كنت من الفئة العمرية التي تشملها الخدمة الالزامية ، والتي لم تتغير حتى يومنا هذا، ولا أدري ما السر في ذلك ، و لم يكن أمامي الا طريق العمرة ( والزوغة ) بطبيعة الحال ، ولما كان ما تبقى لرمضان عددا من الأشهر ، وحتى لا يعيرني البعض بأنني تخرجت وجلست عاطلا عن العمل كلفت أخي الأكبر محمد علاق بعمل إجراءت العمرة لي عندما يأتي شهر رمضان ، وذهبت للولاية الشمالية وطلبت من الوالد اقتسام جزء من الساقية لي لازرع فيه ، وبالفعل خصصوا لي ،بعد مشاورة الشركاء في الساقية قطعة أرض لا بأس بها زرعتها كلها فولا، وقبيل موسم الحصاد بأيام معدودة جاءني الرسول بأنه حان موعد المجازفة ( العمرة والزوغة )، فحزمت حقيبتي وركبت بص ( صبري ) الذي لم يكن صبورا في قيادته ، وعند مشارف أبو ضلوع الذي وصلنا إليه بعد صلاة العشاء كانت ( القلبة الياها ) فقد إنقلب بنا البص نتيجة كسر ذراع مقود السيارة (الدركسون) والتأرجح يمنة ويسرة واخيرا اعتلاء (كيمان ) التراب التي كانت على الجانب الايسر من الشارع وانت متجه صوب الخرطوم ، استعدادا لعمل الاسفلت وذلك في بدايات عمل طريق شريان الشمال ، ولكن بحمد الله لم اصب إلا اصابة خفيفة اسفل قدمي الأيمن لم الحظه إلا في اليوم التالي.

بعد إكمال الاجراءات توجهت لمدينة بورتسودان، ولسوء حظي لم يكن البص الذي حجزنا فيه جاهزا للسفر ، وبعد شد وجذب بين بين الركاب المحتملين و اصحاب المكتب ، وفروا لنا بصا من نوع ( تاتا ) التي تعمل في المواصلات داخل مدينة الخرطوم ، ولن أنسى ما حييت شكل السائق الذي كاد أن ( يودينا في دهية ) على مشارف مدينة بورتسودان ( العقبة )عندما انحرف بالبص متجاوزا شاحنة في الاتجاه المقابل ، وكأنه يقود باص الكلاكلة أو الحاج يوسف خاصة وأنه لأول مرة يقود سيارة في الخط المذكور ، ولكن عناية الله كانت الأقرب فوصلنا مدينة إلى مدينة بورتسودان بعد رحلة دامت الاربع والعشرين ساعة لنمكث بها لثلاث ، وفي صباح اليوم الرابع توجهنا لمدينة سواكن، حيث الباخرة ( باعبود ) ، ولم تكن الرحلة من بورتسودان لسواكن افضل من سابقاتها ، فعندما رأينا أحبابنا أهل العوض ( سماهم في وجهوهم )، أمام وكالة باعبود، يتدافعون نحو بصات تاتا الجديدة بصورة لم اشهدها من قبل ، قلت لأحد المسافرين معي والذي تعرفت عليه خلال الدردشة الخفيفة داخل البص وعلمت أنه دنقلاوي من أبناء أوربي ، قلت له لماذا لا نستغل ذلك البص القديم ( نوعية فورد ) ، الذي لن يزاحمنا عليه أحد ، لنتفادى زحام أولئك الاعراب، فوافقني الرأي ، وركبنا البص واتجهنا صوب سواكن ، ولكن ، وفي منتصف المسافة ما بين سواكن وبورتسودان حدث ما لم يكن في الحسبان ، ففي لحظة تقاطع الباص مع شاحنة تنقل المواد البترولية سمعنا دويا وكان قنبلة انفجرت اسفل بصنا ، وقد خلته كفر الشاحنة، وقمت بإخراج رأسي من الشباك لأرى ماذا يحدث للشاحنة وعند اخراج رأسي للخارج شعرت بأن حركة البص الذي نعتليه ،غير طبيعية وأصبح يترنح ذات اليمين وذات اليسار ، عندها قلت " أوووووه اخشى أن تكون التالتة ثابتة " وخلال ثواني معدودات ، لا ندري تفاصيل ما جرى خلالها انقلب بنا البص ، ولكن وبحمد الله في منطقة رملية مليئة بالاشواك والحمد لله لم اصب إلا بجرح طفيف في العضل قمت بعلاجه بعد وصولي لمدينة جدة ، داخل الجمعية بحي الهنداوية من دواء بخاخ كان يستخدمه أخونا محمد عبد العزيز احمد حامد ( محمد نسة ) كان يتعال بها من آثار للذبابة الرملية .

عمر مصطفى
22-04-2010, 01:21 PM
قريبي ....نعم هنالك كان المبتدا....والخبر....والمنتهى.....
وبالامس..دقيت باب الجار كل ظنتي بابي ..قالوا لي ما نسيت قلت لهم حنيت...
ويا ويلي من الضحكات الكانو.........
الاخ احمد فضل قبلنا الدعوة وسط شكوك تراودني ما هية التركين السويدي
طمنا يا ابو حازم لو حرارته عادية وكل خوفي انو بقي يهضرب زينا ما قالوا حلم
الجعان عيش ...وشتان ما بين حلمينا...........
عزيزنا عبد الله خليل بمناسبة كنت بتذاكر من ورانا والله ذكرتني باخوان كانوا
احلى من العسل مبارك عبد الرحمن قريل وكامل زكي وسيد بناوي والشيخ
من قرية جنوب دنقلا ...ايام الامتحانات النهائية بدنقلا الثانوية كنت اوي الى
السرير عند التاسعة مساءا وقندلاب قال بعضمة لسانه انو آل هارون لا يحبون السهر
والجماعة يسهروا طول الليل وعند عودتهم يصحوني من عز النوم ويقولوا انت اهلك
مرسلنك عشان تقرا مش تنوم....وعند ظهور النتائج كنت زيهم في نسبة النجاح
واصبحوا في حيرة من امرهم ولسان حالهم كما اسلف عزيزنا ابوا حازم....
وللمعلومية انا لم نحب مقاعد الدراسة يوما واحدا في حياتي دخلت بالسيف على
راي اخوانا الليبيين...ولكن بالتاكيد نادم لانني لم نصل الى اعلى مراتب العلم
لنقدم لهذا السودان الجميل الطيب اهلها كل الخير .........
ودعلاق مجرد ما اذكر اسمك تتشعب الحديث وتتشابك ولن نصل معك الى الشاطئ
حتى لو اصبحت زي عمنا عثمان علاق ونرجع عشرات المرات لنكمل ما علق الخاطر
من حديث....عفا الله عما سلف وادفع كما قلت من قبل بالتي هي احسن واضع موضوع
المنتدى جانبا حتى يجعل الله امرا كان مفعولا ...ولو افسد البعض للود قضية تشبث انت
بها بالنواجز...وما اجمل الوسطية بمفهومها العميق وانا دوما اختار منطقة وسطى ما بين
الاختراق رمادا وما بين التطاير شررا.......
تخريمة...عمر الشقي باقي مش التالتة ان شاء للصباح لو الحكاية فيها عناد ...طريقك
دائما محفوف بالمخاطر...ودع الاقدار تفعل ما تشاء وطب نفسا اذا حكم القضاء.....
يحفظك الله يا ودعلاق ويحفظ الجميع من كل مكروه .............

AwadAllaq
22-04-2010, 01:22 PM
حبيبنا الاستاذ امين
اتواعدنا المرة الماضية وما اتلاقينا
وبعد داك كل يوم قاعدين منتظرينك زي الـ ( أوونقي ارجيرداقل ) ( oongi erejairaydagil )
وفاتحين الماسنجر على مصراعيه عشانك
ما ممكن تطنشنا قدة
الكلام ده لو ما نزلك بي كلمتين معناها ما بتنزل لينا قريب ومعناها انت داير جوكرين وكرت الخمسين والجوكرين بايظ
دي ما بتحصل طبعا يا عمر
وما تقلبها لينا وست لانو الوست للحرفاء الزيكم يا عمر انت وحاتم عديل وعكاسية ومعاكم قندلاب
نحن ناس غلابة وعلى قدر حالنا
والله سامع حاتم عديل كل يوم شابك لينا دامة وما دامة ولغاية يوم الليلة الدامة دي شنو ما سألنا
تتخيلوا
وما تسأل من خميسنا يا عمر وما ردينا عليك امس لانو كنا هلكانين بين الكرسي وبوست مقاصر ومشينا نمنا لغاية موعد التركينج
وطبعا بتقول لي مس كول وما مس كول
بالله ما تكرر الاسطوانة لانو مليناها
وقلنا ليك بكرة تشوف
والعزوبية ما زي اللي معاك عيال
وقلنا ليك جوالات الثريا بتتحول للطوبة بعد شوية
شفت ديك المجدوعة في طرف كدة في محلات الجوالات وبيفكوا منها المسامير لزوم الصيانة ؟
بس يا ها
وعطلة نهاية اسبوع سعيدة
لو ما كررنا حركة عمنا المرحوم عثمان علاق ورجعنا ليكم تاني

AwadAllaq
22-04-2010, 01:32 PM
أهاااا
مش قلت ليكم
زي ما قال آبكٌر ( العوضة )
لمن كان مصر ما يودي الحاجات لللجماعة
بحجة انو ما بيعرف عربي ولا بيقدر يرد على المرة والبت
خاصة وانهم حتى لهجتهم مصرية
فقالوا ليه انت ما عليك بي شي
ولا سلام ولا كلام
بس حط ليهم الحاجة دي مجرد ما يفتحوا الباب وارجع تعال
مجرد ما دق الباب البت قالت ليهو منو؟
وهو واقف في الباب بيكلم نفسوا
أي ويكومندى !
(أنا ما قلت )

والله رجعت أرد على مشاركتك اخي عمر فوالله خلال الساعتين الماضيتين كنت في اتصالات عديدة ولمدة تزيد عن الساعتين مع بعض الشباب بالرياض وارسلت لهم نسخة مقترح إدارة منتديات مقاصر من خمس صفحات تشمل الجوانب جميعها يمكن الاضافة عليها والحذف منها والوصول لصيغة مثلي وليست لنا غضاضة مع احد وليس بداخلنا شي تجاه احد والله على ما اقول شهيد وكل ما نتمناه ان تكون هنالك لائحة ويعرف الجميع ما لهم من حقوق وما عليهم من واجبات والله من وراء القصد وطلبت منهم الاتصال على جوالي خلال اجتماعهم اليوم لو تطلب الأمر ولم يكن يوما هدفنا الانتصار للذات ولكن دوما لاحقاق الحق

الرشيد مقاصر
22-04-2010, 03:20 PM
الاتية اسمائهم وهم .............. و .......... و............. كمان ...................... و...................... نرجو منكم التوجه لبوابة رقم 123

doly
22-04-2010, 04:07 PM
يا خوانا

ياخونا اكتبو ومتعونا بالقراءه ان شاء الله تكتبوا عن التركين اللي اكلتوة ده ...بالعافيه( اقصد العافيه الصحه)

وليست القوه شايفك ياحاتم عديل داخل البوست ولي لقاء معك اليوم بس انا ماشي انوم شويه علشان

اتفرغ لعوض علاق لاني محضر له كرسي مش ساخن كرسي مولع علشان كده قلت للاخ عكاسيه ضع

في البوست عربة مطافيء للطوارئ ...............وسلامتكم ماشي اتخمد شويه وبكلام الصعايده

ماشي اريح جتتي .................وسلامتكم لا ترحوا بعيد السهره لسع بس فاصل ونعود

بقدو
22-04-2010, 11:06 PM
الاخ ابوحازم تحية طيبة لك ولافراد الاسرة وشكرا جزيلا علي الترحيب .
ايام زيارتك لباريس عرفنا انك سالت عنا لكن لسوء الحظ لم نتقابل لاننا
كنا مشغولين شوية . نتمني ان نلقاك المرة القادمة ونتمني دوام التواصل
صاحبك احمد عبد الرحمن حاول تجره للمنتدي . تحية اخري وشكرا .

مقاصراوي
23-04-2010, 01:52 AM
السلام عليكم ورحمة الله وبركاته ،،،،

جيت خاشي وحالي حال الزول اللي كان عيان وباقي للامتحانات أيام وما عارف يذاكر شنو ويخلي شنو . المهم مريت سريع من الصفحة 105 وحتى الاخيرة . ومشيت بي هناك على الكرسي الساخن ولقيتو ليك مولع نار . حسع طبعاً أنا متوقع إنو عكاسية حيقول المصحي الزول دة زي الساعات دي شنو؟ ماسك وردية الليل ويادوب لقيت لي فرصة أخش على النت . والله ليكم وحشة يا شباب ، سمعتكم بتقولوا عرس وما عرس أخيرا قرر هذا الفارس أن يترجل من على ظهر جواده ليضع حدا لحياة العزوبية . مبروووووك مقدما يا دفعة تعال لينا سريع وأنحن في إنتظارك .

doly
24-04-2010, 12:32 AM
اعطيني عقلك

الانسان موجود يعيش داخل اطار المجتمع والحياة الاجتماعية بحاجة الى مراعات الأصول والضوابط الاخلاقية التي من الممكن ان تكون ناجمة عن دين وفكر الهي أو من صنيعة أفراد المجتمع المستمدة من التعاقد الاجتماعي وفي كلا الحالتين في مجرد وجودها أفضل من عدمها .
لقد عبروا عن الانسان وقالوا بأنه موجود اخلاقي بسبب الاعتقاد السائد بأنه لا حياة انسانية بدون الاخلاق . انكم لا تلاحظون اي اثر للأخلاق في عالم الحيوان . وكل حيوان يقتصر اهتمامه بنفسه وكيفية انقاذ نفسه من المخاطر . وان حدث ان شاهدتم وجود بعض الاهتمامات والمراعاة لدى بعض الحيوانات لابد ان تعلموا بان مصدر ذلك واساسه هو الغريزة وليس التفكير . ان أهمية الاخلاق في الاسلام تصل الى الحد الذي عبر عنه رسولنا الاكرم (ص) بأن السر في بعثته كامن في هذا الامر حيث قال صلى الله عليه واله وسلم ( انما بعثت لاتمم مكارم الاخلاق ) وكما جاء في ذكر اخلاق الرسول وما أدبته الآيات القرآنية ( وانك لعلى خلق عظيم ) . وعندما نقف على وصايا القرآن والسنة نجد ان جانبا مهما منها .
________________________________________
ويقولون الأدب فضلوة عن العلم ويمكن الوقوف على اهمية وضرورة الاخلاق والتربية الاخلاقيه بشكل افضل واجلى عندما نصطدم بأفراد لايتمتعون بالاخلاق والتربيةالاخلاق بمعنى مجموعة الضوابط المتحكمة بالسلوك يجب ان تراعى كما ان مسألة التحلّي بالقيم والفضائل الاخلاقية في مجال الاخلاق مطلوبة
ومن فقد الاخلاق والادب (فقل ان لم تستحي فافعل ماشئت)..........................وسلامتكم

doly
24-04-2010, 01:56 AM
ياحليلك يامريخنا

انا لابشجع المريخ ولا الهلال بس بتعاطف مع المريخ لمن يلعب مع فرق خارج السودان

واخونا حاتم عديل من الفرحه هاينوم نومة اهل الكهف ........ويحليلك يامريخ

غنت لك العجله ومافيش فايده واخونا حاتم ياخذ النتائج لاسلكيا ويقول ثلاثه ويضحك

ياحليلك يامريخ شوف حظك وبدل العجله لعلي وعسي.......................وسلامتكم

doly
24-04-2010, 01:50 PM
الاخ عكاسيه وينك الايام دي لعل المانع خيرا غايب عن الساحه

doly
24-04-2010, 01:54 PM
ترحاب شديد

اهلا بك يا محمد احمد شوك والله منور البوست وكيف الاهل بالحاج يوسف

وعملت ايه في الابتوب الايرلندي بس نصيحه لاتفرط فيه بس زيد الرامات

لانها نوعيه جيده........................وتحياتي

محمد احمد شوق
24-04-2010, 02:14 PM
السلام عليكم
بوست سرعته 280 حصان - مرسيدس بنز - عديل
عيني باردي وماني حاسد ////وربنا يتم المقاصد
اولا يا عوض علاق شايفك البوست الاول بعد دخولي تشابه عليك البقر بيني وبين الوالد - متعه الله بالصحة -
يا عكاسية عمك عوض علاق جاي من الكرسي المسخن مطشش بقي يشوف محمد احمد شوق احمد شوق- فيقوم بحذف المسمي الاول والتاكيد علي ما بعده
تحياتي لك فالاول اساسه الثاني لم تذهب بعيدا_____ وللتاكيد علي شخصيتي سازكر لك شي واحد يا علاق كلمة سر _ الفيس بوك__ هههههههههه تاكدت الان من شخصيتي صح؟؟؟
العزيز جدا صلاح دولي - ما زلت محتفظا باللاب توب اياه ولن اتخلي عنه ونصيحتك غالية ومن شخص خبير
تحياتي لكم وارجو ان تعزروني فانا الان اقوم بالقراءة فقط حتي اكون علي الدرب
وما ابقي زي الاطرش في الزفة
العزيز عكاسية افتقدك كثيرا يا مرتضي لكن يبقي الود دائما
قنديلاب دائما ودائما ودائما اقرا لك وانا استحضر في ذهني جميع ما قراته في اللغة العربية ليكون زادا للفهم - وعندما اقرا لك يبتعد عني مرض الملل
تحياتي لكم وفردا فردا ستاتي التراحيب

doly
24-04-2010, 03:07 PM
في انتظارك

والله يا محمد شوك نحن جميعا في هذا البوست ننتظر مشاركتك

فنحن شغوفين بقراة ماتكتب وانا ا عرف مشغولياتك في العمل لكنك ان شاء الله

مابتبخل علينا بودك.................مع تحياتي

doly
24-04-2010, 03:18 PM
منتظر شــــــنو

الاخ عوض علاق الكرسي الساخن ذهب بلارجعه وناس البوست هنا ماشاء الله زي ماقال

محمد شوك سرعه 280 حصان علشان كده بنقول ارمي الكرسي من بلاكونة العماره

بس اعمل حسابك تنزل علي رؤس الناس بعدين يطالبو بتعويض عن الكرسي وليس الرؤؤس

حيث ان الناس الايام دي بلا روؤوس و دايشه شــــــــــــــــــــديد ............................وسلامتكم

عمر مصطفى
24-04-2010, 03:50 PM
سلام وترحيب حار للذين انضموا مؤخرا للبوست ..قبل ما يقولوا تعال يا عمر مصطفى
ورحب بالضيوف ...نداء مستفز تعال يا عمر مصطفى وشوف عرسان زمان...حيرني
هذا اللعين الذي يكتشف امرئ حتى لو دخلت مقنعا باسم زائر...ومما يزيد حيرتي
بان الليبي الذي اتعامل معه ماديا على مدار اكثر من عامين ونوقع في ذات الورقة
بعد تدوين اسمي بالكامل الى الآن يقول لي كيف حالك يا انور ...!!!!!!!!!!!!!
علاقنا ...كان يعود مرارا وتكرارا على اثر قدميه ليقول ما جادت بها قريحته....
وعيبه انه كان يعود بعد ان تنسى امره تماما ليخرج ما يغلي في جوفه فعلا لا قولا اذا كنت
قد نعته بلقب كان يزيد من حرارته احيانا الى درجة الغليان............
كانا سويا يتلوان ما تيسر من آي الذكر الحكيم داخل اروقة مسيد الشيخ هارون..كان
المغدور عليه جالسا على ركبتيه وممسكا باللوح سابحا في ملكوت الله ..اخرج صاحبنا
الموس الذي يستعمله لبرآية قلم القصب ..لا ليسطر نونا..بل ليسطر فخذ صاحبنا المغري
امام ناظره..الذي ربما كان يتلو قول الله عز وجل ( ولا تنابزوا بالالقاب بئس الاسم الفسوق بعد
الايمان ) وضع الموس على بداية الفخذ ضاغطا في خط مستقيم نحو الركبة قائلا انت قلت لي
اليوم داك شنو..( ار من تن يوم ايقي منوووويكن ) اريقت دماء غزيرة على الجانبين ما بين همزة
ار... ونون... منوووويكن..لتبقى العلامة شاهدة حتى اخذ الله امانته ..اللهم اغفر لنا جميعا وتولنا
برحمتك وسامحنا.. لكل من له حق علينا........

AwadAllaq
24-04-2010, 04:14 PM
يا خوانا : كدي قولوا لي حبيبنا عمر مصطفى ده براحة علينا
واحدة واحدة
وشوية شوية
خلينا نفهم الاول وبعدين نمشي للتاني
ابو حازم قال ما قادر يفهم كلامو
بيقراهو مرة واحدة افتكر
بس والله حاولت اكرر ثلاثا
ويمكن طلعت بي 50% ومتاكد انو صلاح دولي بيطلع بي ولا شي !!!
هو صلاح دولي قايل السماء الاحمر زي ناس الكلاكلة والحاج يوسف وام ضوابان
هيتستوعب دا ؟
والله ما ظنيت
المعركة انتهت والناس هدو شوية ( بكسر الهاء ) وصاحبنا ولى الادبار - على الاقل من البوست
بس والله كنا بنفتكر انو كبيرنا لمن يصفعنا على الخدر الايمن انو بندير ليه الايسر
بس عمرنا ما اتوقعنا الشي الحصل
وحقك علينا يا ابو اشرف
وعشان خاطرك تهون مقاصر باكمله
وسعيت للخير وجزيت شرا
ومقاصر كلها كرامتك يا راجل يا طيب اللي بالكاد ينسمع صوتك لو سمعناهو
واحمد اللي بقى حاج احمد خطوة ما بطالة بس الناقص ينتم وما عندنا عوجة وما عندنا شي جوانا كعب
ولازم العفو والصفح يكون الديدن
حبيبنا محمد شوق
والله البال كان مشغول
وشوية هنا وشوية هناك
والشغل
والجوال اللي ما كان راضي يسكت
والثابت وصوته المزعج
وحصل خير وان شاء الله تكون وصلت الرسالة للوالد
والله كل ما اتذكره اتذكر رقدته في صالة الجمعية بعد الجية من الشغل
بس يغير ملابسه ويخش في العراقي ويجي ياخد الرموت ويجيب الاتجاه المعاكس او برنامج احمد منصور
ويحط التكاية تحت راسه وما يتحرك وما يتكلم مع زول لغاية ما يفرشو الجرايد ويحطو العشاء
وما يشتغل الشغلة بجوطة عبد الاله تلول وعمك اسماعيل ودمي اللاعبين الجر زي ناس عمك عثمان فلاته وعمك اسحاق عبد الحفيظ في جدة ( متعهما الله بالصحة والعافية ) رموز الساب بجدة وبنجيهم راجعين لو مد الله في الآجال

ومعليش كنا مشغولين من الصباح ويا داب فضينا بس عثمان علاق ( رحمة الله عليهو ) مات وبنجيكم كل ما نفضى
ح

عمر مصطفى
24-04-2010, 05:46 PM
مش للدرجة هذه يا ود علاق ..استعينوا بالصبر.....ثم بالاخ قندلاب...
وبمناسبة ما بين الهمزة والنون..اليس بالامكان معالجة ما بين الياء والراء والصاد والراء
في جزيرة مقاصر..لانها كما اسلفت انت يا ود علاق يتبقى اسم ( جزيرة ) فقط عنوانا
للبوست في قائمة اكثر المواضيع مشاهدة وقائمة آخر المشاركين.........
جاء.. صاحبنا مرارا عندما نعته عصر ذلك اليوم الذي سبق يوم العيد ...ولم يتمكن من
مقابلة الوالد الراحل طيب الله ثراه ليقدم له شكواه حتى ارخى الليل سدوله ليضرب
موعدا لم يكن بحسباني عندما جاءنا بالدقش ونحن نجهز في الدبلان المكوي وآخر صيحة
في عالم احذية الصندل....استعدادا للصلاة وبهجة العيد ..اصابني الخجل عندما تناهت
الى مسامعى فحوى شكواه في ذاك اليوم الاغر التي تتصافى فيها النفوس....وكان والدي
اكثر خجلا واحراجا مني ايرضي ضيفه القادم وينزل عدالته على الشقي الطائش ام يضرب
موعدا آخر لجلال وعظمة المناسبة يحاسب فيه ابنه المدلل ....واختار هذا بعد ان طيب خاطر
الشاكي بعبارات تليق بعظمة ذلك اليوم ..تنفست الصعداء وحمدت الله على ذلك......
انا ما قلت ليكم....( اي ويكمدي ) بطنه غريق يغلي وما بينسى..بعدها بايام كنت العب كرة
الشراب مع الرفاق ..كنت احرس المرمى وانا بحاجة الى من يحرس ظهري في ذلك اليوم
وخاصة انني رايته متسلقا نخلة في الجوار وبينما انا منهمك في متابعة الكرة التي تتناقل
بين الاقدام وجدت نفسي خارج منطقة الجزاء بضربة يسارية على قفاي ...بين الوعي واللاوعي
سمعته يقول ( ار ايقي منووويكن ) وحمدت الله بانه لم يكن موسا..وكانت ضربة واحدة وبقوة
الشباب اكملت رحلة الاندفاع الذي بداه هو بقبضته اليسارية........

أبوحازم
25-04-2010, 12:34 AM
حبيبنا عمر مصطفى ، فى شطر رحلت بنا للدوحة ، وفى سطر رجعت مسرعا لمقر إقامتكم بالجماهيرية العظمى وأنا أذكر جيدا فى مقال سابق لك حكايتك مع الصراف والذى ليومنا غير مقتنع بالأسم الحقيقى لكم ، وقبل أن نجمع أنفاسنا رحلت بنا للزمن الجميل فى أرض الأجداد والقصة المروعة لصاحبنا المرحوم والذى أخذ جزاه فى الدنيا وبفخد مجروح وقلب سليم لقى ربه.
وفى المقال التانى عن الزمن الجميل وربك ستر مابقيت فى خبر كان ، بس عندى سؤال ليك ؟ هل كان البطل فى الفلم الأول هو نفسه فى الثانى ؟ هو كان لديه لقب يزعجه ، ثانيا كان زول ( أشول ). ورجاء ياعمر أكتب لينا حكاياتك بالأسامى أى أسامى الشخصيات.
ياأخى المرة دى حاولت وأصريت إنى أطلع بشئ من إبداعاتك ، إستهلكت زمن كتير وطلعت بالقليل بس ماأكون راكب بالغلط.
أما سؤالك عن ( التركينج ) السويدى ، جبت ليك الأجابة لسؤالك من أخونا أحمد فضل ، قال الإختلاف فقط فى أن فى بلادنا الناس تأكل فى صحن واحد ، بينما هنا الناس تاكل كل واحد فى صحن براه وبالشوكة والسكين.
مرحب بيك مجددا أخونا الغالى محمد إبن الغالى الخال أحمد شوق فى دارك ووسط أهلك ، ونستغل هذه المساحة لأقدم لك خالص شكرنا وإمتناننا لك ولوالدك وأخوانك لوقوفكم بجانب والدتى طوال الفترة الماضية وموءاذرتها فى مرضها ، نسأل الله الشفاء التام لوالدتى ، وجزاكم الله عنها خير الجزاء ، وفى ميزان حسناتكم إن شاء الله

مقاصراوي
25-04-2010, 01:44 AM
ماشاء الله البوست منور بالوجوه الجديدة ومن هنا أرحب بالجميع ونأسف مرة أخرى على هذا الانقطاع الاجباري. أنا برضو لاحظت إبداع الاخ عمر مصطفى منذ الوهلة الاولي وإبحاره بالقاريء إلى جميع الاتجاهات وهذه الطريقة من الصعب إجادتها وهي أشبه بطريقة الاستاذ / جعفر عباس الذي بيدأ بموضوع واحد ولكنه متشعب شريطة أن الا يخرج من لب الموضوع ومضمونه . فالاخ عمر وبقية العقد الفريد هم إضافة حقيقية لهذا البوست . بس رجاءا ختوا الكورة في الواطة وصفوا القلوب لاني لقيت شوية مشادات لا داعي لها ابداً فنحن إخوة في الاسلام وفي وطننا الصغير ( مقاصر ) .

احمد عثمان
25-04-2010, 12:25 PM
بس عمرنا ما اتوقعنا الشي الحصل
وحقك علينا يا ابو اشرف
وعشان خاطرك تهون مقاصر باكمله
وسعيت للخير وجزيت شرا
ومقاصر كلها كرامتك يا راجل يا طيب اللي بالكاد ينسمع صوتك لو سمعناهو
واحمد اللي بقى حاج احمد خطوة ما بطالة بس الناقص ينتم وما عندنا عوجة وما عندنا شي جوانا كعب
ولازم العفو والصفح يكون الديدن
والله ياعوض سعيد كلامك جميل بس انا بختلف معك في حتتة العفو ،العفو يكون للشخص الانسان المحترم عندما يبدر منو شي . والله الكلام بالواضح كده الزول ده لو ما اعتزر لابو اشرف على الملا وقدام الناس كلها نحنا عندنا تصرف معاهو تاني وزي ما قلنا الا يخلو اليوم الاسري ولا يعملو وما يجي لكم العزر اخواني في المنتدى على هذا الاسلوب .
وتاني حاجة انت عينك للفيل تضعن في ضلو الزول ده عوض سعيد جاو في الرياض زاق منو وانا والله اشهد على ذلك وتاني جاك في الكرسي الساخن ما قدرتا تنطق بكلمه واحدة ياربي انت ابواشرف ما قاليك في كرسي ساخن برضو اشان كده زعلان ولا شنو؟؟؟؟؟؟؟؟؟؟؟؟؟

عمر مصطفى
25-04-2010, 02:20 PM
الاخ ابو حازم نرجو المعزرة لو تعابناك .....وبعدين شن نديرلك الله غالب..؟؟؟؟
اخي العزيز انت راكب صح مئة بالمئة...لكن اول مرة نعرف انك بتبحني لهذه الدرجة
تقول بعضمة لسانك القصة المروعة..واني ما بقيت في خبر كان بعد مغادرتي لمنطقة
الجزاء ....وبعد هذا تتطلب مني ذكر الاسماء ...العمر مش بعزعة يا اخوي......
هو نفسه وبذاتو انتظر المعتدي عليه قولا لدى الباب لينال منه فور مغادرته اسوار البيت
مل الانتظار وجاء بالشوك غالقا باب البيت تماما بحيث لا يتسلل منه حتى الفار....وغفل
عائدا الى بيتهم ..في اليوم التالي جاءت ام المعتدي شاكيا مما بدر من ابنهم ..استقبلتها
ام صاحبنا باريحيتها وبساطتها المعهودة خير استقبال قدمت شكواها على استحياء ..ولدك
غفل بابنا بالشوك ...ردت عليها دون تفكير لانها كانت تعلم ما دار بالامس ..ولدك غلطان لانو
قال لولدي ...وولدي غلطان لانو غفل الباب بالشوك..وقضي الامر ..ووضع موازين القسط..
ابتسمت الشاكية ....وتناولا فنجان القهوة ...وتواعدا عصرا لزيارة المصرواي الذي قدم بالامس
من بلاد الغربة....وفي الخارج لم ولن تنتهي السجال والمطاردة بين صاحبنا واولئك الشياطين
من الانس.........

عكاسية
25-04-2010, 04:35 PM
صبرا أبو أشرف والله ما عهدناك إلا أبا كريما وفاضلا مترفعا عن صغائر الأمور
دعوة للرواد التوقف عن الكتابة في هذا البوست لمدة أربعة وعشرين ساعة ، حدادا على الإنحطاط وتردي القيم والأخلاق ، عسى ولعل أن يتعلموا كيف نحترم أبائنا ، والما عندو كبير يشتري كبير ، ونفخر بأنك كبيرنا
و حتما سنثأر لكرامتك قريبا عمي أبو أشرف

doly
25-04-2010, 11:18 PM
ياخســـــــــاره


.ياخسارة علي من لايعرف طريق الاحترام .بسرعه عدل نفسك قبل ان ينفض الناس من حولك
نعم ينقصنا الاحترام في تعاملاتنا كثيراً ، وهذا الاحترام قد يأخذ صوراً كثيراً منها احترام الناس ، واحترام الوقت ، واحترام الوعود .. والقائمة تطول ولا يعذرنا أن توفر خصال أخرى في مجتمعنا ( اصلاح ذات البين ! ) أننا نتخلى عن هذه العادة المهمة .
الاحترام يعني باختصار أن نكون ” أكثر إنسانية ” أن نطبّق ” عامل الناس بمثل ما تُحب أن تعامل ” . ونتائجه سحرية ولا تأتي إلا بخير
لا بد من تعليم بعض الفئات معنى الاحترام و الذوق في الكلام و التعامل …
لا يخفى على أحد ما تحقق للناس من تمدن وتحضر واستقرار وتعليم ورفاهية , مما يستوجب الحمد لله والثناء عليه , لكن من المهم ألا ننسى أن لدينا شواهد كثيرة على أن (عدم الاحترام ) وما يصحبه من التلفظ والرد
علي من هو اكبر منك عمرا تندرج تحت سياق التربيه
وعدمها

أشبه بالفيروس الكامن كي نحمي مجتمعاتنا من الانحطاط والعدوان . إن الله – تعالى – وجهنا إلى شيء عظيم , يرسخ فضيلة الاحترام حيث قال : ( وَقُولُواْ لِلنَّاسِ حُسْناً ) .
, توقعوا من بعضهم احتراماً أكبر ولطفاً أعظم , ولهذا فإن علينا جميعاً أن نكون دقيقين في تعبيراتناوتصرفاتنا حتى لا يؤذي بعضنا بعضاً من غير قصد . القاعدة الذهبية في هذا هي أن نخاطب الناس بالأسلوب الذي نحب أن يخاطبونا به , ولو أننا عملنا بهذه القاعدة لتخلصنا من كثير من مشكلاتنا الاجتماعية , وما أجمل قوله صلى الله عليه وسلم : ( يؤمن أحدكم حتى يحب لأخيه ما يحبه لنفسه
الاحترام واجب علي كل فرد لكن هناك من الاشخاص الذين لايعرفون معني التربيه ومن هنا يصعب علينا التعامل معه ولكن الخطأ الاكبر والداهيه الكبرى من
من يري هذا التطاول وعدم الاحترام ويظل صامتا
(الساكت عن الحق شيطان اخرس) وكلام الاخ عكاسيه
واحمد عثمان في محله .كيف نكون اسرة واحده بجوار
اناس لايعرفون الطريق الي الاحترام ياخونا في ابسط الامور في حياتنا نتبع سبل التقدير والاحترام و

إلقاء السلام على من نلقاه في طريقنا , والتبسم في وجهه , وسؤاله عن حاله , والاعتذار إليه عند الخطأ والمسارعة إلى مساعدته في ساعة ضيق أو كرب , والثناء على أعماله الحسنة … كل ذلك من الأمور التي تعبر عن الاحترام والاهتمام .

احذروا ياخوناالتكبر على الآخرين وإهمالهم والاستخفاف بهم , وقد أحسن من قال : إن المتكبر مثل الصاعد في الجبل , يرى الناس صغاراً , ويرونه صغيراً ! كأني بالمتكبر ينشر معادلة الاحتقار المتبادل , على حين أن تعاليم ديننا توجهنا إلى أن ندعم قاعدة الاحترام المتبادل وقاعدة الاهتمام المشترك . نحن جمعياً في حاجة إلى أن ننمي في نفوسنا مشاعر ( الاستحياء من الذات ) ؛ لأننا حينئذ سنقوم باحترام الناس وتقديرهم ؛ وعلى رأسهم الأبوان والمعلمون وكبار السن , ومن لهم أيادٍ بيضاء في خدمة الناس كما فعل ابو اشرف حفظه الله الذي كان يحاول اصلاح ذات البين والإحسان إليهم , وفي خدمة ناس بلده ورفعة شأنها , وقد قال صلى الله عليه وسلم : ( ليس منا من لم يجل كبيرنا ويرحم صغيرنا , ويعرف لعالمنا قدره ) . وقال : ( إن من إجلال الله إكرام ذي الشيبة المسلم , وحامل القرآن غير الغالي فيه , ولا الجافي عنه , وإكرام ذي السلطان القسط ).


1- من أراد منكم أن يكون محترماً جداً , فليعامل الناس على أساس قيم واحدة ؛ لأن الشخص المهذب اللطيف الكريم , لا يستطيع أن يتلون في سلوكه , ولا أن يلقى الناس بوجوه متعددة , إنه يكرم الجميع , ويصبر على الجميع , ويحاول فهم الجميع , ويعمل على مساعدة الجميع , ولهذا فإنه محترم ومقدر من قبل الجميع .

1- احترام الناس يعني فيما يعنيه احترام اجتهاداتهم واختياراتهم وأذواقهم ما دام ذلك في إطار المصلحه
. نشكرهم علي مجهوداتهم وتعبهم من اجلنا نحن ابناء مقاصر


2- للاسف اذا كان هناك اناس سمعوا ذلك ولم يحركو ساكن فأن الخطا
سيستمر مع اخرين والله علي ما اقول شهيد ................وسلامتكم

ابو اشرف - مقاصر
26-04-2010, 11:55 AM
المعركة انتهت والناس هدو شوية ( بكسر الهاء ) وصاحبنا ولى الادبار - على الاقل من البوست
بس والله كنا بنفتكر انو كبيرنا لمن يصفعنا على الخدر الايمن انو بندير ليه الايسر
بس عمرنا ما اتوقعنا الشي الحصل
وحقك علينا يا ابو اشرف
وعشان خاطرك تهون مقاصر باكمله
وسعيت للخير وجزيت شرا
ومقاصر كلها كرامتك يا راجل يا طيب اللي بالكاد ينسمع صوتك لو سمعناهو
واحمد اللي بقى حاج احمد خطوة ما بطالة بس الناقص ينتم وما عندنا عوجة وما عندنا شي جوانا كعب
ولازم العفو والصفح يكون الديدن

كتب احمد عثمان
[quote]والله ياعوض سعيد كلامك جميل بس انا بختلف معك في حتتة العفو ،العفو يكون للشخص الانسان المحترم عندما يبدر منو شي ./quote]

عوض علاق العملاق .... لك التحية والتجلة
نحن دائما ديدنا العفو والصفح ولكن البعض يراه ضعفا وخوفا منهم وبعض الناس يري نفسه كبيرا عندما يكون من حوله صغارا وإلا لما السكوت عن الحق وهم يرون من يتطاولون على احد افراد اسرتهم بالسب والذم وهم لا يتحركون ساكنا كانما على روؤسهم الطير او كانما الحجاج بن يوسف يقف على روؤسهم ومن رفعه فان نصيبه القطع.
اخي الصغير او ابني العزيز احمد عثمان وابني العزيز عكاسيه والاخ العزيز دولي لكم التحيه ولي عوده ان شاء الله

ابو الايتام
26-04-2010, 01:01 PM
اخواني احبتي في الله
كل منا يعلم كيف كانت طرق الحوار في النقد والنصح في السيرة النبوية المطهرة
وماورد الينا عن السلف الصالح.
وهذه الابيات للامام الشافعي رحمه الله نبتدي بها موضوعنا:

تعمدني بنصحك في انفرادي
وجنبني النصيحة في الجماعة
فإن النصح بين الناس نوع
من التوبيخ لا أرضى استماعه
وإن خالفتني وعصيت قولي
فلا تجزع إذا لم تعط طاعه

اخواني واخواتي
من الاساليب الخاطئة ان ننتقد قريب او صديق او اي انسان كان مباشرة وامام الملأ فهذا النقد والنصح لانرضاه
لأنفسنا فكيف نرضاه للاخرين ،ومهما كان موضوع النقد سواء عام او مايخص الدين ولوكنا على صواب فلايجوز
ان نتقدم بالنقد والنصح المباشر وباسلوب خالي من الحكمه والانسيابية في الكلام
فما بالكم اذا كان هناك تهجم بشكل سافربشكل مباشر دون اي مقدمات او مبررات فتلك مصيبة واي مصيبه .
وبنوع من انواع التهجم والتوبيخ والاعتداء وامام الملأ بل وكانه ضربة قاضيه من اندر تيكر في الحقيقه ما حدث امامي افقدني التوازن فكيف بحال ابو اشرف الانسان القامه الوقور الرجل ذو الاخلاق النبيله الرجل الشهم
الرجل الذي سعي للاصلاح بحسن النيه وطيب النفس ورجع بتهمه واي تهمه تهمة ايثارة الفتن .
تناقض عجيب وقريب بعيد عن المنطق والعقل كلام مردود علي اصحاب التهمه ومن حوليه الذين اتعجبت منهم اكثر ما احد حاول يقول كلمه حق او يطيب خاطره او ابدأ اسفه او حاول ان يجمعهم في احدى الغرف .
في حقيقه الامر ما حدث من تصرف امامي في تلك الليله فهو بعيد عن الانسانيه وبعيد عن الاخلاق واحترام الذات وتقدير الكبار وبعيد عن التربيه وبعيد عن الانسان السويه بعيد عن الانسان المسؤل.
فهناك منا من يريد الخير بالنصح والنقد ولكن يقع في خطأ كبير ويتسبب في قهر الطرف الاخر فكيف اذا كان تهجم امام جمع ووجود ضيوف ومناسبه سعيده .
ما قام به هذا الرجل لن يطفي نارنا حتى يكون اعتذار علي الملأ وهذا يعتبر اقل شئ
ومن بعد ذلك يتم النظر.
وبهذا التهجم المشين بهذا الفعل في حقيقة الامر انت من اديت الي الفتنه بل شعللتها .

نحن ننتمي لخير امة وخيارنا الوسط وامتنا امه مثقفة نهلت وتنهل من المدرسة المحمدية.
وبعد ماذكر اعلاه لدي سؤال هل هذا هو الرجل الذي اخترناه علشان يكون بلسم للجروح والجروف ولملمة الناس علي الخير والرفع من شان مقاصر وانسان مقاصر؟

مثل ما قلت يالحرف في ابيات الامام الشافعي
تعمدني بنصحك في انفـرادي
وجنبني النصيحة في الجماعة
فإن النصح بين الناس نـوع
من التوبيخ لا أرضى استماعه

فان كان لا بد من نصح للاخرين او هناك اختلاف مع الاخرين تريد حسمها فإنها تكون بحكمة ورويّة

وبأسلوب محترم وراقي
لا بتهجم وتهديد ووعيد
بل بتروي ولين


ودمت بكل خير

أكاسمار
26-04-2010, 02:13 PM
لتحية لكل مقاصراويي هذا المنتدي ... والتحية لكل من رحب بي وبكل الاعضاء الجدد .. الحقيقة بقينا عندنا عدم حماس من دخول منتديات مقاصر لحين إنجلاء قيوم الدهشة والإستغراب مما سمعنا وقرانا .. وبالتالي حبينا نتواصل مع مقاصر منتديات دنقلا ولكن برضو شكلها حتتشكل قيوم تانية لو عرفت إنو اشخص البتتحدثو عنه أحد الأشخاص المشكلين لقيوم الإستغراب في منتدي مقاصر .. عشان كدة احسن لينا نكون في كوبا والقمح والمكادة والويكة العايزة موية والبصل القرب ياخد آخر موية .. والبنطون الواقف والموقف حال ناس البلد الايام دي...

doly
26-04-2010, 02:53 PM
لا تستغـــــــــــربوا

الله أعلم دخلت ( البوست في الفترة الصباحيه ( واحد مسجل الدخول باسم الحبشيه)

يقراون ويخرجون) ثم يدخلون مره أخري باسماء اخري ويقراون ويخرجون بمثل مادخلوا

اما في منتدي مقاصر يحظرون دخول لمن يريدون ويسمحون لمن ارادو وبوست مقاصر (بمنتدي دنقلا)

مفتوح للجميع علي العموم ادخلوا بأسمائكم المستعاره واقراوا ماكتب في هذا البوست

فأعضائها اشخاص لهم المقدرة علي رفع شأن هذا البوست لانهم ناس خيرين وأقلامهم

تعرف ماتكتب ولسانهم تعرف ماتقول وقلبهم مفتوح لحب الاعضاء بالاحترام المتبادل

وعليه لاضرر علينا بدخولكم نتركها مفتوحه لكي تتعلموا كيف نعامل بعضنا البعض بالاحترام والود ادخلو وتفضلوا الباب

مفتوح .......بس لاتغلقه وانت داخل اتركه مفتوح ليدخل زميلك وغيرك

.................................................. .....................وسلامتكم

تنويه من يومبن حاولت الدخول لمنتدي مقاصر بنفس الاسم والباسورد لم افلح علي العموم نحن هنا

doly
26-04-2010, 03:03 PM
الي الاخ محمد سعيد علاق

ارجوا منك البت في الموضوع براك شايف اللي حاصل وأظن قرأت (لاتستغربوا) فكل اعضاء هذا البوست

يستحقون التكريم .....................................وسلامتكم

ودمقاصر
26-04-2010, 10:59 PM
السلام عليكم ورحمة الله وبركاته يسعدني ويشرفني ان اكون معكم في ربوع مقاصر؛؛؛؛؛؛؛؛انا اياس عبدالمجيد حسن مختار _السكن مقاصر _طالب بكلية الطب جامعة دنقلا المستوي الخامس

doly
26-04-2010, 11:11 PM
مرحبا بك اياس عبدالمجيد حسن مختار اهلا وسهلا انك بين اخوانك في هذا البوست الذي يجمعنا

جميعا لهدف واحد هو التواصل بيننا ونرحب بك واقامه طيبه وانه لشرف لنا بنضمامك للبوست(مقاصر

.................................................. .....وسلامتكم